صباح النصر
صباح النصر عليكي يامصر
صباح مندى
لكل بطل علي الصعب بيعدى
صباح علي جيش بلادى
اللي بالصبر وقوة لإراده
رجع لي العزة والكرامة
صباح النصر علي شعبك يامصر
اللي دعم جيشه بالجنيه والقرش
وللأشاعات مسمعش
صباح معطر للشهيد والجريح
واللي انكتبت له السلامه ورجع يعمر
ويبني عماير بدل العش
ومصانع مكنها يهلل نتاجه
يجلجل في العالم ولا سكتش
صباح النصر يا أهل مصر
ياللي سمعني وشيفيني
متيجي نرجع روح الإنتصار
من تانيويكون لمصر الإثار
وميبقاش فينا أناني
يقول يلا نفسي
ومليش دعوة بالتاني
تعالو نعمر تعالو نخضر
تعالو نعلم بجد مش بالأغاني
تعالو نترجم قولنا لفعل
ونرمي أناتنا ونرمي هتافنا
ويكون هدفنا نموت إحنا وتعيش مصر
نلم الفتات نلم الساعات ونسند دهورنا في بعض
الشعوب بتصنع حضارة والتاريخ لينا أمارة
عايزين خلفنا يشاور علينا بفخر
يقول سلفنا كان خير أمة
لملم جروحة وضحي بروحة
علشان نعيش بكرامة طول الدهر
مكانا ميدان العمل الدؤب اللي منه الخير علينا يعم
عيب علينا نستورد فانوس وجلابيه ياعمال مصر
عيب عليناأكلنا ميكنش زرع إيدينا يا فلاحين مصر
عيب عليكو الجهل يبقي فيكو يا معلمين مصر
مصر بتناديكم لبوا نداها في ذكرى يو م النصر
السادس من أكتوبر المجيد فخرنا في كل عصر
هناك 7 تعليقات:
صباح النصر
صباح الجمال
عليكى يامصر
وعلى اهـــلك
الطيبين الخيرين
تسلم ايديكى استاذة
وكل اكتوبر وانتى بكل خير
صباحك معطر بالفل والرياحين
صباح محمل بعبير الورد والياسمين
صباح نادى ياسكنه فوءادى
وتسلم أيادى من شارك في النصر
صباح علي كل جدعة وجدع
من أهلك يامصر
تسلمي لي دكتورة ودمت بصحة وعافية
وكل عام وانت بألف خيييييييييييير
مساء الورد وفاء
كل عام ومصر بخير
عيد نصر مجيد
وهذا مالم ينساه التاريخ
للأبطال الذين سطروا النصر
بدمائهم وعرقهم حتى أرتوت
الأرض فردت الجميل لهم ...
تحياتي وإحترامي
وكل الوطن عربي بخير
وحلم عمرى أن يصبح
وطن واحد قلب واحد
ايد واحده وهدف واحد
لآن لوصدقت النوايا
حنكون قوة لايستهان بها
لإن عدونا واحد دعواتكم
من الأرض الطاهرة
لمصر وكل شعوب الوطن
العربي بالإستقرار
أشكرك علي الزيارة
وياريت تتكرر
جميله الكلمات وجميله مصر ربنا ما يحرمنى من خيرها ويبعد عنها ولاد الايه
تحياتى ابوداود
اللهم امين يا أبو داوود
ورد عنها كيد الماكرين
وغدر الظالمين
دمت بخير
الأخت الشاعرة ولاستاذة الجليلة وفاء بركات
الغزالة هى كل فتاة أنيقة ورقيقة تبعث فى النفوس الحائرة الطمأنينة والركون إلى قلوب ودودة غير أن البنات بتحت تسوق الدلال على المسكين الذى يقع فى شباكهن ويطلعوا عينه وشكراً لك كالعادة فى تعليقاتك خفيفة الظل والمرحة
تحية لك ولجميع الأهل وسلام ولا سلام مع بنى إسرائيل
إرسال تعليق