الخميس، 18 مارس، 2010

مشاكل تبحث عن حل

إن كنت عاوز تمص قصب يبقي من الوسط وان كنت عايز تناسب خد رفيعة الوسط

إستكمالا لمشاكل تبحث عن حل ......... سأعرض عليكم هذه القضيه وهي ترتبط بالمشكلة السابقه

لما يكون دينا الحنيف وجهنا وأمرنا أن ندقق عند إختيار شريك الحياة وكذلك رسولنا الكريم أشار

في أحاديث كثيرة لهذا الموضوع ....

يبقي واجب علينا أن نأخذ بالقرآن والسنة المشرفه ... لكن دلوقت وفي هذا الزمن اللي مايعلم بيه إلا

ربنا أصبح للزواج حسابات أخرى ... كانت صادمه بالنسبة لي६...

الحمد الله رب العالمين احب ان أساعد الشباب والشابات من الأهل والمعارف في العثور علي النصف الأخر

وبفضل من الله عز وجل كثيرا ما يحالفني التوفيق وسارت علي نهجي إبنتاي ,لاحظت من فترة طويله

إن الشباب أصبح ينظر للفتاة من الخارج آى لون البشره ॥ المظهر العام , عدد البشوات اللي في العيله

الممتلكات ।!...ياربي محدش سأل عن واحده ملتزمه عارفه دينها من أسرة محترمه॥

اللي سبب غيظي لما واحد ملتحي قصدني في البحث عن عروس ......... وكالعادة سألته

آيه شروطك في بنت الحلال قالي بالحرف الواحد ودون تردد بيضه وحلوه ॥ قلت له بس ॥ قال بس

غريبه كنت مستنياك تقوللي محجبه حافظه قرآن .... قاللي الحاجات دى شغلتي انا بعد الزواج

انا عايز واحده حلوة متخلنيش أبص برة ॥ طب أهلها ॥ قالي متشغليش بالك لو طيبين خير وبركة

لومشاغبين انا ليه مراتي حتي لو أقتضي الأمر أخدها وسافر أى بلد وابعد عنهم وعن مشاكلهم॥

آخر قالي انا عاوز واحده تكون عليتها أصحاب نفوذ أهو نشم نفسنا شويه طب الشخصه نفسها

قال متفرقش معايا حلوة أوحشه المهم عندى سطوة أهلها ونفوذهم ॥

الثالث قالي حاولي تعرفي لي العقارات اللي عندهم والأرصده وهل هي ليها ممتلكات شخصية

وعلي فكره ميهمش الشكل ولاالسن॥

حضارتكم معايا في إن الموضوع عاوز بحث ونظرة للمتغيرات اللي طرأت علينا كمجتمع مصرى

محافظ كان دائما وأبدا يحافظ علي التقاليد وعلي الأصول والأعراف ....

وهناك أيضا زواج شبابنا من أجنبيات ومايترتب من مشاكل جراء هذا الزواج ॥

أنتظر آراءكم ووجهات نظركم

هناك 4 تعليقات:

norahaty يقول...

السلام عليكم ورحمة
الله تعالى وبركاته
وحمداً لله على السلامة
يااستاذة وفاء منورة
بلوجر ومنورانا كلنا
الجواز بقى مشكلة كبيرة
من كل حاجة من الافراد
والطلبات وزى الاولاد
ما بيطلبوا البنات برضه
بقوا عايزين الغنى بصرف
النظر عن عمره او الوسيم
او حتى اى راجل بردون ولو
كان متجوز قبل كده بس المهم
انها تتجوز ومش مهم لو اتطلقت
بعد كده المهم عندها انها لا يطلق
عليها وصف(..سة)قصدى ان المفاهيم
الغلط فى بلدنا بقت كتيرة وتغيرها
محتاج سنين وسنين .

فشكووول يقول...

السلام عليكم وفاء هانم
تحياتى
للاسف يا وفاء هانم الجواز عامل زى اللى بيشترى بطيخه .. يا تطلع قرعه يا تطلع حمره .. والواد او البنت قبل الجواز بيكون طيبين وصادقين فى طيبتهم لكن بعد الجواز الله اعلم ايه اللى بيحصل وبيتغير الحال خالص.

وبعدين يا ستنا البيضا حلوه برضه .. يعنى ما فيش مانع تكون حلوه وبيضا وتعرف ربنا برضه ويكون عندها لحمه كتيره يعنى عشان العريس يبر نفسه هو يعنى الفقر للمسلمين والغنى لغير المسلمين .. فيه مسلمين برضه حلوين ويعرفوا ربنا وعندهم لحمه كتير

تحياتى

قيس بن الملووووح يقول...

كل عام انت وكل ام بخسر وسعاده

كلمات من نور يقول...

فعلا في الجواز بتشوفي العجب ...أنا علشان كده مبحبش احط نفسي في المواقف دي وخليني أضحكك : من كام يوم والدي كلمني عايز عروسة لواحد عنده 52 سنة متزوج وزوجته لا تنجب ويريد الزواج علشان ينجب وشروطه يتزوج بشابة لا يتعدى عمرها 25 سنة وتكون حلوة وبيضا ومش شرط محجبة ...بالذمة داه عايز يتجوز علشان يخلف؟؟؟؟؟؟؟