الاثنين، 1 نوفمبر، 2010

فزورة تانيه

حلو معايا الفزورة دى
شاب في مقتبل حياته العمليه راتبه اووووووووووووور بعمائة جنيه مطلوب منه انه يعيش
ويحوش منهم علي أن لايسرق ولا يرتشي أو يختلس ولا يشتكي
معلومات الربط
الشقه بتاعة الشباب مقدمها تلاتين الف جنيه إيجارها مائة وخمسين جنيه قابله للزياده بدون سابق إنذار والدفع لا تنسحب منك
ولو سكنت إيجار مش إقل من سوتميت جنيه وخمس سنين يرفعها كمان ميه ولا متين يتلاقي نفسك علي الرصيف
انت والعائله الكريمة علي متفرج
شبكه والذهب داخل علي متين وخمسين جنيه للجرام حتي لو جبت دبله وخاتم مشكله
الأسعار اللي ملهاش ظابط ولا رابط بتنهش في الجيوب نهش وملهاش كبير يرجعها
المطلوب منك ان تكون رب أسره مسئول عن علاجها تعليمها تأمين مستقبلها
إذا معرفتش الحل إسترجل وإشرب بيرل لآن لابلوجر ولافيس من غير بوك ولا آى حد عنده الحل
مفيش غير الدعاء علي حكومة نظيف وكنس مقامات آل البيت عليهم
وتعرية رؤوسنا وحسبنا الله ونعم الوكيل
بالذمة مش فزورة آنشتين أسهل

هناك 23 تعليقًا:

Beram ElMasry يقول...

الشاعرة وفاء بركات
جميل جداً هذ الطريقه فى التعليق والرد وصدقينى أنك تتقنين رسم الصور ولديك وفرة فى الكلمات وأعجبنى
لوالسايب فينا يخلص المربوط يلزم حدوده العاصي ويرتجع
تحية وسلام ولا سلام مع بنى إسرائيل

Beram ElMasry يقول...
أزال أحد مشرفي المدونة هذا التعليق.
وفاء بركات يقول...

ربنا يجبر بخاطرك شاعرة مره واحده
رأيك أعتز به وأتمني ان اكون عند حسن ظنكم بي ويشرفني تعليقكم بالمدونة وأنتظر منكم تصليح أخطائي حتي أكون جديرة بهذا اللقب
والسلام عليكم ولا سلام مع إسرائيل

واحد من العمال يقول...

السلام عليكم

قال نظيف قال !!
دا نظيف المخ
الغريب أن جميع مشاكلنا لها حل وعندنا أمكانيات مش عند حد
بس فين إللى عايز يحل
مش فاضيين حضراتهم مشغولين بتأمين مستقبل الأولاد
وعلى شبابنا الصيام

ودمتِ بألف خير ومنوره

Beram ElMasry يقول...

الاخت العزيزة وفاء بركات
تلقيبي اياك بالشاعرة لامجاملة فيها فانت كما قلت لديك ثروة من اللغة وقدرة علي التصوير ويبقي ان لا تتعجلي الكتابة قبل ترديد ماتكتبين مع مراعاة الوزن والايقاع وهو ينسجم عندما يتطابق الحرف الاخير وحركته (الروي) ومراعاة حركة الحرف قبل الروي
مثال:
تعتع وشعشع ودمع (مع فتح التاء والشين والميم) بينما كلمة (بعبع) بضم الباء لاتنسجم وتخل بالميزان

لك مني كل تحية والسلام ولاسلام مع بني صهيون

كلمات من نور يقول...

دي مبكية مش فزورة يا فوفا يا حبيبتي كل أبنائنا هذا الشاب

وعايز يعف نفسه وعايز يتجوز وعايز يخلف

نهاجر كلنا بقى ونسيبهالهم؟

جايدا العزيزي يقول...

كل عام وانت بخير

كل عام وانت الى الله اقرب وعلى طاعته ادوم

عيد اضحى مبارك

اعاده الله عليك بالخير واليمن والبركات

ويارب العام القادم تكون عند الحبيب المصطفى

عيد سعيد

تحياتى

Beram ElMasry يقول...

الاخت العزيزة
اجمل التهاني واطيب الاماني بعيد الاضحي المبارك اعاده الله عليكم وجميع الاهل بالخير والبركة

romansy يقول...

بهديكم بوكيه من الورورد على أنغام أحلى عود ودايما العيد عليكم يعود كل سنة وانتم دايما بخير

عيد سعيد على كل الناس الطيبين

norahaty يقول...

كل سنة وأنتى
بألف صحة وعافية
يااستـــاذة وفاء.

norahaty يقول...

الفزورة صعبة
وحلها أصعب
ومتهيأللى
ما يقدر يحلها
الأ حلال العقد كلها
ربنا سبحانه وتعـــالى

فشكووول يقول...

السلام عليكم وفاء هانم
تحياتى
كل سنه وانت طيبه
فى العام القادم على جبل عرفات باذن الله
مع تمنياتى بموفور الصحه والعافيه
مرة ثانيه كل عام وانت بخير
تحياتى

واحد من العمال يقول...

السلام عليكم

فزوره صعبه فعلاً لأن الربعمائه جنيه مرتب شهرى معناه أننا عدنا لزمن العبيد يعنى العمل باللقمه وحاف كمان
وطبعاً ليس للعبد حقوق !!
يعنى ليس من حقه التفكير فى الزواج أو بناء منزل وأسره ولو بدون شروط
وهذا ماوصلت إليه مصرنا للأسف
وواضح أننا يجب أن نبدأ من جديد بنسف حمامنا القديم

ودمتم بخير حال وكل عام وحضرتك والأسره الكريمه بخير حال

وفاء بركات يقول...

اهلا بواحد من العمال المحترمين جدا
المدونة وصاحبة المدونه كانو مفتقدينك جدا خالص وربنا ميحرمنا من إطلالتك
بالنسنة للآمكانيات خايفين يظهروها لنتحسدوبعدين مستقبل اولادهم طبعا احسن من الشعب عز مصر بيقول مصر شعبها مش فير ودليل علي كده كمية الزباله الموجوده هو مش عارف أن نصف في المائه من الشعب بيرمي الزباله والباقي بياكل الزباله
حسبنا الله ونعم الوكيل
تحياتي

وفاء بركات يقول...

استاذى الفاضل بيرم المصرى
اطال الله بقائك ومتعك بالصحة والعافيه
انا ممتنه جدا لتلقيبي بالشاعرة وكون حضرتك من لقبني بهذا اللقب شرف عظيم لي وسأحاول جاهدة بالعمل بنصحك لي
دمت لي والسلام عليكم ولا سلام مع إسرائيل القتله اللئام

وفاء بركات يقول...

كلمات من نور
أخبارك ايه ياحبيبتي ربنا يفرحك بأولادك..
بشفك علي شبابنا وظروفهم الصعبة
ربنا يعنهم ويعنا .
دمت لي

وفاء بركات يقول...

جايدا العزيزى
شكرا علي المعايده الرقيقه دى
وإن شاء الله نتقابل جمعا في الروضه الشريفه.
تقبل الله منك الدعاء وصالح الأعمال وهنئك بنعيم الجنان بجوار خير الأنام
دمت

وفاء بركات يقول...

يارب يبارك في حضرتك ياٍستاذ بيرم
وما يحرمنا من معيداتك ويعودالأيام علي حضرتك وعلي أمة محمد بخير وسلام ورخاء
والسلام عليكم ولا سلام مع إسرائيل

وفاء بركات يقول...

حبيبة قلبي ياجميل
ايه المعايده المتقسمه ديه دى حاجه
مزيكه خالص .. ربنا يجعل أيامك كلها أعياد وفرح ويعود عليك الأيام بخير
**************
ربنا يحلها من عنده ويصبرنا علي مبلانا
**************
مع تمنياتي لك بعيد سعيد أعاده الله عليك وعلي أمة خير الأنام بالستر والصحة والوئام

وفاء بركات يقول...

أستاذ فشكول عندنا يامرحبا يامرحبا
كل سنه وحضرتك والأسره الكريمه وعلي رأسها الحاجه أم أسامه بخير وصحه
انا عملت نشر لتعليق حضرتك بس نزل علي التعليقات الداخليه وليس علي البوست قلت يمكن لقي طبق هبر اقعد يمزمز فيه وزمانه جي
سلامي لكل العائله

nour shahen يقول...

انا مش لاعبه يا فوفا
كل ما ادخل الاقى فزوره ايه دا بس حرام كدا
انشتين نفسه لو شاف الفزوره دى مش هيعرف يحلها وهيفضل ندفنه من جديد هههههههههه

بصى انا ليا تصور حلو قوى حاجه من اتنين اللي يخلف ولد او حتى بنت يفضل يحوش لحد ما ابنه يكبر مهو الغلطان خلفه ليه لما مش هيعرف يأمن مستقبله لازم يبقى عارف هيجى فى زمن اغبر الا من رحم ربى

او الحل التانى انه يعمل جمعيه اتبرع بلى تقدر عليه تعاطفك لوحدو مش كفايه
وهكذا كلنا نساعد بعض بقى ويعملها داخل عيلته وقرايبه واصحاب واصحاب الاصحاب لو منفعش يبقى يوسع نشاط الجمعيه للعامه واللي رايح واللي جاى

الحل اللي عرفته بجد فى حياتى علشان تحقق حلمك بتأسيس اسره هو حاجه من اتنين لأسرتك تساعدك بحاجات كتيره وتكون ابن اسره مقتدره
لتطلع من فترة الثانوى تشتغل وعلي ما توصل لسن الجواز هتكون قدرت تتجوز
لتسافر وتتمرمط وتتجوزواحده مش من دينكولا اخلاقك وترفعك معاها وشكرا
هتقوليلى قولتى تلاته مش اتنين هقولك متاخديش فى بالك يا قلبي انا نظرى بقى ضعيف من كتر الفوازير دى
ومش لاعبه بس هيه

وفاء بركات يقول...

نور شاهين
حبيبتي الصغيره الشقيه ذات التعليقات اللآذعه الضاحكة الباكية .
وحشاني من زماااااااااااااان حمدالله علي سلامتك.. لازم الفزورة تكون صعبة
قول لي علي حاجه سهلة في الزمن ده
بجد حلولك منطقية وتستحق الدراسه وأهو المجلس المظبط الجديد بدأ وممكن يعمل طلب إحاطه ويحوطنا بعطفه ويمن علينا بوظائف لشباب بمرتبات تكفي لعيشه كريمه مين كريمه دى أوعي تكوني فكره الكريمه بتاعت التورته حينسوا مشاكلنا وحيلحسوها ويكلوا التورته
المهم إنك نورتي المدونه متأخريش عليه

موديل يقول...

حسبنا عليهم و اخيرا ان شاء الله تيجي بفايدة
بس عموما نا عرفت الحل يقعد زي انا و جوزي بقالنا في الغربة 10 سنين و لسة ما جيبنهاش بس ان شاء الله تيجي
لشقق بيتيجي و تروج تماما زي الحكومات
مش كده و لا ايه
موديل صاحبة مدونة عايزة اخس