الخميس، 2 فبراير، 2012

  • إرهابك مش هيهد حيلي
    آقتل أقطع ليه وريدى
    لكن ما حتقتل حلم حفيدى
    ح مشي الطريق وحكمله
    وإن مت في غيرى يوصله
    وكفني بدمي ح نسمه
    حلمي انا اللي ح حلمه
    طريقي وحدى ح رسمه
    وأغزله ومن بعيد ح أبص له
    أشوف فيه امل وليدى
    و بسمة حفيدى
    وضحكة قلوب ونقاء التوب
    ونسر في الشارع يجوب
    وفهد راكض ع الحدود
    وأشوف فاس في الأرض يزرع
    وأشوف مكن بيدور و يصنع
    وأشوف علما في معامل

    وأشوف فساد تهده المعاول

    وأشوف كنايس وأشوف مساجد
    وأشوف محبه وبدر موده
    وناس حامده وشاكره
    أشوف تسامح ما شفش حاقد
    أشوف آمان في القلب ساكن
    ومن غير خوف أقدر أروح كل الأماكن
    وأبقي انا بحلمي انا.. يامصر
    انا المواطن في قلبك ساكن




    • د. بيومي الشيمي معجب بهذا.
      • د. بيومي الشيمي أولا أهلا وسهلا بك في بيتك ، ثانيا أحب أن أعبر عن إعجابي بكلماتك الداعية للتفاؤل والحب ، لكن أبين لكم أن كلمة معاول تدل على الهدم وليس البناء ، لذا أود أن تبدليها بغيرها ، ثالثا هناك بعض المفردات يجب أن تكتب كالآتي (حمشي - ح امشي) ، (حكمله - ح اكمله) ، (أبوصله - أبص له) ، (حمده - حامده) ، (م شفش - ما شفش) ، كلماتك دعوة لاستقواء الإرادة ، دعوة للأمل ، دعوة للعمل ، دعوة للحب ، لنا ولمصرنا الحبيبة
        منذ 8 ساعات ·





إمتي تخلعي يامصر السواد
ونقول كان ماضي اسود وفات
إمتي أشوف ضحكة عنيكي
وانت لما ولادك حواليكي
إمتي أشوف فيكي فرحة
ولا مستكترينها عليكي
بسمع يا أمي نبض قلبك
ودموعه اللي غرقت ضلوعك
قولي يا أمي انا حساكي
قلبي شايفك قلبي معاكي
ملعون كل اللي يطفي شموعك


لما سألوني عليكي قلت فيكي
انا بحبها حتي لوا هواها ملوث
انا بحبها بجمالها وبعبلها
قايم نايم بيها بهلوس
انا بحبها وصرخ بأعلي صوتي
واللي يقرب لهاا أفرمه بقوة سكوتي
انا حزب الكنبه الصامت
بس مش حفضل ساكت
دى مصر يا كل خاين يا كل فاسد
يا كل حاقد وياكل حاسد
دى مصرو لو مش عارف
بص في ملامحي ولا
عميت مش شايف
شوف أسمها في
حركة الشفايف
شوف رسمها في عيني
وريحتها في نخاشش.
شوف حبها في قلبي
ميت وعايش
بحبك يامصر




ليست هناك تعليقات: