الثلاثاء، 2 ديسمبر، 2008

من وحي بوست نوافذ ..نوافذمن مدونة صعبان علي حالنا

أوعي تنسي في يوم أمك

لوسافرت وراجع تاني

أوهاجرت وللرجوع مش ناوى

أوعي تنسي أن ليك هنا

قلب حبك وبيتشوقلك

وعين بتحضن صورتك

وشمس بكره بتندهلك

تعالي يوم شوف أهلك

وصدر في يوم ضمك

أوعي تنسي في يوم أمك

رغم قسوة بعادك

شيله هم غطاك وزادك

بتجرى تتحسس مكان فرشتك

وتضم ليها هدمتك

وإن قابلت يوم حد من صحابك

تحكي معاه عن زكرياتك

وتهرب بدموع عنيها

لحقيقة غيابك

علي صوره ليك علي الحيط

وصوت رنين تسمع منه صوتك

وفي لحظه يصحي فيها الحنين

تجرى علي شباك وتبص هناك

يمكن تلمح طيفك كما العاشقين

وتتمني من ربها تفضل روحهامتعلقه

لأجل تشوفك رؤى العين

أعمل بكلام ربنا وإخفض ليها الجناحين

وأوعي تنسي في يوم أمك

ده مهما خدت أعلي الشهادات

أو كترليك في البنوك حسابات

أو كان ليك أجمل الأولاد وأحلي الزوجات

مش راح تشعر بأى لذه في الحياة

لو أوان وصالك ليها فات

يومها لاح يفيد بكي ولا تكفي تلال مناديل

ولايدفيك الحضن البديل

إحساس بالذنب يصاحبك

وتعيش عمرك في ليل

وتتمني تعود للحياة وتبوس قدمها واليدين

فوء قبل يوم ماينفع فيه الندم

وتخسر الدنيا والدين

وأوعي أوعي تنسي في يوم أمك





هناك 34 تعليقًا:

nour shahen يقول...

البوست هايل هايل ومعانى جميله افتقدناها ولقتها هنا وحبتها
دايما يا رب أفكار متجدده وابداع دايم
مش قادره اوصفلك قد ايه فرحت بالخواطر دي
انتى كمان وحشانى جدا جدا
فقبل ما أرد علي كلامك جيت أرد سلامك
ربنا يوفقك دايما

من غير عنـــوان يقول...

كلام من القلب
صورة أدبية رائعة

وفقك الله تعالى

أمنياتي

وفاء بركات يقول...

نورتي يانور
الله يسلمك من كل شر ..

دايما منوراني وشكرا علي المرور

والتعليق ...ياريت كل حاجه حلوه

كانت في حياتنا وافتقدنها ترجع تاني

علشان البركه والخير يملو بيوتنا وقلوبنا

لك تحياتي

وفاء بركات يقول...

من غير عنوان

أسعدني المرور ..وأتمني المداومه وتقديم

النصح .. مدونت حضرتك بها مواضيع

مفيده وقيمه ويكفي إن هدفها تقديم

النصيحه لأبناء هذا الجيل بأسلوب بسيط

وليس بطريقه الأمر التي لايقبلها هذا

الجيل المتمرد

وفقنا الله وإياكم الي مايحب ويرضي

مجداوية يقول...

السلام عليكم

الانسان دايما أو غالبا حتى لا أظلم الكل ونقول الا من رحم ربة يفتكر ربناوقت الضيق وينساه وقت الفرج

ويهمل محبينه وقت ما يكونوا حواليه ويفتقدهم ويتمنى يعوض بعده وجفاه لما يروحوا منه

هو ده الانسان فى غالب الأحيان نساى والانسان من النسيان لازم تفكريه

وعشان كده اللى كتبتيه ده تذكره للناسى والغافل يمكن يجرة يبوس ايديها ويقولها ربنا يخليكى ليا أرحم البشر عليا ولن يعلم الا بعد حينوقد يكون فات أوان التعبير عن الحب أو العطف أو التقدير
يا رب كل الناس تقرا كلامك وتنفذه
جزاك الله كل خير ونفع بك دائما

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

وفاء بركات يقول...

السلام عليكم ورحمة
الله وبركاته
أهلا بك أخت مجداويه
أتمني أن يقرأه الكثير ,ويعمل بماجاء به
ويجزى من ألهمتني كتابته عني خير...وجزاكي أيضا ياأختاه وجزاني وجزا كل من قرأ وإمتثل للنصيحه خيرا بإذن الله
شكرا علي المرور ودمت

norahaty يقول...

السلام عليكم ورحمة
الله تعالى وبركاته
الله ياأستاذة معقول الكلام الحلو ده تأثرأًبما كتبت انا الله الله الله
يارب يخليكى وما يحرمك منهم
ابدا ولا يتحرموا منك
ياأستاذة يارب وتطمئنى
عليهم وتفرحى بيهم ولا
يحرم ابن من امه
ولا ام من
ابنها
ابداً

fashkool يقول...

استاذه وفاء .. والله كلام من القلب بس الانسان دايما يتلقى النصائح ولا يعمل بيها اللا لما يخوض التجربه ويحس بالتجربه .. الاحساس بالتجربه هو اللى بيقنع الواحد بالكلام ده .. والام والاب ما تعرفيش هما غاليين قد ايه وانا لما المرحوم ابويا مات بالرغم من ان كنت استغنيت عنه ماديا تماما ولست فى حاجه الى اي شيئ منه وكنت اعيده دائما واشوفك ولا احرمش نفسى من حضنه ومن نظرة عنيه الحانيه وكمان امى الله يرحم الجميع ولما ماتوا حسيت ان الدنيا فاضيه حواليا وانى حاقع من طولى وعايز ابحث عن اى حد اتسند عليه ... كان ابويا دايما وامى دايما اتسند عليهم على الاقل معنويا .. ما حدش بيقتنع الا لما يعيش التحربه .. تحياتى لحضرتك وجيت عندك لما لقيت لك تعليق عند بدون عنوان قلت اما اتعرف بناس كويسيين وجداد وكان والحمد لله .. كل عام وحضرتك بخير

وفاء بركات يقول...

السلام عليكم ورحمة
الله وبركاته
الله عليكي انتي يادكتوره الله الله
الكلام الصادر من القلب بيخش القلب
وربنا يذيدك علم ومعرفه أما حضرتك
كلامك من قلبي لعقلي طوالي
وربنا يكرمك ولايحرمك من عزيز عليكي
ويحفظك لينا دايما وتنورينا
اللهم بحق هذه الأيام العظيمه تحفظ لكل أم أبنائها وتعود الأيام علي أمة الحبيب المصطفي بخير وأمن وسع
تحياتي

وفاء بركات يقول...

وحضرتات طيب يا استاذ فشكول
ومعرفة خير ان شاء الله وفعلا الام والاب دول نعمة اللى مايحفظش عليها ويعرف قميتها هيعيش طول عمره فى ندم
واتمنى تكرار الزيارة ان شاء الله

م/ الحسيني لزومي يقول...

شاكر زيارتك لمدونتي المتواضعه ومقدر مؤازرتك للحمله الشعبية للقيد بالجداول الانتخابية.
وارجوا من حضرتك ارسال ميلك كي ارسل لكي عليه كود البنر
وكل عام وانتم بخير

المستنصر بالله يقول...

ربنا يباركلى فى امى ويخليها ليا ويجعلنى بارا بها
ربنا يخليكى لاو لادك وجعلهم قره عين لك
امين

كل سنه وحضرتك بخير
لا تنسينا من صالح دعاءك امنا الغاليه

تحياتى لحضرتك

nour shahen يقول...

المره دا للتهنئه بالعيد
كل عام وانتم بخير... نظرا للظروف الأقتصاديه وارتفاع الأسعار هذه التهنئه صالحه لمدة سنه وتشمل: عيد أضحى _ تعيين _ ترقيه _ نجاح _ سنه جديده _ مولود _ نقل _ زواج ... الخ

Ahmed Al-Sabbagh يقول...

كل سنة وانتم والاسرة بخير

وفاء بركات يقول...

الأبن المستنصر بالله
أسعدني مرورك وتعليقك وربنا يحفظ لك الست الوالده..وتعيش وتفرح بيك وبأولادك..ويعصمك من الخطايا..ويكرمك
بالزوجه الصالحه اللي تتقي ربنا فيها
وهي تعينك علي طاعة الله
دمت ..

وفاء بركات يقول...

نور شاهين
اهلا بيكي والف سهلا
ياستي كل سنه وأنتي وأمة محمد بخير
بأسر رجعي ..ولمدة سنه قادمه قابله للتجديدعلي كل المناسبات المذكوره
حرصا علي الأقتصاد الوطني وحتي لاتستفحل الأزمه الإقتصاديه العالميه .وكده نبقي خالصين.
تحياتي

وفاء بركات يقول...

الخال أحمد الصباغ
يامراحب يامراحب ..فينك ياخالو
أنا وكل الأسره بنقولك وانت والأسره
الكريمه بخير وصحه وعافيه ..
وألأف شكر علي المعايده ودايما سباق بالخير
تحياتي

م/ الحسيني لزومي يقول...

تقبل الله منا ومنكم
وكل عام وانتم بخير

احمد بدر الدين يقول...

كلمات رائعة وفاء
كلمات تنم عن قلم اديبة مبدعة
تحياتى وكل عام وانتى بالف خير

norahaty يقول...

السلام عليكم ورحمة
الله تعالى وبركاته
كل سنة وانتى طيبة
يارب وبصحة وعافية
وسعادة.عارفة اول يوم
عيد الاضحى بيقى الشغل
فيه كتير فى البيت الكبير
يارب دايماًمفتوح بى وليك ولاسرتك
ولاحبابك على طول وما نتحرم منك ابداً
ياأستاذة ويوفقنا جميعا للعمل الصالح
اللهم استجب وتقبل.اللهم استجب وتقبل

وفاء بركات يقول...

السلام عليكم
م. حسين لزومي
اللهم أمين..
دمت

وفاء بركات يقول...

السلام عليكم
أ.أحمد بدر الدين
وحضرتكم بخير وألف صحه وعافيه
وشكرا علي هذا الكلام الجميل المحفز لمعنوياتي ..
وشكراعلي المرور ..
تحياتي

وفاء بركات يقول...

السلام عليكم
د. نور
كل سنه وأنت والأسره الكريمه بخير ..ودايما البيت عامر بحسك
ويعود الأيام عليكي وعلي امة الحبيب المصطفي بخير ورخاء ..
دمت صاحبة قلب حنان ولسان حلو الكلام
أسقاك الله من تسنيم وأذقت في الجنة عنب ورمان ومتعك بجني الجنتان وأمتعك بجوار
الرسول عليه الصلاة والسلام

اقصوصه يقول...

كل عام وانتم بخير

سبهللة يقول...

فكرنى البوست دة بأغنية شادية
خايفة لما تسافر على البلد الغريب تنسى انك فايت فى بلدك حبيب

كل سنة وانتى طيبة

وفاء بركات يقول...

إقصوصه
وأنت طيبه وبخير
أول مرور أتمني أن يدوم..
تحياتي

fashkool يقول...

استاذه وفاء بركات .. اشكرك على زيارتك والتعليق .. نورتينى وشرفتينى وان شاء الله تكونى على عرفات العام القادم باذن الله .. تحياتى لحضرتك وكل عام وانت بخير

وفاء بركات يقول...

سبهلله
أشكرك .علي المرور والتعليق
وكل عام وانت والأسره بخير..
وأخبار إبنك آيه في الدراسه
ربنا يفرحك بيه إن شاء الله
تحياتي

وفاء بركات يقول...

الأستاذ فشكول
لاشكر علي واجب وأسلوب حضرتك
الساخر في عرض المواضيع محبب وفي
نفس الوقت بسيط ..وهو نفس بساطة
طرح من غير عنوان لمواضيعه ولكن مع إختلاف الأسلوب..
سعيده جدا لمعرفة حضرتك وكل سنه وانتم والأسره الكريمه بخير ..
وإن شاء الله جمعا في زيارة بيت الله الحرام
خالص تحياتي

fashkool يقول...

ما علهش يا مدام وفاء .. اصل انا قريت البوست السابق بتاع الميكروباص .. اصل نفس الفصل حصل ليى وانا رايح بنى سويف برضه من المنيره .. السواقين يتفقوا على اجره فى المنيب وفى السكه يطلبوا اجره تانيه .. بس مرتها ربنا ستر والسواق كان غلبان ما قدرش يعمل حاجه (شوفى عشان رجع للحق بقول عليه غلبان) والاصل الغلبان اللى يكون له كلمه واحده مش رجع للحق غصب عنه .. اصل الموضوع ان المستوى الاقتصادى لنا كلنا متدنى وكمان الامان الاقتصادى منعدم .. عارفه الميكروباص بيدفع قسط قد ايه ومرتب العامل قد ايه .. انت قلتى 80 جنيه رجوله يعنى يعنى لا 80 ولا حتى 1000جنيه يعتبر مرتب محترم ولا اجرة الميكروباص برضه محترمه المستوى الاقتصادى هو اللى خلى الشعب المصرى يتمرد على طبيعته واخلاقياته وسلوكياته المستوى الاقتصادى بهدل مصر وبهدل المصريين .. العالم كله يحترم الانسان ويعطيه اجر عمله وليس اجر رمزى كما يفعلون معنا هنا فى مصر اذا ارتفع المستوى الاقتصادى ارتفعت معه جميع المستويات حتى الاخلاقيه .. شوفى دول الخليج وهم لا يزيدون عنا فى شيئ .. شوفى المستوى الاقتصادى كيف رفع المستوى الاخلاقى .. الموضوع كبير .. كبير جدا وعايز بحث كتير وكتير وكبير كمان جدا .. بس للأسف ما حدش حياخد باله ولا حد حيفكر ازاى وعشان ايه .. حضرتك فى مصر خلينا نقول ونهتف .. يسقط المطر من السماء .. وعاش السمك فى الماء ويخرب بيت العيشه واللى عايشينها .. اسف على التطويل

وفاء بركات يقول...

أهلا بيك أ.فشكول
دى حتبقي كارثه لومستوى الأخلاق
إرتبط بالمستوى الإقتصادى ..ده معناه
التوحش بكل معانيه..
لازم تكون لنا وقفه أمام هذه المستجدات علي مجتمعنا ..بدأنا بعدم
إحترام القانون وأنت عارف بتكلم مين
تلتها الإنهيارات تباعا ..
نطلب من الله عز وجل ان يرفع غضبه ومقته عنا
شرفتنا وشكرا علي المرور

norahaty يقول...

السلام عليكم ورحمة
الله تعالى وبركاته
ايه ياأستاذة ؟
مشغولة فى ايه؟
العيد خلص !تعالى بقى:)

وفاء بركات يقول...

السلام عليكم
د. نور أنا جااااااااااااااى بس مازلت في حضرة الفتة وصواني الرقاق
ومالذ من اللحم وطاب ..
لكي أحضر لمواضيع كثيره الهمتني بها هبره
كبيره .. وبإذن من المولي القدير سوف
ابدأبلا تقصير ..
إنتظريني بلا ملل فسوف أحضر علي عجل بفتح العين لحسن تفرق..
سلالالالالالالالالالالالالالالام..