الأحد، 6 يناير، 2008

محتاجة ليك يابا

محتاجة ليك يابا
عارف يابا انا محتاجة ليك دلوقتى اشد الحاجة
عايزة أقولك إن الطيبة بقت عيبة
والشهامة معدومة وجزاء صاحبها ضرب الشومة
أما المروءة والكرم لزوم الوصول للقمم حتى لو كانو رمم
أما الإنتماء ماتلقيش والوفاء خلص مافيش
أصلهم مبيأكلوش دلوقتى عيش
والإستقامة للخايب اللى ملوش فى الكوسة نايب
والأمانة فى كروش لعيبة حلق حوش
علشان كده عليك بترحم وأدعوربنا هو بعباده أرحم
صحيح يابا انك رحلت منذ آمد
صحيح ياباإ ن التراب وارى الجسد
لكن انت جويا حكمة ونصيحة للأبد
انت القدوة وفى الحنية انت المثل
قبل مأنطق إسمك علمتنى معنى الإنتماء
وإزاى أخلص فى العمل علمتنى ايه هو الوفاء
علمتنى الأمانة علمتنى الكرم والإستقامة
على روحك بترحم يا اللى علمتنى للضعيف أرحم

هناك تعليقان (2):

NoNa يقول...

الله على كلام واسلوك الجميل

بجد تحفة

تسلم ايدك

ماشاء الله عليكى

انا عايزة اتعلم منك ازى اكتب كدة زيك

وفاء بركات يقول...

الله يكرمك يانونا
دايما رافعه من معنوياتي .
تحياتي