محتاجة ليك يابا
عارف يابا انا محتاجة ليك دلوقتى اشد الحاجة
عايزة أقولك إن الطيبة بقت عيبة
والشهامة معدومة وجزاء صاحبها ضرب الشومة
أما المروءة والكرم لزوم الوصول للقمم حتى لو كانو رمم
أما الإنتماء ماتلقيش والوفاء خلص مافيش
أصلهم مبيأكلوش دلوقتى عيش
والإستقامة للخايب اللى ملوش فى الكوسة نايب
والأمانة فى كروش لعيبة حلق حوش
علشان كده عليك بترحم وأدعوربنا هو بعباده أرحم
صحيح يابا انك رحلت منذ آمد
صحيح ياباإ ن التراب وارى الجسد
لكن انت جويا حكمة ونصيحة للأبد
انت القدوة وفى الحنية انت المثل
قبل مأنطق إسمك علمتنى معنى الإنتماء
وإزاى أخلص فى العمل علمتنى ايه هو الوفاء
علمتنى الأمانة علمتنى الكرم والإستقامة
على روحك بترحم يا اللى علمتنى للضعيف أرحم
هناك تعليقان (2):
الله على كلام واسلوك الجميل
بجد تحفة
تسلم ايدك
ماشاء الله عليكى
انا عايزة اتعلم منك ازى اكتب كدة زيك
الله يكرمك يانونا
دايما رافعه من معنوياتي .
تحياتي
إرسال تعليق