الأربعاء، 9 أبريل، 2008

مش محتاج قنابل علشان دمع عيني يسيل




أنا مش محتاج قنابل علشان دمع عيني يسيل
انا متهان بره وجوه ومتمرمط وشايل همومي شيل


علشان لقمة العيش بموت في البحر أوالجو وأقف


في طوابير وروح هناك عند الفرن تلاقي الدليل


طول عمرى وأنا كدحان مش طالب غير الستر


ياسيدى متلبطش منك تدليل


وفرلي قوتي وسكني وشغل عيالي اللي عليهم


دم قلبي إنصرف وهم للطين زى شايلين


ونفسهم مكسورة وقلبهم ذليل


وعينهم من الحصرة دابت منها المناديل


علشان ولاد الناس اللي همه


بتأشيره بيشتغلو بدون تهليل


ولما أروح أطلبها لأبني أخدها


مضروبه زي كذبة أبريل


تفتكرانا محتاج قنابل علشان


دمع عيني يسيل


لما أروح عند الفكهاني والخضرى


الاقي من كل صنف إثنين بتسعرتين


أسأل إشمعني يقولي ده مسرطن للغلابه وده مخصوص للعايشين


غصب عني أسترخص وللى علي قدي أشيل


وقلبي من جوه بيتقطع بيشترى السم لولادى


وغيرى في خيرى بيبرطع وفي لحمي بيقطع


وابلع الحصرة وحنكي ملجم وأم العيال عليهم خايفه


طب دول لوعيو حجيب لهم الدوا منين


حتي دوا الغلابه تحت السلم بيصنعوه


وقلة الضميرللشيطان لايفه


يبقي انا محتاج لقنابل علشان دمع عيني يسيل


أما من نومي أصحي الاقي أسعار متقدرعليها أوناش

علي سلع عنها مبستغناش


ودخلي زي ماهوه مايأكل العيش الحاف


للاقي أتغطي ببطانيه ولالحاف وأديني رحت بلاش


من كتر ديوني بستخبي من الديانه في هدومي


حتي دى دابت وأصفر من الخجل لوني


ومش قادر أكون حرامي أو غشاش


انامش قادر حتي علي الفرحه


نفسي اشوف ابني عريس وبنتي لابسه الطرحه


قوللي أجيب الفرحه منين مفيش حاجه ببلاش


يبقي انا محتاج قنابل علشان دمع عيني يسيل


لما أمشي في عز الشتا الاقي أطفال



علي الرصيف نايمين وبالسما متلفحين


أومن الزباله بياكلو لسد الجوع اللعين


ولابين العربيات بيبيعو المناديل


اكثر من قروش قليله مش عايزين


هاربنين من اهلهم ومن ظلم المجتمع


لهم مش خالصين


يبقي أنا محتاج لقنابل عشان دمع عيني يسيل


لما الموصلات تزيد ولافي ثالثه مرتاح ولاثانيه تكييف


أدميتي تهدر في القطار والتذكره ولعه نار


ويجي بعد طول إنتظار


وياريت علي كده نضيف وانت قاعد تلقي صرصار أو فار


والأتوبيس المكيف رحته ياستار


ومحدش فيه بيلتزم ويطفي السيجار


ولو إعترضت تلاقي الف عين تولع شرار


وأترحم علي ايام السفر بالجمل أو بالحمار


طب أعترض علي آيه الأفتري ولا الإستهتار


يبقي أنا محتاج قنابل عشان دمع عينى يسيل


انا صحيح مهموم ومتكدر من اللي حاصل وانا مع الفقر في تواصل


لكن في الإضراب حاجه قهرتيني إعترض وعبر


بس من غير متحرق ولا تكسر


شعرى راسى أب لما شفت ضرب الناس من العسكر


كنت اتمني يكون ده كابوس وأكون نايمه


أكيد انا وغيرى من الغلابه بده حنتأثر


كان نفسي يكون في أمن يحافظ علي النظام من غير هوان


والناس تخرج اللي جواها بإحترام


من غير ضرب وخسارة وحرق مدرسه أو سياره



يارب زيل دي الغمه وزيل من الحلق المرارة



ده أنا مش محتاج لقنابل عشان دمع عينى يسيل



أنا متهان بره وجوه ومتمرمط وشايل همومى شيل






هناك 6 تعليقات:

Wael يقول...

لما الموصلات تزيد ولافي ثالثه مرتاح ولاثانيه تكييف



أدميتي تهدر في القطار والتذكره ولعه نار



ويجي بعد طول إنتظار



وياريت علي كده نضيف وانت قاعد تلقي صرصار أو فار



والأتوبيس المكيف رحته ياستار



ومحدش فيه بيلتزم ويطفي السيجار



ولو إعترضت تلاقي الف عين تولع شرار



وأترحم علي ايام السفر بالجمل أو بالحمار



طب أعترض علي آيه الأفتري ولا الإستهتار



يبقي أنا محتاج قنابل عشان دمع عينى يسيل


كلمات جميله زطريفه جدا
لكنها حزينة ايضا ومعبره الى ابعد حد عن الواقع .
وبالذات المواصلات
يلا ربنا يعدلها ان شاء الله

عذراعلى التاخير فى الزيارة
زخم من المشغوليات ليس اكثر
تحياتى الخالصة (:

norahaty يقول...

السلام عليكم ورحمة الله وبركاته **استاذة وفاء بركات
اسهبت فابدعت
حلوة بس حلاوه مره مرارة القهر والذل التى بتحكى عنها
عوضتى غيابك ياأستاذة بهذه القصيدة...
وتقبلى احتراماتى
norahaty
NB استاذة وفاء اسمحى لى ان اقدم لك نصيحة اشار على بها صديق عزيزانت تزيلى التاكيد علىالكلمه فى اضافة التعليق
go to sitting- choose commments -.choose NO in the option verification for comments

غير معرف يقول...

لا لحسنى مبارك على كل عملة ورقية فيكى يامصر

ياريت كلنا نتبنا الحملة دية
تخيل كل عملة فى مصر مكتوب عليها لا لمبارك
الشعب خايف وديه وسيلة سلمية تماما عشان الناس تشجع بعض !!

raspoutine يقول...

من اعظم انجازات مبارك فى دولته المحروسة الظلم
ومن اهم صادراته المزيد من الظلم المتمثل فى الشباب الباحث عن لقمة عيشه فى بلاد تعشق اهانة كل ما هو مصرى

وفاء بركات يقول...

شكرالكل اللي زارني سعادتي لاتقدر ويارب كتباتي دايما تكون عند حسن ظنكم وتكون معبره وعذروني لوكانت طويله شويه وبتاخد كتير من وقتكم
تمنياتي لكم جميعا بالتوفيق إنشاءالله

مجداوية يقول...

الأخت الكريمة

شرفتنى بزيارتك لى وأعنى بحذف تأكيد الكلمة الموجودة تحت مربع التعليق وهى فى اعدادات التعليق حتى يسهل لمن يدخل ترك التعليق دون نقل حروف الكلمة بالانجليزية كل مرة وأكيد انت ايضا تكتبيها عند ردك علينا
تحياتى وتقديرى