السبت، 31 مايو، 2008

كنت زعلانه

انا كنت زعلانه قوي علشان مفيش حد بيرد لي الزياره والكل مطنش مدونتي ॥فكتبت عتاب بعبر فيه عن مدي
غضبي الشديد ...ولأن عزيزتي الدكتوره نورهاتي صاحبة مدونة صعبان عليه حالنا تركت لي تعليق توضح فيه
إن السبب المؤكد هو الإمتحانات ....ولأن لها معزه خاصه عندي فقد قررنا نحن وفاء بركات بالسماح المره دي
لكن المره الجايه لايونكن ابدا اتنازل وأصالحكم .....
يارب إن تنجحوا وتحصلوا علي تقدير وتلاقوا شغل ...ومستقبلكم يكون كله خير إن شاء الله....
اعزائي ...
عندي مشكله حين الرد علي تعليقاتكم الماوس لايستجيب .....أرجو أي حد يعرف حل لهذه المشكله ان يتفضل مشكورا
بالإفاده ..... وجزاه الله عني خيرا
يارب تكونو جميعا بخير وبصحه جيده تمنياتي للجميع بالتوفيق والنجاح والسعاده

هناك 12 تعليقًا:

Ahmed Al-Sabbagh يقول...

لالالا ابدا والله

انا كنت بس مشغول فى كتاب المدونين اللى خلص الحمد لله وهبتدى افوق وهتلاقينى عندك كل يوم فى المدونة

وحشتينا

احمد

صلطح يقول...

السلام عليكم
=============
ماما وفاء
---------------
احنى يا فندم منقدرش نسيبك او نترك مدونتك ده انتى الخيط والبكرة قصدى الخير والبركه ولكن بس الامتحانا ت هى المشكله

وانا قلتلك على حل الماوس فى صندوق الشات

==========================
وصلطح صلطح ياعم الحاج

نــــــغـــــم يقول...

السلام عليك ورحمة الله وبركاته

ماما وفاء بركات

بجد مدونتك جميله اوى اهنيكي عليها

والى الامام دائما

تحياتى لكى

انا و صاحبى ( احمد ) يقول...

لا بالعكس مدونتك رائعه وتستاهل كل انسان يعلق عليها

وعلى فكره فعلا الامتحانتات قد تكون سبب كبير

وشخصيا ارى ان مدونتك رائعه
وياريت تسلميلى على ابو حميد
تحياتى

NoNa يقول...

السلام عليكم ورحمة الله وبركاتة

عتابك فوق راسنا من فوق يااستاذة وفاء

معلش متزعليش منا لو كنا مبندخلش مدونة
عندك
بجدبجد اسفة لو كنت بقصر معاكى فى سؤل عليكى ياريت تسامحينى انتى ديما بتسبقى بالخير وتسئلى عاليا ربنا يخليكى لينا يارب ميحرمنيش من سؤالك الجميل عاليا
:) ربنا يخليكى يارب
يارب مشكلة النت تتحل وتفتحى الميل عشان حضرتك وحشينى جداااااااا

مدونة النسر المصرى يقول...

اختى الفاضلة المحترمة الاستاذه/وفاء بركات
السلام عليكم
تشرفت جدا بزيارة مدونتكم المتميزة
ارجوا اختى الفاضلة ان لا تيئسى ولا تغضبى من عدم زبارة مدونتك
ولقد كتبت من قبل فى موقع المصريون والمصرى اليوم وجريدة الدستور عن التدوين وخطورته وجرائته
وهل هو للا ستهلاك ام للتخلص من الكبت الموجود ام ام .....
ارجوا التواصل مع الغير
2-اكتبى من وحى قلمك وعقلك وحب للكتابة
3-حددى هدفك لماذا انشئت المدونة هل لانك شاطرة فى الكتابة /صحفية/كانبة/الخ
4-اعلمى ان الكلمة الجيدة والمقال الجيد سوف ياتى اليه كل الناس من اخر الدنيا بس عندما يكون كويس وواضح وله هدف
5-اخيرا التواصل زى ماقلتلك مهم جدا مع لمدونين
ارجوا ان تضعى قسم المدونين الموجود عندى وتبدئ صفحة جديدة وتتناولى مواطن لم يتطرق اليها احد
مثل....

الزوجة ودورها فى المجتمع
مثل مشكلة العنوشة
مثل الجنس المستشرى بين لولد والبنت
والسلام عليكم

وفاء بركات يقول...

السلام عليكم ورحمة الله وبركاته
شكرا أستاذ أحمدالصباغ علي تطيب خاطري ولآأنسي أنكم أصحاب فضل عليه
قمت بزيارة مدونتكم ووجدتها كعهدي بها متألقه وجميله ربنا يوفقك
تحيياااااااااااتي

وفاءبركات يقول...

السلام عليكم
أحمد انا وصاحبي ...أبوحميد بيسلم عليكما صح عليكما دى ...تسلمولي
أرجو الأطمئنان علي نتائجكم يارب
دايما تكونوا ناجحين
لكم مني كل تقدير تحياتي

وفاءبركات يقول...

السلام عليكم
شكراليكي ياأحلي نغم أسعدتني كلمة ماما وفاء ويشرفني أن أكون أم لكي
وأحب ان تزوريني دايما ..
تحياتي

وفاء بركات يقول...

السلام عليكم
صلطح صلطح ياعم الحاج والله بكراتك حلة علينا والقلم إتحلت عقدته ..
ويارب كتباتي تعجبك
تحياتي

وفاء بركات يقول...

السلام عليكم
أجمل إحساس نونتي حبيبتي......ده مجرد عتاب بسيط ...وربنا ميجيب زعل
وإنشاء الله لينا لقاء قريب
تحياتي

وفاءبركات يقول...

السلام عليكم
النسر المصري ...نورتني وشكر ا علي نصائح حضرتك وإن شاء الله ربنا يقدرني
وأنفذها وخصوصا وإن موضوع العنوسه ،والمرأة قد تنولتها جريده بي سويف
وقضايا اخري تهم الأسره المصريه وبالصدفة كنا نشاهد علي شاشة التليفزيون برامج تتحدث في نفس المواضيع ...وكان لي الشرف بالتعاون مع بعض محرري الجريده في تغطيه هذه المواضيع والإستعانه برأئ رجال الدين وأستاذه علم النفس والإجتماع

شكرا جزيلا لحضرتك وأتمني أن تدعمني برأيك لكي أستفيد بخبرتكم
لك مني وافر التحية والإحترام