السبت، 19 يوليو 2008

احلي واغلي هديه حبكم ليه

بجد انا سعيده جداجداااااااااااا
اااااااا.....اجمل هديتين من يوم17يوليو عيد ميلادى وحتي الآن المصحف الشريف وسبحه جميله من أولاد أخي و كلماتكم الجميله اشكركم علي كل كلمه
كتبتوها لي وانا فرحانه كتير ربنا يفرحكم ويسعدكم زي ماأسعدتوني

ومعنوياتي إرتفعت وبعد ماكنت يدوب اتصفح مدونتي من الخارج إن شاء الله راح أحاول
إني أرجع تاني للكتابه
حقيقي يمكن عيني لم تراكم ولكن انتم جميعا لكم معزه عندي فأنا لأنسي تعاون الأستاذ
أحمد الصباغ في تقديم يد العون والمساعده ولم يبخل علي بالمعلومه ॥ده غير إن
مدونته فيها روح الشباب المثقف الواعي
ودكتوره نوربقلبها الكبير وموضيعها الجذابه ...والإبن صلطح وخفة ظله.... وأنا
وصاحبي وحكايتهم الشيقه .....وأجمل إحساس ورقتها
ونغم وعذوبتها ..... ومصري نايم وهو في الحقيقه صاحي ومفتح عنيه علي
الأخر...وجميز إلا بالحق حدأ كله قصدي حد شافه
والمنزلاوى وحكياته مع النشئ ....
لو نسيت حد أوعي يزعل مني أنا جت عليه لحظه كنت فيها زعلانه من نفسي في
مواضيع كتير ممكن أكتب فيها لكن القلم مزرجن ولولا حبيب قلبي أحمد كان جالي
إكتئاب ...
في تعليق قرأته وكان أول تعليق فيه نصائح من كاتبه أولها اني احدد هدفي وأختار
المواضيع اللي أكتب فيها ومدني بالعنوانين والمواضيع
تنولتها انا وبعض المحررات سابقا في جريدة بني سويف وهي احدي الصحف المحليه
وهي تهتم بمشاكل المرأه والأسره وسوف أبدأ في عرض نبذه من هذه المشاكل ....وفي
نفس الوقت أعتذر لهذا الأخ الكريم لأني تقريبا من فرحتي بردكم بدل موافق علي الرساله مسحتها وهو قالي انه بيكتب في المصري والمصري اليوم ويسعدني جدا أن أجد تعليقاته علي كتباتي ...
أسعد عام من الأربعه والخمسين عام وهي عمري كله هذا العام لوجود حفيدي أحمد ووجودكم معايا يارب ماأتحرم أبدا منكم ولامن سؤلكم عليه
علي فكره ياجماعه أنا حاصله علي دبلوم تجاره عام 72وعملت في المصريه للإتصالات في قسم المهايا لمدة 29عاما وخرجت معاش مبكر
ولقب محاسب بيطلق علينا بعد 15عام من التعين ولينا الحق في الأشتراك في نقابة التجاريين ولكنه إختيارى
حبي للكتابه يرجع الفضل فيه لأبي وأمي الأميين رحمة الله عليهما وعلي أموات المسلمين أجمعين وحبي لمصر من أبي الذي كان من ضمن
أهالي بولاق الذين قاومو الإحتلال اللإنجليزي وحكي لي عن بعض البطولات التي قام بها الأهالي من الرجال والنساء وحتي الأطفال
وبعد الثوره كان واحدا من الذين شاركو ا بالجهد والعرق في بناء مصر الثوره فقط قام بعمل الوحدات الصحيه المجمعه وكان هذا سببا في انتقالنا الي محافظة بني سويف وبعده كورنيش النيل وهويس الاهون ومساكن السيل الجديد بأسوان وفندق كتاركت الجديد ومصنع للسيماد
....ومحطة مياه دمياط وبعدها عمل في إرثاء قواعد صواريخ سام سته للقوات المسلحه المصريه والتي كان لها دور في إنتصار أكتوبر المجيد وبعدها محطة مياه الأسكندريه ....
يمكن بتسألوا نفسكم ليه كل ده حبيت تعرفوني أكتر أنا بجد سعيده بيكم وبتمني إن أشوفكم رؤى العين ......
لكم مني كل الإحترام والتقدير

هناك تعليقان (2):

Unknown يقول...

السلام عليكم
ورحمة الله تعالى وبركاته
اللهم ارحم الجميع ياأستاذة
وانا الاسعد بصداقتك ومعرفتك
والسنه دى من عمرى ممكن تقولى
انها من احلى احلى احلى احلى
(كفايه كده؟)سنين عمرى كلها لانى
عرفت الكومبيوتروالنت والمدونات
وبهم عرفت ناااااااااااااااااااس
ممتازين جدآآآآآآآآآآآآآآآآآآآآآآ.

وفاء بركات يقول...

السلام عليكم ورحمة الله
ربنا يجعل كل سنينك حلوه ويسعد أيامك
ويفرح قلبك زى مفرحتيني بهذا الحضور العزيز
والذى اتمني ان يدوم لك مني كل احترام وتقدير لشخصكم الكريم