يالا بينا نحلم

السلام عليكم


سر خير


صباح الخير


العواف


انا جيت هيه بعد إنقطاع طويل عدت اليكم أعزائي وانا كلي شوق للتحاور معكم وسماع أرائكم وتعليقاتكم


ولكن اولا لكم ان تعرفوا سبب إنقطاعي وليكن هذا أول بوست


فجأءة إتكركبت الدنيا تعرفو أما يكون واحد قزعة شب يجيب طبق من المطبقية راحت المطبقية وقعت علي دماغة هي والأطباق


إحنا حصل لنا كده أول طبق كنا راكبين العربية 125الكركوبة بتعتنا في مدينة شرق النيل الجديده الساعة 9مساءاا والدنيا كحل


ولسة بقول لأبو العيال نور نور العربية وإذا بينا نسمع خبطة وطنتقنا في العربيه تقولوش كرة علي رجل الخطيب في زمانة


وإتشهدنا وقلبنا وقف الي أن إستقرت العربية وإلتفت كل منا للأخر للإطمئنان علي بعض العيال الفقر محمد وهبة الله مسخسخسين


علي روحهم من الضحك وانا وأبوهم ناشف دمنا ونحرك في زوبة ابدا ياستي في عرضك يستحيل المهم ركناها ورجعنا في عربية


هيثم ابني الكبير واللي كنا في زيارته ॥


الميكانيكي قال العربية عايزه موتور جديد علشان غطاء حلة الصرف النايم علي سنة تسبب في وعد متخلصش ॥


خدت في وشها ست بكاوى طب بقه لو واحده حامل ولا راجل كبير ولاطفل صغير ماشي وكعبل في الغطاء المذكور


ولا وقع لا قدر الله في البلاعة كانت آيه النتيجة والمبلغ اللي الدفع آيه ذنبنا فيه المهم لسه بنرفع ظهرنا وعم محمد عايز لاب توب


علشان كوورس الكيمبيوتر فيه مشروع بيسلمه علشان ياخد الشهادة طب يابني خد الجهاز معاك اللي هنا آ يه لأ والله انتو بتهرجو


جهاز ايه اللي أروح بيه المركز وأجي بيه , انا بقي بكل بلاهة إيهي هو انت هتروح المركز وتيجي وبكام بقي سي لاب أفندى


ده يعني علي حسب الإمكانيات المهم خمس بواكي راحت يادوب بنسد علشان نقدر نقوم الديب فريزر عطل جات الصيانة عيب


تصنيع حيرد للمصنع ونرد عليكم ردوا علينا بإن ندفع 10%كما تنص الايحة طب ده عيب تصنيع ملناش دعوة بعيب التصنيع احنا لينا


اللأئحة وإحنا لينا ربنا دفعنا 360جنية فرق اللأئحه وفرق سعر بين القديم والجديد علي فكرة بهرب من كتابة الرقم وعلامة المية علشان


رزلة , لسة بنمسح عرقنا وإذا هبة الله خارجة من حجرتها الحقي ياماما خير ياهبة النت فصل شوفي يمكن التليفون سلكه فاصل


لأياما ما شغال إتصلت بمحمد في القاهرة وجائني بخبر جميل النت فصل علشان الإشتراك متدفعش من شهر فبراير طب يابني المحصل


مجاش ,, علشان الثورة كانو بيحسبوا الأيام اللي النت إنقطع فيها وحندفع كام يامحمد حسبة ثلاثمائة وخمسون جنية ॥


انتو عارفين القشة اللي قسمت ظهر الببعير الدنيا اتلخبطت دورنا علي الحديدة والحمد الله لقيناها بعناها ودفعنا النت علشان التكنولوجيا


تعيش ...


انا عارفه انكم فاتحين المنديل وعمالين تجمعوا من بعض علشان تسعدوني انا شاكرة فضلكم بس انتو مش ملاحظين إن أغلبية المدفوعات


لأخطاء ليس لنا ذنب فيها خمس شهور من العسرات والحمد الله رب العالمين فدا الأولاد ॥


بيقولو إشتكي أشتكي غطا الحلة اللي معندوش دم وكان إتعدل أول ماشفنا ولا أشتكي المنحة اللي موفرتش لابات للطلبة بأسعار مناسبة ولا


أشتكي شركة الإتصالات اللي قطعت عنا النت


في ظروف صعبة وحملتنا خطأها ولا أشتكي عيب التصنيع قليل الأدب ماهو التصنيع ده لو خضع لرقابة وأتعرف انه غير مطابق


للمواصفات كان إحترم نفسه ومعملش العيبة।


لايغير الله ما في قوم حتي يغيروا ما بأنفسهم ياريت نتغير من جوانا للأحسن حتفرق كتير مش كده ولا إيه

===========================================================

مناجاه

أبحث عن ونس يملأ قلبي ضياه


أبحث عن حب يداعب قلبي هواه


أبحث عن يد تضمد جرحي تنسيني

الآه

أبحث عن ضحكة تجلجني تعيد للقلب

صفاه

مازلت أحمل همي فلمن أشكو والكل

يفيض لي بشكواه

مازلت آروى بدمعي آشجار همي

فطرحت الآهة تلو الآه

جمعت طرحي وقسمته فضربني

بنعلاه

ففررت من يآسي إلي نفسي فلم

أجد ملاذا غير الله

قابل التوب وغافر الذنب سبحانه

تجلي في علاه

اليه أشكو وحدتي وضعفي وقلة حيلتي

ياقادر ياالله بك آستعين يارب العرش

المكين

لا الله إلا انت مفرج الكروب ومقلب القلوب

يعلم السر وماأخفي ننام ولا تغفي

سبحانك جلا جلالك يا الله

======================================================

لو سامحتم لي لي رؤية سأعرضها عليكم

أما يكون الأنسان يرتدى زى يشير الي دينه فيجب أن يحاسب علي تصرفاته وكلامه

لأن اى هفوة منه حتحسب علي دينه

اما يكون الإنسان شخصية عامة لازم يحرص علي هيبة منصبه ويحترم كرسيه

حتي لايصبح مسخة رئيس بقه وزير عضو مجلس

عندما يكون الإنسان شخصية مؤثرة فيجب أن يكون قدوة يحتذى بها خلقا وعملا مثل

الفنانيين الرياضيين الإعلاميين

عندما يكون الإنسان من أصحاب الرسلات يجب أن يحترم مكانته ويحتفظ بصورته

عاليا حتي لايسقط من أعين متلقي رسالته كأساتذة الجامعة وجميع المدرسين من كي جي

الي الثانوى

عندما يكون اإنسان يحمل ملامح الإنسان ويطلق عليه لقب إنسان لإن الله كرمه وأنعم عليه بنعمة

العقل والكلام فيجب أن يحترم هذا ويعلم ان الإنسان يعني ونس وليس وحشة تواصلوا يا بنو آدم

يعني إنس وليس شيطان اتقوا الله في أنفسكم

يعني إرحم لاتكن غليظ القلب سئ المعشر يعني إحسن قولك ولا تكن سليط اللسان كن بشوش الوجه

ليس كئيب عابث

ياأخي ياإنسان إبحث بداخلك عن بصيص من النور وذرة من الخير إبدأ من الآن لا تفكر في غير كونك إنسان

============================================================

مش حكتر عليكم كفاية كده النهارده

وتحيا مصر