السبت، 2 فبراير، 2008

حكاية فار

حكاية فار
توته توته وبدأت الحدوتة
أسمعنى وبأول الخيط الأقط
لما الفار خاف من القط
قلبه من جواه نط
راح للساحر قال له إعملنى قط
رق الساحر لحاله وشال وحط
وهوب الفار بقى قط
جه الكلب هوهو جرى القط
على الساحر نط فط
عايز أبقى كلب وهو ماشى
قابله الذئب هوشاف نابه
لسانه فى حلقه لزق وعقله شط
أخر مره ياساحر نفسى أبقى ذئب
أجاب الساحر طلبه من كتر الزهق
الذئب مصدق وأفترى نهب وحرق
جالو أسد أتنفض وقدام الساحر إرتعد
وبصوت فيه ذل وإنكسار
عاوز أكون أسد جبار
ضحك الساحر وقال أسد بقلب فار
يادى العارتيجى إزاى يا مكار
إرجع لأصلك فار بقلب فار
وصلت الرسالة وفهمتوا ياشطار

هناك تعليقان (2):

NoNa يقول...

هههههههههههههه

اكيد وصلت يا استاذة وفاء

حلوة اوى قصة دى

تسلم ايدك

وفاء بركات يقول...

السلام عليكم
كانت مقرره علينا في إبتدائي
قلنا نطلعها يمكن تنفع
تحياتي