الأربعاء، 5 أكتوبر 2011

في ذكرى انتصار السادس من أكتوبر المجيد

صباح النصر


صباح النصر عليكي يامصر


صباح مندى


لكل بطل علي الصعب بيعدى


صباح علي جيش بلادى



اللي بالصبر وقوة لإراده


رجع لي العزة والكرامة


صباح النصر علي شعبك يامصر



اللي دعم جيشه بالجنيه والقرش



وللأشاعات مسمعش


صباح معطر للشهيد والجريح



واللي انكتبت له السلامه ورجع يعمر




ويبني عماير بدل العش




ومصانع مكنها يهلل نتاجه




يجلجل في العالم ولا سكتش



صباح النصر يا أهل مصر



ياللي سمعني وشيفيني


متيجي نرجع روح الإنتصار


من تانيويكون لمصر الإثار



وميبقاش فينا أناني


يقول يلا نفسي


ومليش دعوة بالتاني


تعالو نعمر تعالو نخضر



تعالو نعلم بجد مش بالأغاني



تعالو نترجم قولنا لفعل


ونرمي أناتنا ونرمي هتافنا


ويكون هدفنا نموت إحنا وتعيش مصر



نلم الفتات نلم الساعات ونسند دهورنا في بعض



الشعوب بتصنع حضارة والتاريخ لينا أمارة




عايزين خلفنا يشاور علينا بفخر



يقول سلفنا كان خير أمة



لملم جروحة وضحي بروحة



علشان نعيش بكرامة طول الدهر



لاللإعتصام لاللتظاهر إن كان ده مش لاصالح مصر



مكانا ميدان العمل الدؤب اللي منه الخير علينا يعم


عيب علينا نستورد فانوس وجلابيه ياعمال مصر



عيب عليناأكلنا ميكنش زرع إيدينا يا فلاحين مصر



عيب عليكو الجهل يبقي فيكو يا معلمين مصر



مصر بتناديكم لبوا نداها في ذكرى يو م النصر


السادس من أكتوبر المجيد فخرنا في كل عصر

هناك 7 تعليقات:

Unknown يقول...

صباح النصر
صباح الجمال
عليكى يامصر
وعلى اهـــلك
الطيبين الخيرين
تسلم ايديكى استاذة
وكل اكتوبر وانتى بكل خير

وفاء بركات يقول...

صباحك معطر بالفل والرياحين
صباح محمل بعبير الورد والياسمين
صباح نادى ياسكنه فوءادى
وتسلم أيادى من شارك في النصر
صباح علي كل جدعة وجدع
من أهلك يامصر
تسلمي لي دكتورة ودمت بصحة وعافية
وكل عام وانت بألف خيييييييييييير

غير معرف يقول...

مساء الورد وفاء

كل عام ومصر بخير

عيد نصر مجيد

وهذا مالم ينساه التاريخ

للأبطال الذين سطروا النصر

بدمائهم وعرقهم حتى أرتوت

الأرض فردت الجميل لهم ...

تحياتي وإحترامي

وفاء بركات يقول...

وكل الوطن عربي بخير
وحلم عمرى أن يصبح
وطن واحد قلب واحد
ايد واحده وهدف واحد
لآن لوصدقت النوايا
حنكون قوة لايستهان بها
لإن عدونا واحد دعواتكم
من الأرض الطاهرة
لمصر وكل شعوب الوطن
العربي بالإستقرار
أشكرك علي الزيارة
وياريت تتكرر

الاحلام يقول...

جميله الكلمات وجميله مصر ربنا ما يحرمنى من خيرها ويبعد عنها ولاد الايه
تحياتى ابوداود

وفاء بركات يقول...

اللهم امين يا أبو داوود
ورد عنها كيد الماكرين
وغدر الظالمين
دمت بخير

Beram ElMasry يقول...

الأخت الشاعرة ولاستاذة الجليلة وفاء بركات
الغزالة هى كل فتاة أنيقة ورقيقة تبعث فى النفوس الحائرة الطمأنينة والركون إلى قلوب ودودة غير أن البنات بتحت تسوق الدلال على المسكين الذى يقع فى شباكهن ويطلعوا عينه وشكراً لك كالعادة فى تعليقاتك خفيفة الظل والمرحة
تحية لك ولجميع الأهل وسلام ولا سلام مع بنى إسرائيل