ياساتر أستر

ياساتر أستر القلم لحكايات والبلاوى بيسطر



ناس جعانه وعيانه دى حتي لو شربت ميه نضيفه من الخضه حتسكر




وراح تنسي مشاكل تعليم وصحة وموصلات وللحكومة راح تشكر




وتعمل طرشه ومش حتعلق لما المسئول يتجمل وهوكداب وبيفشر




وممكن كمان ناس تعبانه تغمض عينها ومتشوفيشي



كروش حترشء من الكفيار وهي مش لاقيه الطرشى



ممكن تغمض ومتسمعش لكن تسكت متتوقعشي




لو الكيل طفح والدم غلي أوع تقوله متفرقعش في وشي




ياستر أستر من دى ناس عمله الغلابه تجارتها



مره تبيعهم بالقطعه ومرة تعبيهم سلعة



في مركب بيهم مليانه في البحر تكون نهايتها



وبدم بارد ينعيهم ويجيب العيب عليهم



وليه باعو الدهبات والأرض والهدمه اللي عليهم




مالأرض معادت تدى والغلا وباء بيسرى



وفي السوق حيتان مبترحمش وماتقولش أزمة وحتعدى




فين الحلول والدرسات لما بعنا وخصخصنا



ولصنعاتنا قلصنا وللعماله خسيسنا



وللبطالة زودنا أصل ده اللي ناقصنا




ياستر أستر فين الدم هرب منك ياأخينا




لما الزرع أتروى بمية صرف وبعدين بعته لينا



وترش وتسرطن



وانت بتتفسح في مؤتمرات فلوسها من لحمي الحي




وقاعد مجصوع متسلطن




عمال تلف علي المولات تجيب روايح وجلونات




وتبني في قصور وعماير وشبابنا من الركنه هيعطن



والغلابه ياولداه ده متفيرس يامكنسر ولا حاجه فينا بتتحسن



وانت عن النعيم والرخا في كل حته بتلسن



روح ياشيخ منك لله ضيعتنا ورحنا بلاش عامل كمبينه علينا




تاخد منا وتشحتنا وعامل آل آيه بتدينا




إداك في سنانك قبل عنيك وتتفرط صوابع إيديك



ح عرى راسي وأدعي عليك انت وكل البرتيتا



يجلكم كساح وتضيق عليكم الدنيا البراح




ويذهب عزكم علي الرصيف وتنعو الزمن اللي راح




وتنظف جيوبكم من اللحاليح وثلاجتكم من اللي بيصيح



ولما نشوفكم منعبركم ونقول ياباى علي دى تلائيح




وياستر أستر القلم للبلاوى والحاكايات بيسطر



وده بجد بجد و فعلا صحيح




!!!!!!!



!!!!!!!!!!!!!!



!!!!!!!!!!!!!!!!!!!!!!!!



!!!!!!!!!!!!!!!!!!!!!!!!!!!!!!!!!!!!!!!!!!!



اسم الله علي مقام اللي بيقرا واحد كان زعلان من أسمه



كان أسمه فلان ألوط راح مغيره وسما نفسه علان الوط



اهو برده ده اللي جارى لينا من مسئولينا يسيبوا الخيبه التقيله



ويتصدرو في الهايفه ।

معذرة عن هذا التشبيه المقرف بس بجد انا مغلوله منهم

علمت من خلال زيارتي لمدونة صعبان عليه حالنا

إن العزيزة لقلبي الدكتوره نور هاتي في سفر يارب ترجع بالسلامة

أعمل آيه بسأل عليها من عندى لحد مامشكلة التعليق عندها تتحل

سلامة حسك ياقمر

تعليق لمدونة صعبان عيه حالنا

السلام عليكم ورحمة الله وبركاته

برضه مفيش فايده أدخل عند صعبان عليه حالنا أتصفح الموضوعات أجي أعلق الباب متسنكر

قلت يابت ياوفاء علقي عندك ,,هو فيه موضوع الدكتوره قافله فيه التعليق علشان الواجب تقل عيها

المهم الموضوع الأول تحت عنوان سطرين إن مزحفش الزهايمر علي بال متنقلت لمدونتي وطار مني العنوان

المهم هو الموضوع بيحكي عن المسئولين بتوعنا اللي بيشحتوا علينا لما بيرحو بلاد الخليج .. ياكسوفنا

يافلسونا الللي إتنبهت هوبر هوبر هوبر مطلنا حتي شغته ..

وانا بقي حقولك علي واحد بقي خليجي متريش له قصر في الغردقه بيأكل الثعابين اللي مربيها في قصره حمام بشئ وشويات

وجاب راقصه يوم ميلاده ترقص ساعه ب15ألف جنيه ده طبعا غير النقطه .. بيعزم فنانين وفنانات ومسئولين عنده في

القصر وشوفوا بقه قمة الفضايح لما يطلبوا منه أجر عملية ولا فلوس علشان أى حاجه قصص متفبركه....

انا مش عارفه ليه دماغنا واقفه عن التفكير معقول خير بلدنا نضب ومفيش حل لتعدية الأزمة دى بدون إراقة ماء الوجه

الموضوع الثاني بقة الغضب وربنا يكفينا شره . المشكلة ليست في انه يحكي عن أسراره لحد أن يبكينا المشكله في إننا نثق في

مثله ونحكي له عن بعض من أسرارنا تلاقي معونه نضح بما فيه وتكون الطامه الكبرى ..

كان لنا زميل يبان عليه الثأثر عندما يجد حد من زملائه زعلان يفضل وراه لحد ميعرف سره ويساعده علي حل المشكله

لما أصبح مصدر ثقة لكل زملائه وفي يوم حصل بينه وبين زميله مشكلة بسبب الشغل ولقينا منه وجه أجاركم الله

وأخرج أسرار الزميله وهو يذكرها بفضله عليها في الوقوف بجانبها في وقت شدتها ...

وعندما لمته علي ذلك قال إن مكانتش هيه قادره علي حفظ سرها مطلوب مني أن أحافظ عليه ومن وقتها عرفنا معدنه

وأنه غير أمين وحمد الله علي أني لا أحكي مشاكلي في العمل ولا حتي لجاره ..

دمت يادكتوره ووحشاني جدا

بجد انا متضايقة جدا

هو فيه أيه حصل في مدونة حبيبتي الغاليه دكتوره نور هاتي

انا مش عارفه اكتب عندها حاجه ومافيش مواضيع جديده بتنزل لها ياجماعه لو حد عنده فكره ويقدر يحل المشكله دى يعمل حاجه

اانا مش قدره اتصور مدونتي بدون صعبان عليه حالنا

وعلي فكره نفس الحكايه مع مدونة مجداوية

وبسأل عن حسونة وغير معرف وإبن ببا ياترى هما فين ॥

ربنا يسمعنا عنهم سمع خير

جعان كل لما تشبع بس مكسر متكلش سليم متكسرش

جعان كل لما تشبع بس مكسر متكلش سليم متكسرش




ده مثل سمعته زمان من جدتي رحمة الله عليها إفتكرته لما بعض من أعضاء مجلس الشعب نوبنا العظماء من أصحاب الكروش




الواسعة والضمائر المطاطة طالب بإطلاق النار علي الشباب المتظاهرين والذين يعبرون عن رأيهم في حال البلاد॥




ويمكن طبعي يرفض التظاهرات ولكني أحب أن أعبر عن رآى بالقول أو بالكتابه وطبعا اللي حيسمعني عدد محدود ويمكن





ميكنوش صوتي له صدى علشان كده اللي انا عاوزاه بيبقي جواية وأحيانا بيقولوا علي اللي مثلي سلبيين أو مسالمين




لكن رأى إن أحيانا في ناس تندس وسط المتظاهريين وبيقوموا بتصرفات سيئة تنسب لهؤلاء المتظاهريين وهم مجموعة




من الشباب المثقف الواعي ويعلم جيدا إن إتلاف المال العام ليس في صالحة والنهب والسرقة التي يقوم بها هؤلاء الخارجيين




عن القانون المندسيين سوف تنسب لهذا الشباب الحر حرج شديد وإلصاق هذه التجاوزات الغير مسئوله لهم ودى طبعا

وجهة نظرى ॥




نجي بقي لموضوع المثل لو الساده الأفاضل من الحزب الوطني يبقي عيب عليهم قوى يطالبو ا برمي هؤلاء الشباب




المتظاهر بالرصاص لأن الحزب ملقب بالوطني الديمقراطي طب ولو نائب في المعارضه تبقي مصيبه لأن سيادة النائب المعارض




بيصرخ في بالرلمان ليل ونهار من أجل مزيد من الديمقراطيه ...



طب الشعب في زمن الديمقراطيه والمطلوب منه أن يعبر عن رآيه يعمل آيه طبعا حيروح في حته الناس تشوفه وتسمع له




ويقول بقي اللي في نفسه ويدمقرط برحاته مهو النواب الأفاضل بين منادى بالديمقراطيه وبين ديمقراطي أبن ديمقراطي




بس لقي حد بيقول له ديمقراطيه آه بس بحقك مطالبش وان طالبت متتكلمش وإلا سوف نقوم نحن بخرسك إلي الأبد طب ده أسمه




كلام علموا شبابنا ثقافة الحرية أزاى يعبروا عن رآيهم بتحضر إزاى يلاقوا ودن تسمع لهم وأيد تتمد لهم أسمعهوا لأفكارهم



وخلوهم يشاركوا في تقديم الحلول خلوهم يختاروا الحزب اللي عايزين ينضموا ليه ويكون ليهم أجنده يقدموها وياتزموا




بيها ॥




إبدؤا بالديمقراطيه وحرية التعبير بتحضر ورقي من المدرسه ولو فيه خلل في أى مؤسسة ينظر لموطن الداء ونقدم




الدواء ويبتر مسبب الداء ... تسحب بعض الصلحيات التي أفسدت بعض من هؤلاء النواب كتأشيرات الوظائف والحج




والعلاج علي نفقة الدوله لكي لا يكون دخول المجلس سبوبة تستحق الصراع عليها ....




وعاوزه أقول حاجه أوزنوا النواب قبل دخولهم المجلس وبعد خروجهم والفرق ده حقنا دمنا اللي عايزين يهدروه



صحيح اللي أختشوا ماتو ।



وجعان كل لما تشبع بس سليم متكسرش ومكسر متكلش وبالهنا ءوالشفاءوعجبي

مش كده ولا آيه

هذا الموضوع أفزعني وأخد وقت من تفكيرى وهو له شقيين شق طبي وسأتركه للمتخصصين وشق إجتماعي



وإنساني وده اللي سأتناقش فيه معكم....



لاحظت من سنوات قليله إن سيدات كن يخضعن لعلاج عدم الإنجاب بعد مدة متفاوته يصبن بالسرطان



والسبب بعض االأدويه المستخدمة



طبعا بتكون السيدة أنجبت طفل ولا أكثر وتبدأ أعراض المرض تظهر عليها وبتدخل في دوامة العلاج والسفر




وطبعا مايترتب علي هذا من عدم إستقرار وقلق يسيطر علي الأسره .....




أولا أين الضمير المهني للدكتور لماذا لا يصارح السيده بالأثار الجانبيه لهذه الأدويه ।



ولماذا لايعمل القائمين علي صناعة الدواء في البحث عن مسببات هذه الأثار الجانبيه القاتله وتفاديها




ثانيا موقف الزوجه التي تعرضتت لمثل هذا المرض ربنا يشفي كل مريض ويمتعكم جميعا بالصحة والعافيه



بعد أن أنجبت وأثصبحت غير قادره علي خدمة أولادها وزوجها ورعايتهم وهي تعاني من المرض وآلامه



لماذا لاتفكر الزوجه بأن تكفل يتيم أو أن تبحث للزوج عن أخرى يكون سبق لها الإنجاب ويعمل لهما




الفحوصات الازمه قبل الزواج أو تنفصل بهدوء ...



ولماذا نهمل عملية الفحصوات الطبيه قبل الزواج لتفادى مشكلات كثيره تحدث بعد الزواج كالإنجاب



وولادة أطفال معاقين ذهنيا أو مصابين بأمراض ....



هو إحنا حنفضل لأمتي نفتقر لثقافات مختلفه أمتي حنفكر لبكرة صح ...



لو فكرت الزوجه بالعقل حتلاقي آيه يفيد ها لو أنجبت وتوفت بعد ذلك من أثر الأدوية وزوجها برضه حيتجوز



بعد متتوكل وربنا يكون في عون ولادها يتولاهم ربنا برحمته ياوقوعو في زوجة أب حنينه ياشريرة...



طبعا الموت علينا حق وبيد الله سبحانه وتعالي لكنه اوصانا بألا نرمي بأنفسنا للتهلكه



أما الدكاترة وشركات الأدويه هما المستفدين من دى الحكايه مش كده ولا آيه


مع الإعتذار لأصحابي الدكاتره المحترميين

مشاكل تبحث عن حل

إن نفع كلنا رغفانه وإن مانفع خدنا خلجاته




ردا علي صديقتي الحبيبه الدكتوره نور هاتي ...



كنت عاوزه أكمل الموضوع قبل ردك ولكن الجهاز كان فيه مش حفسر علشان في ناس بتقلك من الحكاية دى




لكن كل اللي أقدر أقوله هو المثل عاليه عنوان البوست ...



انا شوفت مهازل واحد عنده ستين سنه متجوز شابه في العشرينات ... وطمع وجشع


وكأن الدنيا مفهاش شاب يناسب فعلا البعد عن الدين والجرى ورا طمع الدنيا عمي ناس كتير عن


المثل والأخلاق .....


وصدق رسولنا الكريم عندما قال إختارو لنطفكم إن العرق دساس ... وحديث آخر إذا جاءكم من ترضون دينه فتزوجوه

مشاكل تبحث عن حل

إن كنت عاوز تمص قصب يبقي من الوسط وان كنت عايز تناسب خد رفيعة الوسط

إستكمالا لمشاكل تبحث عن حل ......... سأعرض عليكم هذه القضيه وهي ترتبط بالمشكلة السابقه

لما يكون دينا الحنيف وجهنا وأمرنا أن ندقق عند إختيار شريك الحياة وكذلك رسولنا الكريم أشار

في أحاديث كثيرة لهذا الموضوع ....

يبقي واجب علينا أن نأخذ بالقرآن والسنة المشرفه ... لكن دلوقت وفي هذا الزمن اللي مايعلم بيه إلا

ربنا أصبح للزواج حسابات أخرى ... كانت صادمه بالنسبة لي६...

الحمد الله رب العالمين احب ان أساعد الشباب والشابات من الأهل والمعارف في العثور علي النصف الأخر

وبفضل من الله عز وجل كثيرا ما يحالفني التوفيق وسارت علي نهجي إبنتاي ,لاحظت من فترة طويله

إن الشباب أصبح ينظر للفتاة من الخارج آى لون البشره ॥ المظهر العام , عدد البشوات اللي في العيله

الممتلكات ।!...ياربي محدش سأل عن واحده ملتزمه عارفه دينها من أسرة محترمه॥

اللي سبب غيظي لما واحد ملتحي قصدني في البحث عن عروس ......... وكالعادة سألته

آيه شروطك في بنت الحلال قالي بالحرف الواحد ودون تردد بيضه وحلوه ॥ قلت له بس ॥ قال بس

غريبه كنت مستنياك تقوللي محجبه حافظه قرآن .... قاللي الحاجات دى شغلتي انا بعد الزواج

انا عايز واحده حلوة متخلنيش أبص برة ॥ طب أهلها ॥ قالي متشغليش بالك لو طيبين خير وبركة

لومشاغبين انا ليه مراتي حتي لو أقتضي الأمر أخدها وسافر أى بلد وابعد عنهم وعن مشاكلهم॥

آخر قالي انا عاوز واحده تكون عليتها أصحاب نفوذ أهو نشم نفسنا شويه طب الشخصه نفسها

قال متفرقش معايا حلوة أوحشه المهم عندى سطوة أهلها ونفوذهم ॥

الثالث قالي حاولي تعرفي لي العقارات اللي عندهم والأرصده وهل هي ليها ممتلكات شخصية

وعلي فكره ميهمش الشكل ولاالسن॥

حضارتكم معايا في إن الموضوع عاوز بحث ونظرة للمتغيرات اللي طرأت علينا كمجتمع مصرى

محافظ كان دائما وأبدا يحافظ علي التقاليد وعلي الأصول والأعراف ....

وهناك أيضا زواج شبابنا من أجنبيات ومايترتب من مشاكل جراء هذا الزواج ॥

أنتظر آراءكم ووجهات نظركم

تهنئة

أحبائي في الله

كل سنه وأنتم طيبيين والأمه الأسلاميه طيبه




بمناسبة المولد النبوى الشريف




ويارب نكون في إزدهار علمي وثقافي وصناعي وزراعي وتجارى



وإتحاد ويدوحده وكلمه واحده

ومتجمعين علي لاآله إلا الله محمد رسول الله

خير اللهم أجعله خير هو انا بحلم ولاحاجه يارب حلمي




يتحقق

مشاكل تبحث عن حل

احبائي سلام الله عليكم ورحمته وبركاته

لن اتكلم عن غيبتي الطويله عن التدوين ولكن كل ما اتمناه ان يمتعكم بالله بالصحه والعافيه

واتقدم بالشكر لكل من سأل عني....

أطرح عليكم اليوم موضوع فكرت فيه كثيرا من بين مواضيع اخرى سوف اطرحها عليكم لاحقا ... وأرجو أن تشاركوني الرأى

هي مشكله إجتماعيه وانا هنا ليس للبحث عن سبب المشكله لأنه معروف للجميع...ولكني أبحث عن الأثار المدمره

الناتجه عنه ألا وهو العنوسه والسن ا لمتأخره لزواج الفتيات بيتحددعلي حسب المستوى الإجتماعي والعلمي ففي القرى عدت ...

ا

الفتاةالعشرين تدخل فى قائمة العوانس في المدينه تتفاوت بين المناطق الشعبيه والمناطق الراقيه وبالتالي الأمر يختلف بين الطبقات المثقفه والأخرى والتي تقل ثقافه و

سمعت عن إستغلال بعض من الرجال المتزوجيين لمثل هذه الفتيات الباحثات عن الأستقرار وحياة اسريه مثلهن كأى فتاه تحلم بالزوج والأسره

وسآتي لكم ببعض من النماذج أولا لتكون كنوع من التحذير للفتيات وثانيا لفتح باب للحوار لهذه المشكله

هي موظفه تجاوزت الثلاثيبن بحوالي ثلاث سنوات يتيمة الأم ووجدت نفسها مسئوله عن أب عصبي جدا

بالمعاش يعني بيعد عليها نفسها وكذلك أخويها .. اما أختها الكبرى فتأتي زائره ولا تأبه بمشاكلها

أحس بها زميلها بالعمل وبدأ بالأهتمام بها والتقرب اليها الي ان وعدها بالزواج بشرط الا يطلق زوجته حفاظا علي

كيان الأسره خاصه وان أولاده في الجامعات والمرحله الثانويه,وايضا ان يتم الزواج دون علم زوجته خوفا علي مشاعرها ومشاعر الأولاد

وانه غير مسئول ماديا عنها لأن دخله لايفي الصرف علي بتين ...

كل هذا وست البنات موافقه ولاتفوت مناسبه إلا وتقوم بالواجب هدايا في الأعياد والمساهمه في مصاريف دراسه أولاده

الأ[ علم الأب بالموضوع بعد تحدث الزميل مغه طالبا الحضور لطلب يدها ورفض الأب كونه متزوج وثارت وهددت بالإنتحار وأصر الأب علي

موقفه وبكي العاشق الولهان وبكت هي أكثر ما بكت علي امها وتوقفت العلاقه بينهما و‘ن كانت من طرف واحد لأنها كانت ترن عليه دون

رد منه ولأجئت الي صديقتها التي كانت علي علم بالموضوع وقالت لها إنتظرى لحد شهر فبراير وسوف يتصل نظرت اليها بإسغراب

إشمعني يعني شهر إتنين قالت لها انتي ناسيه إنك كنت وعداه بإنك سوف تعطيه ثلاث الأف جنيه عند سفره لمأموريه تبع الشغل

غضبت من صديقتها واتهمتها بأنها لاتعمل لصالحها وانها تكرهه وتأخذ منه موقف كما فعل والدها

ومرت الأيام الي ان جاء شهر فبراير وجاء صوته الناعم الرنان المعبر عن نار البعد وقد ايه هي قاسيه ونسيت اللحظات الجميله

ومشابه نزلت عليها الكلمات ساخنه اشعلت الدماء في رأسها وصبت عليه جم غضبها ورمت برأسها علي صدر صديقتها وهي تبكي بحرقه

النموذج الثاني الفتاه اتمت الثلاثين تعمل بالقاهره وهي تستقل القطار يوميا للذهاب لعملها تعرفت علي شاب قال انه رتبه وكان ينتظرها

يوميا علي المحطه وكلمها عن الإرتباط وطبعا رحبت وطلب منها مهله لكي يحضر الشقه وفي احد الأيام نظر اليها انتي ذوقك عالي

جدا في لبسك وإختيار إكسسوارك شكرته علي هذا الثناء ووضحت له انها ترغب في

تغير حليها الذهبيه بموديلات أحدث ولكن ظروف عملها تحول بينها وبين ذلك ونصحها بالتمهل يمكن تحتاجهم في جهازها

وساعتها ممكن يعرضهم علي صديق له جواهرجي يمكن أن يشتريهم بالمصنعبه وقامت بخلع غوشتين وثلاث خواتم

وقالت دول قدام قوى خد بعهم وقال لها انه مش فاضي اليومين دول وهي تتحايل عليه وبعدين أخدهم علي مضض

وبعدها أختفي وكان لايرد عليها وإتصلت به من رقم اخر رد عليها وهددها بأنه سوف يلفق لها تهمه وراح يبهدلها

وبالسؤال عليه إتضح لها بأنه آمين شرطه ولأنها قد أخطأت أصرت السلامه ولم تبلغ احد من أهلها

سوف أكتفي بهذا العرض لكي لاأطيل عليكم وأنتظر مشاركتكم