كنت زعلانه

انا كنت زعلانه قوي علشان مفيش حد بيرد لي الزياره والكل مطنش مدونتي ॥فكتبت عتاب بعبر فيه عن مدي
غضبي الشديد ...ولأن عزيزتي الدكتوره نورهاتي صاحبة مدونة صعبان عليه حالنا تركت لي تعليق توضح فيه
إن السبب المؤكد هو الإمتحانات ....ولأن لها معزه خاصه عندي فقد قررنا نحن وفاء بركات بالسماح المره دي
لكن المره الجايه لايونكن ابدا اتنازل وأصالحكم .....
يارب إن تنجحوا وتحصلوا علي تقدير وتلاقوا شغل ...ومستقبلكم يكون كله خير إن شاء الله....
اعزائي ...
عندي مشكله حين الرد علي تعليقاتكم الماوس لايستجيب .....أرجو أي حد يعرف حل لهذه المشكله ان يتفضل مشكورا
بالإفاده ..... وجزاه الله عني خيرا
يارب تكونو جميعا بخير وبصحه جيده تمنياتي للجميع بالتوفيق والنجاح والسعاده

أحمد حبيب تته كبرهيههيه ...

।تته فرحانه بيه رب يخليه أحمد بص علي ببته।

... وضحك لي ممته وشاور لجده أحمد عاوز حاجه يكلها هم॥

..... في بقه بقه نونونونوأحمد عاوز بسكلته

مساء الفل

مساء الفل علي جميع المدونين ॥ اللي باين عليهم مني زعلانين ॥هاجرين مدونتي لاصباح ولامسي ولاكلمه كويسه

أوعوا تكونو زعلانين ومني غضبانين ... طب مدام مش زعلانين ولاغضبانين طب ليه ليه مطنشين وودن من طين وودن من عجين

لعل المانع خير إن شاء لله انا بس حبيت أبعت عتاب بلوجاتي ولو أعرف عنوانكم كنت جيت لحد الباب ياخواتي.....أنا بتونس بيكم وبحب

أشوف تعليقاتكم عندي ॥كده بقي تبقي شحاته وأنا كرامتي متسمحش ..... أنا حبيت أقول لكم انتو وحشتوني جدا ...وأتمني تكونو كلكم بخير خالو أحمد ...صعبان عليه حالنا ॥ أجمل إحساس ...جميز ...وائل .....المنزلاوي.... مصري نايم॥أجمل من كل

البشر ॥ صلطح ... شاركني الصراخ...أبو عمار

مع الإعتذار لإنشغالي الفتره الماضيه عن زيارتكم لعدة ظروف متتاليه والحمد الله علي كل شيئ ...

لكم مني كل تقدير وإحترام ।

والسلام عليكم ورحمة الله وبركاته ،

مالك ياأبن أدم

مالك ياأبن أدم بالدنيا مبهور

وانت فيها ضيف نهم غير شكور

بتدخلها بتأشيره علي الأكف محمول

وبتخرج منها علي الأكتاف منقول

لدار بقاء فرشك تراب جوه كفنك محشور

انت وعملك ياقبرك كان ظلام أو نور

علي السراط تسير لقدرك كما في كتابك محفور

تتمني رحمة ربنا وانت العبد العاصي المغرور

في الدنيا إفتريت بمالك وعزوتك ومكان لودام

لغيرك مكنش وصل ليك واهه جه عليك الدور

وعرفت إن الدنيا يوم تدوس عليها وأيام تدوس عليك

مهما عشت فيها في ثانيه بتبقي مرحوم أومجحوم

في الدنيا كنت بترتعش قدام وليك إما منافق أو مقهور

حتعمل أيه يامسكين قدام رب العلي في يوم كل عن

نفسه مسئول

عاري الكل بيهرب منك ماهو متنيل زيك وبان المستور

أعضائك راح تشهد عليك مفيش لاكدب ولا زور

عيش ياأبن أدم في الدنيا باللي يرضي الله والرسول

تقابل ربك متطمن فرحان لأنك عنده مقبول

عارف موضعك بالجنه ظافر برحمة ربك ومنصور

ويا قارئ الأبيات عذرا إن كان نظمي لها مكسور

الخِل الوفي

جاءت الكلمات من قلبي عبر يدي تأثرا بقصة الورده الحمراء من مدونة صعبان علي حالنا التي أعشق التجول في صفحاتها لأنهل منها المعلومه القيمه وأزداد منها دنيا ودين حفظ الله من سطرتها وجزاها عنا خيرا

الخـــــل الوفــــي

قصه جميله لروض وخميله لشاب يبحث عن خليله

فلما وجدها نسي بلبلا صاحبه اياماطويله

رغم ان البلبل ضحي تضحية جليله

لم يقدرها الشاب فكان ذنبا يستحق عليه غدر الجميله ..

।التي باعت نبضاته بقروش مهما كانت فهي قليله..

।ماأجمل ان يعيش المرء في الحياه مع خل وفي

...قلبي عليك عصفوري دما ماأحوجني

لمثلك بين الربوع نبحث عن قلوب من الغدر عليله

نطيبها وتعيش معنا في دنيانا التي هجرها الحب فأصبحت كليله .

॥ماذا يفيد نحيبي وأماني بعد ان فاضت روحك

فلك مني الف ورده حمراء مثلك جميله...

انا حره

انا حره

آعدلا ان يكون قلبك قضبان

ويصبح حبك سجان

إطلقني اشدو بصوت رنان

اعزف علي قيثارة الحريه أحلي الألحان

تشنف اذناي ويزغرد قلبي الريعان

اتصبب فرحا ازداد حبا وحنان

إطلقني اشعر بوجودي حره في صحوي ومنام

إطلقني لاتخرصني فصمتي ليس بضعف

إن كونت بكوني فضلت الكتمان

علي ظلم كتبته علي الأيام

فلأن لك مني أبلغ الكلام

لاتندهش ।وتفغر الفاه !

لقد تحدثت طويلا لك ان تسمعني الأن

انا لن ارضي بحب يقتلني وأكره القضبان

لاتطعمني عسل مخلوط بسم الشك

يامن محوت من قاموسك الصفح والغفران

انت الأن ذكري وغدا ستكون في طي النسيان

لاتركض خلفي لم تدركني فخطايا أوسع من فكرك

فأنا في زمني وأنت من زمان

إستهواك صمتي احببت ضعفي

طمعت في كرمي لكن لن أرضخ لك وليس علي الإذعان

وعندما فاض الكيل وطلبت حريتي قلت اني للجميل نكران

فأنا خلقت حره أدافع عن كوني بعقلي وبالحجه والبيان

فانا لن انحني لاأطيق الأصفاد وكلام يحمل معنيان

الوضوح غايتي ॥أقبل النصيحه أو يد تمتد ليدي تريد الأمان

فأين انت مني الناس الصالح والطالح

منهم عندك سيان

إطلقني انا حره أريد ان أشدوا نشيد الحريه لينعم الوجدان

فأنا في زمني وانت من زمان

سأفتح الباب بيدىوأنطلق وأتنسم فل وريحان

انا حره انا حره أنا إنسان

الفتاة التى قصت شعرها من أجل الحجابخطوة غير مسبوقة بالمدارس الفرنسية قامت تلميذة فرنسية من أصل تركي بحلق شعرها كلية؛ احتجاجا على منعها من الدخول محجبة إلى مدرستها بمدينة ستراسبورج بمنطقة الألزاس شمال فرنسا।واعتبرت الفتاة هذه الطريقة "الاحتجاجية" بمثابة وسيلة تمكنها من عدم مخالفة تعاليم دينها الذي يحرم عليهاكشف شعر رأسها، وفى الوقت نفسه من تطبيق تعاليم الجمهورية الفرنسيةالتي تحظر عليها ارتداء الحجاب في المدرسة، فيما رأت ناشطة مسلمة أنها تعبر عن حالة اليأس التي وصلت إليها الطالبة إزاء تعنت إدارة المدرسة معها في قضية الحجاب।فقد وقفت سنيت دوجاني 15 سنة أمام مدرسة "لويس باستير" وبحضور وسائل إعلام فرنسيةالجمعة وقامت بنزع غطاء رأسها لتكشف عن رأس خال كلية من الشعر،وبعد أن كفكفت دمعها دخلت إلى المدرسة أمام أعين التلاميذ ومسئول المدرسة الذي وقف عند الباب।وقد اعتبرت وسائل الإعلام الفرنسية العملية التي قامت بها سنيت بمثابة "استفزاز للمدرسة"فيما اعتبرت الفتاة في تصريحات للقناة الثانية الفرنسية أنها "بهذه الطريقة الاحتجاجية ستطبق قانون الجمهورية، في الوقت الذي ستحترم فيه دينها الذي يمنعها من إظهار شعرها للآخرين।,وفي تصريحات لجريدة لوموند الفرنسية قالت والدة سنيت: "لي 5 أبناء، وسنيت هي الفتاة الوحيدة بينهم॥ طريقتها في التصرف تؤلمني،وشعرها المحلوق مرعب تماما"।وأضافت "الأمر يذكرني بصور المعتقلات أثناء الحرب العالمية الثانية، ولكن عندما يتعلق الأمر باختيارها لا نملك إلا أن نساندها"। " سأفعل ما تريده حكومة فرنسا، لكني أبدا لن أسمح لها أن تجعلني أغضب ربي "هكذا وقفت سنيت دوجاني امام باب المدرسه وقالت سنيت فرنسية الجنسية॥ مسلمة الديانة॥ فعلت ذلك لتقول للعالم: "لا لنزع الحجاب"। ويعد "أشرف ألف مرة" من نزعها للحجاب،وهكذا نزعت الحجاب امام المدرسه

الموضوع منقول من كريزي كريزي

مش محتاج قنابل علشان دمع عيني يسيل

أنا مش محتاج قنابل علشان دمع عيني يسيل
انا متهان بره وجوه ومتمرمط وشايل همومي شيل

علشان لقمة العيش بموت في البحر أوالجو وأقف

في طوابير وروح هناك عند الفرن تلاقي الدليل

طول عمرى وأنا كدحان مش طالب غير الستر

ياسيدى متلبطش منك تدليل

وفرلي قوتي وسكني وشغل عيالي اللي عليهم

دم قلبي إنصرف وهم للطين زى شايلين

ونفسهم مكسورة وقلبهم ذليل

وعينهم من الحصرة دابت منها المناديل

علشان ولاد الناس اللي همه

بتأشيره بيشتغلو بدون تهليل

ولما أروح أطلبها لأبني أخدها

مضروبه زي كذبة أبريل

تفتكرانا محتاج قنابل علشان

دمع عيني يسيل

لما أروح عند الفكهاني والخضرى

الاقي من كل صنف إثنين بتسعرتين

أسأل إشمعني يقولي ده مسرطن للغلابه وده مخصوص للعايشين

غصب عني أسترخص وللى علي قدي أشيل

وقلبي من جوه بيتقطع بيشترى السم لولادى

وغيرى في خيرى بيبرطع وفي لحمي بيقطع

وابلع الحصرة وحنكي ملجم وأم العيال عليهم خايفه

طب دول لوعيو حجيب لهم الدوا منين

حتي دوا الغلابه تحت السلم بيصنعوه

وقلة الضميرللشيطان لايفه

يبقي انا محتاج لقنابل علشان دمع عيني يسيل

أما من نومي أصحي الاقي أسعار متقدرعليها أوناش

علي سلع عنها مبستغناش

ودخلي زي ماهوه مايأكل العيش الحاف

للاقي أتغطي ببطانيه ولالحاف وأديني رحت بلاش

من كتر ديوني بستخبي من الديانه في هدومي

حتي دى دابت وأصفر من الخجل لوني

ومش قادر أكون حرامي أو غشاش

انامش قادر حتي علي الفرحه

نفسي اشوف ابني عريس وبنتي لابسه الطرحه

قوللي أجيب الفرحه منين مفيش حاجه ببلاش

يبقي انا محتاج قنابل علشان دمع عيني يسيل

لما أمشي في عز الشتا الاقي أطفال

علي الرصيف نايمين وبالسما متلفحين

أومن الزباله بياكلو لسد الجوع اللعين

ولابين العربيات بيبيعو المناديل

اكثر من قروش قليله مش عايزين

هاربنين من اهلهم ومن ظلم المجتمع

لهم مش خالصين

يبقي أنا محتاج لقنابل عشان دمع عيني يسيل

لما الموصلات تزيد ولافي ثالثه مرتاح ولاثانيه تكييف

أدميتي تهدر في القطار والتذكره ولعه نار

ويجي بعد طول إنتظار

وياريت علي كده نضيف وانت قاعد تلقي صرصار أو فار

والأتوبيس المكيف رحته ياستار

ومحدش فيه بيلتزم ويطفي السيجار

ولو إعترضت تلاقي الف عين تولع شرار

وأترحم علي ايام السفر بالجمل أو بالحمار

طب أعترض علي آيه الأفتري ولا الإستهتار

يبقي أنا محتاج قنابل عشان دمع عينى يسيل

انا صحيح مهموم ومتكدر من اللي حاصل وانا مع الفقر في تواصل

لكن في الإضراب حاجه قهرتيني إعترض وعبر

بس من غير متحرق ولا تكسر

شعرى راسى أب لما شفت ضرب الناس من العسكر

كنت اتمني يكون ده كابوس وأكون نايمه

أكيد انا وغيرى من الغلابه بده حنتأثر

كان نفسي يكون في أمن يحافظ علي النظام من غير هوان

والناس تخرج اللي جواها بإحترام

من غير ضرب وخسارة وحرق مدرسه أو سياره

يارب زيل دي الغمه وزيل من الحلق المرارة

ده أنا مش محتاج لقنابل عشان دمع عينى يسيل

أنا متهان بره وجوه ومتمرمط وشايل همومى شيل

أعلنت عليك العصيان

حبيبي أعلنت عليك العصيان

بعدأن خذلتني وأصبحت في طي النسيان

أكبرت علي عصياني ولم تسألني عن

ألامي عن الأحزان

كبلتني بحبك أوجعتني

لم أعد أقوى علي الإشارة بالبنان

وعندما آن لي أن أفتح فمي أطبقت عليه بيدك

فلا لشهيقي أو زفيرى املك وشل اللسان

حاولت الحركة فأوقعتني وأدميت قدمى

فلم أحظي منك بنظرة ندم وإذا بك غضبان

الك الحق أن تغضب بعد

جحودك علي صبرى عليك

آنسيت إني إنسان

لي قلب يحب ويكره وعين تدمع

حين يحزن وحين يفرح

ولسان يفصح بالمعان

ويد تصافح وتصفع

وتضم الي صدرى الحنان

أعلنت عليك العصيان

ولن أصفح حتي تعترف

بأن لي كيان

وتحقق لي أحلامي وأصل بها إلي العنان

من حقي أن أفرح بعد حزن

أن أغفو بعد كد

أن تكون دنياى مليئة بالأمال والأمان
من حقي عليك ألا أعيش في نار وأن تريني الجنان

أرجوك لاتغضب وأعد الحساب

وعد للوراء عبر الأزمان

وستعلم لماذا أعلنت عليك العصيان

أرجوك لاتمطرني باللكمات ولاتضربني بالعصيان

ربت علي همي إمسح دمعي

فإني أموت كل يوم ألاف المرات

فقد آمنت لك وسلمت أمرى لك

لتختار لي آمن الشطآن

أقلعت بي وفي أغوار بحرألقيتني
مع الأمواج والموت في صراع

وانا في العوم ليس لي باع

وإلي الآن انتظر أن تعبر بي لبرالأمان

قبل أن أكون فريسة للقروش والحيتان

أمازلت تتجاهلني ألم تؤرق من همي

وتأبي أن تمسح دمعي وتفرح قلبي

فلا تغضب إن ظهرت لي أظافر أوأسنان

حبيبي عذرا إن كنت أعلنت عليك العصيان

فهذا خارج عن إرادتي فكرامتي تهان

بلغ اليأس الحناجر

لكل إنسان لايحمل قلبه غير الحقد والكره لمن حوله ॥أقول له إن مشكلتك تنحصر في عدم الرضا وله مني هذه الكلمات

بلغ اليأس

الحناجر وقبض بكفيه القلوب

ورائحة الغل ذاهبة غاديه حولنا تجوب

تزكم الأنوف ساعيةإلي إذائنا كحية دؤب

ناعمة تستكين وفجاة تسمع فحيحا هي له طروب

محبة للعويل والنحيب لها لسان سليط

يقذفنا بوابل من الطوب

قدمنا لها النصيحه فلم تستجب وصبرنا عليها صبر أيوب

لم تسمع منها حمدا فهي دائمة الهموم والكروب

تجدها كبلون هواه زفير أصيب من كثرة العطوب

نظرتها سهام حقد وقلبها مثل الخروب

أذانها ردارا ولبها مكنون شر ويدها به خضوب

نفر من وجهها العبوس المكفهر فهل وجودها تخليص ذنوب

رحماك ربي إليك نتوسل أتب علينا منها توب

فأنت الرحمن الرحيم علام الغيوب

رخص الحب ففقد معناه

رخص الحب ففقد معناه
أصبحت كلمات الحب يتفوه بها أى إنسان..॥أصبح ا لعب بالمشاعر ناموس هذا العصر ...ويتساوى الشباب والفتيات في هذا الجرم ,فكل منهم يحرص علي إصطياد الآخر ويبدأمعا اللعب على أوتار القلوب ........تاره بكلام حلو معسول أو بلفت النظر وكل منهم يعلم أنها مشاعر غير حقيقيه مشاعر ذائفه ...ويستمرا رغم إمتهان كل منهم لمشاعر الآخر ॥سمعت يوما وانا أسير أمام مدرسه للبنات تلميذه بتقول لصحبتها أنا لو أعرف إن مدحت ده مخلص لي أنا كنت بعت أمي وأبي علشانه , طب لما هي عارفه كده مستمره معاه ليه॥ومين الراجل ده الي يستاهل إن وحده تبيع أبوها وأمها علشانه وهي لو ملهاش خير في أبوها وأمها راح يبقي لها خير في مين ।
ومره ثانيه واحده بتلم فلوس الدروس من زميلتها علشان تكمل علي ثمن الخاتم بتعها وتديهم لحبيب القلب لأنه عنده قضيه ولازم يدفع كفاله ...واحده ثانية في قعده مع صديقه لها وكل واحده منهن بتتكلم علي الحبيب القلب وتقول فيه قصائد شعر طلبت كل واحده من الثانيه انها تشوف صوره لحبيب الأخرى وكانت المأساه في لمح البصر أمسكن في شعور بعضهن وهات يضرب وكانت معركه حاميه ...
أما البنات وسأقول بعض البنات أخذن الموضوع بشكل أخر مثل إثبات وجود أومين اللي عليها الطلب أكثر وأشياء كثيره من هذا القبيل ....ولا تسألوني عن دور الأسره والأم بالتحديد فهو دور غائب تحت مسميات كتيره احنا بنعمل مستقبل للعيال ...عيال مين اللي بتعملوا ليهم مستقبل ,شباب بلا هدف شباب ضائع تاه في بؤر الإدمان والكافي نت في غرف الشات ومواقع الملاذات وأجساد الموذات اللهم محفظنا

أوالإنسياق وراء أفكار هدامه ....وكل ذلك مرجوعه الي إفتفاد لغة الحوار بين الأباء والأبناء وأصبحت العلاقه بينهم أب يجيب فلوس وأم تجيب فلوس وتطبخ وتغسل وهوده شويه ...قعدت مره مع بنتها وسألتها عن مشكلها ॥علمتها إزاى تتقى ربنا في نفسها ودينها علمتها إن أى حاجه بنعملها وإحنا خائفين حد يشوفنا تبقي عيبه والأولي نخاف من ربنا ॥سألت عن أصحاب أولادها سواء كانوا بنات أو صبيان تابعت مع المدرسين أحوال أولادها .....

من هنا إنهدمت كل القيم والأخلاق مفيش متابعه قفلنا علي كل شئ جميل بالضبه والمفتاح وتلهينا بالتفكير في بكره ومين اللي يقدر يكبش ويغرف حتي لوجار علي حق أخوه لاعاد جار عارف حق جاره عليه ولاأخ يراعي أخواته .... أنا في حالة حزن شديده في حاجه غلط ياأنا في زمن مش بتاعي أوالعيب فيه أنا واللي بيحصل ده الصح ...علي فكره حال الوطن العربي مضايقني والقمه العربيه المنعقده الآن أصبت منها بأحباط ماهو مدام مفيش حب بين أبناء البلد الواحد والوطن الواحد إزاى يبقي فيه حل لمشاكلنا ...... كله بيضحك علي كله وكله بياكل كله.....ربنا يهديني وإياكم .....اللهم بحق محمد وال محمد إذهب غيظ قلبي وأجرني من مضلات الفتن آآآآآآآآآآآآآآآآآآآآميييييين

أبو تريكه

أبو تريكه إنت في قلوبنا أمير

كل أم تتمني تبقي إبنها ياللى للنويا الحسنه سفير

ياأبو الأخلاق ورجوله مفيش ليها مثيل

ياللى فى قلوبنا أمير

زى حمامة السلام تفرد جناحك وتطير

بفرحة الإنتصار منستش إخوة لينا متحصرين

وكان منك أحلى تعبيرإتسجل بالتصوير

تعاطفا مع غزه يمكن تتحرك القلوب ويصحي الضمير

الكل وقف ليك بإحترام وحب وتقدير

إلا العدو إتهز وخاف وعملها قضية مصير

وانك للإرهاب راعي وده فكر المستعمر الحقير

اللى عملته خلاهم يمسكو الورقه والقلم

وقدام الحاسوب إتمجلسو وجنابهم ما حطط على سرير

خافو لتبقى انطلاقة إنتفاضه شامله للعرب وفعلك يكون له تأثير

همه مش خالصين من حدف الحجاره ومقاومة في كل شارع وحارة

وفى عز الحصار والحبايب لادوا ولاشعير

والميه مقطوعه والكهربا ممنوعه وناس بتموت من فعل العدو الشرير

شعب غزه اللى محبته في قلوبنا غرزه

وأهلها أ صحاب المعزه فرحهم بينا سكينه فى القلب العدو غزه

إنتصاركم جمع الوطن الكبير من المحيط للخليج

وسمع العالم الفرحه بأحلى ضجيج

وده اللي خلى العدو يعملها قضيه والنوم من عينه يطير

عقبال منحتفل فى فلسطين والعراق بعيد التحرير

والله عليك ياحبيب والديك انت تستاهل منا كل حب وتقدير

أبو تريكه ياللى في قلوبنا أمير

لما تعبر بيك الفرحة كل الحدود

لما من غير تأشيرة تعبر بيك الفرحة كل الحدود

لما بالتحدى والإرادة تعدى الحواجز والسدود

لما يكون فى كل موقع جندى بالروح عن وطنه يزود

لما تبقى أفعالك عظيمة وليها قيمة تبقى محتاجة لردود

والردود سارت بالفرحة ووزعتها على الخدود

حتى فى البلاد الحزينة عليت الفرحة الوجوه وكان يوم مشهود

فرحنا بيكو الله يخليكو وقلوبنا فى حبكم علينا شهود

على النجيل الأخضر شفنا الإيثار شوفنا الصمود

عليتو بنفسكم على الأنانية والإنتصار هدفكم المنشود

وشحنتو نفسكم بالإيمان والإنتماء وأقصي الجهود

وعدتم كما وعدتم بالكأس ووفيتم بالوعود

فيه إيه تاني غير حب الوطن بينا يسود

الله يديم علينا الفرح والنصر وشباب بلادى في

السما نسور والبحر جسور وعلى الأرض فهود وأسود

ودايما نعبر بالفرحة الحدود ونعدى بيها كل الحواجز والسدود

يامصر

يامــــصر

ياشمست شتايا ونسمه رقيقه فى ليلة صيف

ياضحكت ربيعى وبسمه شقيه رغم الخريف

ياضلت نهاري ولمت عصارى فى مدينة وريف

ياليل أحلامه جميله أتمنى تبقى حقيقه مش تخاريف

ياصوت فجر يضوى يصحى آمة الدين الحنيف

ياميه نيلى بتجرى فى عروقى ودمى منها خفيف

ياأرض بتطرح سنابل عافيه تأكلنى من الشهد رغيف

يامهد طفولتى وخطوت صبايا وعكازى وأنا كهل ضعيف

ياه حبك ملانى حب خلا حياتى إنتي والباقى بعدك رديف

ياحرف يعلم حروف تتكلم فى كل صنعة ومهنه تلاقى حريف

ياحنان الآم فى حضنك يضم ترابك رفاتى

يامصر إسمك يعلى مداين يزرع صحارى

يدور تروس تخلى صهد الحر لطيف

أحببتك

أحببتك بسمة ودموع

أحببتك بقوة وخشوع

وضممتك بين الضلوع

فأنت فى ليلى شموع

أحببتك زهرة بستان

أحببتك غنوة ألحان

أحببتك عطر ريحان

أحببتك فرح وأشجان

وأطمع سكن الجنان

وتكون ماقدره لى

ربى المنان

يامن بذكره يأمن قلبي

ويتعطر اللسان

أنت كتابي وربيع

حياتي أنزلك ربي

علي خير الأنام ياقرأن

تجليت ياربى من

السهو والنسيان

قدرى المكتوب

قدرى المكتوب

البعد مش بالمسافة البعد بعد قلوب

قريب أو بعيد هو قدرى المكتوب

بفتكره فى طيف جميل أو كلمة فى مكتوب

أمشى فى الشوارع أتجول فى الدروب

الأقانى شايفاه فىكل الناس ولاأسمع غير صوت المحبوب

ونادى على الناس بأسمه ومن خجلى أفضل الهروب

وتحمر خدودى وإيدى تتلج وقلبى من الهوي يدوب

هو أستاذ فى الغرام وأنا لسه فى حضانة يدوب

سباح فى بحر الهوى وكابتن رمايه سهمه يصيب القلوب

واخد التقل غيه ويتصنع الغضب ويبص بوش مقلوب

وانا أصالح وحايل وقلبى يقولى الحب مفهش غالب ومغلوب

منا لابقدر علي زعله ولاخصامه أصله قدرى المكتوب

حكاية فار

حكاية فار

توته توته وبدأت الحدوتة

أسمعنى وبأول الخيط الأقط

لما الفار خاف من القط

قلبه من جواه نط

راح للساحر قال له إعملنى قط

رق الساحر لحاله وشال وحط

وهوب الفار بقى قط

جه الكلب هوهو جرى القط

على الساحر نط فط

عايز أبقى كلب وهو ماشى

قابله الذئب هوشاف نابه

لسانه فى حلقه لزق وعقله شط

أخر مره ياساحر نفسى أبقى ذئب

أجاب الساحر طلبه من كتر الزهق

الذئب مصدق وأفترى نهب وحرق

جالو أسد أتنفض وقدام الساحر إرتعد

وبصوت فيه ذل وإنكسار

عاوز أكون أسد جبار

ضحك الساحر وقال أسد بقلب فار

يادى العارتيجى إزاى يا مكار

إرجع لأصلك فار بقلب فار

وصلت الرسالة وفهمتوا ياشطار

أمتى تعود؟

أمتى أيام الصفا تعود ؟

وانا أغنى على الرق والعود

وأقول على البوصة دى أحلى عود

وأشوف بعينى الجنة وأبقى بها موعود

والسما من غير برق ورعود

وقلب طمان محافظ ع العهود

سبحانه مالك الكون ربى المعبود

تجلى فى علاه رب الوجود

أحمده على العيشه وراضى بالموجود

هوالكريم وبفضله عليه يجود

ومصيرالهم ينزاح والخير يعم ويسود

من تته وفاء إلى الحفيد الغالى أحمد

تاتا تاتا تاتا واحد اتنين ثلاثة

تاتا لحد العتبة تاتاحبه حبه

تاتا بسنة لؤلؤ تاتا كال الفذدوء

تاتا حبيب تته أحلى نونو فى الحته

تته فرحانه بيه تته نادت عليه

تاتا فتح عنيه وبص بصه حواليه

تاتا صحصح صحصح وصوته صداح صداح

آغه آغه الآغه تاتا نغه النوغه

تاتا كركركركرعليه الله أكبر

تاتا عينى بارده عليه حارسه الله وراعيه

تاتا رب يصونه من عين حسوده

تته رب تشوفه راجل ملو هدومه

وتاتا تاتا تاتا واحد إتنين ثلاثه

بحبها

بحبها
من يوم ماوعيت على الدنيا
وأنا بحبها وأحب اللى يحبها
فيه اللى سابها وهاجر واللى راح
لواحدة ثانية وبين الثانية والثالثة سواح
كل اللى بعد إشتاق لها وبات ليله نواح
حبيبتى كما البدر ونور فجر فى السما لاح
شعرها سنابل ذهب وخدودها تفاح
عقلى من حسنها ذهب بحبها هدوء وصياح
فى عيونها خضار ماينيمك مسا وصباح
عطشان مايرونى غير مية زينة الملاح
بحبها مهما قسيت عليه بحبها فشل ونجاح
ملقيتش غير حضنها يدفينى أنام وأ رتاح
ورمشها يغطينى أصحى على ضيها الوضاح
ما انا بحبها وبحب اللى يحبها
للآن بحبها حتى بعد مانيلها لوثوه
وزرع خيرها سرطنوه
وهواها بدخان أسود خنقوه

ومالها من البنوك سرقوه
برضه بحبها طب هيه آيه ذنبها ؟
ماهى عطتنى كتير دلوقت أتنكر لها !
ياما إتحميت من الحر بضلها
وفى عز البرد دفتنى شمسها
بحبها والله لسه بحبها وحفضل أحبها
بحب نيلها وتراب ارضها

قلبى يرفف لما يذكرإسمها

ودموع عنيه تسيل لو إتهزت شعره منها
مصر بلدى حته منى وانا حته منها
فى حد بيحب مصر زى ما بحبها ؟

إدينى أمارة

إدينى أمارة

حبيتك خنتنى

أخلصت لك خدعتنى

إشتريتك بعتنى

قربت لك هجرتينى

تقولى بحبك إدينى أمارة

للحب على وجهه المحب علامة

وانا مش شايفة غير الإستهانة

بقلب حبك ما يوم غدربك

إن كان كل القلوب زى قلبك

يبقى على الحب السلامة

أظن كلامى واضح ومش ذنبى

لومفهمتش وعلى عينك غشاوة

ومخك زى قلبك مليان عتامة

كداب

كداب

كدبك خنقنى وزهقنى

وأنا مش حمل بمبة

تفتح مطاوى تبيع حكاوى

انالا حصدق ولا حمل منهده

ياسيدى روح بلاش تسوح

نفسك فى كدبة

جرب فى مرة يصدق قولك

حتلاقى قولك صالب طولك

وعينك قوية وإيدك عفية

ولا مرة أقولك كدبك خنقنى وزهقنى

وانا مش حمل بمبة

فى الأول من أكتوبر سنة 2000 الشهيد الدرة

إلى روح محمد الدرة

يا محمد يادرة ياللى بين الشهداء درة

عدونا عديم الشعور ومهما قولنا حيعاود الكرة

وزمان فى المثل قالو: حداية الجبل طردت أهل البلد برة

ياقدس ياأقصى أنتم جوه العيون قرة

علشانكم فى القلوب محزمين الحزن سره

إن غدا لناظره لقريب يافلسطين يا حرة

يوم يفنى الغدر وتبقى فى قلوبنا مسرة

مين قال حدف الحجاره يترد عليه

بالرصاص تقولش بيضربو فى جرة

إسرائيل عامله أسد بأسلحه من غيرها تبقى هرة

مسير الحى يتلاقى وتبقى للعالمين عبرة

ده عمر الحق مايضيع وإحنا وراه

بنطالب بدل المره الف مليون مرة

مرارة الظلم تخلى أحلى الأيام مرة

وحياة روحك الطاهره يادرة لنرجمهم

كما إبليس بالجمرة

وقول للشهداء كل العروبه حالفه لتأخذ بثأركم يابررة

هزت الأبيات المشاعر

كتبت يوم

السبت فى 22/3/1997

عندما رأيت في جريدة أخبار اليوم صورة لشابين من فلسطين يحملون لافتة بها هذان البيتان

الوحش يقتل ثائرا والأرض تنبت الف ثائر

ياكبرياء الجرح لو متنا لحاربت المقابر

هزت الأبيات المشاعر

فإنطلق قلمى يعبر حتى فرغت المحابر

عن عدو مستعمر قتل وشرد

.ودنس الأديرة والمساجد

ثم ولول كأى فاجر

صوب السلاح إلى صوت الحق

ليرتد إلى القلوب عبر الحناجر

فكانت صرخات القلوب أقوى

من البارود و أنين الخناجر

وسرت الثورة فى الوريد سريان الدم الفائر

وأنطلق الأطفال والشباب يرجمون جنود إبليس المقامر

نحن شعب العرب أصحاب عزة

ومجد ولسنا مطمعا لمغامر

مددنا أيدينا بالسلام فتوهتم

الضعف فينا وأمليتم الأوامر

تهون الأرواح والدماء ولكن

لاتهون الأرض ياغادر

فلا خنازيركم ولاحاخامات هود

المتادنين من زمن بلفور الغابر

ولاأحلام دولتكم المزعومة يثنينا

عما عقدنا عليه عزم الضمائر

هذه أرض موسى وعيسى ومحمد

فهى للأديان كلها وليس مطممع لمكابر

إلى فلسطين الحبيبه السليبه من قلب العروبة النابض مصر

فلسطين حبة قلبى وانا بها مفتون

تصفحت الحزن فى العيون

فى قسمات الوجوه .فى قلب مفعم بالشجون

رباه ! هود احلو الدماء كأى سفاح مجنون

واقدساه وإسلاماه أدمت الدموع الجراح وقلبى المكلوم

تبا لكم صهيون فقد فقتم ساكينى الغاب ولكم فى الغدر فنون

أين أنتم ياعر ب كفاكم فخرا بماضى به تتشدقون

تمسكو بحبل الله وإتحدو تقوى سواعدكم وبسيف الله تضربون

عدوالله وعدوكم مالا عهد لهم الخائنون

ازانو أغصان الزيتون بالخناجر

ولحمام السلام ذابحون

رحل النتن وجاء الأنتن وسبقهم فى العفن حلم به ينشدون

بحق خاتم الأنبياء إجمع شمل العرب

على لا آله إلا الله فيكون النصر حتما سيكون

رحلة كفاح

رحلة كفاح

وقفت جنبه تسنده ووراه للنجاح تدفعه

عاشت عيشة حلوة ورضبت كمان بالمرة كل همهاتنفعه

وقسمت اللقمة وداوت الهدمة أملها لفوق ترفعه

كتر القرش معاه ولما الدنيا جت وياه

حطها تحت رجليه ورماها وهانت عليه

وندهت على الأهه . صرت أحزانها

وشبت لهامته ووصلت وعلى وش الدنيا قبت

واللى كانو عارفين حكايتهم بعده عنه

إزاى يأمنو لغدره وظلمه

جاها باكى علشان تسامحه

طمعان تعطف عليه وترحم ذله

قالت : أسامحك يمكن لكن اللى مش ممكن

إنى ارجع تانى وآمن ليك

ساعتها اللوم حيبقى عليه مش عليك

وراح اعمل ايه بدموع عينيك

مسألة صعبة

مسألة صعبة

طرحت عليه حبك وشوقك ووجدك

وقلت إنك ملاك برىء صدقتك

جمعت لك سنين صبايا وحب كان فى قلبى ساكن

مظهرش غيرليك

وذت عليهم إخلاص ومودة وصنت عهدك

وعشت عمرى كله ليك

ضربتنى فى قلبى ضربة واتصدمت ياروحى فيك

ورحت الملم جروحى القى نفسى بفكر فيك

قلت اقسم حبى وحبك علينا التقيتك

كل حاجة أخذتها ليك

ماسبتليش غير النواح ويا الجراح

والنتيجة كانت قاسية صحيح عليه

لكن بكرة الحسبة حتكون عليك

ليس الهوى بالهوى

شاعر اتعبه هواه و أشقاه

وأقول ليس الهوى بالهوى ولكنه قدر وقضاء

تجرع كأس الصبر أملا فى الشفاء

ولم يعتبر بمن طاب لهم عذاب الهوى وأجسادهم النحلاء

أصبح كما أمسى بها هائما ويقول سليت هواها ولكنه هراء

علمها الحب وفنونه هكذا توهم خانه الذكاء

نسى أن يتعلم فن الغوص فى بحر غموض حواء

تلاطمه أمواج الغيرة والشك الرعناء

إنه يهوها وقلبه يناجيها حنانيك شيماء

عد ايها العاشق الضال الى درب هواك وودع الكبرياء

سيضنيك الشوق يوما ما وستعود اليها فإلى القاء

محتاجة ليك يابا

محتاجة ليك يابا

عارف يابا انا محتاجة ليك دلوقتى اشد الحاجة

عايزة أقولك إن الطيبة بقت عيبة

والشهامة معدومة وجزاء صاحبها ضرب الشومة

أما المروءة والكرم لزوم الوصول للقمم حتى لو كانو رمم

أما الإنتماء ماتلقيش والوفاء خلص مافيش

أصلهم مبيأكلوش دلوقتى عيش

والإستقامة للخايب اللى ملوش فى الكوسة نايب

والأمانة فى كروش لعيبة حلق حوش

علشان كده عليك بترحم وأدعوربنا هو بعباده أرحم

صحيح يابا انك رحلت منذ آمد

صحيح ياباإ ن التراب وارى الجسد

لكن انت جويا حكمة ونصيحة للأبد

انت القدوة وفى الحنية انت المثل

قبل مأنطق إسمك علمتنى معنى الإنتماء

وإزاى أخلص فى العمل علمتنى ايه هو الوفاء

علمتنى الأمانة علمتنى الكرم والإستقامة

على روحك بترحم يا اللى علمتنى للضعيف أرحم

خليها على الله

خليها على الله

رامى حمولى على الله ومسلم له أمرى

دنيا تشلينى لثانية وفجأة ترزعنى

أمسك وسطى بألم وأحاول اقف تمنعنى

هموم حطط على كتفى حنت ظهرى بيوجعنى

وأما أشتكى لغيرى يمصص ويقول وأيه يعنى

ما انا شايل هموم أكتر والسلك ضربنى وملسوعنى

إضربها صرمة وكيدها وإرمى حملك على اللى خلقك وخالقها

لاتقول منين ولاآه تبين سنك ما يبان عليك سنك

والحمد لله تغذينى وتشبعنى

حبى لمالك الملك خلى وسوسة الشيطان ماتخدعنى

اجرى على صلاة النبى يقابلنى ريحه ينعشنى ويرعرعنى

وأحس بنشوة إلإيمان فى ساعة صفا وشوقى للمصطفى يلوعنى

سأصبر على آمل نلتقى والكعبة بيكو تجمعنى

وساعتها حنسى كل اللى كان بيألمنى ويوجعنى

وخليها على الله ماتنضام وإسمعنى

آحببت معا ق فى الحب

آحببت معاق فى الحب

برغم نداء الشوق فى عنيك فشفاهك بكماء

خطوت طريق الحب الى قلبك فإذا به صحراء جرداء

تمد يدك الملهوفة إلى يدى عند اللقاء

فألمح لك بكلام عن الحب ولكن أذانك صماء

تتصنع بأنك لاتهوى وانت فى الغرام تهوى لحد الشقاء

عليل فى الحب انت .دوائك عندى ولكنك ترفض الشفاء

أتخاف هويا ؟ أم تهوى شقايا ؟ أم اتوهم الحب بلهاء ؟

أشعر بالحب فى خلجاتك . فى نظراتك برغم كلماتك الجوفاء

اتراك تخجل إعلان هواك وكإن الحب جريمة شنعاء

ياأباالهول تكلم كفاك عنادا فأنا اكثر منك دهاء

أتنتظر أن أبادر انا ..اتراك نسيت أنى إبنة حواء

لاتحاورنى فلن اجاريك وستقولها إن الحب شاء

أرنو بعيناك عنى ..كرامتى اقوى من بصيص الكهرباء

لاتستهين بالأنثى فى وإلإوجهت إليك أسلحتى

من الألف إلى ما قبل الياء

يوما ما ستخضع لسلطان الحب قاهر الأقوياء

وحينها ستخور قواك وتنسى الكبرياء

وستهمس لى أحبك وسنكون أسعد الأحباء

وإلا سأكون احببت معاقا فى الحب وسأكون من التعساء

كلام له معنى

كلام له معنى

يازرع الشر يوم حصاده آت

ترويه غليل يقطر حنظل من قلبك غاد

تطرح أعمالك بستان شوك وأحقاد

ماتلوم غير نفسك لما تكتر الأعاد

الحب لاينبت فى حجر ولا ينمو فى سواد

نور الشمس ينور للأخيار ويحجب ضياها عن الأوغاد

*********************

خوفى من العزول ليتشفا فيه

خلانى ابعد الأهه من شفافيه

وانا اللى كلى احساس وشفافيه

آمنت بيك ياربى وبالمقدر ليه

******************

انا لهمومى بدارى

وقافل عليه باب دارى

ولاأحب أخدع ولاأوارى

عمرى ما بيع دايما شارى

حافظ حق جارى

وبأصل رحمى وللخير جارى

وعمر الشيطان ماسمم أفكارى

**************

مسأ لتنيش

مسأ لتنيش

لما شفتك قلبى حب رق دق

ولما سمعتك عقلى قال لآى كلام تانى لآ

ماهى الدنيامعاك ليها طعم ثانى

مشاعر هادية وإحساس عالى

مسألتنيش باباعنده قد ايه والعيلة فيها

كام باشا وبيه

سألتنى إن كنت بإدى فرض ربنا

من صوم وصلاة وزكاة

وايه من الذكر حافظاه

قبلك كانت الدنيا فى عينى ضيقة

وجويا قلق وفراغ كنت ممزقة

دلوقت فى إحساس جميل اسمه الرضا

وقلبى مطمئن ونفسى طيبة

وبدعى لكل الناس وليه بالهدى

حكاية حب حزينة

حكاية حب حزينة

حكت لى قصتها الحزينة

ايام كانت صبية حلوة وشقية

ايام مكانت الأسرار دفينة

داخل قلوب خضرة بالحب قوية

رحلة طفولة وطريق شباب

كانت الحكاوى بينهم سخية

تحكى له ويحكلهاعن حب عابر

ولا كلمة غزل وحنية

تضرب بكف حرير على ظهره

وتقول له طب منا كمان كتير بيموتوا فيه

تضحك ويضحك ويقولها اموتك

لو غدرت فى يوم بيه

مجنون وتعملها سكتت دمعة

حزن عدت على رمشها استسلمت لها

وحبات الندى نزلت شوية شوية

بإنكسار وبألم قالت ضاعت أحلامى الوردية

حطمتها خنقت عبيرها بإديه

جاتنى صاحبة وقالت لى

بضحكة صناعية ياترى حب حقيقى ولا تسلية

اللى أعرفه انه بيحب قريبته

وطريق الجواز ممهد وحكاية عائلية

قلبى انخلع ودارت الدنيا بيه

ويدوب وصلت البيت وشلتنى رجلية

من غير ما سأل ولاحقق

قطعت كل اللى ليه بيه ..صدقينى انا غبية

وبتفكير طائش قبلت اول واحد

اتقدم وزفتنى الآحزان والدنيا الرمادية

صارت حياتى كئيبة بطيئه بينى وبين نفسى روحى منتهية

بعد سنين ..إتغيرت احوالى فيها الضحكة

والرؤيا للناس مش هيه

وفجأة صادفته فى سكتى كل ماخطوينا

تقرب قلوبنا تترنح ملتاعة مكوية

وايدينا من غير منحس اتعانقت

بشوق وسبت العتاب لعنيه وعنيه

ساعتها حسيت انى نسيت ودفنت حبه

جويا فى دمى ونبضى وكانت جنازة سرية

مشيت فيها سنين حزينة تايه

وسط الناس لأنا حسه بيهم ولهما حسين بيه

سمع ..وسمع وانا أحكى له قال:

رعونتك هيه السبب من غير دفاع حكمتى عليه

حكمتى عليه وعلي نفسك نعيش

العمر على ذكرى لحب قديم ويرتها منسية

قربتى إياها إتجوزت وانا يدوب خاطب

من غير حب وقلبى هو الضحية

صرخت جويا صرخة مزقت ضلوعى

خرجت من بين شفافية

انت كمان لجيت ولا قلت ليه

ولاسألتش وصدقت اللى إتقال ليه

قال وادينا اتقبلنا والحب هوه هوه

متغيرش ..بحبك قد الدنيا

قلت لهو من حقك ولاحقى نحب

ولاحتى نفكر فى عهود الهوى الفانية

ومشينا ظهورنا طلة عليناكل

واحد منا فى طريق مايتقابل ولا ثانية

انهارت صدقونى بكت بحرقة

سياط من لهب طبطبت عليها بحنيه