في زحمة الحياة ناس
عارفةسكتها وناس تايهين
وناس خدودها علي ايدها ساندين
وناس خدودها فرحانين
وعجوز في التمانين
عايش بقلب عشرين
وشاب قلبه شاخ وحزين
وناس مش عاتله الهم
وناس بتاكلها بالدم
وناس راضيه وناس جعانين
وناس عن الحياه رايحين
وناس ليها جايين
ناس علي مهلها
وناس متصربعين
ناس بتتباها بفاسدها
وناس تكلها بدقه ورغفين
وناس ما تعرف ربنا
وناس ليه متقيين
وناس كتير وفيه
ونا س كتير خاينين
وعلي كده فيه ناس
في الدنيا مسكين
وناس م تفرق معاهم
عايشين أو ميتين
=============
واحد غتت بيعكس واحده لمضه
هو ..يارتيني سيجاره فمك
هي.. يا سم مبعقبش
هو..بموت فيك
هي ..ده علي اساس إني تربه
هو.. انا مش بشتغلك
هى ..تكونش شايفني مفرش
هو..بدوب فيك
هي..لأيا واد سكر
هو..عذبتيني حرام عليك
هي.. يخرب بيتك ليه جهنم انا
هو..انت بتمدى ليه كده وراك ميعاد
هي.. لأورايا حمار
هو..انا مستعجل القرب منك
هي..عادى باين عليك مست...عجل
هو.. ياستي إن جاز ليه أبوس إيديك اسمعيني
ابعد ياسقيل بلا إنجاز ولا إنسبرتو
الشرطه مسكته
هو رحت في داهيه يخرب بيتك
هى...البيت بيتك
==========
صمت السكات في قلبي نطق
قلبي إرتعد اتنفض
لما إترمي الولد علي أرضها
بيدور علي حلمه اللي إتسرق
وبدمه إتخضبت إيدين الثكالي
والأرامل الحزانا
علي مدبحك يامصر
انا مش ضحيه
انا شهيد انا ياسين وانت بهيه
زى النهارده اتولدت من جديد
زفتني يامصر الملايكة
لحور العين وانا سعيد
يمكن وحشاني بلادى
وحشاني عيون بحبها
وحشاني قلوب كنت بتدفا بحضنها
عامله آيه يامصر دمي راح
ولا فجرك لاح
ولقي جزاته اللي بيك غدر
أوع يامصر يكون ظهرك إنكسر
واللي مت عشانه إنحصر
في سقوط نظام
ووقفة إعتصام
لأ يامصر الحر فيكي م قام
وانتفض إلا عشان يرجع الغزل لنولك
علشان قطنك يفرح عيونك
علشان رغيفك يبقي من أرض خيرك
علشان ولادك يرجعولك
والبسمه تاني ترجع لوش النهار
وتعود ليالي الصحبه والسمار
انا الشهيد يابهيه انا ياسين
زى النهارده إتولد من جديد
===============
