قدرى المكتوب
البعد مش بالمسافة البعد بعد قلوب
قريب أو بعيد هو قدرى المكتوب
بفتكره فى طيف جميل أو كلمة فى مكتوب
أمشى فى الشوارع أتجول فى الدروب
الأقانى شايفاه فىكل الناس ولاأسمع غير صوت المحبوب
ونادى على الناس بأسمه ومن خجلى أفضل الهروب
وتحمر خدودى وإيدى تتلج وقلبى من الهوي يدوب
هو أستاذ فى الغرام وأنا لسه فى حضانة يدوب
سباح فى بحر الهوى وكابتن رمايه سهمه يصيب القلوب
واخد التقل غيه ويتصنع الغضب ويبص بوش مقلوب
وانا أصالح وحايل وقلبى يقولى الحب مفهش غالب ومغلوب
منا لابقدر علي زعله ولاخصامه أصله قدرى المكتوب
هناك 4 تعليقات:
حلوة أوي يا أستاذة وفاء :)
بجد ما شاء الله
كلمتها خفيفة ولذيذة
بجد حلوة مووووووووووووووت
تسلم ايدك
انا سعيدة انى دخلت مدونة بتاعك بجد خطيرة
أ.احمد
الله يحلي أيامك ...اشكرك علي الزياره واتمني التكرار
تحياتي
نوووووووووووونا
أنا الأسعد بدخولك المدونه ...وتسلمي ليه
تحياتي
إرسال تعليق