الخميس، 15 أبريل 2010

مش كده ولا آيه

هذا الموضوع أفزعني وأخد وقت من تفكيرى وهو له شقيين شق طبي وسأتركه للمتخصصين وشق إجتماعي



وإنساني وده اللي سأتناقش فيه معكم....



لاحظت من سنوات قليله إن سيدات كن يخضعن لعلاج عدم الإنجاب بعد مدة متفاوته يصبن بالسرطان



والسبب بعض االأدويه المستخدمة



طبعا بتكون السيدة أنجبت طفل ولا أكثر وتبدأ أعراض المرض تظهر عليها وبتدخل في دوامة العلاج والسفر




وطبعا مايترتب علي هذا من عدم إستقرار وقلق يسيطر علي الأسره .....




أولا أين الضمير المهني للدكتور لماذا لا يصارح السيده بالأثار الجانبيه لهذه الأدويه ।



ولماذا لايعمل القائمين علي صناعة الدواء في البحث عن مسببات هذه الأثار الجانبيه القاتله وتفاديها




ثانيا موقف الزوجه التي تعرضتت لمثل هذا المرض ربنا يشفي كل مريض ويمتعكم جميعا بالصحة والعافيه



بعد أن أنجبت وأثصبحت غير قادره علي خدمة أولادها وزوجها ورعايتهم وهي تعاني من المرض وآلامه



لماذا لاتفكر الزوجه بأن تكفل يتيم أو أن تبحث للزوج عن أخرى يكون سبق لها الإنجاب ويعمل لهما




الفحوصات الازمه قبل الزواج أو تنفصل بهدوء ...



ولماذا نهمل عملية الفحصوات الطبيه قبل الزواج لتفادى مشكلات كثيره تحدث بعد الزواج كالإنجاب



وولادة أطفال معاقين ذهنيا أو مصابين بأمراض ....



هو إحنا حنفضل لأمتي نفتقر لثقافات مختلفه أمتي حنفكر لبكرة صح ...



لو فكرت الزوجه بالعقل حتلاقي آيه يفيد ها لو أنجبت وتوفت بعد ذلك من أثر الأدوية وزوجها برضه حيتجوز



بعد متتوكل وربنا يكون في عون ولادها يتولاهم ربنا برحمته ياوقوعو في زوجة أب حنينه ياشريرة...



طبعا الموت علينا حق وبيد الله سبحانه وتعالي لكنه اوصانا بألا نرمي بأنفسنا للتهلكه



أما الدكاترة وشركات الأدويه هما المستفدين من دى الحكايه مش كده ولا آيه


مع الإعتذار لأصحابي الدكاتره المحترميين

هناك 10 تعليقات:

كلمات من نور يقول...

كلامك سليم علميا ...حتى النساء اللي خضعن لحبوب منع الحمل أكثرهن أصبن بسرطان الرحم أو الثي ...عافانا الله من كل سوء ........داه غير بقى الزرع المسرطن و الهوا الملوث و الميه المعرف إيه ..و أكيد وقبل كل داه قلة وعي الناس و قلة تدين الأطباء وطمع بعضهم...دايرة كبيرة عايزة مقالات بس لناس بتفهم بعقولها وقلوبها وما أحوجنا إليهم في هذا الزمان ..تحياتي سيدتي

كلمات من نور يقول...

أسرة منتدى زبد البحر يتمنى منكم التواجد معنا في منتدى عالم المدونيين والمدونات

http://mhg1962.ba7r.org/forum.htm

فشكووول يقول...

السلام عليكم
يا ستنا .. اشرقت الانوار .. واضاءت النجوم السماء وهللت جميع المدونات لرجوعك .. وحافرق لحمه على الناس احتفالا بعودتك
نيجى بقى للموضوع

حضرتك سألتى اسئله كتيره جدا بعضها له جواب والآخر ما لوش اى جواب ولا يمكن حنلاقى له اجابه حتى لو طلعتى على المدنة وقعدتى تدنى لحد الصبح ولا حد حيسمع ولا حد حيسأل

الدكاتره يصارحوا المرضى .. فى المشمش .. كان زمان اول الادويه دى ما طلعت ما كانش مؤكد ان لها اعراض جانبيه وطبعا الدكاتره عايزين ينفذوا تعليمات الست وانظر حولك وحسنين ومحمدين اللى بهدلوا الدنيا عشان كنا فى زمن اهبل .. ما تخليس مخك يروح بعيد انا اقصد الست ام كلثوم .. خلينا ناكل عيش
لكن الايام دى كل شيئ انكشفن وبان وحتى دا كمان الدكاتره مش حيصارحوا حد بحاجه .. قولى لى ليه
ودا رد على السؤال بتاع شركات الادويه
.. يا ستى شركات الادوية بتعمل للدكاتره حوافز فى عياداتهم وبتصرف عليهم من وسع عشان الدكاتره يروجوا الادوية بتاع شركاتهم ودى مافيا كبيره لا انا ولا انت ولا حتى اعتى الدول تقدر على الحكايه دى .. وبعدين يا ستنا لو جاب سرطان ما فيش مشكله .. احنا برضه عندنا الادوية بتاعة السرطان وكله بتمنه

نيجى بقى للستان اللى يتبنوا اولاد..
عن نفسى وبالرغم من ان ربنا بيثيب المتبنين ويجزيهم خير الجزاء لكن لما تشوفى ابنك ولا حفيدك اللى من صلبك .. الدنيا وما فيها .. ودا ضعف انسانى عند الرجاله وعند الستات

اما بقى حكاية التحاليل واللى ما ينفعش يروح لحاله .. برضه يا ستنا صعب .. برضه الضعف الانسانى اقوى من الانسان

دمت بخير

فشكووول يقول...

يا هانم انا اليومين دول وبقى لى حوالى فتره كبيره طهقان وظمقان من التدوين وكنت عايز اجيب ضلف فشكول لكن قلت خليها مش حاخسر حاجه وكل يومين تلاته ابص عليها وخلاص والحاله دى ما زالت مستمره ومش طايق المدونه خالص... آدى الحكايه يا ستنا
تحياتى

Beram ElMasry يقول...

الاخت الاستاذة الغالية الثائرة وفاء بركات

ابداعك وابياتك لي معبرة واني اشكر الظروف التي اتاحت لنا التعرف علي شخصيات مبدعة تتسم بالذكاء والفطنة من امثالك اسعدني مرورك وسعادتي اكثر
ان اسعد بمداومتك علي زيارة مدونتي وسعادتي اكثر ان اكون من بين الاصدقاء

في مقالك الاجتماعي الرائع "مش كده ولا ايه"
وملاحظتك للخطر المحدق بنا والمتزايد لكون الكثيرين يفتقروا للضمير الحي واخرون لا يعملوا العقل لتحسين حياتهم ثم يندموا بعدما لاينفع الندم

""هو إحنا حنفضل لأمتي نفتقر لثقافات مختلفه أمتي حنفكر لبكرة صح ..."""

الله اعلم امتي ؟!
تحياتي والسلام ولاسلام مع بني اسرائيل

وفاء بركات يقول...

كلمات من نور
أشكرك علي المتابعة.. قد أردت بذلك
الإشارة الي نوع آخر من الفساد..
الذىاصبخ يلتف بأرجله حول أعناقنا .
فنال منا من أذاه من نال
تحياتي

وفاء بركات يقول...

كلمات من نور
إن شاء الله عز وجل سأكون في صحبتكم
الكريمه وأشكركم علي هذه الدعوة
وهذه الثقة
تحياتي

وفاء بركات يقول...

أهلا أستاذ فشكوووووووول
وحشتنا تعليقاتك .. والله ياأ ستاذنا
الأجوبه معروفة بس قلت أسأل يمكن أعرف المزيد ومنك ومن مدوننا الكرام أستزيد وانا غارفه أنهم سيقلون ياريتك ياأبوزيد ماغزيت ولا كنت رحت ولاجيت

ولا يعني كنت عايزني أشيل لافته وأقف قدام مجلس الشعب وأعمل مظاهرة .. اقف إزاى وانا رجلي بتوجعني والشمس سخنه وحترفع ضغطي وريقي ينشف وهو ناشف خلقه من السكر وأشتيكي والشكوى لله من ضهرى .. قلت مفيش غير الغاليه مدونتي

أبعبع واقول فيها اللي في نفسي وأسأل براحتي

وفاء بركات يقول...

ياخبر ياأ فشككككوووول.....
طب مين حيفشكل الفشاكيل وجمهورية فشكولستان ستذهب في خبر كان ووزارة اللحمة اللي كنت حمسكها تروح ...
لألألألألأملكش حق..
ده إحساس بيمر علينا كلنا الروتين قاتل حاول يومين تعمل حبة تغير وتاخد الحاجه في رحلة سياجية وانا متبرعه بثمن اللحمه اللي كنت حتوزعها بمناسبة روجعي كمصاريف للرحلة..
وربنا ميقفلش لك مدونة أبدا ..
تحياتي لك وللعائلة الكريمة

وفاء بركات يقول...

أستاذنا بيرم المصرى
يشرفني هذا الأطراء الرقيق وأتمني أن أكون عند حسن ظنكم بي ...
ورأيكم هذا وسام أعتز به وصداقتكم تشرفني وتسرني...
وما كتبته عنكم تستحقونه وأكثر
والسلام عليكم ولاسلام مع إسرائيل