الصدفة الثانية
الأم والأب يجلسون علي مائدة الإفطار ينادون علي اولادهم (بنت وولد)
يسمعون صياح الأبنه...الأب هو فيه آيه حتعقلو امتي انتم في الجامعه....
الأبنه عضني من صباعي يابابا .... الولد حطت صباعها في بقي وانا بتاوب وقبل
محط إيدى علي بقي صباعها سبقني ....
الأب عيب انت كبرتي علي كده ....البنت أسفه يابابا كنت بهزر معاه بس هو غلس
عددت صحبتها عليها ونزلت سلام بقي عندى عملي النهارده وحأخر
كانت في نهائي علوم .... كان اليوم طويل وممل خرجت من الكليه تجر رجليها جر
وقفت وصحبتها في إنتظار أى حاجه توصلها ... وفجأه وقف بجوارهم بيه بكرافت
وشنطه سيمسونايت وأثناء محاولاتهم لإيجاد وسيلة مواصلات رأت البيه يتثائب
وما هي إلا لحظات وكان صبعها في فمه فأطبق عليه بأسنانه .... فقالت أأأسفه
ده يوم نحسي النهارده عضتين في يوم واحد ॥لو سمحت صباعي .....قال لها ياأنسه
ده أسمه كلام ده شيئ غير معقول ...وحاولت الإعتذار وتدخلت الصديقه وفي هذه الأثناء
وقفت سياره فخمه ركبها اخينا طلب من السائق الإنتظار علي جنب حتي ركبت الفتاه التاكسي
وتتبعها حتي منزلها وأخذ يراقبها لمدة شهر ويسأل عنها حتي تأكد أنها من أسره محترمه ...
وتقدم لخطبتها .... وسأله والدها عن سبب سوأله كل هذه المده عنهم فقال أنه أعجب بها ولكن الموقف
الذى صدر منها كان غريبا عليه وخصوصا إن طريقة كلامها وملبسها يقول إنها متربيه حبيت إن أتأكد
بالسؤال عليها وعلي الأسره فسمعت ماسرني أما بالنسبه لموضوع صبعها ده حشوف ليه حل إن شاء الله
وتمت بحمد الله
الأحد، 14 ديسمبر 2008
رب صدفة خير من الف ميعاد(२)
من أرشيف حياتي رب صدفة خير من الف ميعاد
النهارده ح نتكلم عن الصدفه اللي كان ليها دور كبير
مع ابطال هذا البوست وعلي فكره قصتيين حقيقيتين ।
الصدفة الأولي :
فتاه تعيش مع والدتها في بيت يملكونه مكون من دوريين هكذا بني كرغبة أبيها رحمة الله عليه
قال لوالدتها علشان أول البنت متتجوز ننزل إحنا في الأرضي وهي تعيش في الشقه دى...
كانت فراشة الحي الشعبي التي تسكن به وكانت محبوبه هي ووالدتها من جيرانهم ।,وسيرة
أبيها المشرفه كانت وسام علي صدرها ।وهي كمان بنت بلد جدعه , كان فيها عيب واحد بيضايق
والدتها منها إنها تلقي بالماء المتخلف من عمليه التنظيف بالشارع فكانت تنصحها بعدم فعل هذا
أو علي الأقل تلقي نظره أولا حتي لا تؤذى أحدا ....ولكن لا حياتا لمن تنادى...
في أحد المرات وكان يوم أجازه رسميه جرت علي أمها تلطم خديها إلحقيني ياماما خبيني ياما ما ...الأم بسم الله الرحمن الرحيم
فه ايه... الجردل لبس في واحد وطالع علي السلم ॥ الأم يخربيتك يامجنونه يابت المجنونه طب غورى جوه
رن الجرس فتحت الأم الباب فوجدت شاب كالكتكوت الغرقان يحمل الجردل بيده واضح انه كان متشيك وعلي
سنجة عشره وقبل م يفتح فمه قالت الأم ياحبيبي يابني إتفضل ياضنايه وسيبني أخلص علي البلوه اللي جوه دى
الشاب خلاص ياأمي حصل خير ॥ الأم ابدا دى لازم تتربي ميت مره أقول لها بلاش العاده الزفت دى
مفيش فايده لو انت مش راجل كمل ومؤدب عمرك ما كنت حتسكت واحنا ولايه يابني.....
خلاص ياأمي بس انا دلوقت عاوز أنزل ممكن بس تليفون لوسمحتي ....
كان علي عيني يابني طب ليه عاوز التليفون ...علشان أعتذر لصحابي وأبلغهم اني حتأخر وأتصل بالبيت
حد يجيب لي لبس ....( نسيت أقول إن الحكايه دى واللي بعدها من حوالي 30سنه)
طلعت البنت من غرفتها هي كيميا ياعم نص ساعه وتبقي فله الأم بفردة الشبشب غورى من وشي
الشاب يدارى إبتسامته...قامت الأم وأحضرت له جلابيه والله ياإبني بشوكيتها محد لبسها غيرك ॥
عمك الحاج الله يرحمه ملبسهاش وأنا كل كم شهر اغسلها وأكويها ॥الشاب كتر خيرك انا مش عاوز
اتعبك معايا ......تعبك راحه ياأبني .....تركت الجلابيه وأغلقت باب الحجره وإتصلت بإخوها
وطلبت منه الحضور بعد محكت له الموقف ...ووعدها بالحضور ...
انتهي الشاب من تغير ملابسه ونادت الأم علي إبنتها لكي تنظف الملابس وقامت هي بعمل كوب من الشاى
وستأذنت الشاب لإعداد طعام الغداء ....وماهي إلا لحظات حتي جاء شقيقها وقام بالترحيب والإعتذار للشاب
ونادى الخال علي ابنة شقيقته ॥راجل ده مايستحقش منك الإعتذار ولاآيه دى حتي تبقي إلة ذوق .....
أحمر وجهه البنت خجلا ( أيام م كان فيه حيا) اصل أأأأأأأأأأصل وهات يعياط خلاص سد سد
انجزت الأم طعام الغذاء ووضعته علي المائده ودعت الجميع لتناول الطعام وكانت جلسه رائعه تخللتها تعليقات
لاذعه علي الموقف وسط ضحكات الجميع ....وبعد طعام الغداء وأثناء تناول الفاكهه نظر الشاب
الي الأم وشقيقها قائلا ممكن أطلب طلب ॥قال الرجل إتفضل تحت أمرك ....
قال الشاب العفو ياعمي انا طالب إيد الأنسه .... الرجل في دهشه كده خبط لزق
الشاب انا حسيت في وسطكم بأني أعرفكم من زمان جو من الألفه والموده بصراحه مرتاح ليكو
قال الخال والله ياأبني إدينا فرصه نسأل عليك دى بنت ويتيمه والجواز مسئوليه....وبرضه نسألها رأيها
وإلتفت الخال فلم يجدها ,فذهب لحجرتها قال لها طبعا سمعتي كل حاجه آيه رأيك إبتسمت وأشاحت وجهها
بعيدا طيب ياختي وصلت ...ذهب الخال ليبشر الشاب الذى طلب ملابسه وإرتداها وخرج مسرعا ... وبعد
حوالي ساعه عاد ومعه والديه وأخته وما أن رأى الخال والده حتي تعانقا وتذكرا معا أيام الطفوله والشباب
وعلم الخال من والد الشاب إن أبنه كان في طريقه للذهاب لرؤية عروس قريبه لزميل له وكان مدعو ا علي
الغداء عند صاحبه لكن القسمه والنصيب وبعد إتمام الإتفاقات قامو بقراءة الفاتحه ونزلوا لإختيار الشبكه
وتم الزفاف خلال وقت وجيز وعاشت كما وصي والدها في بيتها مع زوج كان بمثابة الأبن لأمها
حتي توفها الله ....
وكان يتذكران تلك الصدفة الجميله التي جمعتهما علي خير بين الحين والأخر وكان يقول لها ضاحكا
لولا الحاجه الله يرحمها كان ربنا وحده هو العالم انا كنت ح عمل فيكي آيه ....كانت ترد قائله ياعم روح كده وانت
كانت حالتك لاتسر عدو ولا حبيب ورق علي مناخيرك وفتل الخيش علي رأسك ومبلبل وجردل في إيدك
ومصدقت لبدت في جلابية المرحوم ابوبيا وبنته ياعم ده انت راسم علي الحوار ده
الثلاثاء، 2 ديسمبر 2008
من وحي بوست نوافذ ..نوافذمن مدونة صعبان علي حالنا
أوعي تنسي في يوم أمك
لوسافرت وراجع تاني
أوهاجرت وللرجوع مش ناوى
أوعي تنسي أن ليك هنا
قلب حبك وبيتشوقلك
وعين بتحضن صورتك
وشمس بكره بتندهلك
تعالي يوم شوف أهلك
وصدر في يوم ضمك
أوعي تنسي في يوم أمك
رغم قسوة بعادك
شيله هم غطاك وزادك
بتجرى تتحسس مكان فرشتك
وتضم ليها هدمتك
وإن قابلت يوم حد من صحابك
تحكي معاه عن زكرياتك
وتهرب بدموع عنيها
لحقيقة غيابك
علي صوره ليك علي الحيط
وصوت رنين تسمع منه صوتك
وفي لحظه يصحي فيها الحنين
تجرى علي شباك وتبص هناك
يمكن تلمح طيفك كما العاشقين
وتتمني من ربها تفضل روحهامتعلقه
لأجل تشوفك رؤى العين
أعمل بكلام ربنا وإخفض ليها الجناحين
وأوعي تنسي في يوم أمك
ده مهما خدت أعلي الشهادات
أو كترليك في البنوك حسابات
أو كان ليك أجمل الأولاد وأحلي الزوجات
مش راح تشعر بأى لذه في الحياة
لو أوان وصالك ليها فات
يومها لاح يفيد بكي ولا تكفي تلال مناديل
ولايدفيك الحضن البديل
إحساس بالذنب يصاحبك
وتعيش عمرك في ليل
وتتمني تعود للحياة وتبوس قدمها واليدين
فوء قبل يوم ماينفع فيه الندم
وتخسر الدنيا والدين
وأوعي أوعي تنسي في يوم أمك
الأحد، 30 نوفمبر 2008
هو آيه اللي بيحصل ده
أتصلت بأبن خالتي بالقاهره يلحق أبني محمد أخر العنقود بالعمل
بدار النشر التي يملكها ومحمد خريج إدارة أعمال ولديه خبره
بصيانة الكومبيوتر وحاصل علي عديد من الدورات ....
ولأنها اول مره بعاد ومحمد سنه الأن 21لايعرف عن الحياه غير بيتنا و
اصحاب يملكون سيبرا يقضي فيه أبني أكثر من 20ساعه يوميا
ساعات نومه 4ساعات فقط وهذا كله دون مقابل غير احساسه انه واقف وقفة رجوله
مع أصحابه حتي عندما فكروا في الأجر كان حاجه تضحك 80جنيه
ومن هنا كان قرارى أن يعمل أبني بالقاهره وفي رعاية خاله
وكنت أتصل بيه في اليوم حوالي أربع مرات زى الأنتي بيوتك
ده غير إتصال اخواته بيه للأطمئنان عليه ....طبعا كانت حالتي
النفسيه صعبه عندما أضع الأكل أسأل نفسي ياترى هل أكل ولا لسه
وأتصل محمد كلت أيوه ياماما متشغليش بالك بيه انا كويس ....
بالليل لو حسيت بشوية برد أتصل انت نايم ياحبيبي ... أيوه ياماما
متغطي كويس والله العظيم ياماما متغطي .....
بعد مرور أسبوع سافرت أبنتي له لإعداد الطعام له ووضعه بالثلاجه
مع سخرية خالها منها آيه ياجماعه أنتو حسستوني بإن الواد في غربه
أيه كميه العواطف اللي تخنق دى ...سيبوه يعتمد علي نفسه ......
رجعت ابنتي وطمنتي عليه الأسبوع الثاني طلبت منه الحضور وده كان يوم
الخميس 27نوفمبر ركب من المنيب الساعه 6مساء علي الساعه ثامنه إلا الربع
إتصل بصوت يشبه الهمس الو ماما ॥ أيوه عامل أيه وانت فين دلوقت।
انا كويس إديني أختي بسرعه أعطيت الموبايل لأخته وركزت علي ملامح بنتي
قطبت مابين الحاجبين وظهر علي وجهها الفزع ... وقالت إ قفل دلوقت وأنا حتصرف
قلبي وقع في رجلي وارتميت علي أقرب كرسي وليس علي لساني غير أستر يارب أنا شحتاهم
منك يارب حافظ لي عليهم ... البنتين حاولو يهدوني وقالت ابنتي الكبرى والتي تحدثت معه
دى حاجه بسيطه أرد يابنتي وشك وانتي بتكلميه بيقول غير كده ابني حصل له آيه؟
مفيش حاجه ياماما الموضوع إن سواق الميكروباص جابهم من طريق الشرق الجديد وعلي بعد 25كيلو من
بني سويف قال لهم الأجرة12جنيه ولأن الأجره 8جنيهات فقط والمعروف ان السواقين بيطلبو 10
جنيه فقال أبني هي 10جنيه بس وتحمس شاب وقال انا مش ح دفع غير 10جنيه ... وقف السواق
ولبس بونيه حديد في إيد ومطوه في الإيد الثانيه وراح ماسك في رقبة الشاب ودى بونيه ودى مطوه
في الوقت ده محمد اتزحلق لتحت وقد كان جالسا علي الكنبه الخلفيه وإتصل بنا ..... لأن مفيش واحد من حوالي 13راجل
قدر يتحرك من مكانه ...ويقول للسواق انت بتعمل ايه!
في نفس الوقت قمنا بالإتصال بكل من المعارف من الضباط والعساكر وأمناء الشرطه .....
وإنتظرنا مكلمه أخرى من محمد لنعرف أخر التطورات قال هامسا قال السواق بيقول انا حعرف
اخد حقي منكم إزاى ومازال رقبة الشاب بين زراع السائق الهمام...ولا حراك للساده الركاب
المهم قال شاب أخر موجود بصوت عالي ياجماعه ماتقلقوش أخ موجود معانا إتصل بي اقاربه
من الضباط وبعتو عربيه نجده ..... ماهي إلا لحظات وترك السائق رقبة الشاب المسكين
وقد تلطخت ملابسه بالدماء ....وقال السائق ياجماعه انا قلب ابيض انا مش خايف من حد
هي ساعة شيطان ... الأول اودى الأخ ده المستشفي وانا تحت امركم حوصل كل واحد فيكو لغاية بيته
نسيت احكي جاء زوجي من مشوار علم بالخبر فتح درج المطبخ واخد معاه سكين وجرت الإبنه الكبرى
مع أبوها ومعها قصافه وطار زوجي بالسياره مسرعا ... إتصلت بأبني الكبير وهوأكبرهم وعلمته بالخبر
ولأن مديرية الأمن أمامه فذهب للإبلاغ فلم يجد إهتمام ... ياجماعه انا محامي وجي ابلغ عن واقعه حصلت
وعايز حد اتكلم معاه॥ أصل مفيش حد هنا ॥ حاضرة الصول بيقول
إستعدإبني لطلب رقم سأله حاضرة الصول
النوباتشي وحتتصل بمين بقي قاله بالعميد فلان ...قام حضرة الصول النوباتشي مؤديا التحيه
الباشا في أسوان إحنا نقوم بالواجب ياسعادة البيه هوقريب سعادتك ...رد أبني معرفه وثيقه وزى
متقول كده نسب وأبقي محامي العيله اى خدمه علشان الباشا معرفه انا في غني عن خدماتك
وأستقل إبني سيارته ومشي بها في طريق الشرق الجديد ولم يلاحظ دنو البنزين علي النفاذ
جائه إتصال من أخته خلاص إحنا دلوقت علي الكوبرى والميكروباص أمامنا
أبني الحمد الله تصدقي البنزين علي وشك يادوب يرجعني ......
كل ده وأنا قلبي قلقان علي الجميع وأدعو لهم بالعوده سالمين .......
ورجع الجميع بفضل من الله العلي القدير وحمدالله علي سلامتهم....
دون تحرك أحد من الركاب بعمل محضر أوإتخاذ أى إجراء أو حتي الإستعداد
للإدلاء بالشهاده ....وجائنا تليفون من القسم بأنه تم تقفيل المحضر
وحتي لم يذهب أ حد للإطمئنان علي الشاب المصاب الذى اصر السائق الهمام أن يوصله
للمستشفي بنفسه حتي ولو كان هذا علي حساب نفسه ولم يعلم أحد هل أدلي الشاب في المحضر
بما حدث وأتهم السائق بالإعتداء عليه؟ الإجابه أشك
ولي أن أسأل ماذا حدث للناس حوالي 13شاب لم يكن بهم ولد شارب من لبن امه يهجم عليه
ماذا لو طلع عليهم قطاع طريق وهذا الطريق مظلم وصحراء وقطعهم ولامن شاف ولا من درى
ليه منلتزمش بالتسعيره ... وليه المرور ميفتش السائق والعربيه لتأكد من عدم وجود أسلحه
بيضاء وخلافه حتي لو كان حجة السائق الإحتفاظ بها للدفاع عن النفس
ليه أنا إكتفيت بالإطمئنان علي ابني ... ولم يذهب احد منا للإطمئنان علي الشاب المصاب
النكته إكتشفت إن زوجي واخد معاه سكينة السفره وبنتي وخده قصافه ليس بها غير مبرد
آيه الحلاوه دى قوات كوماندوز ॥ ايه الهنا اللي انا فيه ده معايا شبيحه في البيت .....
شوفتو الهنا اللي انا فيه حتي وإحنا عايزين ندافع عن نفسنا مش عارفين آيه هي الأداه
المناسبه ؟ قدآيه إحنا أغلب من الغلب والغلب يقف لنا إحترام....
ممكن تجوبو عليه هو آآآآآآآآيه اللي حصل ؟
الاثنين، 24 نوفمبر 2008
بس لازم يكون البلوج فى وضع ال
من ضمن التحديثات المهمه جدا الى اتعملت انك تاخد نسخة احتياطيه من البلوج البوستات كلها بالتعليقات وتحفظها عندك على جهازك وعشان تقدر تعمل الخطوة هتختار
السبت، 22 نوفمبر 2008
وورد برس
بصوا
الاول ندخل على موقع وورد برس بس دوت كوم مش اورج
وبعدين بعمل صاين اب واعمل اكونت هناك واللى عايز اللغة العربية يختارها من موضع اللغة
واول ما ينشط الاكونت بدخل عادى كمستخدم بتتفتح صفحة بها كلمة اسمها داش بورد انجليزى او ادارة المحتويات عربى
بها تابه ايمبورت او استيراد يعنى بدخل على صفحة بكتب فيها اليو ار ال بتاع المدونة بالظبط اللى فى بلوجر وبضغط على زرار استيراد وبعد ان تتم العملية بنجاح يبقى بس خلاص كده مبروك المدونة راحت على وورد برس مع احتفاظ المدونة الاساسية بتاعة بلوجر
من أرشيف حياتي ابي رحمة الله عليه
(ابيرجل يحمل ملامح مصريه له وجه أسمر من اثر الشمس
عينان وسعتان لونهم لون العسل الرائق وأهداب طويله
في صفين يتراسى وكأنهم جنود عينو لحراثة تلك العينان الجميلتان
لسانه لايعرف الا القول الطيب لا يجلس في مجلس نميمه ॥ له
قلب أرق من زهرة الياسمين । ويدان معطأتان حانيتان وعقل راجح
له من الحكمه خلاصة تجارب السنين ...
عند قرب زفافي قال يابنيتي الزواج عهد وميثاق يجب ان يحترم
في بيت ابيك مدلله تكلي لقمه وترمي عشره في بيت زوجك انتي
مسئوله عن ماله تعيشي علي قدر أمكانته الماديه اياك أن تشكي لأحد
بأن زوجك لاينفق عليك كما يجب أصبرى حتي يفتح الله عليه ...
لاتفجيئيه حال دخوله عليك بأخبار غير ساره أو مشاكل حدثت اثناء غيابه
لأنك لاتعلمي ماذا تعرض له من ضغوط اثناء يومه .... وحقولك نصيحه
فيه واحده تضرب العصايه وواحده العصايه تضربها .....العاقله اللي تفهم طبع
جوزها وترضي بالمقسوم وتصبر ربنا يكرمها وتعيش في سلام واللي تطول لسانها
وتعلي صوتها ومتحفاظ علي اسرار بيتها العصايه تضربها انا لست مؤيد لفكره الضرب
ولكن ده مثل مقصود منه توضيح الفرق بين الزوجه العاقله صاحبة البيت الهادى المستقر والأخرى
الشعنونه وحياتها المضطربه ومشاكلها المتداوله عند الأهل والجيران....
من السهل اقولك بيت ابوك مفتوح فأى وقت وان عمل لك حاجه تعالي الكتف ده زاد والكتف ده ميه
اهلا بيكي زائره لكن غضبانه لأ ॥إحنا بنجوز علشان نعمر مش علشان نخرب علي نفسنا
والنتيجه زياده معدلات نسبه الطلاق نتيجه عدم الحكمه من الأهل وقلة تجربة الزوجين
وينتقل موضوع الخلاف من الزوج والزوجه الي خلاف بين العائلتين والموضوع يكبر
وخلع وطلاق وعيال تتشرد وبيوت تتقفل ومأسي إحنا في غني عنها لو حكمنا عقلنا ...
قال لي طبيب شاب له تجربة زواج فاشله خد المجنونه بنت العاقله ولا تاخد العاقله
بنت المجنونه ومفهوم طبعا هو عايز يقول أيه
ومره تانيه الله يرحمك يابابا
وقال لخطيبي ياأبني اللي بين الراجل ومراته زى القبر وأفعاله يعني محدش يعرف عنكم حاجه
سركم ميخرجش بره عتبة الباب , والتفاهم والموده والمعامله الحسنه تلين الحديد
الله يرحمك يابابا
بقول ده علشان الأهالي اللي بيدخلو في حياة اولادهم وبيشجعوهم علي خراب بيتهم
الأربعاء، 19 نوفمبر 2008
عاجل لكل المدونين
مدونتي هي تالت مدونة بعد http://www.epitaph-87.blogspot.com/وشهروزةوبعدين انا، انا باقترح اننا نحدد ساعة صفر، بعد ما نكون نقلنا كل مدوناتنا على وورد برس، نحدد ساعة صفر ونتفق على ساعة كلنا في لحظة واحدة نلغي مدوناتنا من على جوجل، لان احمد البوهي بقى بيطلع له الرسالة الجديدة دي كمانقلتوا ايه؟ الحاضر يعلن الغايبالنهاردة ايه؟ 19 نوفمبرطيب نديهم عشر ايام كويس؟ وللا كتير عشر ايام؟انا في انتظار اقتراحاتكوا وبعدين نشوف ح نعمل ايه، اهم حاجة كل واحد فيكوا دلوقت حالا يروح يعمل امبورت لمدونته
مرسلة بواسطة جبهة التهييس الشعبية في 09:06 ص
معلومه محتاجه تفسير
كان هناك في العائله سيده عجوز قالت لي إن اول مره حاجة فيها كانت بجمل
هي دلوقت عليها رحمة ربنا الكلام ده كان سنة 72المهم إنها قالت لي عندما علمت
بقرب موعد ولادة إبنتها طلبت إحضار وطواط وفي حال خروج حفيدتها للحياه ذبحت
الوطواط وغطت جسم المولوده بدمه و هو مازال سخن ماعدا الرأس و منطقة العين
وده علشان يمنع ظهور الشعر في جسم الحفيده ...
أنا بسأل دلوقت علشان فيه ناس إتكلمت في الموضوع ده امامي من فتره
أريد أن أعرف رأى العلم في هذا الموضوع ومدى صحته وإن كان فعلا ذات فائده
فلماذا لم يتدخل العلم للأستفاده منه ...
وأيضا مرارة الماعز يضاف إليها نشادر وماء أوكسجين بمقادير معينه ...
هل هذا يعد من الوصفات البلديه وماالأثار الجانبيه نتيجة التعامل مع دم الوطواط
أو مرارة الماعز
ولكم جزيل الشكر॥
الثلاثاء، 18 نوفمبر 2008
مبروك للأهلي
الاثنين، 17 نوفمبر 2008
بالرغم من قسوة الكلمات الا أنها الحقيقه التي أحسها وكأن كاتبها يعرفني عن قرب
يمكن من خلال تجواله بالمدونه استشف ده الله اعلم
كل ما أعرفه الأن أنه ودون ان يقصد سبب لي ألما لا لاشئ
سوى انني حاولت جاهده ان اعيش لنفسي فقط فلم استطع
اليكم تعليق من غير معروف علي حياتي من غيرك احلي
غير معرف يقول...
طبعا طبعا استاذة وفاء الكلام مينفعش اعلق علية واقول غير الله هرد كمان على حضرتك برد من نفس الردأيوة
شوفتي ناس كتير أيوة حبيتي ناس كتير
ايوة حسيتى فيهم الخير كبير
ايوة شوفتى فيهم بحور الحب المسحور
ايوة قولتى فى كل مرة الدنيا
بدات تطلع من الضلمة وتخرج للنور
وفى الاخر يطلع قصادك الف سد ومليون سور
وانتى زى ما انتى مجروحة فيكى كل الكسور
ومن انهاردة خلاص هقفل عليكي
باب ومفيش يوم تانى عذاب
وعيشي لنفسك مرة من غير ما تبكى مرة
فى لليل الم وكلام مع نفسك
على نفسك كلو لوم وعتاب
فكرى كدة مرة هو حد فكر فيكى مرة
ما الكل مشي و قفل في وشك الباب
ولا حد بص ليكى وعملك فـ يوم حساب
وسبوكي لوحدك مع أيام أمر من المر
و تفكير يقفل فى وشك اى باب
كفاية بقى أحلام لغيرك
وفي الأخر ينكر خيرك
و يطلع زيك زي غيرك
أو مجرد شئ ينسى بيكي غيرك
كنتي مع الكل انسان يرسم بسمة
بكل الالوان وتحسى غيرك
قبل نفسك كمان عشتي تحت شرط غيرك
ولا فكرتي تنطقي شرط علي غيرك
تضمني بى حقك من غيرك
بس كفاية و عيشي فى خيرك
و اقفلي على نفسك الباب
وخبى مشاعرك من اسنان الذ ئاب
و شوفي أيه هيحصل من غيرك
صدقيني ولا الدنيا هتقوم وتقعد عشانك
ولا هتتهد يوم من غيرك
الكل هيعيش بيكي أو من غيرك
وبيص من تانى لغيرك
فوقي الدنيا مشيا انتي اللي مبتمشيش وقفه مكانك
مبتعشيش و بتبكي على حظك
وفي الأخر تطلعي مفيش
و متصدقيش اللي يقولك أنا ليكي هعيش
لانه أصلاً زيك مفيش ومش أقدر يعيش
اعترفت ليكي يانفسى بالحقيقة و غيرها مفيش
صدقيني مفيش أرجوكي منى متزعليش
عشان نقدر أنا و انتي نعيش
16 نوفمبر, 2008 04:36 م
الاثنين، 10 نوفمبر 2008
من أرشيف حياتي
بقول كده علشان أولياء الأمور المتعلمين اللي مش عارفين ييساعدوا أولادهم في تحصيل الدروس وبيدفعو دم قلبهم في الدروس
الخصوصيه يحولو مع ولادهم ا॥حتي لغاية إعدادى وبعدين في الثانوى تبقي الدروس حاجه مساعده علي الفهم والتحصيل...
الأحد، 9 نوفمبر 2008
حتي عضمنا منكم لله
أنا لسه بقول خلو بالكو من شلاطه
بياع الحوايج قالو عضمكوا كمان مطلوب
يامحلي المصرى يامحلاه
ومن قدم خير بيداه يلتقاه
هو الفقر عندكوا معناه إن الواحد يبيع جواه
وإن القرش بيسند صاحبه ويتهان االي ممعاه
طب كلاوينا أوأكبدنا نبيع منبعش كل واحد برضاه
دلوقت إندرتو علي عضام أموتنا روحو منكم لله
ليه هو إنتم فاضين من جوه ياإخونا فين المروه
عيب إختشي انت وهو ه ولوطلبت ده من بلاد ثانيه
كان صباحك بقي زى مساك
حتي عضمنا سيبونا في حالنا حرام عليكو هي اللي فضللنا
أخدو كلانا أخدو عيوننا وأخونا العربي ده حظنا وياه
نكرونا بعد مأخدو من عقولنا علم في كل المجلات
دلوقتي مفيش الا عضام المصريين بالذات
ولايعني بقينا الحيطه المايله الله يسامحكوا ياأخوات
السبت، 8 نوفمبر 2008
كبد وكلاوى للبيع
الثلاثاء، 4 نوفمبر 2008
حياتي من غيرك أحلي
الجمعة، 24 أكتوبر 2008
العسل المر
رمي لي طعم أوله عسل وأخره مرار
إستنيته كتير وفضلت ليه في إنتظار
محاولتش أطل حواليه أواحلم بأيامي الجايه
إستسلمت لفكره وضاعت مني الأفكار
فجأه لقتيني هوه في كل كلمة في كل خطوه
وحبست الأنا في الكرار
أى كلمه منه أى نظره من عينيه كانت
بترميني في حضن أحلامي الصغار
دايما كنت ببص ليه بإنبهار
إى لفته أى لمسه منه كانت في قلبي شرار
وأنا قلبي لسه عصفور صغير بيتعلم منه إزاى
يلقط الحب
وهو بيرمي حبه حبه كتر علي المقدار
إستعجبت ومع نفسي وقفت لأ إستني
أنا لازم أخذ قرار
وعيت وإستنبهت لقتيني لسه ليه في إنتظار
قلبي حط علي غصن شجره عجوز
سألته مالك حزين حاكي لها دون إختصار
قالت ياما قلوب زيك حزينه حطت علي غصني
ودموعها نزلت أمطار
ليك مني نصيحه ياقبلتها أوليك الإستمرار
قلبي إتشبس بيها وطلب يسمع لها في إصرار
قالت الشجره لقلبي: بص من بعيد وشوفه تلاقي
كل العصافير حواليه عمله له إعتبار
وهوواقف مكانه كأى ثعلب مكار
يرمي لكل واحد فيكم الحب حبه حبه وكل واحد
حاسس أنه الوحيد صاحب الإهتمام أما
الصياد دى لعبته وهو ظابط المعيار
يعني مش إنت لوحدك صاحب الأهميه
واللي رمالكم الحب فعله فعل أشرار
هو كان بالنسبه ليكم الضوء اللي بيجذب
الفراشه ودى كانت منه فراسه
اللي تقرب تتحرق بدون سابق إنذار
علشان يقدر يجيب العيب عليكم هو مقالش
كلو الحب هو بس رماه وأنتم أحرار
اللي يلعب بالمشاعر والقلوب ويعمل من
نفسه حلم في عيون النهار
واللي يدوس علي حبه ممكن كانت
تطرح أشجار واللي يقطف ورده
وماسيبش غير الأشواك
يبقي غدار
مش كل إيد تطبطب علينا
نأمن ليها ومش أى حبه تقدمها لينا
تغذيناومش أى حد يلغي دمغنا
ويفكر لينابحجة أنه فاهم عنا
وإننا أفكرنا قديمه
كان لازم يحصل بين القلب والعقل إنشطار
يلاقلب العصفور إمسح دموعك وإكبر مع الكبار
إتحرك من مكانك طير وجدد أفكارك
ومتقبلش من اللي خدعك إعتذار
وإعرفي ياأم قلب صغير
الكبير مش بسنه الكبير بفعله
كان لازم يكون أمين معاكم
يخاف عليكم زى إخواته أوبناته
ويقول أنا ليكو دار
كانت النيه تبقي صافيه من غير ملاوعه
و لالعب بالألفاظ ولاكان قلب إتوجع ولا
عقل دار
ويلا خطي أول خطوه من غيره بفكرك إنت
بقلب قوى وأصرخي يمكن القلوب الصغيره
تفوق وتكسرى فيهم الإنكسار
إثأرى لكرامتك وحققي عليه الإنتصار
وشكرت الشجره العجوز بعد أن أصبحت صاحبة القرار
وضميت قلبي جويا ورجعت أفكارى معايا
وها أنا صفية النفس أنعم بحرية الفكر ولم
أعد له في إنتظار
الأربعاء، 22 أكتوبر 2008
قلت أصل
زمان قالو في الأمثال إن إنتهي الأصل دليله فعله
ودي حكايه تبين صدق المثل
والأصيل أصيل ولو نام علي الحصير
********************
هنت علي ناس كنت في الخير أجالسهم
جرحوني و ياما دويت انا جروحهم
طلعوا روحي بعد ما كنت انا روحهم
بعدو عن مجلسي بعد ما كنت دايما في ريحهم
قصرت إيدهم بالسلام بعد م قضيت مصالحهم
ورجلهم نسيت دارى بعد ماكنت نور مطارحهم
كانو يغلطو ويخصمو وأروح اصالحهم
عمرهم ما قدمو لي سبت مع إني طول
الأسبوع معهم
في فرحهم أقدم دهب وفي فرحي فاضيه
صفايحهم
في ترحهم يفتكروني وينسوني في تفاريحهم
العيب مش في الزمن العيب فينا
قلت الأصل بقت معلقه في بترينة
والخشي مات وبقيت قلة القيمه
وقعو عليه بخساره وانا اللي كنت بربحهم
أبيض انا من جوه وفاتت عليه تباريحهم
أنا مش قليلة الحيله لما بلي بيهم أصارحهم
كفايه عليه أنهم أ كلوا بعض ونشرو فضايحهم
الله يكون في عوني ويعوضني عنهم خير ويسامحهم
الإشي الأشي
اللي أول ما علي لينا طنش
فرد جناحه وإنتعش
وأكل الكفته والرييش
بعد الفول و المش
عوج رقبته وإتلوح
أول م جيبه إنتفخ
وحلت الأساتيك
بدل الشلن والقرش
وعرف سكة البنوك
والفيزا والصكوك
الله يرحم أيام م جلد بطنه
في ظهره لزق
دلوقت الأشي إشي طلع له كرش
اللهم ماحسد بس هو علشان
عطاه ربنا لينا م يفتكرش
إتمسكن لغاية م تمكن
ربا أنياب وضوافر تخربش
ومن طرف منخاره يقول
للغلابه هش هش
ما تفرحش بمسح الجوخ
واللي بيضحك ليك
في الوش
أول مايروح كل ده وريشك يكش
حتلاقي كله بعد وهوب فش
وراح تعرف أنه كله ضحك
علي الدؤون وغش
تدور علي اللي يسندك
مش راح تلاقي غيرصديق
أكل معاك عيش ومش
لعمره نافقك ولا مره غش
أيه ده أيه ده الغالي جه
خرجت هذه الكلمات البسيطه تهنئ صاحب أجمل ضحكه علي
وجهه البسيطه علي الأقل بالنسبه لي .....
****************
أيه ده أيه ده
الغالي جه الغالي جه
نور البيت بضياه
وأيه ده أيه ده
شمع وزينه ودنيا زيطه
تورته وهدايا في شنطه
أيه ده أيه ده
ده يبقي عيد ميلاد الغالي ده
بابا جه ماما جت
جدو جه تيتا جت
خالو جه عمتو جت
عمو جه خالتو جت
صاحبه جه صاحبته جت
أيه ده أيه ده م النهارده عيد ميلاد
الغالي ده الغالي ده
يلا غنو يا بنات وأطفو الشمع ياولاد
ده النهارده عيد ميلاد أحلي الولاد
هيييه هيييه ايه ده أيه ده
هوووهووو
علي كتفي نينا هوووه
علي حجرى نينا هوووه
جوه قلبي نينا هوووه
ياأحلي ضحكه نينا هوووه
احلام سعيده يانونيتي
يافرحة سنيني ودينتي
نينا هووه نينا هووه
يارب تكبر وتأدي
فرض ربك
وتعلي شأن بلدك
طائع لبابك ومامتك
يافرحة تيتا وجدك
كل اللي شافك حبك
نينا هووه نينا هوووه
السبت، 11 أكتوبر 2008
صغيرتي إعطيني قبله أعطيكي حضنا
يسكن ببلدة الخليل في فلسطين السليبه
وكانت يتقدم ماكتبه صوره من مشهد مراسم دفن طفله فلسطينيه لايتعدى عمرها السنتان
تخيلت ماذا يقول لسان حال هذا الأب المكلوم
صغيرتي أرقدى بسلام الآن سيوارى جسدك النحيل التراب ॥بعد أن أعطيتك حضنا ولثمت
تقبليني كعادتك هلمي إني لأفتح زراعى لأضمك سأترك وجهي لك لتقبليه سأضمك الي قلبي
أعلم صغيرتي انني لن أراك ثانيا ....ولكني أحسك ...صدقيني أحسك بداخلي ।أسمع
عند خروجي ...أو حين كنتي تتلعثمين في ترديد الكلام خلفنا .....أحسك حبيبتي أشعر
تستعطفيني للخروج معي ........وأحملك وأضمك الي صدري وأطلب منك البقاء خوفا عليك
كنت تمتثلين لرغبتي كم كنت مطيعه جميله حنونه ...أفتقدك وأسأل نفسي ماذا جنيت ؟! هل رجمت يديك الصغيرتين جنود إبليس
بالحجارة؟
هل كنت تحملين مدفعا أو بندقيه وتوجهين الطلقات نحو جنود إبليس؟.....هل طاشت
لالالالالالا ...إن عدو الله وعدونا لايطلق رصاصات طائشه إنها رصاصات صنعت
رصاصات تقتل ماضينا المتمثل في شيوخنا وتقتل الحاضر فينا شبابنا عزنا ......أسلحة
صدورنا لأن الأمم المتحده علي فنائنا لم تحرمها علي العرب فكيف يطمئن صانعي الموت
تستقبل تلك الرصاصات المسماريه والعنقوديه والبلاستيكيه .... إنهم لايردون إلا هدفا
تدافع عن وجودها بسياسة الإستطيان وتشريد شعب بأكمله في وطنه يهان....وعندما يدافع
نامو ا ياصانعوا السلام وأنتم ترون شعبا بأكمله بلاهويه بلاوطن ....اين أنت ياتاريخ أخرج
يعود بيت المقدس حرا من أيدى الصليبين ...عد ياصلاح الدين॥
تراك تفكر في لم شمل العرب لتصنع جيشا موحدا أم تراك تنظر إلينا أسفا علي حالنا لأنك
تفاهه أشياء من فعل العدو ...العراق حاله ليس أحسن من حالنا إغتيلت عقول علمائه
بعلمهم في معقل الأرهاب الدولي ...تراك ياصلاح الدين تتحسر علي شعب العراق والذي
وسودانا يغوس في حرب لايعرف منتهاها الا الله ...... ومصر وأزمه سكانيه وأزمه
وزعزعات أمنيه في بعض البلدان العربيه.....دا غير الشباب المهيس والمشيت
علي بعد كيلو مترات من مرقدك سوف ترى سفن وبوارج حربيه لبلاد ليست بالعربيه ولكنها
أو أنك تملك أسلحة دمار شامل ليس لك حق الدفاع عن نفسك أو تقتل من يقاتلوك فدمائهم
وسيغيرون عليك بالطائرات نهارا وليلا لن تعرف ليلا من نهار سوف تمر عليك الآيام دون
أبنتي دون العامان من كنت أحلم بيوم ترتدي فيه ثوب الفرح لبست ثوبا أخر لف جسمها علم
وهاهي الآن ياأيوبي في أحضان الأرض بدلا أن تكون في حضني دون أن تقبلني ....أعلم
الي أن ألقاك ياأيوبي لنا الله ولي الصبر والسلوان
أسأأأأأأأأأأأأأأل الله أن ينصرهم ويثبت أقدامهم ويشتت عدوالله وعدونا جنود إبليس الصهاينه
والراعي الرسمي للأرهاب أمريكاوشركاها
اللهم ما أأأأأأأأأأأأمين يارب العالميييييييييييين
