الأربعاء، 6 فبراير 2008

قدرى المكتوب

قدرى المكتوب
البعد مش بالمسافة البعد بعد قلوب
قريب أو بعيد هو قدرى المكتوب
بفتكره فى طيف جميل أو كلمة فى مكتوب
أمشى فى الشوارع أتجول فى الدروب
الأقانى شايفاه فىكل الناس ولاأسمع غير صوت المحبوب
ونادى على الناس بأسمه ومن خجلى أفضل الهروب
وتحمر خدودى وإيدى تتلج وقلبى من الهوي يدوب
هو أستاذ فى الغرام وأنا لسه فى حضانة يدوب
سباح فى بحر الهوى وكابتن رمايه سهمه يصيب القلوب
واخد التقل غيه ويتصنع الغضب ويبص بوش مقلوب
وانا أصالح وحايل وقلبى يقولى الحب مفهش غالب ومغلوب
منا لابقدر علي زعله ولاخصامه أصله قدرى المكتوب

هناك 4 تعليقات:

أحمد منتصر يقول...

حلوة أوي يا أستاذة وفاء :)

NoNa يقول...

بجد ما شاء الله
كلمتها خفيفة ولذيذة

بجد حلوة مووووووووووووووت

تسلم ايدك

انا سعيدة انى دخلت مدونة بتاعك بجد خطيرة

وفاء بركات يقول...

أ.احمد
الله يحلي أيامك ...اشكرك علي الزياره واتمني التكرار
تحياتي

وفاء بركات يقول...

نوووووووووووونا
أنا الأسعد بدخولك المدونه ...وتسلمي ليه
تحياتي