الصبر طيب بكره قريب
حزينه حزن فاق الحدود
حزينه بجد حزن موت
وبدعي مع كل سجود
يبعد عن الحزن ومايعود
بنعي شهدائنا في الملاعب
وفي الميدان وقدام المخابز
وفي طوابير البتوجاز
بنعي المروءه والتسامح
وأعتذر للأطفال والعجايز
بنعي شهدائنا إللي ماتوغرقا
واللي ماتو في القطر حرقا
بنعي ولادك يا مصرشرقا وغربا
اللي صبرو واللي هاجرو
واللي عاشو مرضا وقهرا
بس صبرا بكره قريب
ومش حنسكت ولا هنتغيب
ولا للفوضي حنستتلم ونطيب
الصبر طيب بكره قريب
