الأحد، 21 يونيو، 2009

مصر

مصر

الف ثالث والف رابع وكتير هقولها

والله بحبها وكل اللي بيحبها باكل فولها

وأملي آكل بغاشها

بحبها وبموت فيها وبنعل أبو خاشها

ولما أبعد عنها قلبي يئن ويقول بحبهاأقد

ثواني عمره اللي حيعشها واللي عاشها

بحبها لو لبستني حرير ولو لفتني في خيشها

وكنت بتمني لو ينضم النسا لجيشها

أشيل سلاحي وأضرب عدانا في نغشيشها

علشان ماتشم ريح بلادى ولا تفكر في يوم

بالسلاح تناغشها

واللي يدوس علي طرف مصر تطير

رقبته بجد مش بهوشها

مصر هي البقيه كلنا بنروح وبنيجي عليها

ترابها في الدنياشايلنا وفي الأخره طوينا

هي سترنا وغطانا اللي في الشتا يدفينا

ولما بشوف زويلها وتريكها وأعلامها

بتروح مني أى دمعه حزينه

ولو مرت عليها ضيقه بدعي

ليها ربنا ينجيها

مهما أقولك سنيني

بيغنوا غرام ليها

ولسه عندى أمل تكون سلة

غلال الدنيا وما فيها

أم الدنيا بالطول والعرض

وجنودها خير جنود الأرض

والرب حاميها وبيراعيها॥

هناك 22 تعليقًا:

فشكووول يقول...

السلام عيكم وفاء هانم
يا شيخه حبى حاجه عدله شويه
والله يا وفاء هانم فيه بلاد كتيره قوى زى الرز بتعز ولادها وبتخاف عليهم ولا بتبهدلهم ولا بيموتوا عشان يحبوها
اشمعنى يعنى احنا ياعالم اللى بلدنا لازم تبهدلها وتلفنا فى خيشها وعشان كدا لازم نحبها
عارفه يا وفاء هانم انا كان نفسى اكون ايه؟
كان نفسى اكون اورباوى او امريكانى او حتى اسيوانى كلها بلاد ربنا وكلها والله العظيم بلاد حلوه وزى العسل .. احنا بس اللى مزودينها شويه فى حب بلدنا مش عارف على ايه

شوفى بقى :
انا ح اعزمك عزومة على 5 كيلو هبر من اللحم عشان ما تقوليش على بخيل
صحيح انا بحب اللهمه زى عينى بس برضه مش بخيل يعنى وممكن افوت لك هبره وللضيف هبره وانا 150 هبره برضه يعنى الكل ياكل ويهيص
تحياتى وفاء هانم

مجداوية يقول...

السلام عليكم

بقالي كتيييييييير مجتش هنا ليه كده !!!

الزهايمر هو السبب مش عدم الوفاء يا وفاء فهل أطمع في كرم الكرام بأن تسامحيني على تقصيري ؟

وربنا حاميها وراعيها

والناس الطيبين اللي فيها

وناس لسه بتقول الحق ولو على رقابيها

وناس لسه شايفة الأمل رغم عتمة لياليها

اسمحيلي اشاركك على منوال اسلوبك الجميل الحزين في حب وطن بيقتلنا عشان خايفين عليه وعاوزنا نرحل عنه وننسى أمره والأمرا اللي حاكمينه

وأسال الله أن يولي علينا من يخافه ويعمل بشرعه

وتسلم مشاعرك ويسلم قلمك

وفاء بركات يقول...

لو عندك أخ أو ابن أو حد عزيز عليك
حاله مايل تكرهه تسقطه من حسباتك
تتخلي عنه ؟متأكده إن الإجابه حتكون طبعا لأ..
لو الأم اللي شالت وربت كانت قاسيه حنتبرء منها أكيد لأ
وبعدين من عهد الفراعنه للأن هناك صراع بين الشعب والسلطه ومفيش حد عجبه حال حد
وبعدين لو حتي كنت ايه مكنش حيعجبك حاجه في البلد اللي حضرتك كنت عاوز تكون منها وحتقول يارتيني مصري .
وبالنسبه لموضوع الهبر انا بمني نفسي من زمان بهبره ملبسه وفطيره مشلتته بالجبنه القديمه وأهو مستنين الفرج انا لاطايله هبره ولا نسيره من الهبره.
تحياتي

وفاء بركات يقول...

أهلا بالأخت العزيزه مجداويه
ألف بعد الشر عليك من الزهايمر وطلتك عليه تسوا عندى كتير وحشاني كتير .
انا من الحين والأخر بزور مدونتك ومدونة الفقيره الي الله ام البنات معجبه جدا بالجرأه المحترمه في كتباتك وأسلوبك
وأم البنات بجد في مدونتها شئ بيشدني يمكن روحانيه يمكن لأنها إنسانه صابره علي إبتلاء لاأدرى وبجد تعليقاتكم عند الأخت العزيزه د. نورهاتي
وبالنسبه للوطن ده قدر محدش عارف الخير فين نأمل في بكره أحسن من النهارده
بجد نورتيني خطوه عزيزه

عبد من عباد الله يقول...

انا ابديت اعجابي بالكلمات دي قبل كده بس برده احبب ان اكرر اعجابي بيها ، بجد جميله ، مش عارف اعلق على انهي حته فيها بظبط هى كلها على بعضها حلوه .

بنت أبيها يقول...

حب الوطن من الايمان

سنظل نحبها مهما حصل لينا

على راي المثل اللى كان بيتقال

مش هنسافر مش هنبيع .. قاعدين على قلبكم يا اللى خاربينها

سلمت يداكي يا استاذة

ماما أمولة يقول...

السلام عليكم

كيف حالك اختي الكريمة

اوعي تسمعي كلام فشكووول باشا

مافيش احن علينا من امنا مصر

ولو في حد بيقسى علينا اكيد مش هي

تقديري لك اختي الغالية

على فكرة مدونتك في الريدر عندي آخر مدونة ونفسي اعرف ليه مش بتطلع لفوق لما بتكتبي موضوع جديد

فشكووول يقول...

السلام عليكم وفاء هانم
اصل المدونه بتاعتك وحشتنى وكل ما اجى الاقى بوست الحب ده
والله بحبها ومن كتر ما بحبها بقيت باكرهها عشان حبها زاد شويتين فبقيت اكرهها
تحياتى

وفاء بركات يقول...

عبد من عباد الله
الله يبارك فيك إعجابك بالكلمات ده وسام علي صدرى أعتز بيه..
تحياتي

وفاء بركات يقول...

أهلا بالأبنه العزيزه بنت أبيها
إنت عارف يعني آيه كلمة وطن يعني
الحياه مبالك أن يكون هذا الوطن مصر الحبيبه
دمت بخير

وفاء بركات يقول...

وعليكم السلام ورحمة الله وبركاته
الأخت الغاليه ماما أموله
أهلا بحضرتك نورتيني الأستاذ فشكول زيه زى أى إبن بيدلع علي أمه مصر ومصر قلبها كبير وياما تحملت قاسيه
لا أعرف سبب لذلك والشكوى تكررت من مدونات أخرى ..
مرور غالي يلريت يتكرر كتييييييييير

وفاء بركات يقول...

وعليكم السلام ورحمة الله
وبركاته
أ. فشكووووووووووول
يارب متشوف وحش حصلت لنا البركه..
إسمح لي حضرتك حر تكره تحب زى م انت عايز وإحنا كمان لينا الحريه فيما نحب ونكره
ياأغلي البلاد يابلادى فداكي انا والولاد يابلادى ياحبيبتي يامصر يامصر
غيزه ياأستاذ فشكول ومش عايزه منك لحمه ولافرخه ولا مشلتت وروح بقي إتفالح علي القمح اللي عندك وشوف مين حيسوقه
خليه لما يسوس وبيعه لوزارة التموين
ولولا الملامه لخلي البوست ده علي طول
بس هه هه

hasona يقول...

السلام عليكم

معاك في حب مصر
ولأن كرهنا لنظام أو حاكم
لن يغير من حبنا لمصر
،،،
بلادي مهما جارت علي فهي كريمة

فشكووول يقول...

وفاء هانم
انها لحظه اخرجت ما فى الجعبه المكتنزه بزكريات الزمن وحاولت فضفضتها فى بوست لكن رويتها لأن القصه الاصليه انتهت نهاية كادت تكون مأساويه وجلسنا ونحن فى عمر صغير واتفقنا على ان نطوى هذه الصفحه من حياتنا لانه لم يكن من السهل ولا من الاستطاعه ان يجتمع آذان الجمعه مع قرع الاجراس فى يوم احد ... واظنك فهمتى ما اقصد وعلى فكره الحاجه تعرف كل حاجه عنى قبل الزواج وعشان كدا الحمد لله على نعمته
تحياتى

norahaty يقول...

السلام عليكم ورحمة
الله تعالى وبركاته
وصبــــاح الخير والخيرات
موفقاكى فى كل كلمة استاذة وفــاء
الا(وكنت بتمني لو ينضم النسا لجيشها)
الله الغنى عن الموضوع ده خــــــالص!!

norahaty يقول...

كلامك جميل اوى استاذتنا
ربنا يعطيكى الصحة والقوة

فشكووول يقول...

ازيك يا وفاء هانم
تحياتى
بمناسبة الاحترام زمان فى الحب والعلاقات العاطفيه .
تصورى وبالرغم من صغر السن فى وقتها فقد جلسنا سويا وتناقشنا وبحثنا الموضوع من كافة جوانبه ورأينا انه لاسبيل امامنا الا ان يذهب كل منا فى حاله لانه كان من الصعب والعسير ارتباط الاذان على المساجد يوم الجمع بأجراس يوم الاحد ومن يومها لم نتقابل الا فى تلك اللحظه التى لم استطيع كتمها وكتبتها فى البوست
تحياتى

وفاء بركات يقول...

السلام عليكم
أخ حسونه لك وحشه حمدالله علي سلامتك
حب الوطن لايرتبط بحكام لإن الحاكم والمحكومين مصيرهم الي زوال والوطن باقي
فيجب أن نغرس في نفوس أولادنا حب الوطن
ولو قرأنا التاريخ سنجد دواما هناك
أناس مع النظام وأخرون ضده والكل يجتمعون علي شئ واحد حب الوطن.
نسيت اقولك إن اللي بيسرقوها وبيسرطنوها والي بيخونوها بيقولو إحنا بنحب البلد دى بس بطريقتنا انتو فهمينا غلط واللي مش لاقي اللضي ونهار ميغمز بمية الفول يبقي يوم هنا
برضه بيحبها
إنها إنجي اللي مغلبانه كلنا ياعلي أقصد حسونه(مع الإعتذار لفيلم رد قلبي)
أتمني ألا يطول الغياب فأنت صديق عزيز
نقدر رأيه ونحترمه

وفاء بركات يقول...

السلام عليكم
د. نورهاتي
ده ايه اليوم اللي زى الفل ده والنرجس والياسمين ده الف صحه وعافيه ياقمر نورتيني
ايه يادكتوره إحنا لينا قدوه في صحبيات جليلات أسماء بنت أبي بكر ذات النطاقين وأم ميسره رضا الله عنهم وأرضاهم هو صحيح إحنا يدوب نشوف مدفع رمضان لما يضرب..لكن وقت الجد الساعد حيشتد ونبقي جامدين قوى..إحنا برضه اللي هن
دمت بخير وصحه

وفاء بركات يقول...

السلام عليكم
أ. فشكوووووول الحكايه كده أخدت شكل تاني خالص وانا بقترح إنك تحكيها لكل يرى
هذا الجيل الذى يتهمنا بالتخلف وإن حريه المشاعر والتعبير مكفوله للجميع
أى حرية مشاعر هذه التي ممكن أن تكون مستصغر شرر يؤدى الي كارثه أى حرية تعبير عندما يكون الكلام خادش للحياء
ودون المستوى هذه التجربه جديره بأن تحكي
وأن يحظي كل من طرفيها علي كل تقدير وإحترام لأنهما تغلبا علي عاطفتهما حقنا
لما لايحمد عقباه.
واتقدم بكل التقدير للحاجه الإنسانه الواعيه المقدره لمشاعر زوجها ولك لأنك كنت صادق مع نفسك ومع زوجتك فيما بعد...وكتابتك لهذا البوست لدليل قوى
علي أن هذه الصفحه في طي النسيان قامت من غفوتها لحظه وعادت كما كانت
شبابنا عنده مشاكل كثير وتجربتك الشبابيه دى بتكرر الأن لكن طريقة معلجتها تختلف لإن الأسلوب أرعن
تحياتي

Haytham Alsayes يقول...

السلام عليكم
استاذة وفاء بجد البوست جميل جدا وبجد قلبتي عليا المواجع فعلابحب مصر بس زعلان منها اوي اوي منه لله بقي البعيد اللي خلانا حاسين بالغربة في وطنا
تقبلي تحياتي

كلمات من نور يقول...

أولا تسمحيلي أشارك في التعليقات يا سيدتي الوفية لمصر؟؟

ثانيا كلمات نابعة من قلب مصري صميم

ثالثا وهي مسك الختام : العيب مش في مصر أم الدنيا العيب فينا ولازم نتغير علشان اولادنا بدأت تقول : مصر إيه مصر دي راحت عليها وكل سنة وانتم طيبين

دمتي سالمة سيدتي