الجمعة، 21 مايو 2010

ياساتر أستر

ياساتر أستر القلم لحكايات والبلاوى بيسطر



ناس جعانه وعيانه دى حتي لو شربت ميه نضيفه من الخضه حتسكر




وراح تنسي مشاكل تعليم وصحة وموصلات وللحكومة راح تشكر




وتعمل طرشه ومش حتعلق لما المسئول يتجمل وهوكداب وبيفشر




وممكن كمان ناس تعبانه تغمض عينها ومتشوفيشي



كروش حترشء من الكفيار وهي مش لاقيه الطرشى



ممكن تغمض ومتسمعش لكن تسكت متتوقعشي




لو الكيل طفح والدم غلي أوع تقوله متفرقعش في وشي




ياستر أستر من دى ناس عمله الغلابه تجارتها



مره تبيعهم بالقطعه ومرة تعبيهم سلعة



في مركب بيهم مليانه في البحر تكون نهايتها



وبدم بارد ينعيهم ويجيب العيب عليهم



وليه باعو الدهبات والأرض والهدمه اللي عليهم




مالأرض معادت تدى والغلا وباء بيسرى



وفي السوق حيتان مبترحمش وماتقولش أزمة وحتعدى




فين الحلول والدرسات لما بعنا وخصخصنا



ولصنعاتنا قلصنا وللعماله خسيسنا



وللبطالة زودنا أصل ده اللي ناقصنا




ياستر أستر فين الدم هرب منك ياأخينا




لما الزرع أتروى بمية صرف وبعدين بعته لينا




وترش وتسرطن



وانت بتتفسح في مؤتمرات فلوسها من لحمي الحي





وقاعد مجصوع متسلطن




عمال تلف علي المولات تجيب روايح وجلونات




وتبني في قصور وعماير وشبابنا من الركنه هيعطن



والغلابه ياولداه ده متفيرس يامكنسر ولا حاجه فينا بتتحسن



وانت عن النعيم والرخا في كل حته بتلسن



روح ياشيخ منك لله ضيعتنا ورحنا بلاش عامل كمبينه علينا




تاخد منا وتشحتنا وعامل آل آيه بتدينا




إداك في سنانك قبل عنيك وتتفرط صوابع إيديك



ح عرى راسي وأدعي عليك انت وكل البرتيتا



يجلكم كساح وتضيق عليكم الدنيا البراح




ويذهب عزكم علي الرصيف وتنعو الزمن اللي راح




وتنظف جيوبكم من اللحاليح وثلاجتكم من اللي بيصيح



ولما نشوفكم منعبركم ونقول ياباى علي دى تلائيح




وياستر أستر القلم للبلاوى والحاكايات بيسطر



وده بجد بجد و فعلا صحيح




!!!!!!!



!!!!!!!!!!!!!!



!!!!!!!!!!!!!!!!!!!!!!!!



!!!!!!!!!!!!!!!!!!!!!!!!!!!!!!!!!!!!!!!!!!!



اسم الله علي مقام اللي بيقرا واحد كان زعلان من أسمه



كان أسمه فلان ألوط راح مغيره وسما نفسه علان الوط



اهو برده ده اللي جارى لينا من مسئولينا يسيبوا الخيبه التقيله



ويتصدرو في الهايفه ।

معذرة عن هذا التشبيه المقرف بس بجد انا مغلوله منهم








هناك 9 تعليقات:

Beram ElMasry يقول...

الاخت والاستاذة الفاضلة وفاء بركات
طفح الكيل ياسيدتي وتجاوزوا كل الحدود
ونفق ضميرهم ولم يبقي منهم غير كل سوء دفعه الله عنا جميعا وحفظك الله لنفسك ولاهل بيتك

تحياتتي وسلام ولاسلام مع بني اسرائيل

وفاء بركات يقول...

أ.بيرم المصرى
أدام الله بقائك .
وربنا يرفع غضبه ومقته عنا إحنا مالنا غيره..
أشكرك علي متابعة مدونتي والتعليق حفظكم الله ومتعكم ةبالصحه والعافيه

كلمات من نور يقول...

ربي قادر كريم ينصفنا ويزيح عنا الغمة بقى يا ست وفاء ........بس شكل الغمة ابتلاء من ربنا علشان الناس كلها نايمين إلا من رحم ربي ......يارب تصحوا بقى يا أمة محمد قبل فوات الأوان

قيس بن الملووووح يقول...

الاخت الفاضله وفاء
لا يغير الله ما بقوم حتي يغيروا ما بانفسهم...لقد استمرئنا الظلم وسكتنا علي الظالم فظلمنا انفسنا..لقد شققنا علي انفسنا فشق الله علينا...نسأل الله ان يصلح احوالنا
ارجو المعذره في التقصير بالزياره حيث انه احياننا يصاب الانسان بالخمول والكسل المقعد حتي عن الواجبات

فشكووول يقول...

السلام عليكم

ستنا العزيزه وفاء هانم
تحياتى

اعتذر بشده عن الغياب عشان بقى لى اكتر من اسبوعين وانا بعيد تماما عن النت عشان ما كنتش موجود اصلا فى البيت الا ايام الخميس آخر الليل والجمعه وطبعا كلهم نوم .. نوم .. نوم وحتة لحمه على الماشى

اصلك يا هانم لو تعرفى السبب يضيع العجب .. السبب ان كل الناس الفاسدين دول برفان لواحد بس .. هو المسئول عن كل شيئ وأى شيئ وهو السبب المباشر فى اللى احنا فيه

تحياتى يا هانم

كلام على بلاطة يقول...

,v dil; dh sj ,thx
ولا يهمك يا ست وفاء
=======
حفل التاريخ باوغاد قلبوا المفاهيم وحولو ا الصح غلط/

فحاربوا الحلال وسفهوه وسوقوا الباطل وبلعوا الزلط/

وسقطوا كل ناجح ونجحوا كل فاشل وبالذات من سقط/

واشباههم سايروهم وخاصة من فهم اللعبه والرمز التقط/

وكونوا ممالك الكلمة العليا فيها للقتله …….والقتلة فقط/

فبمقدار سفكهم للدماء يكون قدرهم قد علا وقد ظبط /

ولا الومهم بقدر ما الوم اتباعهم عن خبث او عن عبط/

فبهم يسود الحسود الجهول المجرم الغبى اللللللبط /

وفاء بركات يقول...

السلام عليكم
أ.فشكووووووووووووول
حمد الله علي السلامه وبعدين انا شكة في موضوع السفر كل شوية ولازما ولابد من اني
اهدى النفوس والفت نظر الحاجة للموضوع ده..
اما بالنسبة للهبر فبألف هنا وشفا.
اما بالنسبه لموضوع هذا البوست فالموضوع كبير كبيركبيييييييييييييييييييييير
تحياتي

وفاء بركات يقول...

علي بلاطة
اهلا وسهلا أول زيارة لك لمدونتا المتواضعة
والتعليق بالغ الروعة وجايب من الأخر وكله علي البلاطة
تحياتي

وفاء بركات يقول...

أهلا بكلمات من نور
اللهم أمين يفرج كربنا جميعا..
شرفتيني وربنا مايحرمنا من مدخلاتك
متعك الله بالصحة والعافيه