الخميس، 24 يونيو، 2010

عقبال الحبايب

أزيكم يارب تكونو كلكم بخير



أخرت عليكم معلش عقبالكم يارب



زوجي المبجل وأبنتنا العزيزة وزوجة إبني المصونة



كانو في عمرة وطبعا أحمد باشا هيثم الشهير بقمحة كان عندى



وهوحفيد جميل وهادى جدا ومبيرميش حاجة في الشارع



ولا بيعمل شقاوة ولا بيطفي التليفزيون عندا فينا




من كتر مبشخط فيه مسك البقسماط وحطه في كوب اللبن



وعمال يقلب بقوله يا قمحه ياحبيبي كل علي طول انت بتقلب



مين غير متاكل قالي بدور علي تعبان يقرصك علشان انا أرفت منك



زأهتيني ...... ومرة تانيه بقوله نفسك تاكل آيه ياحمد قالي



نفسي أرميك من الشباك وأرتاح منك وميباقاش عندى تتتات




قد كده انا وحشه الله يكون في عون العيال وأبوهم




بس يعني ده ميمنعش إن قمحه باشا بيحبني لأنه بيعضني جامد



ويشد شعرى وقول له حد يعمل كده في تيتا يقولي



أصل بحبك جدا جدا وجهة نظر برضه ولازم أحترمها



المهم أزيكم عاملين آيه



هناك 27 تعليقًا:

norahaty يقول...

الف حمدلله على
سلامة الأحـــباب
كلهم وربنا يخلى
احمد وام أحمد وابو أحمد
وجدة أحمد وجد أحمد وعم أحمد
وعمة أحمد وكل عيلة سى احمد افندى لأجل عيونك ياست الكل.

norahaty يقول...

بس الواد الأفندى
اللى اسمه احمد دا
بسم الله ماشاء الله
لمض شوية عايزين
نخوفه شوية نعمل
له ايه تفتكرى:)؟
عيال دلوقتى ما بيخفوش يااستاذة مرة بقول لأبن
أختى :اسكت أحسن أجيبلك
البعبع قام يجرى على الباب
:هو فين ؟عايز اشوفه:)!؟

norahaty يقول...

كيف محمد يااستاذة؟
خلص الجيش ياترى؟

Haytham Alsayes يقول...

السلام عليكم

عمرة مقبولة ان شاء الله
اما بخصوص الحج قمحة فربنا يباركلك فيه
ويكبر وتلاقيه كدة انسان محترم ان شاء الله
انا جى بس ارد الزيارة الكريمة
وان شاء الله مش الاخيرة


تحياتي

ذكري رحيل قلم يقول...

السلام عليكم

ازيك يا ماما كل سنة وانت طيبة ايام الخير بتهل ان شاء الله تكون سعيدة عليكي وعلي امة محمد

سعيدة جدا بزيارتي هنا

اكيد انت احلي تيتة

حمدالله علي سلامة الغائبين ويارب عقبال الحج المبرور

دمتي بحب وود

أم الخــلـود يقول...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا الله بها .. صبح وليل .. ليل وصبح .. داخله خارجه .. خارجه داخله) وانشروها.

http://dndanh111.blogspot.com

أحمد شريف يقول...

أضحك الله أيامكِ
عمرة مقبولة إن شاء الله للأبناء الكرام

وربنا يبارك في حفيدك ويحفظه لكم إن شاء الله

فشكووول يقول...

السلام عليكم وفاه هانم
تحياتى
يا رب يخلى لك قمحه ويديه الصحه والحمد لله على السلامه برجوع الباشا وزوجة ابنك وابنك من رحلة العمره
اعتذر يا وفاء هانم عن التأخير عشان انا واخد اجازه من التدوين بس كل اسبوع ابص فى المدونه كدا واروح اسلم على بعض الاعزاء وانت طبعا اعز الاعزاء
تحياتى لك يا هانم وسلامى للجميع والف حمد لله على سلامة اولادك وزوجك
وعقبال حجه لكى ان شاء الله

كلمات من نور يقول...

ههههههههههههههههههه حب شديد قوي قوي

ربنا يخليهولك ويخليكي لكل حبايبك يارب

أنا عماله اقول لابني اجوزك و تجيب لي بنوته وابقى اصغر ننا ...يقولي حرام عليكي مش بس اعرف حيخدوني في الجيش والا حاخد اعفاء؟؟؟؟؟؟؟؟ سيبيني شويه يا ماما لسه بدري عالجواز ....وحشتيني يا سيدتي ويارب يرجعوا بالسلامه قبل الحب الشديد ما يزيد ههههههههههههه

الفقيرة إلى الله أم البنات يقول...

حمد الله على سلامتهم يا حبيبتى وعمره مقبوله إن شاء الله
وبخصوص الحفيد ده اجمل شئ ربنا يبارك فى صحتك ويخليك ليهم
وحشتينى واعتذر عن غياب دائما ومتقطع

norahaty يقول...

كل سنة وأنتى بألف
الف الف خير يااستاذة
ويارب دايما منورانا على
طول عيد ميلادك بكرة انا
عارفة
كان نفسى اجيب هدية تليق
بالمقام وبغلاوتك كمان لكن
كومبو بتاعى (مزرجن)على الاخر
لكن برضة ولوووو انا جيت اهوه وبقولك كل لحظة وأنتى بألف خير.

صلطح يقول...

انا بخير الحمد لله ولكن ابتعدت شويه على التدوين ولكن ادعيلى يا أمى ان ربنا يسهلى الحال فى مشروع دروسى وعملى الدعوى

وجزاك الله خيرا على الاهتمام
وصلطح صلطح ياعم الحاج

وفاء بركات يقول...

الله يسلمك من كل شر

وميحرمنيش منك ابدا وتفضلي منوراني

دايما..

وفاء بركات يقول...

كان بابا الله يرحمة ويرحم مواتنا
يقول اتنين عفاريت قالوا لبعض تعالو نضحك علي البني آدمين فخرجو لقوا طفلين بينبشو في التراب فسألوهم بتعملو آيه رد الطفلين بندور علي عفريت نلعب بيه
وده أطفال أمس اللي أصبحو رجال اليوم فمابالك عزيزتي بجيل الإنترنيت
والدش الباشا نايم علي الكنبه وحاطت ايديه تحت راسه ورجل علي رجل
وبيغني بيقول آيه
آكل العسل حلو بس النحل بيألص سورب الحسيس عالي يس الراجل اللي يقلس أس أس
وفجأه قام هو آيه أحمل أفسر ياعم ياعم العنب..
آبوه حسيس يا أحمد ده أنا معرفتش أسمه الا في الكليه..
اما بالنسبه للماضه عماته وعمه قايمين بالواجب وانا وجده بندفع الثمن
بالنسبه لمحمد إن شاء الله حيسلم بعد رمضان وسألت عليك العافيه
متشكره علي إهتمامك

وفاء بركات يقول...

هيثم باشا
ربنا يبارك فيك وعقبالك إن شاء الله
والمدونة زادات نور بزيارتك ليها
وربنا يتقبل منك دعاءك لأحمد
تحياتي

وفاء بركات يقول...

ذكرى رحيل قلم
أهلا بيك ورمضان كريم عليك وعلي آمة محمد صلي الله عليه وسلم
وانا أسعد بزيارتك وبذوقك وإن شاء الله نحج جمعا
مع خالص الدعوات بالصحة والغافية

وفاء بركات يقول...

إن شاء الله ياأم خلود
وربنا يهدى العاصي..
تحياتي

وفاء بركات يقول...

أهلا وسهلا أ. ستاذ أحمد
والله يسلمك وعقبالك وعقبال الحبايب
ويبارك في صحتك ويجعل أيامك كلها فرح
وراحة بال
مشكور علي حلو الكلام وزيارتك الكريمه

وفاء بركات يقول...

أ . ستاذ فشكوووووول
المدونة نورت لك وحشة والله أزى حضرتك والحاجة والأولاد يارب تكونوا جميعا بخير
الله يبارك فيك ويسلم حسك .
وبعدين هو التدوين يحلو إلا بفشكلة الأستاذ فشكووول ..
ربنا ما يحرونا منك ولا من سؤالك

وفاء بركات يقول...

كلمات من نور
علي فكرة أحلي حاجة في الدينا الأحفاد ربنا يحفظهم وربنا إن شاء الله يفرحك بأبنك وتكوني أحلي تيتا في الدنيا
ويحبوكي قوى جدا جدا علشان بقي أنا اللي أقولك ههههههههههههههههه

وفاء بركات يقول...

الغنيه برضاها أم البنات
الف مليون حمدالله علي السلامة أسعدتني زيارتك بعد هذا الغياب الطويل
لعله خير إن شاء الله
ربنا يبارك في عمرك ويفرح قلبك ياغاليه ببناتك وإدعي لبناتي بالستر
وكل سنه وانت وكل حبايبك طيبين وبخير

وفاء بركات يقول...

ياسلام علي كرم أخلاقك دايما سباقة بالخير
يادكتورة وانت طيبة وبصحة وبعافية وراحة بال .
وانا عارفه إن يوم ميلادك قبلي والمشكلة يا في ناتنيتو في إحتلال عسكروت للجهاز والمكان محاصر
وبعدين انتي ياحبي أحلي هديه ربنا يخليك لي ..
كل سنه وانت طيبه

وفاء بركات يقول...

صلح باشا
أحلي حاجة حصلت لي من مدة زيارتك دى
العود أحمد إن شاء الله الف الف ميت مليون حمد الله على السلامة..
كنت في قلك شديد عليك الحمد الله طمنتني
وربنا معاك يكلل طريقك في الدعوة بالنجاح وأيضا دروسك بس لي إستفسار تقصد بدروسك الدروس الدروس ولا الدروس اللي في فمك وصلح صلح ياعم الحاج
وربنا يسمعني عنك سمع خير ويوفقك وتكون
مثل الشيخ الشعراوى اللهم ما آمين

واحد من العمال يقول...

السلام عليكم

على بالى والله

وحمداً لله على سلامه الأحباب

وربنا يكتبها لكل الأحباب

وكل عام وحضرتك بخير وبصحه

ودمتِ فى أمان الله وحفظه

فشكووول يقول...

السلام عليكم
كيف حالك وفاء هانم
ارجو ان تكونى بخير
ورمضان كريم
وكل عام وانت بخثر ولله شاكره ويعيد عليكم هذه الايام بالخير والصحة العافيه والامان
تحياتى

Beram ElMasry يقول...

اختي الكريمة
أجمل التهانى بحلول شهر رمضان المبارك أعاده الله عليكم باليمن والخير والبركة وكل عام وأنتم بخير

مرافئ الحنين يقول...

وما أعز من الولد إلا ولد الولد
حفظه الله لكم وما اروع من شقاوة الاحفاد