الجمعة، 6 أبريل، 2012

بحبك ياريت تكوني حستيني

بحبك ولو مش مصدقاني إسألي قلبك
بحبك وعاوزك قصادى حياتي بقربك
بحبك وبغير لوحد نطق إسمك
بحبك وبموت من كل نظره لرسمك
حبك جنيني وعمرك سنيني
وضحكك ربيعي وهمسك غرامي
عيونك بحورى وقلبك مكاني
بحبك وفارد جناحي يضمك
بحبك وعاوز اسمعها منك
أشوفها في لهفة عنيكي
في لمسة إيدي لإيديكي
في سكة حياتنا وفرخة شبابنا
في طريق نهايته تتلاقي قلوبنا
بحبك ياريت تكوني حسيتيني
أخبيك ماتشوفك غير عيوني
ولا تسمعي غير نبض قلبي
جنتي فين م تكوني
لحد فين حتوصليني
لعقلي ولا لجنوني
بحبك ياريت تكوني حسيتيني

بقلم\
وفاء بركات

عاشق انا
عاشق و كالطير
سابح ف ملك الله
احب كل جميل
وأقول له الله

في إيدى صحبة ورود
وجسر غرام ممدود
وقلب حنين ودود
صادق مايخون عهود

فرشت لك بالحب أيامك
وقلبي صار بستانك
يطرح عطر أزهارك
خطفني رمشك وجمالك

الجمال من صنع الله م احلي إبداعه
واحلي جمال .. جمال الروح
فيه تلاقي الصفا وتنسي الآسي بأواجعه
هايم انا وراك وفين مطروح
مالي عيوني وقلبي مركب انت شراعه



عاشق لجمال الروح ما أحلي إبداعه
فيه تلاقي الصفا وتنسي الآسي بأوجاعه
محظوظ قلبي رسي ع قلب حب الله وطاعه





ليست هناك تعليقات: