الأربعاء، 6 فبراير، 2008

يامصر

يامــــصر
ياشمست شتايا ونسمه رقيقه فى ليلة صيف
ياضحكت ربيعى وبسمه شقيه رغم الخريف
ياضلت نهاري ولمت عصارى فى مدينة وريف
ياليل أحلامه جميله أتمنى تبقى حقيقه مش تخاريف
ياصوت فجر يضوى يصحى آمة الدين الحنيف
ياميه نيلى بتجرى فى عروقى ودمى منها خفيف
ياأرض بتطرح سنابل عافيه تأكلنى من الشهد رغيف
يامهد طفولتى وخطوت صبايا وعكازى وأنا كهل ضعيف
ياه حبك ملانى حب خلا حياتى إنتي والباقى بعدك رديف
ياحرف يعلم حروف تتكلم فى كل صنعة ومهنه تلاقى حريف
ياحنان الآم فى حضنك يضم ترابك رفاتى
يامصر إسمك يعلى مداين يزرع صحارى
يدور تروس تخلى صهد الحر لطيف

هناك تعليقان (2):

جميز يقول...

القصيدة كلها على بعض جميلة جدا
خصوصا الجزء اللى بيقول ..

ياضحكة ربيعى وبسمة شقية رغم الخريف
ياضلة نهاري ولمت عصارى فى مدينة وريف

مش متخيل مصر غير بالشكل دا
تحياتى ليكى و للقصيدة الجميلة

وفاء بركات يقول...

جميز
أشكرك علي زيارتك الكريمه وعلي كلامك
الذي أسعدني وأتمني تكرار الزيارة
تحياتي