الأحد، 9 نوفمبر 2008

حتي عضمنا منكم لله

قال آيه ليبيا طلبه من الملحق الثقافي المصرى جثث مصريين لزوم دراسة طلبة كليه الطب اللبيين الجهابزه


هو مفيش حد عندهم بيموت ولا التركيبه بتاعتهم فاضيه من جوه ومخوخين مفيش حوايج ولا حتي عظم


دول لو عرس حيبقي فيهم برضه حاجه تنفع تدرس ....نفسي أعرف طب هو مطلبش ده من أى بلد عربي


ثاني ليه أظن أنه لا يجرؤ علي هذا وإلا كان أتمسح بكرامته الأرض ...لكن علشان هو عارف إننا أكثر سماحه نتقبل


هذا المطلب الأكثر وقاحه بالرفض للتصوير التليفزيوني ...وستمر الجثث من تحت التربيزه حفاظا لماء


الوجهه وهي سبوبه حلوه للواد شلاطه ياخد الحته مقطوعيه وبتاع بره حيدفع بالدوررر


************************


أنا لسه بقول خلو بالكو من شلاطه

بياع الحوايج قالو عضمكوا كمان مطلوب

يامحلي المصرى يامحلاه

ومن قدم خير بيداه يلتقاه

هو الفقر عندكوا معناه إن الواحد يبيع جواه

وإن القرش بيسند صاحبه ويتهان االي ممعاه

طب كلاوينا أوأكبدنا نبيع منبعش كل واحد برضاه

دلوقت إندرتو علي عضام أموتنا روحو منكم لله

ليه هو إنتم فاضين من جوه ياإخونا فين المروه

عيب إختشي انت وهو ه ولوطلبت ده من بلاد ثانيه

كان صباحك بقي زى مساك

حتي عضمنا سيبونا في حالنا حرام عليكو هي اللي فضللنا

أخدو كلانا أخدو عيوننا وأخونا العربي ده حظنا وياه

نكرونا بعد مأخدو من عقولنا علم في كل المجلات

دلوقتي مفيش الا عضام المصريين بالذات

ولايعني بقينا الحيطه المايله الله يسامحكوا ياأخوات

هناك 13 تعليقًا:

Unknown يقول...

السلام عليكم
ورحمة الله تعالى وبركاته
العيب مش علي اللى طلب
العيب على اللى سمح له بالطلب
سواء أفراد او حكومات ...حتسألى ازاى؟
أقولك كأفراد معاملتنا مع بعضنا سواءداخل او خارج مصر بيخلى اى غريب
يقولك وايه يعنى من اللى منك بيعمل كده (سماسرة الافراد والهجرة الغير مشروعة وتجارة الاعضاء )وغيرها كتير
وعلى مستوى الحكومات .....مش محتاجة اقولك بتعمل ايه فينا حكومتنا لاجل ما تصغرنا امام الناس اللى بره !!!
اقولك ياأستاذة لا يغير الله ما بقوم حتى يغيروا ما بأنفسهم ...ربنا يرحمنا.
تحياتى لكى ولمواضعيك الهادفة.

وفاء بركات يقول...

السلام عليكم
د.نور والله عندك حق...وعلي رأى المثل القديم اللي بيقول إللي لجوزه يقولها ياعوره جيرانها يلعبو بيها الكوره...
ومعاكي بقي لما جوزنا حالو يتعدل معنا ويدينا وضعنا جوه علشان نقدر نرفع راسنا بره.
تواجدك بيسعدني ويطمني عليكي يارب مايحرمني منك ابدا

مجداوية يقول...

السلام عليكم

نحن هنا عند غيرنا عندما هنا فى أوطاننا

سعرنا فى بلدنا كام ؟؟؟
بثمن رغيف عيش
بثمن شربة ماء يغرق فيها شبابنا على سواحل العالم هربا من البطالة وضيق اليد

براءة ممدوح اسماعيل ودخول المبيدات المسرطنة وانهيارات العمارات وصخور و العشوائيات وحوادث القطارات و مياه الشرب المخلوطة بالصرف الصحى والمعاملة الغير آدمية للبسطاء وقمع الفكر والحرية والرشوة والمحسوبية تقول للعالم كله
هنا جثث للبيع مجانا

هنا جثث للبيع مجانا

موضوع يعصر القلب حزنا وألما ويضاف الى قائمة الأحزان والهوان

وفاء بركات يقول...

السلام عليكم ورحمة الله
أهلا بك ياأخت مجداويه..نورتيني
لينا رب أسمه الكريم ..وحسبنا الله ونعم الوكيل

Simbawy يقول...


فعلا منهم لله
وحسبي الله ونعم الوكيل

من فترة ليست بالبعيدة دار بيني وبين أشخاص ما بأحد المواقع حوار حول قضية الطبيب المصري .. وكان رأيي أن اللوم كل اللوم يقع على عاتق الخارجية المصرية وممثليها من سفارات وقنصليات ..

الحكومة هيا اللي مرخصة الشعب . عشان كده منستغربش لو بكره ولا بعده دخلت دولة تالته المزاد وطلبت من الحكومة انها تبعت لها ناس أحياء تجري عليهم تجارب علمية عشان سعر فيران الهاميستر غالي شوية !!

كلماتك مؤلمة وواقعيه ولا يمنع ذلك من أنها جملية

شكرا لك سيدتي

تحياتي ،،

وفاء بركات يقول...

السلام عليكم ورحمة الله وبركاته
سيمباوى عندنا يامرحبا يامرحبا
شكرا علي المرور والتعليق ...
ومعرفش إذا كنت توعي علي حادثه لاعب الجزائر في احد الفنادق المصريه عندما فأق عين مواطن مصرى وما حدث في سفارة الجزائر والدنيا قامت ولم تقعد حتي خرج لاعب الجزائر بسلام من ارض الكنانه..ومش فكره آيه اللي حصل للمصرى يمكن بيبيع مناديل ورق امام سيدنا الحسين ..
المهم في الموضوع انك شرفتنا بالزياره لك تحياتي

غير معرف يقول...
أزال أحد مشرفي المدونة هذا التعليق.
NoNa يقول...

السلام عليكم

ازيك يا استاذة وفاء وحشنى جداااااااا

وبجد ربنا يخليكى ليا على سؤالك دايما

انا بخير والله اطمنى

انا قريب ان شاء الله هاتصل بيكى على موبيل انا كنت بعت ليكى مسدج بس موصلتش موبيلك كان مقفول كل لما اتصل بلقى مقفول

ان شاء الله اقرب وقت هاتصل بيكى

انا بخير اطمنى مرسى على سؤالك بجد

:)

NoNa يقول...

اهلا يا استاذة وفاء

انا بخير والله اطمنى

بس ممكن فتحتى انا خارجة

ان شاء الله اتصل بيكى قريب على موبيل س سعات كتير بلقى موبيلك مقفول

ان شاء الله فى قرب فرصة هاتصل اطمنك عاليا

مرسى بجد على سؤالك الجميل ربنا يخليكى يارب

من غير عنـــوان يقول...

وياما لسه حنشوف
أصل اللي فرط مرة .. بيبقى مهانة لكل اللي حواليه

وفاء بركات يقول...

غير معروف لاأملك غير اني أقولك ربنا يسامحك
مفيش حد إشتكي من الوان المدونه ولولقيت إعتراض سوف أغيرها

وبالنسبه اللي انا فيه ربنا وحده هواعلم بيه

واللي يضرني ان كان مصري او موزبيقي وحيتباع قطاعي انه إنسان

وتفتكر ازاى حقدر اشرب اللبن وانام وانا مرتاحه وغيرى بيبيع حواشيه من إلت مفيش انا بعمل باضعف الإيمان

اما باقي كلام حضرتك مقدرش أقولك غير إن أهلنا علمونا إن لكل مقام مقال فأنا عمري 55سنه فأن كنت اصغر مني فانا في سن والدتك اوحتي اختك الكبرى وسيادتك تعلم جيدا ان الكبير له احترامه وان كنت اكبر مني فحتما ستكون اكثر نضجا وأدبا في إختيار الفاظك

وأخيرا ربنا يسامحك

وفاء بركات يقول...

السلام عليكم نونا
الحمدالله رب العالمين إنك بخير كنت مشغوله عليكي كتير آسفه لموضوع قفل الموبايل
في انتظار مكالمه منك

وفاء بركات يقول...

السلام عليكم
من غير عنوان شكرا علي المرور والتعليق ..
أتمني مداومة الزياره
لك تحياتي