سلامتك ياصحبي

ليه مخبي عني بوحك

ليه بتدارى عني جروحك

أزعل قوى لو مني خايف

إن سرك معايا ما يتصان

ولا تكون مش عاطيني الأمان

ولا خايف لما تبوح

أنك تضعف وتنوح

وبات مشغول البال

وتشرد مني الروح

طب مانت ياما شاركتني

همي وداويت جروحي

خيب فيك ظني وأحكي

الهموم معانا مطرح منروح

ايه يكون معني الصداقه

لو قامت بينا صروح
ربي قادر يهون عليك

بس إفتكر إن هنا ليك

صديق من حبه فيك

ما بيتحمل دمعة عنيك

سلامتك ياصحبي يامجروح

روحلها

=============

عايزها روح لها

انا مش حمنعك

مش إختيارى

ده إختيارك إن يكون

غيرى في حياتك

ولا يطفي نارى

إن كنت أكدب عليك

وبالحب أخدعك

وعلشان كده حسيبك

من غير دمعة فراق

لأني خلاص قلبي

ما عاد يتحملك

أسكت مش حسمعك

ولاقلبي يوم يرجعك

قلبي يادوب من يومين

كان بين إيديك

وبتسمع ليه وبسمع ليك

حتي لسه كنت قايل لي

إن دمي بيجرى في دمك

وإنك حاسس بيه

حبيتك أختك أمك

وكل الدنيا من حوليك

أتاريك بتكدب

ولابان عليك

والله لاتدفع حرقت

قلبي من عنيك

والله لاأوجع قلبك

وما دوايك

روح لها ومش حمنعك

اتهني بيها وتتهني بيك

أوع تقرب مني خلاص

ماعدت أصدقك

إنساني وإنسي عنواني

لأنك مش راجع لي تاني

ده إختيارك مش إختيارى

روحلها لها خليها تنفعك

روح روح روووووووح

مش حمنعك