حكاية فار
توته توته وبدأت الحدوتة
أسمعنى وبأول الخيط الأقط
لما الفار خاف من القط
قلبه من جواه نط
راح للساحر قال له إعملنى قط
رق الساحر لحاله وشال وحط
وهوب الفار بقى قط
جه الكلب هوهو جرى القط
على الساحر نط فط
عايز أبقى كلب وهو ماشى
قابله الذئب هوشاف نابه
لسانه فى حلقه لزق وعقله شط
أخر مره ياساحر نفسى أبقى ذئب
أجاب الساحر طلبه من كتر الزهق
الذئب مصدق وأفترى نهب وحرق
جالو أسد أتنفض وقدام الساحر إرتعد
وبصوت فيه ذل وإنكسار
عاوز أكون أسد جبار
ضحك الساحر وقال أسد بقلب فار
يادى العارتيجى إزاى يا مكار
إرجع لأصلك فار بقلب فار
وصلت الرسالة وفهمتوا ياشطار
