الاثنين، 10 أكتوبر 2011

من الجاني

‎من الجاني
=============
لن يبحث كل منا للأخر عن دليل إدانه فما حدث سنحاسب عليه جميعا أمام الله من أول المجلس العسكرى لحد أصغر و احد فيك يا بلد ...ماحدث نتيجة تقصير من الجميع وتواكل وإستخفاف بالعقول والتقليل من حجم المشاكل وإستعمال سياسة الطبطبه لإتقاء شر المعتصمين والمتظاهرين وتلبيس طاقية ده لده والتعتيم علي الأحداث وسياسة دفن الراس في الرمال ... وإرتحتوا ولعتوها عملتو زى ما إسرائيل عايزه كتر خيركم ياولاد مصر التلفزيون الإسرائيلي حيختاركم أفضل شعوب العالم بالنسبه لهم وسوف تنالو رضا ماما أمريكا إعتصوا تظاهرو أوقفو عجلة الإنتاج والتنميه أقتلو بعض دمرو كل شئ أماكم ألقو بالعلم من أيدكم إدهسوه بأرجلكم فقد فجرتم ولم يعد لكم كبير ولم تبقو علي شئ فالتذهب مصر للجحيم لتبقو انتم سعداء بدعم الصهاينة والأمريكان هنيئا لكم في الملكوت الأعلي أنعمو وقرو عينا لقط فعلتم ما أرادوه الأعداء ولم يقدرو عليه وكنتم انتم اليد الطولي لهم لقد نجحتم في تحويل فرحتنا بإنتصار أكتوبر الي مآتم كما أراد الصهاينة أن يمحو يون هزيمتهم من التاريخ العام القادم سوف نحتفل بذكرى نصر أكتوبر وشهدؤه ولا بذكرى شهداء الفتنه في يوم النصر قاتلكم الله ايها الخونه المحرضين اسقاكم الله من سم مكركم وصفر وجوهكم بتلك البسمة الصفراء التي تملئ الدنيا بغلكم وحقدكم وتقطعت أيديكم أيها المنفذون لخطة الإعداء الدنيئه قاتلكم الله أيها المتعصبون يمن اعمي التعصب قلوبكم وابصاركم من اى ديانة كنتم ومن اى جنس كنتم قاتلكم الله لن نسامحكم ابدا ولن يسامحكم التاريخ سوف يذكركم بالسوء دائما وسوف يكتب عنكم بمداد من القذورات يا مزبلة التارخ من مصرية ميه ميه من نبت أرض مصر يجرى في عروقي دم أجدادى وأحيا من نيل مصر وأستنشق هواها نقي كان أو ملوث بأنفاسكم فهي بلدى وطني حبي عشقي دمعي وفرحي من لايعجبه قولي يسألني عن عنواني ويقتلني فأنا لها


======================================
أشم رائحة تنته أنها رائحة مثيرى الفتنه أسمع فحيحا أنه صوت مثيرى الفتنه أرى نارا أنها نار الفتنه إحذروا فالمناخ مهيأ لعبث الشيطان بالعقول الضعيفة
إضربوا بيد من حديد علي أيدى كل خائن لهذه الأرض الطيبه كل منا عانا من الأضطهاد وتميز فئة علي أخرى كل منا له شكواه ولكن ليس هذا وقته إلا إن كانت بعض الفئات الغير المسئوله تتبع سياسة لي الذراع إتقوا الله في أنفسكم وفي بلادكم
=======================================
عذرا مصر لقد عاقق أولادك بأسم الحب قلبي معك زعق الغربان والبوم فهل هذا نظير شؤم لاأدرى ولكن ما أشعرة إنفطار قلبي من البكاء لم يعد هناك متسع للفرحة في قلبي وكيف أفرح وقد هنا علي بعض وأصبح صوت الرصاص الغادر أعلي من صوتنا أصبحت البلطجه والإنفلات وسيلة التفاهم بينا ..
أصبحنا نحرقك يامصر بأيدينا وطي راسك تحت انت مجرم قاتل لأخيك ؟؟ هل عرفت كيف توارى سؤتك قبل ان توارى سؤته .. وطي راسك تحت لأنك سواء بقصد متعمدا محققا هدف أعداء مصر أم فعلت هذا بدون قصد قد أعطيت فرصة للجرذان أت تتحدث عن دخول مصر لحماية الأقلية أى أقلية ومتي كانت في مصر اقلية وأغلبية هل لهم مواصلات تخصهم ونحن لنا أخرى هل يتعلمون بطريقة غير التي نتعلم بها المسلمون العنصرية والتعصب في بلاد امريكا والغرب أدعو امريكا لدخول مصر أدعوها تحميكم أدعوها لكي تحصلو علي حقوقكم أدعوها ابناء المسيح لتهدم الكنائس قبل الجوامع لتهد المأذن قبل الصوامع أقتلوها ليمتزج دمك ودم المسلم علي تراب مصر أدعوها أدعو ماما أمريكا لتحقق أمل الصهاينة في دولة من النيل وحتي الفرات أدعوهم وحضروا أكفانكم ونحضر أكفاننا ووقت ان نحتضر لم يعد وقتا للبحث في هويتنا من المسلم ومن المسيحي فسوف يحتتضنا تراب مصر ..
تخيل أم كبرت وربت وكانت فرحة بأولادها فخورة بهم وإذا بها في يوم حالك الظلمة قتل
أبنا ئها بعضهم البعض تخيل مدى كسرتها شكرا أبناء مصر علي م فعلتموه بها أرجوكم لا تتغنو حبا لها أرجوكم هي في غنا عن هذا الحب المسطنع ..
انتم جميعا ابنائها أقسمتم ألا تتركوا فرحة لها أو ذكرى يوم عزيز علي قلبها ففي يوم 25 يناير يوم عيد الشرطة والذى كان يخلد يوما عظيما في تاريخ مصر قمتم بالثورة وتعاملتم مع الشرطه العاطل بالباطل وضاعت هيبة الشرطة وتحقق الإنفلات الأمني وأعطيتم الفرصه لبعض رجالها الغير شرفاء بأن ينفذو مخططا قذرا لترك الشارع المصرى عرضه للسلب والنهب
واليوم ونحن نحتفل بإنتصار أكتوبر المجيد تقتلون إخوانكم من رجال القوات المسلحة التي بها المجند المسلم والمسيحي لأنهم مصريين يحمون مصر ..مسلمين كنتم أو نصارى مذنبين أى كنتم نحن نبغضكم لأنكم لاتبغون الإستقرار ولكن تبغون البلبلة في الشارع المصرى وتشعلون الفتنه التي زج بكم اعداء البلاد لتكونو اليد القذرة لهم ليحققوا ما خططوا له منذ 1917
أ

هناك 13 تعليقًا:

Unknown يقول...

الدم أهدر وتفرق
بين جهات كثــيرة
وللأسف سيجر ويـلات
كثيرة علينا جميعا

وفاء بركات يقول...

اللهم أحفظنا يادكتورة
حقا أن مصابنا آليم والأكثر
ألمااننا لم نمسك بتلك الأيدى
الشريرة التي تعبث بنا حتي الان

Emtiaz Zourob يقول...

ربنا يبعد عنك شر الفتنة الطائفية ,, والله قلوبنا معاكم دائما ويارب توصل مصر لبر الأمان ويصلح الحال ..

ربنا يحفظ مصر والمصريين بمختلف طوائفها ..

وفاء بركات يقول...

اللهم امين حبيبتي
وتكمل فرحتنا بعودة
الأقصي لينا ونصلي فيه
وتغيرى إسمك من وجع
البنفسج لفرح البنفسج
تحياتي لك ولجميع أخواتنا
في فلسطين الحبيبه

Beram ElMasry يقول...

أستاذتى الشاعرة الرقيقة وفاء بركات
لقد أظهرتى مكنون الأنثى بإصطبارها فى تعذيب هذا المتيم الولهان .. الغلبان , وجستى قسوة قلبها فى إمتناعها عن رحمته وتطييب خاطره إلا بعد أن يشوى كبده .. ويتحرق دمه وهى سايقة العباطة على الشيطنة وتوصع مع ذلك بالرقة والحنية .. حسبى الله ونعم الوكيل
تحياتى لك ولجميع أفراد أسرتك وفى المقدمة أحفادك
وتحية وسلام ولا سلام مع بنى إسرائيل

فشكووول يقول...

السلام عليكم
اهلا وفاء هانم .. تحياتى
شوفى يا ست هانم .. انتى قلتيها فى وسط الكلام .. قلتى سياسة لى الزراع .. دا اللى انا شايفه .. وشايف فضائيات بتنافق وناس بتقول اى كلام .. من وجهة نظرى انا مش شايف ان فيه فتنه طائفيه .. الحقيقه انها فتنه سياسيه .. الموضوع ان الاقباط تركوا السياسه للكنيسه لتمارسها وساروا ورائها .. الموضوع سياسه وليس فتنه طائفيه او غيره .. قادة الكنيسه يلعبون سياسه ويلعبون لعبة لى الزراع .. صحيح هما لهم حقوق .. يبنوا كنيسه .. يعملوا مضيفه .. اللى يعملوه ما فيش مانع .. لكن ان تلعب الكنيسه فى السياسه وينقاد لها اقباط مصر فهذه هى المشكله .. اصل الاقباط انعزلوا عن السياسه لفتره طويله وتركوها للكنيسه وعشان كدا فيه ظلام سياسى لديهم .. والموضوع عايز تمرين وتدريب حتى نكتسب جميعا نحن وهم اللياقه البدنيه .. اقصد السياسيه
كمان شوفى عندنا ايه احنا كمان .. السلفيين يقولوا اسلاميه .. وبتوع الاخوان يقولوا اسلاميه .. هو حد قال مش اسلاميه .. كلنا اسلاميه .. حتى معظم الاقباط بيقولوا اسلاميه .. لكن الجماعه السلفيين عايزين يعملوا يافطه يرفعوا عليها الاسلاميه وخلاص .. واللى يقول عايزين نطبق الشريعه الاسلاميه .. يقوم واحد مش واخد باله يقول والله كلامهم صحيح .. هو فيه حد بيعارض قيام الشريعه الاسلاميه ومن غير ما يفكر يعمل مظاهره والاقباط يقولوا وليه الشريعه الاسلاميه .. الصليب .. الصليب .. وتشتغل السياسه وتعمل مشاكلها وبلاويها ولا حد واخد باله من المشاكل اللى حتحصل واللى بتحصل .. كل واحد عايز نفسه وخلاص بتوعنا السلفيين والجماعه ... اسلاميه ... والاقباط ... الصليب وهاتك يا ضرب ويا حرب وما حدش فكر ايه الموضوع
يتبع

فشكووول يقول...

شوفى يا ستى .. نفكر بالعقل وياريت كل الناس تقرأ التعليق
هو ايه من الشريعه اللى مش مطبق عندنا
عندنا النفس بالنفس .. صح ولا لأ .. ازاى .. اللى بيثبت فى المحكمه انه قاتل بياخد اعدام فى المشنقه .. الا اذا كانوا عايزين يغيروا المشنقه بالسيف وكأن السيف هو رمز الاسلام .. سيبك بقى من المحامين اللى بيبوظوا القضيه او ما يبوظوهاش .. دا شغل بشر مش شغل القانون

اللى بيعمل جنحه .. مش بياخد حبس فى السجن او سجن فى السجن .. طب مش دا تطبيق اللأيه ينفون فى الارض او اللى هو حد الحرابه .. طب ما هو ابعاد آهه من الارض .. وتطبيق لحد الحرابه
انا شايف ان اللى مش مطبق من الشريعه هو حد قطع يدالسارق بس يا دوب .. وسيدنا عمر اوقفه فى عام الحرابه زى ما بيقولوا وما دام سيدنا عمر اوقفه .. يبقى تخويل لزوى الامر بايقافه او استئنافه .. او نقول ان دا الحد الوحيد اللى مش مطبق فى الشريعه

فشكووول يقول...

تفتكرى يا هانم ان فيه حد يقول لأ لتطبيق الاحكام الشرعيه .. حتى المسيحيين .. خلينا نقول ان دى ديانه سماويه نزلت من عند ربنا سبحانه وتعالى وتحض على الفضيله ومكارم الاخلاق وتحرم وتجرم السرقه والقتل والزنا وشرب الخمر ولو لاحظتى ان الراهبات فى الكنيسه بيلبسوا الحجاب ومافيش اى رهبان سافرات وقالعين غطاء الرأس .. كله دين من عند الله .. الفرق بين المسيحيه والاسلام ان المسيحييين لا يؤمنون بمحد وان عقيدتهم ان المسيح الههم وبهم طوائف كثيره توحد بالله وتقول ان المسيح رسول من عند الله وهم فى العراق ومناطق مختلفه من العالم

وعشان تعرفى انها سياسه
يقوم قادة الكنيسه يزعلوا ويعتزلوا ووطبعا الشعب القبطى مش حيشوف قادة الكنيسه متعزلين وزعلانين ويسكتوا.. مش قلت لك سياسه وليست دين

يقوم الجماعه بتوعنا يتظاهروا ويقولوا اهانه الدين وعايزين يولعوا الدنيا عشان كرسى ولا اتنين بمجلس الشعب .. برضه سياسه وليست دين

الحقيقه ان ما فيش مشكله حياتيه بين المسلمين والاقباط واحنا بنتعامل مع بعض كل يوم ومش شايفين حاجه الا لما تخش السياسه ولما تتدخل الكنيسه ولما كمان يتدخل قادة التطرف الدينى الاسلامى واحنا مسلمين واقباط لسه بدرى علينا شويه لحد ما نفهم ونستوعب

هو دا الموضوع

الاحلام يقول...

اللهم اخفظنا جميعا واحفظ كل عربى من جراء الفتنه
والله اختى شىء محزن وقاسى
تحياتى وامنياتى على تحدى الصعاب لنعيش جميعا فى دنيا الخير والسعاده
تحياتى الاحــــلام

وفاء بركات يقول...

أستاذى العزيز فشكوووول
عندما تتكلم يجب ان نصمت للنفهم ولأن كلامك غالبا مايكون بيرصد حقيقة الوضع في خضم الحدث ونظرتك دائما موضعية وانك بتبني وجهة نظرك علي وقائع وليس إحتملات ..
انا معاك في كل ما ورد في ردك واضيف انها عضمة تلهينا عن بلاوى اخرى ان مايحدث لصرف نظرنا عن حدث اهم ناكل في بعض علشان في حاجه اكبر حتحصل وده اللي مخوفني ...
ومهدقرش اقول بعد كلام حضرتك كلام ..
شرفتني وسلامي للأسرة الكريمة

Beram ElMasry يقول...

الاخت العزيزة الفاضله وفاء بركات
تعليق بديع ورائع وذكي وطريف وانرجو ان تنال الرباعيات الجديده اعجابك وهي متنوعه امل ان تجد عندك القبول. ولابد ان تعلمي اننا المستضعفون في الارض وحواء اكيد هي المفتريه :)
واحنا مسامحين وماشيين جانب الجيط

سلام ولاسلام مع بني اسرائيل

Beram ElMasry يقول...

الأخت الكريمة والنبيلة شاعرتنا الرقيقة وفاء بركات
كل عام وانتى وجميع أهلك فى خير وسرور ، وسعادة وحبور ، وإنى عاجز عن الشكر لما قمتى به من نبل الأخلاق وكرم الطباع والود الراقى فى حرصك على مساعدة الغير فى نشر أعماله , وهذا عمل لا يقوم به إلا كل نبيل عالى الهمة ، سامى الشرف ، فلك مرة أخرى الشكر والامتنان لجميل صنعك فى نشر مدونتى بين الناس
تحية وسلام ولا سلام مع بنى إسرائيل

فشكووول يقول...

انتى فين من زمان مش بشوفك على الفيس بوك