بالرغم من قسوة الكلمات الا أنها الحقيقه التي أحسها وكأن كاتبها يعرفني عن قرب
يمكن من خلال تجواله بالمدونه استشف ده الله اعلم
كل ما أعرفه الأن أنه ودون ان يقصد سبب لي ألما لا لاشئ
سوى انني حاولت جاهده ان اعيش لنفسي فقط فلم استطع
اليكم تعليق من غير معروف علي حياتي من غيرك احلي
غير معرف يقول...
طبعا طبعا استاذة وفاء الكلام مينفعش اعلق علية واقول غير الله هرد كمان على حضرتك برد من نفس الردأيوة
شوفتي ناس كتير أيوة حبيتي ناس كتير
ايوة حسيتى فيهم الخير كبير
ايوة شوفتى فيهم بحور الحب المسحور
ايوة قولتى فى كل مرة الدنيا
بدات تطلع من الضلمة وتخرج للنور
وفى الاخر يطلع قصادك الف سد ومليون سور
وانتى زى ما انتى مجروحة فيكى كل الكسور
ومن انهاردة خلاص هقفل عليكي
باب ومفيش يوم تانى عذاب
وعيشي لنفسك مرة من غير ما تبكى مرة
فى لليل الم وكلام مع نفسك
على نفسك كلو لوم وعتاب
فكرى كدة مرة هو حد فكر فيكى مرة
ما الكل مشي و قفل في وشك الباب
ولا حد بص ليكى وعملك فـ يوم حساب
وسبوكي لوحدك مع أيام أمر من المر
و تفكير يقفل فى وشك اى باب
كفاية بقى أحلام لغيرك
وفي الأخر ينكر خيرك
و يطلع زيك زي غيرك
أو مجرد شئ ينسى بيكي غيرك
كنتي مع الكل انسان يرسم بسمة
بكل الالوان وتحسى غيرك
قبل نفسك كمان عشتي تحت شرط غيرك
ولا فكرتي تنطقي شرط علي غيرك
تضمني بى حقك من غيرك
بس كفاية و عيشي فى خيرك
و اقفلي على نفسك الباب
وخبى مشاعرك من اسنان الذ ئاب
و شوفي أيه هيحصل من غيرك
صدقيني ولا الدنيا هتقوم وتقعد عشانك
ولا هتتهد يوم من غيرك
الكل هيعيش بيكي أو من غيرك
وبيص من تانى لغيرك
فوقي الدنيا مشيا انتي اللي مبتمشيش وقفه مكانك
مبتعشيش و بتبكي على حظك
وفي الأخر تطلعي مفيش
و متصدقيش اللي يقولك أنا ليكي هعيش
لانه أصلاً زيك مفيش ومش أقدر يعيش
اعترفت ليكي يانفسى بالحقيقة و غيرها مفيش
صدقيني مفيش أرجوكي منى متزعليش
عشان نقدر أنا و انتي نعيش
16 نوفمبر, 2008 04:36 م
هناك 6 تعليقات:
السلام عليكم ورحمة
الله تعالى وبركاته
و(ما الكل مشي و قفل في وشك الباب
ولا حد بص ليكى وعملك فـ يوم حساب)
ولوووووووو انت اكبر منهم واعز وأكرم ياأستاذة ولا تفكرى ولا تحتارى تصرفاتك هى نفسك الخيرة الابية (ويؤثرون على أنفسهم ولو كان بهم خصاصة)مهما جحد خيرك الجاحدون فلن يجحد اجرك ربك وربى ورب العالمين فى يوم تشخص فيه الابصار والقلوب والميزان يومها بمثقال ذرة!
اللهم ثقل ميزان حسناتنا بالصالحات.
كلام جميل ومنطقي
تسلم ايدك يا وفاء ويسلم ايدك يا غير معروف
مش عارف وانا بقرأ الموضوع ليه خطرت في بالي أغنية عجاج
وناس تاخد وتنسى
وناس تبعد وتقسى
الحب والصداقة والجيرة والاخاء ... الخ من باقي المشاعر الانسانية الجميلة تعتمد بشكل أساسي على الأخذ والعطاء
وهنا تكمن المشكلة
ناس بتحب تاخد ومتديش
وناس بتدي من غير ما تستنى مقابل
وناس بتدي وتستنى المقابل
وناس مبتاخدش ولا بتدي
وناس بتاخد أكتر مما تدي
وناس بتدي اكتر مما باتخد
يللي بتقولوا الزمان ده خد وهات
دنتوا خليتو الزمن ده كله هات :(
وكل واحد فينا أكيد مر على أشكال مختلفة ممن سبق ذكرهم
بس المخيف في الموضوع اننا مبنلاحظش احنا من انهي نوع الا لما نمر بلحظة حقيقة مؤلمة مع النفس .. ونادرا ما تحدث هذه اللحظة دون صدمة
ماما وفاء .. ربنا يديم عليكي نعمة الرضا
تحياتي .. ودمتي بخير ،،
السلام عليكم ورحمة الله وبركاته
الغاليه العزيزه د.نور
الله وحده أعلم بمدى تأسرى بكلام الغير معروف وكأنه خبطني علي رأسي بالجامد المشكله إني كل اللي بيقوله اناعرفاه ومقتنعه بيه بس ليس بيدى ان أكون غير انا برغم الجحود والقسوه من الأخرين
لكن ردك هذاوالله العظيم شعرت وكأن يدك تربت علي ولم استطيع منع دموعي
فبرغم انك لا تعرفيني معرفه وثيقه ولم تريني ولكن سبحان الله وجودك في حياتي
له فعل السحر لاأدرى لماذا هذا الإحساس بالفرح عندما أجد كتباتك أقرأها حتي لو عجزت عن الرد عليها يكفيني اني اشعر بوجودك
كلماتك لي بلسم ربنا يديم محبتنا في الله وكأن الله عز وجل أراد ان يعوضني بك خير
دمتي لي أخت وصديقه وجزاكي الله عني خير
السلام عليكم ورحمة الله وبركاته
الأبن سيمباوى
ربنا يسلمك من كل شر انت اللي كلك ذوق كلماتك أسعدتني وهونت علي كتير ربنا يسعدك ويوفقك انت وكل الشباب
انا مش راح اعمل إلا اللي يرضي ربنا ويخليني انام وانا مرتاحه انما العباد ربنا يهدى نفوسهم
مرورك عزيز علي جدا وبيفرحني لك مني دعوات خالصات لله عز وجل بصلاح حالك.
ويحقق مرادك تحياتي
السلام عليكم يا استاذة وفاء
انا بس عاوزة اوضح ليكى
اولا صاحب رد دة اسمة بشير وهو غير شخصية الى ردت عليكى بطريقة جارجة لان دة صديق لى ولى فى الخواطر مش اكثر
هو لما رد عليكى رد على خواطر كا محاورة لى كلام مش على شخصيتك نفسها
وعلى عموم انا اسفة عبى سؤء الفهم الى حصل لكن بس حبيت افهمك انة شخصية غير الشخصية
انه مش معروف لانة مش عند مدونه
لكن هو مش قصدة يجرح فيكى اى حاجة دة معجب بخواطرك جدااااااااااا
السلام عليكم
اهلا نونا ياحبيبتي
علي فكره الرد بتاعه عجبني جدا تأسرى نتيجة وصف دقيق لما تعرضت له من جحود ونكران من أشخاص كنت اعتقد انهم اصدقاء لكن صدمت بهم ... انا زعلي من واحد أخر كتب تحت غير معرف وعلق بأسلوب غير مهذب .
أرجو أن تقدمي أ. بشير تحياتي وترحيبي
به في مدونتي وإعجابي بشعره وهولم يوجعني إلا إحساسي الشديد بكل حرف فيه
نورتيني يانونا بس معرفتش آيه رأيك
في الجديد في إنتظارك
تحياتي
إرسال تعليق