يابطن ياللي حاملتي ملايين وكم الف
بطن شالت رجال صقفت لها الأكف
وبطن حط عليها الدبان وعف
بطن نهبت وسرقت وبطن نفسها أعف
بطن حمدت وشكرت وبطن عن الفساد ما تكف
بطن ريحها طيبه وبطن زكمت منها الأنف
بطن تشوفها تضحك لها وبطن عليها تتف
بطن عني تزود مهما دمها ينزف
وبطن تبيعني بالرخيص ولا يتمس لها طرف
بطن تتكرم في المحافل وبطن علي طره تنزف
بطن مهما نضفتها عفشه ماتنضف
وبطن نزيهه وشريفه بتشف وترف
بطن تفتح النفس وبطن منها تقرف
عدو بقي وشوفو عدد البطونالحلوه
واللي تقرف ووقفو كل بطن في صف

حبيبتي منذ جئت الدنيا والي أن أذهب عنها .
.إنها حبيبتي انا بمشاعرى انا بنبضي انا
صدقيني لو قلت لك انها عشقي بعد الله ورسوله
صدقيني لو قلت انني عندما يذكر اسمها
يرفف قلبى وتدمع عينى
صدقيني اني انهار عندما يصيبها سوء
صدقيني أني أقفز فرحا كالأطفال
عندما تتحقق مجدا أو إنتصار
صدقيني لو قلت لك إنها سكن ليلي
وضوء نهار
أرها بعيوني جميله
بهية الطلعة عروس الأقطار
عندما أكتب عنها تتراقص كلماتي
تتناغم صورها مع الحان قيثار
لا أتعمد ان أكتب شعرا لها
ولا ان أتغزل في وصفها
ولكني من عظم حبي لها
كلماتي تصبح أشعار
ف أنا أحبها بقوة وعليها أغار.
حبيبتي أدعو لكي أن تقومي من كبوتك
شامخة كطود جبل جميلة كنور فجر
عظيمة بنبض شعبك
أرجوك لاتجعليني أطيل الإنتظار
أشتاق لك ...أشتاق لفرحة وجهى
وبسمة ثغرى وتراقص نبضي
عندما يرفع علمك
وأسمع نشيدك
يدوى يعلن إنك في مقدمة الأخيار ...

رحمتك بي ياربي
كتر علي الأسي من آهلي وناسي
ساقتهم شهد سقوني من المرار كاس
عروني وانا اللي كنت لهم كاسي
معروفي فيهم إتنسي عندك يارب الجزا
فرج عموم همي يا أحن علي من أبويا وأمي
هون علي وخفف عني احمالي
لحين مايجي وقت ترحالي
دمعي عيني سال وفاضت بحور همي
يارب ياحنان انت اللي فاضلي
بعد ما الكل إنشغل عني
أعمل ايه لبشر بيحسبوني بظنونهم
جواهم سواد حالك مش عارف افهمهم
مستغربين حبي وسؤالي عنهم
بيقولو ده ورا وسكاكيني ساننهم
ليوم ح سود فيه ايامهم وسنينهم
جابو منين ده الإحساس وإزاى أطمنهم
وانا قلبي ملازم قولي مفيش خلاف بينهم
ياربي لوحدك انت اللي عالم جهرى ومكنوني
لو سلمت ليهم نفسي حيتسسبو في جنوني
سلمت امرى ليك ياخالقني انت اللي عالم
بجوهرى وإني مش زى ما ظنوني