الخميس، 28 فبراير، 2008

أبو تريكه


أبو تريكه إنت في قلوبنا أمير

كل أم تتمني تبقي إبنها ياللى للنويا الحسنه سفير

ياأبو الأخلاق ورجوله مفيش ليها مثيل

ياللى فى قلوبنا أمير

زى حمامة السلام تفرد جناحك وتطير

بفرحة الإنتصار منستش إخوة لينا متحصرين

وكان منك أحلى تعبيرإتسجل بالتصوير

تعاطفا مع غزه يمكن تتحرك القلوب ويصحي الضمير

الكل وقف ليك بإحترام وحب وتقدير

إلا العدو إتهز وخاف وعملها قضية مصير

وانك للإرهاب راعي وده فكر المستعمر الحقير

اللى عملته خلاهم يمسكو الورقه والقلم

وقدام الحاسوب إتمجلسو وجنابهم ما حطط على سرير

خافو لتبقى انطلاقة إنتفاضه شامله للعرب وفعلك يكون له تأثير

همه مش خالصين من حدف الحجاره ومقاومة في كل شارع وحارة

وفى عز الحصار والحبايب لادوا ولاشعير

والميه مقطوعه والكهربا ممنوعه وناس بتموت من فعل العدو الشرير

شعب غزه اللى محبته في قلوبنا غرزه

وأهلها أ صحاب المعزه فرحهم بينا سكينه فى القلب العدو غزه

إنتصاركم جمع الوطن الكبير من المحيط للخليج

وسمع العالم الفرحه بأحلى ضجيج

وده اللي خلى العدو يعملها قضيه والنوم من عينه يطير

عقبال منحتفل فى فلسطين والعراق بعيد التحرير

والله عليك ياحبيب والديك انت تستاهل منا كل حب وتقدير

أبو تريكه ياللى في قلوبنا أمير

هناك تعليق واحد:

Ahmed Al-Sabbagh يقول...

السلام عليكم

جميل اوى

يارب نبقى متفوقين فى كل المجالات

تحياتى على الكلمات الرائعة

وحضرتك بتختفى فترات طويلة

وبنبقى عايزين نتطمن عليكى

:)

أحمد