كما ننشر السلبيات علينا أيضا البحث عن الجانب المضئ لنرى بصيص من الأمل
تم الإبلاغ عن سرقة موتوسكل إهتمت الأجهزه الأمنيه ببالبلاغ وبالبحث والتحرى تم
ضبط العصابه وبحوزتهم 21موتوسكل منهم 11موتوسكل تم سرقتهم من إدارة المرور
وكانو محجوزين لحين إنتهاء أصحابهم من إستخراج رخص القياده وهذا تم في خلال ثلاث أيام بالتقريب
بصيص من النور يعطي أمل في الحياه أنظر الي النصف المملوء من الكوب ... راح أحاول
السبت، 6 يونيو 2009
كلمة حق
الاشتراك في:
تعليقات الرسالة (Atom)
هناك 17 تعليقًا:
السلام عليكم ورحمة
الله تعالى وبركاته
بصيص أمل نحتاج اليه
فهل تظنى استاذة وفاء
ان هناك امل فى اصلاح
حالنا الصعبان علينا؟!
اعطتينى امل فى الحياه يا فوفا ههههههههههههه
بتمنى من كل قلبى يكون الخبر صحيح مبقاش الواحد عارف يصدق ايه اليومين دول
اهم شيء انك وحشانى جدا قولت امر ارمى السلام
السلام عليك وفاء هانم
تحياتى
شوفى يا هانم
انا مره ضاع منى التسجيل من العربيه ومن ساعتها ما جبتش تسجيل تانى والعربيه من غير تسجيل وبعدين رحت بلغت فى البندر وبعد شهرين جابوا لى تسجيل من نفس النوع لكن مش هو التسجيل بتاعى وكان خربان وبايظ وخدته ورميته فى الزباله .. يعنى مش كل اللى بيضيع بيرجع وكتر خيرهم بتوع الشرطه آهم بيضحكوا علينا وخلاص
وبعدين ازاى تضيع الموتوسيكلات من ادارة المرور يعنى من عند بتوع البوليس مش دا سؤال مهم برضه ... يا ترى مين اللى يقدر يسرق موتوسيكل او عربيه من ادارة المرور بتاعة الشرطه؟؟؟؟؟؟
تحياتى يا هانم وما علهش مش مهم التعليق اللى اتحذف بس خدى بالك بعد كدا.. وسلامى الى حفيدك الغالى احمد
وعليكم السلام ورحمة
الله وبركاته
أملنا في ربنا كبير لأن حالنا صعبان عليناكلنا
تحياتي
أهلا بالبنوته الشقيه نوروحشاني يأبله
نور أخبارك مع التدريس والطلبه
هو الخبر صحيح لأن الموتوسكل المسروق لجارنا..
وإحنا إتفقنا نبص للنصف المملوء من الكوب
أتمني دوام الزياره والف حمدالله علي سلامتك
السلام عليكم ورحمة الله وبركاته
سبحان الله كنت بدور على حاجه ولقيت مدونتك حضرتك في أول رجوع ليا للتدوين من تاني وبجد صدفه جميلة
ومدونة من عناوين مواضيعها اللي لفتت نظري شكلها تحفه من عقل واعي ومستنير
وفعلا المفروض موش ننظر لنصف الكوب
والامل دايما موجود
بشكر الصدفه الجميلة دي
وتقبلي مروري الاول وان شاء الله موش الاخيرة :)
في رعاية الله
أ.فشكووووول
وبعدين ياأستاذ فشكوول هو حضرتك لازم تفشكل الفشاكيل بنقول حنبص للنصف المليان فوت دى ياعم الحاج علشان خاطرى بقولك مكتأبه وزهقانه وحطأ من حاجات كتير لقيت حاجه يعني تفرح قلت أسجلها .قوم ايه الأستاذ فشكول ياكل الهبر ويمخخ بكوباية الشاى ويقرأويتمعن
ويتفحص وبعدين يروح جايب الديب من عينه .
المهم الواد حفيدى احمد بيمسك العب بتعته وبيجيبها لمس أكتاف وكمان البيت كله بيقع في الآرض علشان احمد يعرف يضربنا وبطلنا نتفرج علي المصارعه وهوموجود الواد بقي شرس أسلمك عليه برضه...
ربنا مايحرمنا من فشاكيلك دمت بألف صحه وعافيه
اهل بيك وإن شاء الله العود أحمد
وده شرف لي إن أكون أول مدونه تقرأها بعد غياب عن التدوين .
ويسعدني رأيك فيها وربنا يجعلني دائما عن حسن الظن بي
نحن محتاجين لبصيص من الأمل لكي نستمر في الحياه.
أتمني دوام الزياره
لا حياة مع اليأس
ولا يأس مع الحياة
وهناك دائما بصيص من نور
أمنياتي
الفاضله وفاء هانم
على فكره انا نفسى اشوف كبايه مليانه مره واحده فى حياتى ... هى الكبايه اتعملت عشان نصفها يبقى مليان والنصف الاخر فاضى ليه
طب ما يعملوا كبايه نص كم وبلاش نصها فاضى وخلاص ويريحونا من النص الفاضى ده
الواد احمد حفيدى بقى اللى هو على اسم احمد بتاعك برضه مزاجه اليومين دول يقلع البمبرز ويقعد بلبوص وانا كمان بحبه يعمل كدا بس عدوك هدومى كلها لازم تنغسل كل يوم عشان اعرف اصلى وامه سايباه علينا يشخت وينطر فينا وكأنه هو اللى بيجرى علينا وان احنا بناكل من فلوس اللى خلفوه لأ وايه كل شويه يشخط في ويقول هه ويبرق لى ويعمل تكشيره تخوف الجعيص وبيسلم علي حضرتك
تحياتى يا هانم
على فكره النهارده انا واكل 3 هبرات
هبرتين منابى فى الغدا وهبره سرقتها من الحله على البوتجاز وما حدش عارف حاجه ولا خد باله من حاجه وبعدين الموضوع جه فوق دماغى عشان بعد الغدا الحاجه ام اسامه قالت لى ما عندناش لحمه خالص وانا عمال من ساعتها اعيط واهلوس عشان يوم شراء اللحمه ده بيبقى يوم مهبب بهباب وجيبى بيعيط من الفلسان بعد شراء اللحمه
بس مش مهم حتة اللحمه بالدنيا كلها
تحياتى
أهلا باشمهندس محمد
الله يجبر بخاطرك أيوه كده تعليق متفائل
يضيع حبة الإكتؤبه والخنقه اللي عندى
ربنا يديك الصحه
أهلا أ.فشكوووول
علشان كده اللي بيعمله فيك الحفيد باشا تطلعه علي عنينا فشكله . وانا فرحانه في حضرتك علشان اللحمه خلصت
مع اني عارفه إنك مش حتغلب حتي لوخلصت يوم الأثنين حدور علي وزه ولا بطه علشان تعمر الطاسه يعني حتمخمخ
بكوباية الشاى علي الفاضي.
وبعدين يعني حاول تتخيل إن الكوب ممتلئ
إعتبره سراب أى حاجه إبلع طنش وإبتسم
إعمل أى حاجه إسمع الراحله هدى سلطان
وهي بتغني وتقول ميكنش ليه عندك أمل عيش بالأمل والنبي والنبي علي طريقة محمد هنيدى عيش بالأمل.
وخصوصا معايا اليومين دول أحسن مفيش أوكسجين في الجو ^إررررررررررركن الفشكله جانبا ودعنا نبحث عن بصيص أمل.
ولا أقوووول للحاجه أين ذهبت اللحمه؟
يارب يخليك لينا ونستمتع بتعليقاتك
تحياتي لحضرتك وللأسره الكريمه
على فكره ده الطبيعي و عادي جداً بس يمكن الاعلام و من ضمن وسائل الاعلام المدونات و كمان الناس بقى عندها قابليه فظيعه للظن السئ في اي حاجه و كل حاجه و نموت في حاجه اسمها تعميم ، يعني واحد اتنيل على عينه عمل حاجه غلط في الشرطه نقول الشرطه دي كذا و كذا ، رغم ان الشرطه دي جهاز كبير جداً و اللي الناس ما تعرفهوش اننا لما نقول ان الشرطه دي وحشه و حراميه و معندهمش ضمير احنا كده لازم نعرف اننا بنشتم نفسنا او بنوصف حالنا ، لان الشرطه دي نظرنا لانها جهاز كبير و فيها اعداد كبيره فهى لا تنفصل عن الشعب ، يعني الظباط و العساكر دول مستوردين مثلاً ، كلهم يا اما ابنك او اخوكي او ابن خالتك و صاحبك و قريبك كلهم مننا يعني و فيهم من طبقات عاليا و فيهم لأ و هكذا ...
اه سعات بيحصل اخطاء فادحه من بعض العاملين في الشرطه ، و اه الاخطاء دي من وجهة نظري مش مرتبطه بكلمه شرطه لكن مرتبطه باخلاق هذا الشعب التي افرزت مثل هذه الشخصيات ، و زي ما فيه ناس بتنتهك و تعذب فيه ناس بموت علشان مواطنين ، و اه ربما تكون نسبه السئ اكثر من الجيد و هذا يعبر عن المستوى العام لهذا الشعب من اخلاق و نظام ، بس يا ترى المفروض اننا نركز على انهي بقى ؟ الجانب السئ اللي هو اكتر ؟ و لا الجانب الجيد اللي هو اقل نسبياً ؟؟؟
نحن نتبع اسلوب التركيز على السيئ حتى ينتهي اما الجيد فملناش دعوه بيه ده واجبه و المفروض انه يموت يعني ( هو حيقرفنا ولا ايه ) ، اما في وجهة نظري التركيز على الجيد افضل حتى يزداد و يصبح الجيد قدوه لباقي الافراد و السيئ نشير اليه و نقارنه في بعض الاحيان بالجيد حتى يعلم مدى خطأه و انحطاط منزلته ، و التركيز على الجيد يعطي الافراد الملتزمين حماس للثبات على مبدأهم و ان اللي بيعمل حاجه كويسه بنحس بيه ، لكن يبقى اللي بيغلط نبهدله و اللي بيتفانى في شغله و لا نعرفه ...... مش عارف حاسس اننا بقينا شعب بل امه تنهش في بعضها البعض
عبد من عباد الله
أسلوبك ممتع في النقاش وأيضا مقنع أحيانا وانا سعيده جدا بيك..
+*********
يوم مبيستشهد ظابط شرطه أثناء تأدية عمله أو في حالة الدفاع عن مواطن كما حدث في حالة ظابط الشرطه الذى انقذ فتاة من حالة إغتصاب نحن نحزن عليه ونتعاطف مع أهله لأنه أولا وأخيرا جزء من نسيج هذا الشعب ...والشرطه بالنسبه للمواطن الغلبان أو العادى هي الحمايه بعد المولي عز وجل وكنا زمان نقول انا أبن الحكومه وهي حتاخد لي حقي !
هناك وظائف بعينها ننظر لها بإحترام وأنهم يجب ألا تشوبهم شائبه ...
رجال الدين,,,القضاه ,,, رجال الشرطه
المعلمون بما فيهم أساتذة الجامعه,,
لو أخطأ هولاء وضربوا في الأرض فساد ضاعت الأمه,,
وهناك وظائف يحكمها الضمير المهني مثل الطبيب والمهندس والموظف في دواوين الحكومه والشركات ..
وهناك أناس خطواتهم محسوبه عليهم ودايما العين رصداهم ودى فئة النجوم والمشاهير و رجال الأعمال
طبعا مفهوم أن النفس أماره بالسوء وكل مجال به الصالح والطالح .
إلا المجموعه الأولي يجب ألا يكون بها طالح ويجب أن تكون منتقاه ليس للثروه ولا للمحسوبيه ولكن للكفاءه والسمعه الحسنه لاتقول لي أن كتير منهم سيئ ولكن يجب لأن نركز علي الجزء الجيد منهم ونغمض عينا عن السيئ ونتركه يبغي كما فعل فرعون لأنه لم يجد من يقل له عندك
لما إبني لم يحالفه الحظ في إختبار النيابه العامه قلت له إحمد ربنا مش يمكن كان المركز يغرك أو تبقي مفترى والناس تدعي عليك
أعلم إن ربنا أختارلك الخير..
تخيل رجل دين بيفتي فتاوى تفصيل ورجال دين ماسكين في خناق بعض علي ترفيع الحاجب وأو تغليبظه ولاأيهما تضع علي الأخرى أثناء الصلاه الأيد اليمين ولاالشمال وهناك أمور أخرى يجب أن تحسم وشباب ضايع بين الدين كمظهر وفعل ومضلل بين صفحات الكتب الدينيه التي تنشر دون رقابه أين دور الأزهر كمؤسسه دينيه أين دور دور العلم من الحضانه وحتي الجامعه..
انت تعلم جيدا ماأصاب العمليه التعليميه من هرج ومرج ولم تعد المدرسه تربي وتعلم لقد فشلت تماما في أداء دورها التربوى والتعليمي وأنقطعت تلك العلاقه الوطيده بين الأسره والمدرسه في المحافظه علي تنشأة جيل سليم العقل والقلب أنا أحمل دبلوم تجاره وأتحدث في الفن والسياسه والكوره والمشاكل الإجتماعيه ولاأدعي العلم فعندما لاأعرف أصمت لكي أعرف حتي ولو كان الملقي أصغر مني وهكذا كثيرا من أبناء جيلي علما بأن كثير منا لأبوين أميين ولكن كان بينا وبينهم حوار وبينا وبين مدرسينا حوار مدرس اللغه العربيه شجعني علي كتابة
الشعر وكان يصحح لي ما أكتبه وقلت عندى هذه الملكه بعد انتهائي من الدراسه المتوسطه..
أقولك علي حاجه كانت بتحصل عندنا في محافظة بني سويف كان كل أحد وأربعاء من الأسبوع في ساحة مديرية الأمن في الأجازه الصيفيه يعرض فيلم وكنا نذهب للفرجه علي الأفلام وكنا نحظي بكل حب وإهتمام صغيرا وكبيرا ولا أنكر كان هناك رجال شرطه مفتريين ومخبريين لايخافون الله ولكن كانو قله
انت عارف ليه الواحد عينه بتقع دايما علي الحاجه الوحشه في بلده علشان بيحب يشوف بلده دايما حلوه بناسها ظابط الشرطه القاضي المعلم العالم الموظف سواء كان صغيرا أم كبيرا الطالب الطفل والله بحب مصر وكل اللي بيحبها باكل فولها ومستني أكل بغاشها بحبها وبموت فيها وبنعل أبو خاشها ولما أبعد عنها قلبي يئن ويقول بحبهاأقد ثواني عمره اللي حيعشها واللي عاشهابحبها لو لبستني حرير ولو لفتني في خيشها
وكنت بتمني لو ينضم النسا لجيشها
أشيل سلاحي وأضرب عدانا في نغشيشها
علشان متشم ريح بلادى ولا تفكر في يوم بالسلاح تناغشها
واللي يدوس علي طرفها تطير رقبته
بجد مش بهوشها مصر هي البقيه كلنا بنروح وبنيجي عليها ترابها في الدنيا
شايلنا وفي الأخره طوينا هي سترنا وغطانا اللي في الشتا يدفينا
ولما بشوف زويلها وتريكها وشهيدها
بتروح مني أى دمعه حزينه
ولو مرت عليها ضيقه بتدعيلها ربنا ينجيهامهما أقولك سنيني الخمسه والخمسين
بيغنوا غرام ليها
ولسه عندى أمل إنها سلة غلال العالم وجنودها خير جنود الأرض أمنه ببركة مولاها وأل بيت نورها والرب راعيها و حاميها..
إرتجلت الكلام اللي فات ولو أن الجزء الأول سبق وإرتجلته في مدونة واحد من العمال والباقي للرد عليك وسوف أنقله كبوست لأنه فعلا من قلبي
أنا بتمني ليك الخير وأتمني أن تكون عبد من عباد الله الصالحين دنيا ودين
يكفيني هذا للتفاؤل ، حقيقي انا مش عايز غير ناس بتحب البلد بجد من قلبها و نفسها تمشي في الطريق الصح علشان نتغير ، اما عن اننا نعرف ايه هو الطريق الصح للإصلاح فده ممكن يجي بالمناقشه و العلم و الأراء ...
طبعاً حضرتك قولتي كلام موزون و مغلف بعاطفه جميله بالحب و الخوف على الوطن و ده بلا شك واضح بصراحه في ابيات الشعر دي احيكي عليها ، بجد عجبتني .
اللي قدرت افهمه من حضرتك ان علماء الدين و المعلمون و رجال الشرطه هم من الفئات صعب انتشار الفساد فيهم و إلا ضاعت الامه .... صح .
طيب و ايه الحل لو على سبيل المثال ده اللي حاصل في الوظائف دي دلوقتي ؟؟
من وجهة نظري المتواضعه ان الامه هى اللي بتفرز الناس دي مش الناس دي هى اللي بتفرز الامه .... مع التأكيد ان الناس دي بتأثر بعد كده في سلوكيات الامه و لكن الامه هى اللي بيدها الحل اولا و اخيراً ...
الموضوع مترامي الاطراف و صعب حصره في شويه سطور دلوقتي و لكن ارى ان الحل بسيط و صعب في نفس الوقت و عايز صبر شويه ، الحل في الاخلاق و العلم هما دول سبيلنا للنهوض .. و دول برده من وجهة نظريه مسؤليه الاسره .
اما عن ازاي بقى الاسره تعمل كده فهذا امر شرحه يطول و انا الليله مشغول ....
دائما هناك ليس فقط بصيص وانما ضوء من الامل
دائما موجود
نحتاج فقط لان نراه كما نرى الاشياء الاخرى
إرسال تعليق