الأحد، 3 يونيو، 2012

يعني إيه كلمة وطن ؟
يعني لما حد يسألك انت منين
أقول أسم بلدى بكل فخر
وأحكي عن عظمة سنسن
وأحكي عن باب الفتوح
 وباب النصر
يعني إيه كلمة وطن ؟
يعني جنود ع الحدود عني تزود
يعني  نسور نجوم  ف السما
يعني عيون حرساني
تسهر هيه وأنام انا
يعني إيه كلمة وطن ؟
يعني مصنع يعني فدادين سنابل
يعني فلاح  يعني  عامل
يعني أهل فكر وأهل رآى
يعني عقول كنوز كلهم لهم الوطن شايل
يعني إيه كلمة وطن؟
يعني مهد طفوله وخطوة صبا
يعني دقة عكاز عجوز
يعني أرض تحن لخطوتي
أمشي عليها عارفه سكتي
يعني لحد ضامم جيتتي
يعني إيه كلمة وطن ؟
يعني لما أسمع أسم وطني يهتز قلبي
وتنزل دمعتي وتترسم علي شفيفي بسمتي
يعني تتفجر فيه المشاعر
أصله حبه جوايه واعر
وأجرى عليه أفديه من غير تمن
يعني إيه كلمة وطن ؟
يعني مكان يسعنا كلنا
من غير من نسأل بعضنا من آى دين
حبابب متفقين ف الرآى أو مختلفين
يعني وطنا نبديه عن نفسنا
يعني إيه كلمة وطن ؟
يعني اتألم لأوجاعو
عيالي شبعو ولا جاعو
ولما أديه أديه بكل حب
ومقلش علي قد  م منه أخدت
يعني إيه كلمة وطن ؟
يعني لما أبعد عنه إشتاق إليه
يعني أشتمه ومقبلش آى كلمه عليه
يعني علم  لفوق  أعليه
يعني حب ودفا من غير غطا
في وسط أهل ولمه وصحبه مدهشه
يعني إيه كلمة وطن ؟
يعني لما أقول مصر هيه أمي ولا أفديها بدمي
م يبقاش كلام أغاني
بلدى باقيه وانا فاني
مصر أرض وأنا تاريخ
محفور ع جدرارها
عايز أكون فخر لصغرها
وبين الأمم أكبرها
في كل مجال منصور
الأول  مش التاني
عرفتو يعني إيه كلمة وطن ولا أعيد تاني






هناك تعليقان (2):

Simbawy يقول...

ماما وفاء

ابنك المقصر بيقولك وحشتيني
يارب تكوني بخير

دعواتك يا ست الكل

وفاء بركات يقول...

وحشيني بجد حمد الله علي سلامتك
مفاجأه جميله اخبارك ايه
وبقيت بابا ولا لسه
ربنا يعطيك الستر
وسعة الرزق ويديم عليك الصحه
ويصلح لك حالك اللهم أمين