الأحد، 14 ديسمبر، 2008

رب صدفة خير من الف ميعاد(२)

الصدفة الثانية



الأم والأب يجلسون علي مائدة الإفطار ينادون علي اولادهم (بنت وولد)





يسمعون صياح الأبنه...الأب هو فيه آيه حتعقلو امتي انتم في الجامعه....





الأبنه عضني من صباعي يابابا .... الولد حطت صباعها في بقي وانا بتاوب وقبل





محط إيدى علي بقي صباعها سبقني ....





الأب عيب انت كبرتي علي كده ....البنت أسفه يابابا كنت بهزر معاه بس هو غلس





عددت صحبتها عليها ونزلت سلام بقي عندى عملي النهارده وحأخر





كانت في نهائي علوم .... كان اليوم طويل وممل خرجت من الكليه تجر رجليها جر





وقفت وصحبتها في إنتظار أى حاجه توصلها ... وفجأه وقف بجوارهم بيه بكرافت





وشنطه سيمسونايت وأثناء محاولاتهم لإيجاد وسيلة مواصلات رأت البيه يتثائب





وما هي إلا لحظات وكان صبعها في فمه فأطبق عليه بأسنانه .... فقالت أأأسفه





ده يوم نحسي النهارده عضتين في يوم واحد ॥لو سمحت صباعي .....قال لها ياأنسه





ده أسمه كلام ده شيئ غير معقول ...وحاولت الإعتذار وتدخلت الصديقه وفي هذه الأثناء





وقفت سياره فخمه ركبها اخينا طلب من السائق الإنتظار علي جنب حتي ركبت الفتاه التاكسي





وتتبعها حتي منزلها وأخذ يراقبها لمدة شهر ويسأل عنها حتي تأكد أنها من أسره محترمه ...





وتقدم لخطبتها .... وسأله والدها عن سبب سوأله كل هذه المده عنهم فقال أنه أعجب بها ولكن الموقف





الذى صدر منها كان غريبا عليه وخصوصا إن طريقة كلامها وملبسها يقول إنها متربيه حبيت إن أتأكد





بالسؤال عليها وعلي الأسره فسمعت ماسرني أما بالنسبه لموضوع صبعها ده حشوف ليه حل إن شاء الله


وتمت بحمد الله








هناك 12 تعليقًا:

مجداوية يقول...

السلام عليكم

الأخ الكريم محمد حياتنا علق تعليقا مطولا يلومني على استخدام كلمة صدفة لأن ليس هناك صدفة فكل شىء بتدبير الله وهذا بالطبع صحيح ,,ولكن هناك مصادفة فمن الجائز استخدام الكلمة فى بعض المواقف على سبيل المجاز أو أن الأمر غير مدبر من الطرفين وهو ما تشير اليه الحكايتان ,,ولكن بالفعل ارادة الله تتجلى فى هذين الموقفين فسبحان الله العظيم

برجاء تغيير لون كتابة العنوان الفوسفورى لأنه بيعمل زغلله شديدة

لك كل التحية والتقدير

DoNyA يقول...

فعلا
رب صدفه خير من الف صباع :>

شرفت بالمرور الاول في البوست والمدونه
مودتي

وفاء بركات يقول...

وعليكم السلام ورحمة
الله وبركاته
اهلاأخت . مجداويه ...طبعا كل شئ بإراده المولي عز وجل زى مبيقولو مقدر ومكتوب
ومن عيني ح غير اللون انت تؤمرى
وشكرا علي المرور

وفاء بركات يقول...

أهلاdonya
مرور عزيز شرفتيني .. أفيه دمه خفيف
أتمني تكرار الزياره وكل سنه وانت طيبه
تحياتي

من غير عنـــوان يقول...

القدر دائما يوفر ظروف لإستكمال قدريته

تناول جميل

تحياتي

fashkool يقول...

ستنا يعنى اللى فى دماغى حصل اذا كان الف مبروك لطالبة العلوم ولك
ما علهش بس عايز ارد واغير الفكره اللى البوست بتاعى زعل ناس كتير منى
كماو والله ....
والله انا معاكى فى كل اللى بتقوليه وانا الكلام خدنى ونسيت اقول فى البوست ان المحامى ده بطل تحت اى ظرف .. اصل الكلام بياخد الواحد وفيه حاجات كتيره بتعدى عليه .. لكن انا اتكلم عن العقل الجمعى العربى .. وهمك هو همى وانا كمان شايله فى بطنى

nour shahen يقول...

هههههههههههههههههههه
حلوه وغريبه
شكلها عندها عقده بس حتت موقف محرج حطت نفسها فيه اكتر من عروستى حتى هههههههه

بس انا اعمل ايه دلوقتى بقى انا كنت هنزل موضوع بأسم صدفه اخرى المفروض اغير اسمه دلوقتى ولا اعمل ايه
هو مضمون الموضوع طبعا شيء مختلف جدا
لكن الاسم هيبقى كأنه مكرر يلا يا رب الاقى اسم تانى ينفع علي البوست الجديد
هنقعد نضارب بعض كدا بقى ههههههههههه

بس قصه مميزه وجميله بجد
وشيلى ايدك من علي خدك
انا كسلانه قوى انا عارفه بس بريح الناس منى شوية
وزي ما تقولى كدا اكل العيد كبس علي نفسى ههههههههه

خالص تحياتى ليكى ومدونتك في تقدم مستمر وملحوظ
ربنا يوفقك

وفاء بركات يقول...

شكرا من غير عنوان
ربنا يوفق شبابنا ويقدرهم علي
هذه الظروف الصعبه ... ويجعلهم
مثل هذه الصدف ..بدل الحياة المكلكعه
اللي بنعشها دى
تحياتي

وفاء بركات يقول...

الله يبارك فيك أ.فشكول
الكلام ده من الزمن الجميل من 30سنه
والله انا فاهمه قصد حضرتك . بس ما باليد حيله الناس بتخترع وبتطلع القمر
وأحنا فرحانين بإن التوكتوك اترخص
ومش فالحين غير اننا نبص علي الأهرمات وأبو الهول ونقول احنا أصحاب حضاره
حاجه تخنق
شكرا للمتابعه مع خالص تحياتي

وفاء بركات يقول...

اهلا نور ..
البوست ده تحت رب صدفه خير من الف ميعاد ...ايه بقي المانع إن عنوان البوست تبعك يكون صدفه ..ياستي ولا يهمك ...
يهئ لي ان اللحمه اتهضمت من زمان ..والدماغ بقت عال نروق بقي
ونبدع ...
أتمني أن أكون عند حسن ظنكم بي دائما
تحياتي

fashkool يقول...

يا استاذه وفاء انت بتجيبى الكلام الحلو ده منين انا قريت البوست اللى قبل ده بتاع الجردل والميه اللى جت على الراجل اللى كان طالع على السلم واخيرا اتجوز البت اللى رمت عليه الميه .. والله مت على روحى من الضحك .. قلمك رشيق يا استاذه .. تحياتى

وفاء بركات يقول...

السلام عليكم
أ.فشكول
طبعا رأى حضرتك أسعدني جدا ..الأحداث
ليس لي دخل فيها لأنها حقيقيه...
شكرا علي المرور..
لسيادتكم خالص تحياتي