باقات من الورود وأجمل التهاني بعيد الأضحي علي حبايبي المودنيين والمدونات وبحج بيت الله كلكم موعود
تحمر من الفرحه الخدود والقلب يدندن كما العود وبعوده الأيام عليكم بخير ياأجمل من في الوجود
كان عيد جميل أصل ياحبيبي العيله عندى إضاف ليها ملاك جميل أسمها روضه حفيدتي أخت قمحه باشا
يارب فرح قلبكم بحبايبكم هي دلوقتي عندها شهر علشان كده الفتره اللي فاتت كنت مشغوله وطبعا قمحه كان له مغامرات
معايا طلع غيرته من أخته فيه وراني الدنيا بالألوان من عض وشد شعر ...
إمبارح كان عايز ينام جنبي علي كنبة الأنتريه معرفش , قال لي انتي تخينه كده ليه
مس عارف انام جنبك انا حأقطعك لغاية متبقي زى عمتو هبه علسان أعرف انام جنبك
بعديها بشويه قلب عليه وقال أنا مس بحبيكيش ليه ياقمحه علسان انتي وحسه انا حعلقك في المحوره
وادوس علي الزرار المحوره تفضل تلف تلف وانتي تبرجرسي بايدك ولجلك وتروحي منتوره علي السرير تنكسر لقبتك
وانا افرح واقول لبنا خد لي حقي
كفايه كده عليكم وأسيبكم علي خير وكل سنه وانتم بخير ويدوم عليكم الأعياد والفرح
الأحد، 21 نوفمبر 2010
كل سنه وحضراتكم بخير
الاثنين، 1 نوفمبر 2010
فزورة تانيه
الخميس، 28 أكتوبر 2010
فزوره آنشتين
هذا اللغز كتبه العالم انشتين بنفسه وموجود بمنتدى بس حبيت احطه بنفسي
علي فكره معرفش يحله طق مات بعيد عن السامعين والمدونيين
اللغز هو
توجد خمس منازل لكل منها لون مختلف
يسكن كل منزل شخص من جنسيه مختلفه
كل ساكن يفضل مشروب معين , ويدخن سجائر نوع معين , ويحتفظ بحيوان اليف معين
لااحد من الجيران الخمس يشرب نفس المشروب او يدخن نفس السجائر او لديه نفس الحيوان الأليف
معلومات الربط
يسكن البريطاني في المنزل الأحمر
لدى السويدى كلب
الدينماركي بيحب شرب الشاى
البيت الأخضر علي الجانب الأيسر من البيت الأبيض
مالك البيت الأخضر يشرب القهوة
الشخص الذى يشرب سجائر بيل مال لديه طائر
الرجل الذى يسكن في البيت الأوسط يشرب الحليب
مالك المنزل الأصفر يدخن السجائرنوع دانهيل
يسكن النرويجي في المنزل الأول
بسكن مدخن سجائر مارلبورو مجاورا لمن لديه قطه
الرجل الذى لديه حصان يسكن مجاورا لمن يدخن سجائر دانهيل
مدخن سجائر نوع وينفيليد يحب شرب الجعه
يسكن النرويجي مجاورا للبيت الأزرق
يدخن الألماني سجائر نوع روثمان
مدخن نوع مارلبورو لديه جار يحب شرب الماء
المطلوب
تحدد نوع الجنسيه \ اللون \الحيوان\ المشروب\نوع السجائر
لكل واحد منهم ومن منهم حيوانه الأليف سمكه
محمد الله يسامحه عطهاني علشان يختبرني واعطي لهبه نسخه
وقعدوا يقسموا عليه لكن ربنا نصرني عليهم وحلتها قبلهم اومال
ده احنا برضوا الأكلنا البيض بقشره والخروف بفروته
انا قلت الحكومه شغلانه بإرتفاع الأسعار ومشاكل لاحصر لها واللي في دمغها هو اللي ح يحصل
قلت نشغل نفسنا بمزجنا احس ميشغلونا غصب عنا
يلأ ياشطار شغلو الأفكار وحلو معانا هالفزار
الله يعطيكم العافيه........
الأربعاء، 20 أكتوبر 2010
كل سنة ومصر طيبة
كل سنة ومصربخير وطيبه
طب إزاى تبقي بخير وطيبه
وكل حاجة فيها مكركبة مش مظبطه
صحتها عدمانه وبالعلم جهلانه وصورتها
مشخبطه
وناسها بقت مهمومه نسيو الفرح والزقطته
غاب التسامح بينهم وأفاكرهم متخبطه
بدل السلام والمحبه سكينهم بدماهم مخضبه
جواهم اهات وأنين ونفوس تايه ومحبطه
حيلاقوها منين ولا منين والغلا نهشهم وطابور
العيش هرسهم ومن طيبتهم في حبال دايبه مشعبطه
ضحكو علي دقونهم وشيبتهم وحذفوا الوعود
من المضبطه
ده حتي الزباله لها صاحب يفنطها وإحنا مالينا
وإتهرينا شقلطه
أصحاب حضارة سيعتلاف سنه ومنين
متدخندقين في عالم ثالث والدنيا شبعانه فينا مقلته
سارقو أثارى وتاريخي وباعو الحديده وخدو ضريبه علي دارى
وسابوني في الهو مشعيطه
ياأكتوبر صحي الشهيد يشوف روحنا المحطمه
ضحيت بروحك وبكل غالي لأجل تفضل مصر أبيه
تعال شوفها نايمه ومسقطه
باعوا سينا يالكيلوات والعرض سارى لليدفع
للجتت المحنطه
تنزل عليهم لعنة جدودى ويدقو جزاء الخيانه وطعم المرمطه
دم بارد وده شئ وضيع حتي أحلي شئ بنعيشه
شعب فرحان بجيشه اللي رجع فرحت عمره
تاني لحضنه سرقو الفرحه وهزو شعوره
خاف من يأسي ياللي بتئسي مش حفضل علي طول في نواح
حنفض صبرى ودبر أمرى وأنت حتبقي إمبارح ونورى حيفضل صباح
وأكتوبر راجع من تاني وشهيدى حيطل علينا بوش جميل وضاح
والصحه حتبقي متينه والعلم حينور ليلينا من غير مصباح
والزرعة بذرتها حتطرح قمح وقطن ويعود مجد الفلاح
وترجع مصنعنا تصدروالعالم لده حيقدر وترجع تاني الأفراح
وسنك بامصر حيضحك وقلبك يبقي مرتاح
بحبك يامصر والهم مصيره عنك ينزاح
الأربعاء، 13 أكتوبر 2010
انا لاهجرت ولا نسيت
أوعي تزعلي انا لاهجرتك ولانسيتك
وبندم علي كل يوم غبت عنك وماجيتك
لكن أعذريني وصدقيني انا حبيتك
وحبيت صحبه جميلة كانت معانا ود ومحبة
بكلمة حلوة في عز الشتا دفتني ودفيتك
صعبان عليه حالنا تخدنا تجيبنا لايوم تعبنا ولا زهقنا
مواضعها قصة حكاوى نعيشها كلمها بلسم مدقترش متحبوش
فشكووول هوسنا عمال يغظينا بكلام مفشكل متسلهوش
وعاشق صبابة علي الربابة بيغازل حبيبته بكلام
صادق من غير رتوش
وهو واحد من عمالنا عايش مبينا سلام مربع
وأضرب ياأبني كام خرطوش
برغم انه من غير عنوان رحت لحدة وشفت
حنان بيقطر حكمة من قلب إنسان يترفع لها
البرنيطة والطربوش
سؤالي الحصرى علي المحترم بيرم المصرى
السلام عليه ولاسلام مع الصهاينه ميستهلوش
وبن الملوح الله يعينه علي مشاكل في تداوينة
ويقدرة علي حل اللي غيره معرفوش
ومجداوية أرأها قوية كلامها جامد طلقة متخيبش
والغنية أم البنات نفسها هادى
طلتها تادية يسعد زمانها اطيب قلب واجمل وش
ويسمباوى يهدى سرة ويفرح بعوضه بس يترى ليه
عني مبيسألش
وصلح صلح غاب وتسرح فتره طويله عاد من تاني
بس لسه متكلمش
ونغم الجميله رقيقة كلمها سكر ومبالغش
ونور شاهين شقية خفة عمليه ومبتلعبش
وكلمات من نور بتشع حكمة كلمها كنوز
يارب عافيها ولا ترقدش
وأجمل إحساس رب يخليها لوالديها
ويرزقها بعريس محصلش
والصباغ ودكتور وائل أكل الفلافل ومن يومها مبنش
ومانو وشرم وغير معرف وحسونه كمان
وحسين لازومي وعم الجاريحي والمستنصر بالله
والنسر المصرى واللي بيسأل واللي مبيسألش
كله بسلم عليه وبقوله أتمني مني متزعلش
انا غصب عني عن التدوين بعدت لاكن أبدا ليكو منستش
الخميس، 19 أغسطس 2010
كل رمضان وانتم بخير
كل سنة وحضراتكم بألف صحة وعافية
ربنا يعود عليكم الأيام بخير
النت متلخبط عندنا بيجي يوم وبغيب عشرة
الشركة االجديدة كل إهتمامها جمع الإشتركات
دون النظر لتحسين الخدمة أرجو المعذرة لعدم التواصل
أتمني للجميع صوما مقبولا وذنبا مغفورا
الخميس، 24 يونيو 2010
عقبال الحبايب
أزيكم يارب تكونو كلكم بخير
أخرت عليكم معلش عقبالكم يارب
زوجي المبجل وأبنتنا العزيزة وزوجة إبني المصونة
كانو في عمرة وطبعا أحمد باشا هيثم الشهير بقمحة كان عندى
وهوحفيد جميل وهادى جدا ومبيرميش حاجة في الشارع
ولا بيعمل شقاوة ولا بيطفي التليفزيون عندا فينا
من كتر مبشخط فيه مسك البقسماط وحطه في كوب اللبن
وعمال يقلب بقوله يا قمحه ياحبيبي كل علي طول انت بتقلب
مين غير متاكل قالي بدور علي تعبان يقرصك علشان انا أرفت منك
زأهتيني ...... ومرة تانيه بقوله نفسك تاكل آيه ياحمد قالي
نفسي أرميك من الشباك وأرتاح منك وميباقاش عندى تتتات
قد كده انا وحشه الله يكون في عون العيال وأبوهم
بس يعني ده ميمنعش إن قمحه باشا بيحبني لأنه بيعضني جامد
ويشد شعرى وقول له حد يعمل كده في تيتا يقولي
أصل بحبك جدا جدا وجهة نظر برضه ولازم أحترمها
الجمعة، 21 مايو 2010
ياساتر أستر
ياساتر أستر القلم لحكايات والبلاوى بيسطر
ناس جعانه وعيانه دى حتي لو شربت ميه نضيفه من الخضه حتسكر
وراح تنسي مشاكل تعليم وصحة وموصلات وللحكومة راح تشكر
وتعمل طرشه ومش حتعلق لما المسئول يتجمل وهوكداب وبيفشر
وممكن كمان ناس تعبانه تغمض عينها ومتشوفيشي
كروش حترشء من الكفيار وهي مش لاقيه الطرشى
ممكن تغمض ومتسمعش لكن تسكت متتوقعشي
لو الكيل طفح والدم غلي أوع تقوله متفرقعش في وشي
ياستر أستر من دى ناس عمله الغلابه تجارتها
مره تبيعهم بالقطعه ومرة تعبيهم سلعة
في مركب بيهم مليانه في البحر تكون نهايتها
وبدم بارد ينعيهم ويجيب العيب عليهم
وليه باعو الدهبات والأرض والهدمه اللي عليهم
مالأرض معادت تدى والغلا وباء بيسرى
وفي السوق حيتان مبترحمش وماتقولش أزمة وحتعدى
فين الحلول والدرسات لما بعنا وخصخصنا
ولصنعاتنا قلصنا وللعماله خسيسنا
وللبطالة زودنا أصل ده اللي ناقصنا
ياستر أستر فين الدم هرب منك ياأخينا
لما الزرع أتروى بمية صرف وبعدين بعته لينا
وترش وتسرطن
وانت بتتفسح في مؤتمرات فلوسها من لحمي الحي
وقاعد مجصوع متسلطن
عمال تلف علي المولات تجيب روايح وجلونات
وتبني في قصور وعماير وشبابنا من الركنه هيعطن
والغلابه ياولداه ده متفيرس يامكنسر ولا حاجه فينا بتتحسن
وانت عن النعيم والرخا في كل حته بتلسن
روح ياشيخ منك لله ضيعتنا ورحنا بلاش عامل كمبينه علينا
تاخد منا وتشحتنا وعامل آل آيه بتدينا
إداك في سنانك قبل عنيك وتتفرط صوابع إيديك
ح عرى راسي وأدعي عليك انت وكل البرتيتا
يجلكم كساح وتضيق عليكم الدنيا البراح
ويذهب عزكم علي الرصيف وتنعو الزمن اللي راح
وتنظف جيوبكم من اللحاليح وثلاجتكم من اللي بيصيح
ولما نشوفكم منعبركم ونقول ياباى علي دى تلائيح
وياستر أستر القلم للبلاوى والحاكايات بيسطر
وده بجد بجد و فعلا صحيح
!!!!!!!
!!!!!!!!!!!!!!
!!!!!!!!!!!!!!!!!!!!!!!!
!!!!!!!!!!!!!!!!!!!!!!!!!!!!!!!!!!!!!!!!!!!
اسم الله علي مقام اللي بيقرا واحد كان زعلان من أسمه
كان أسمه فلان ألوط راح مغيره وسما نفسه علان الوط
اهو برده ده اللي جارى لينا من مسئولينا يسيبوا الخيبه التقيله
ويتصدرو في الهايفه ।
معذرة عن هذا التشبيه المقرف بس بجد انا مغلوله منهم
الثلاثاء، 18 مايو 2010
تعليق لمدونة صعبان عيه حالنا
السلام عليكم ورحمة الله وبركاته
الجمعة، 23 أبريل 2010
بجد انا متضايقة جدا
الثلاثاء، 20 أبريل 2010
جعان كل لما تشبع بس مكسر متكلش سليم متكسرش
ده مثل سمعته زمان من جدتي رحمة الله عليها إفتكرته لما بعض من أعضاء مجلس الشعب نوبنا العظماء من أصحاب الكروش
الواسعة والضمائر المطاطة طالب بإطلاق النار علي الشباب المتظاهرين والذين يعبرون عن رأيهم في حال البلاد॥
ويمكن طبعي يرفض التظاهرات ولكني أحب أن أعبر عن رآى بالقول أو بالكتابه وطبعا اللي حيسمعني عدد محدود ويمكن
ميكنوش صوتي له صدى علشان كده اللي انا عاوزاه بيبقي جواية وأحيانا بيقولوا علي اللي مثلي سلبيين أو مسالمين
لكن رأى إن أحيانا في ناس تندس وسط المتظاهريين وبيقوموا بتصرفات سيئة تنسب لهؤلاء المتظاهريين وهم مجموعة
من الشباب المثقف الواعي ويعلم جيدا إن إتلاف المال العام ليس في صالحة والنهب والسرقة التي يقوم بها هؤلاء الخارجيين
عن القانون المندسيين سوف تنسب لهذا الشباب الحر حرج شديد وإلصاق هذه التجاوزات الغير مسئوله لهم ودى طبعا
نجي بقي لموضوع المثل لو الساده الأفاضل من الحزب الوطني يبقي عيب عليهم قوى يطالبو ا برمي هؤلاء الشباب
المتظاهر بالرصاص لأن الحزب ملقب بالوطني الديمقراطي طب ولو نائب في المعارضه تبقي مصيبه لأن سيادة النائب المعارض
بيصرخ في بالرلمان ليل ونهار من أجل مزيد من الديمقراطيه ...
طب الشعب في زمن الديمقراطيه والمطلوب منه أن يعبر عن رآيه يعمل آيه طبعا حيروح في حته الناس تشوفه وتسمع له
ويقول بقي اللي في نفسه ويدمقرط برحاته مهو النواب الأفاضل بين منادى بالديمقراطيه وبين ديمقراطي أبن ديمقراطي
بس لقي حد بيقول له ديمقراطيه آه بس بحقك مطالبش وان طالبت متتكلمش وإلا سوف نقوم نحن بخرسك إلي الأبد طب ده أسمه
كلام علموا شبابنا ثقافة الحرية أزاى يعبروا عن رآيهم بتحضر إزاى يلاقوا ودن تسمع لهم وأيد تتمد لهم أسمعهوا لأفكارهم
وخلوهم يشاركوا في تقديم الحلول خلوهم يختاروا الحزب اللي عايزين ينضموا ليه ويكون ليهم أجنده يقدموها وياتزموا
بيها ॥
إبدؤا بالديمقراطيه وحرية التعبير بتحضر ورقي من المدرسه ولو فيه خلل في أى مؤسسة ينظر لموطن الداء ونقدم
الدواء ويبتر مسبب الداء ... تسحب بعض الصلحيات التي أفسدت بعض من هؤلاء النواب كتأشيرات الوظائف والحج
والعلاج علي نفقة الدوله لكي لا يكون دخول المجلس سبوبة تستحق الصراع عليها ....
وعاوزه أقول حاجه أوزنوا النواب قبل دخولهم المجلس وبعد خروجهم والفرق ده حقنا دمنا اللي عايزين يهدروه
صحيح اللي أختشوا ماتو ।
وجعان كل لما تشبع بس سليم متكسرش ومكسر متكلش وبالهنا ءوالشفاءوعجبي
الخميس، 15 أبريل 2010
مش كده ولا آيه
هذا الموضوع أفزعني وأخد وقت من تفكيرى وهو له شقيين شق طبي وسأتركه للمتخصصين وشق إجتماعي
وإنساني وده اللي سأتناقش فيه معكم....
لاحظت من سنوات قليله إن سيدات كن يخضعن لعلاج عدم الإنجاب بعد مدة متفاوته يصبن بالسرطان
والسبب بعض االأدويه المستخدمة
طبعا بتكون السيدة أنجبت طفل ولا أكثر وتبدأ أعراض المرض تظهر عليها وبتدخل في دوامة العلاج والسفر
وطبعا مايترتب علي هذا من عدم إستقرار وقلق يسيطر علي الأسره .....
أولا أين الضمير المهني للدكتور لماذا لا يصارح السيده بالأثار الجانبيه لهذه الأدويه ।
ولماذا لايعمل القائمين علي صناعة الدواء في البحث عن مسببات هذه الأثار الجانبيه القاتله وتفاديها
ثانيا موقف الزوجه التي تعرضتت لمثل هذا المرض ربنا يشفي كل مريض ويمتعكم جميعا بالصحة والعافيه
بعد أن أنجبت وأثصبحت غير قادره علي خدمة أولادها وزوجها ورعايتهم وهي تعاني من المرض وآلامه
لماذا لاتفكر الزوجه بأن تكفل يتيم أو أن تبحث للزوج عن أخرى يكون سبق لها الإنجاب ويعمل لهما
الفحوصات الازمه قبل الزواج أو تنفصل بهدوء ...
ولماذا نهمل عملية الفحصوات الطبيه قبل الزواج لتفادى مشكلات كثيره تحدث بعد الزواج كالإنجاب
وولادة أطفال معاقين ذهنيا أو مصابين بأمراض ....
هو إحنا حنفضل لأمتي نفتقر لثقافات مختلفه أمتي حنفكر لبكرة صح ...
لو فكرت الزوجه بالعقل حتلاقي آيه يفيد ها لو أنجبت وتوفت بعد ذلك من أثر الأدوية وزوجها برضه حيتجوز
بعد متتوكل وربنا يكون في عون ولادها يتولاهم ربنا برحمته ياوقوعو في زوجة أب حنينه ياشريرة...
طبعا الموت علينا حق وبيد الله سبحانه وتعالي لكنه اوصانا بألا نرمي بأنفسنا للتهلكه
أما الدكاترة وشركات الأدويه هما المستفدين من دى الحكايه مش كده ولا آيه
مع الإعتذار لأصحابي الدكاتره المحترميين
مشاكل تبحث عن حل
إن نفع كلنا رغفانه وإن مانفع خدنا خلجاته
ردا علي صديقتي الحبيبه الدكتوره نور هاتي ...
كنت عاوزه أكمل الموضوع قبل ردك ولكن الجهاز كان فيه مش حفسر علشان في ناس بتقلك من الحكاية دى
لكن كل اللي أقدر أقوله هو المثل عاليه عنوان البوست ...
انا شوفت مهازل واحد عنده ستين سنه متجوز شابه في العشرينات ... وطمع وجشع
وكأن الدنيا مفهاش شاب يناسب فعلا البعد عن الدين والجرى ورا طمع الدنيا عمي ناس كتير عن
المثل والأخلاق .....
وصدق رسولنا الكريم عندما قال إختارو لنطفكم إن العرق دساس ... وحديث آخر إذا جاءكم من ترضون دينه فتزوجوه
الخميس، 18 مارس 2010
مشاكل تبحث عن حل
إن كنت عاوز تمص قصب يبقي من الوسط وان كنت عايز تناسب خد رفيعة الوسط
إستكمالا لمشاكل تبحث عن حل ......... سأعرض عليكم هذه القضيه وهي ترتبط بالمشكلة السابقه
لما يكون دينا الحنيف وجهنا وأمرنا أن ندقق عند إختيار شريك الحياة وكذلك رسولنا الكريم أشار
في أحاديث كثيرة لهذا الموضوع ....
يبقي واجب علينا أن نأخذ بالقرآن والسنة المشرفه ... لكن دلوقت وفي هذا الزمن اللي مايعلم بيه إلا
ربنا أصبح للزواج حسابات أخرى ... كانت صادمه بالنسبة لي६...
الحمد الله رب العالمين احب ان أساعد الشباب والشابات من الأهل والمعارف في العثور علي النصف الأخر
وبفضل من الله عز وجل كثيرا ما يحالفني التوفيق وسارت علي نهجي إبنتاي ,لاحظت من فترة طويله
إن الشباب أصبح ينظر للفتاة من الخارج آى لون البشره ॥ المظهر العام , عدد البشوات اللي في العيله
الممتلكات ।!...ياربي محدش سأل عن واحده ملتزمه عارفه دينها من أسرة محترمه॥
اللي سبب غيظي لما واحد ملتحي قصدني في البحث عن عروس ......... وكالعادة سألته
آيه شروطك في بنت الحلال قالي بالحرف الواحد ودون تردد بيضه وحلوه ॥ قلت له بس ॥ قال بس
غريبه كنت مستنياك تقوللي محجبه حافظه قرآن .... قاللي الحاجات دى شغلتي انا بعد الزواج
انا عايز واحده حلوة متخلنيش أبص برة ॥ طب أهلها ॥ قالي متشغليش بالك لو طيبين خير وبركة
لومشاغبين انا ليه مراتي حتي لو أقتضي الأمر أخدها وسافر أى بلد وابعد عنهم وعن مشاكلهم॥
آخر قالي انا عاوز واحده تكون عليتها أصحاب نفوذ أهو نشم نفسنا شويه طب الشخصه نفسها
قال متفرقش معايا حلوة أوحشه المهم عندى سطوة أهلها ونفوذهم ॥
الثالث قالي حاولي تعرفي لي العقارات اللي عندهم والأرصده وهل هي ليها ممتلكات شخصية
وعلي فكره ميهمش الشكل ولاالسن॥
حضارتكم معايا في إن الموضوع عاوز بحث ونظرة للمتغيرات اللي طرأت علينا كمجتمع مصرى
محافظ كان دائما وأبدا يحافظ علي التقاليد وعلي الأصول والأعراف ....
وهناك أيضا زواج شبابنا من أجنبيات ومايترتب من مشاكل جراء هذا الزواج ॥
أنتظر آراءكم ووجهات نظركم
