موضوع أخر لم يدخل الأرشيف بعد ॥ الا وهو الغش
ماذا يكون حال مجتمع الغش فيه عند الكثير من افراده حق مكتسب والدنيا كلها بتغش هيه جت علينا
الكارثه إن اللي بيشجع علي الغش الأباء نصدقوا ! وأيضا المدرسين ؟!
كنت معديه من قدام مدرسه إعدادى ولقيت واحده ماسكه في خناق واحده وبجوارها بنت كده تقريبا أولي إعدادى
وناس كتير واقفين يسمعوا الحديث ولأن المدرسه دى فيها صديقه لي لما روحت إتصلت بيها وسألتهاعن الخناقه ؟
قالت لي متشغليش بالك إحنا خلاص اخدنا علي كده ।
ياستي دى أم طالبه كانت بتدى لبنتها درس عند مدرسة الفصل بشرط تنجحها !! البنت جابت ملحق
فالأم بتعاتب المدرسه علي إنها خزلتها ومنجحتش البنت زى بقيت المدرسين ॥ والأبله نقول لها اديها نمره علي ايه
دى مش حله حاجه خالصِ ....وهي لو فالحه كنت أديتها درس عندك شاطره بس تلهفي الفلوس كل
أول شهر ॥وإسترسلت صديقتي في الحديث وهي بتضحك وتقول أهم حاجه إن زمايلنا عيبو الأبله
لإنها أخلت بالإتفاق ومنجحتش الطالبه , وكان الحكم بإن المدرسه تنجح الطالبه في الملحق وبس خلاص ।
قلت لها بس خلاص إزاى دى بجاحه من الأم وإنحلال والمدرسه والمدرسين فاسدين دى كارثه
لما الأم تدافع عن حق بنتها في الغش ولا إبنها إزاى دول يربو الأجيال القادمه ॥
الغش يعني كذب يعني بجاحه دى مصيبه سوده لما العيال مش لاقيين مثل أعلي ليهم لافي البيت
ولا في المدرسه حيلاقوه فين علي النت ولا علي الفضائيات ...
ردت صديقتي وقالت سؤت عليك النبي بلا ش المثاليه القاتله بتعتك دى اللي مش بتأكل عيش في الزمن ده
إعملي معروف خلي الناس تعيش .... قلت لها تعيش علي دم بعض علي قوت بعض نخرج جيل من الحلانجيه
والهباشين وحبه فهلوه ده في أى دين وفي أى مله ومش حقول قال الله وقال الرسول علشان مسمعمش انتي
حتعملي فيها شيخه نفكر في الموضوع علي المستوى الإنساني والأخلاقي الجيل الجاى حيبقي معندوش مثل عليا
دى حتبقي غابه البقاء فيها للأقوى .... قالت لي الصديقه ياسلام ولإحنا عايشين فيها دلوقت آيه متكونش الجنه وانا
مش واخده بالي القعده في البيت عملتك فراغ فبقيتي بتعملي من الحبه قبه...
انتو شايفين اللي بيحصل دة حبه ولاتل من الحبوب ومازال الملف تحت اليد الله وحده أعلم متي سيحفظ
في أرشيف حياتي
الاثنين، 1 يونيو 2009
من ارشيف حياتي(موضوع مازال تحت اليد) 2
الاشتراك في:
تعليقات الرسالة (Atom)
هناك 21 تعليقًا:
الغش كلمه كبيره جدا لا يمكن حصرها في المدرسه
بس دي البدايه للغش الكبير
صعب جدا فقدان المثل الاعلى
صعب جدا ان الاب يكون في عين ابنه مش مثل اعلى
انها حال الدنيا في انحدار انحدار انحدار
الله المستعان
فعلا صعبة جدا
بنضيع جيل
وبنشوه المستقبل
وبعدين نجي نقول الفساد والناس بقت فاسدةومفيش حد عارف ياخد حقه ونقعد نتحسبن
واحنا اللى بنبدأ ونغرس بداية الخيط بايدنا
ربنا يهدي
لا لا عادي جداً ، عادي خالص ، مفيش اي مشاكل ...
و على فكره بس احب اقول لحضرتك ، ان نفس الست دي بظبط ممكن تشوفيها على التليفزيون في البيت بيتك و لا العاشره مساء و هى بتقول " اعمل ايه ! اربي العيال ازاي ؟؟ جوزي مرتبه 400 جنيه و احنا ناس على قد حالنا و ماشيين ببركه ربنا و الحمد لله حامدين ربنا و شاكرينه بس اقول ايه في المسلؤلين حسب الله و نعم الوكيل ناس مبقاش عندها ضمير و لا زمه ربنا ينتقم منكم " ........
و بالطبع تعلقينا ساعتها بيبقى ، لا حول و لا قوة إلا بالله و الله حاجه تصعب على الكافر ربنا ينقتم منكم يا بعده خربتوا البلد ايه زنبه الشعب الخلبان ده و الناس الغلابه دي ، امتى بقى نرتاح منكم و يتعدل حالنا ...
و ده ناتج عن اننا كشعب خلاص اتعودنا ان اي حد فقير لازم يبقى اخلاقه كويسه و بيشكر ربنا و راجل زي الفل ربنا يكتر من امثاله و اي حد معاه فلوس اكيد مرتشي و حرامي و حيروح النار ، لكن وا اسفاه على اللي لا لحق الدنيا و لا الاخره ...
عرفتي حضرتك ليه حالنا مش بيتعدل ؟؟ و ليه لو حتى مشيوا الناس اللي احنا نقصدهم برده مش حيتعدل ؟؟ لان المشكله دلوقتي بقت اكبر من كونا متمثله في شخص معين او مجموعه اشخاص الشعب زاد في الجهل و انحطت الاخلاق و ليس لنا إلا بناء انفسنا من جديد حتى تعود هذه الامة إلى سابق عهدها ... حان الوقت ان يبدأ كل منا بنفسه .
الغش
الخداع
الكذب
ثلاث رذائل
ينبغي الإبتعاد عنهم
للاسف ياأستاذة
احنا فعلا بقينا
فى غابة والكل عايش
على دم التانى وكل واحد
يقولك (مش ذنبى !)ذنب اللى
قبلى واللى قبل قبلى .ربنا يرحمنا
السلام عليكم ورحمه الله وبركاته
للأسف الغش أصبح ظاهره وواضح جداً
ومش الغش فقط فى الأمتحانات
بل للأسف فى جميع المجالات
ويسلام لما القدوه تغش
لكن المصيبه الكبيره إننا بقينا نغش نفسنا
ولله الأمر من قبل ومن بعد
ودمتِ فى أمان الله وحفظه
الاخت الفاضلة وفاء لقد استمتعت كثيرا بالمدونة واحسست ان الفكر متقارب
وموضوع الغش للاسف اصبح شيئ عادى ابنى جة من المدرسة ولما سألتة قال لى المدرس عمال يغشش الناس البليدة والولد كان زعلان لانةتعب وزاكر للاسف المدرسة اصبحت تساهم فى تربية جيل غشاش لا يحمل اى مبدء
وجزاكى اللهه خيرا
hاما دا يبقى من الحبة قبة امال ايه المهم بقى اما نلابى اولادنا على الغش وعايزينهم ينجحوا فى حياتهم طيب ازاى
ازاى نوصلهم لمستوى عالى منا لتفكير والأصل اصلا مش صحيح هنقول ايه على الجيل الجاى بقى ولا هنجيب منين جيل اصلا ولا عمر كان الفقر اوا ى حاجة يخليها تعمل كدا لان المبادىء لا تجزء وربنا يستر بجد لازم نفوق فى حتة التعليم دى شوية لانها اهم خطوة ونشوف حد عدل يمسكه احسن من السباكين اللى مسئولين عنه من اول الوزير لغاية اى فراش فى اى مدرسة كلهم ولا ينفعوا
أ.محمود النجمي
شكرا علي التعليقكم . فعلا إنها البدايه للغش الكبير والمحزن إن البدايه من مؤسسه دورها التربوى لا يقل أهميه عن دورها في نشر العلم وكون إن أعضاء هيئة التدريس نفسهم وإدارة المدرسه تحق المعلمه لأنها أخلت بالشرط كارثه. وكون الأم وهيالتي تربي الأجيال وقد غرست في عقل أبنائها الغش حق لكي أحصل علي ما اريد فسننتظر غد مظلم أتمني لأن ينصلح الحال.
تحياتي
أ. فشكووووول
أعتذر بدون قصد دوست علي رفض بدل نشر
أستسمح حضرتك بتشريفي والتعليق علي الموضوع مره تاني ..وأكرر إعتذارى
لحضرتك
تحياتي
بنتي الغاليه بنت أبيها
ربنا يكرمك يارب قد آيه بنظلم ولادنا وبنحمل نفسنا ذنوب علي كل حاجه خطأ
إتعلموها منا الفهلوه والحنجله والضحك علي الدقون بحجة إن ده اللي ماشي واللي تغلبو العبو بدون مبحث هل ده يرضي ربنا هل ده حيسبب أذى لحد
عندما نردد الكلمات التي ربينا عليها يقابلك السفهاء بوابل من السخريه
نطلب لهم الهدى
عبد من عباد الله
أهلا وسهلا نورتم المدونه
أنا معك في كل ماقلت ولكن هنا المسئوليه مشتركه بين الأسره والهيئات والمؤسسات التي تقدم الخدمات للشعب
نحن في دوله الحمد الله تنعم بنسبه من حرية الرأى لأن ثقفتنا السياسيه محدوده ومازال الكثير يخاف أن يقول رأيه ويفضل الوقوف في الضل ...
أتذكر زمان لما الواحد كان يحب يسمع إذاعة لندن أو إسرائيل كان يدور علي مكان بعيد في الشقه خوفا من حد يعرف أنه بيسمع إذاعة معاديه خوفا من المسائله ولأن لم يكن هناك ثقه فيما يذاع عبر الأثير بالرغم من وجود برامج إخباربه قويه مثل أكاذيب تكشفها الحقائق بصوت العرب . لكن الأن السماء مفتوحه علي العالم وهذا أدى إنفتاح سياسي وتنوير فكرى
وأصبح هناك مصدقيه في عرض الحدث
لكن لي سؤال كم من وزير إتخذ قرار جرئ دون تدخل الرئيس مبارك بإتخاذ القرار وحل المشكله كم من وزير إتحاسب وهو في الوزاره علي خطأ في وزارته وتم إقالته سواء من نفسه أومن رئيس الوزراء
دى الناس بتتولد وتطلع علي المعاش ووزرا بعينهم قاعدين علي كرسي الوزاره وكأن إتلزق بغراء الكلام ده المقصود منه إن الشعب والحكومه مسئولين مسئوليه كامله عن هذا التغير الأخلاقي
والسلوكي لشعب كان معروفا بالطيبه والتسامح والخوف من الله..
فين دور رئيس الوزراء والوزراء عايزه أعرف إحساس الناس دى بالغلابه هل وزير المواصلات والنقل ركب مره بصفته واحد من الناس درجه ثالثه في قطار الصعيد أنا أعترف بأن هناك سلوك غير حضارى من بعض المواطنين في التعامل مع محتويات القطار من تقطيع كراسي وسرقة حنفيات وخلافه لكن أين شرطة القطار
المستشفيات الحكوميه المنشأه بحصيلة الضرائب المدفوعه من الشعب والمعمول لها موازنه وما يرتكب بها من مخالفات
تضيع معها القصد النبيل التي أقيمت من أجله
المدارس ومشاكل العمليه التعلميه وجعل اولادنا كفئران التجارب مره نجرب الطريقه الأمريكيه ومره الطريقه الصينيه وشيل سته وحطو سته والثانويه العامه وماأدراك بها
والتعليم الجماعي واحد غلبان قالي
البلد دى اللي معهوش فلوس لايعرف يتعلم ولا يتعالج قلت له ياحاج مصر بخير
وهناك الكلمه المستفزه التي نسمعها كثير ا عندما يخطأ أحدهم انت مش عارف انا مين أو انت مش عارف انا إبن مين
يمش في الممنوع ويضرب له تعظيم سلام
إتنين خارجين من نفس الكليه ومصروف علي الأثنين واحد من وسع والثاني بالشقي يتخرجو واحد يتعين في مكان محترم والثاني يسرح بمشاط أويفترش الأرض ويبيع ليمون ويمصص حزنه واللي أتعين ده مش كفائه بس له قريب واصل ولا خد تأشيره سلكاوى
الكليبات والإعلانات وما فيها من بزخ وفداحه في كل شئ وأيضا المسلسلات وما بيها من إستفزاز الفقراء واوع تقولي ميتفرجوش .. كل ده عمل إنقلاب في القيم وأصبح الثراء السريع هو الحل بصرف النظر والتفكير عن جي من حلال ولا من حرام ...
معروف إن الحاكم مهما فعل لن يرضي جميع أفراد الشعب لكننا نأمل في تحقيق العداله لجميع أفراد الشعب إن فلان يتذكي عن فلان بعلمه وليس بحسبه وهذا بتدينه وليس بشكله.
وياريت كل من يبدأبنفسه وأهله إنها دعوه حق نحن أحوج لها الأن
شرفتني
ياريت ياباشمهندس محمد
يسمع منك ربنانفسي البلد دى ترجع تاني حلوه يابلدى أمان يابلدى
لك تحياتي
العزيزه الغاليه د. نور
ربنا يرحمنا ويتولانا .. وينور بصيريتنا
اللهم أمين
واحد من عمالنا المحترمين الشرفاء
شرفت بعد غياب حمدالله علي السلامه
أولا أنا في غاية الشكر علي تعبك ومهما قدمت لك من شكر وإمتنان فهو
أقل مما تستحق بكثير
أما بالنسبه لموضوع الغش لقيته في حاجات كثير حولي بس الصدمه الدفاع عنه والترويج له في دور العلم ربنا يسترها
شكرا
الأخت حواء سعيده جدا بزيارتك
وسعيده بقولك أن هناك تقارب فكرى بينا
وهذا شرف لي وأقول لكي أختي إن مسئولية الأسره وخاصه الأم نحو أولادها مهمه جدا ولو حصل وشعرت الأم بإن عملها حيأسر علي أولادها أشرف لها أن تستقيل من عملها وتتفرغ لتربيه أبنائها فإنها يوما ستوت وتتركهم إما رجالا عظماء أو رجالا سفهاء في الأولي ستجد من يترحم عليها وفي الثانيه ستجد من يتمني لها الجحيم واليعاذ بالله لأنها لم تصلح تربيتهم
البيت البيت البيت والبيت يعني أم وأب
إهلا بالأبن مانو
طول ما إحنا بنسكت علي الغلط كل مالغلط حيكبر وبطلع له أيدين تتلف علي رقابنا زى الأخطبوط لو الغشاش إتنبذ والحرامي إتفضح والمرتشي ركب الحمار بالمقلوب وادق علي صفيحه وجريت العيال وراه تضربه بالطوب مكنش الميزان إتقلب والظلم طلع له صوت
ربنا يسترها
شوفى يا قلبي رأيى المتواضع
برغم اعتراضى علي ان الواحد يغش او يشجع الغشاش يعنى وان الغش حرام
الا اننا لما نبص ايه فايدة المؤهل ونلاقيه للأسف ولا حاجه بس ندور علي نظرة الناس للفرق بين الشخص المتعلم تعليم عالى والشخص الجاهل او صاحب التعليم المتوسط ونلاقيها نظره سيئه قوى هنعرف ان الغش يمكن فى وقت من الاوقات يكون مصرح بيه لحفظ ماء الوجه والأبتعاد عن تلك النظرات الدونيه
ودا مش مطالبه بأى شىء الا أنه مجرد تعليق علي موضوع الغش وتحياتى ليكى
السلام عليكم ورحمة الله وبركاته
ياااااااااااه حضرتك متاثرة بحاله زي دي
عشان ام عايزة بنتها تغش حتى لو موش فالحه بالتعليم
طيب تعملي ايه لما يكون حد شاطر في التعليم ومخلص دراسة وفي الشغل يكون الفاشل هو اللي حظه افضل ووارد يكون ناجح بالغش
ولا واحد وموش محتاج لفلوس ولا اي حاجه وداخل مناقصة ولا مزاد ويغش في اوراقه ويدفع من تحت الطرابيزة وغيره يستحقها
يا تانت وفاء احنا في زمن ناسه ربنا وحده يرحمنا منهم يارب ويعافينا
حالة الغش دي واللي عملته الام اقل واضعف حاجه بشوفها واعرف م النوعيه دي للاسف كتييييييييير
ولما كنت بالجامعه في اخر سنه الدكتور بالموبايل علم على امتياز لزميلتي من قبل ما تمتحن
شوفتي المصيبة وفضحته
يلا ربنا يهدينا جميعا يارب
في رعاية الله
نور شاهين
نورتي مدونتي بعد طول غياب وبجد كنت وحشاني جدا ربنا يفرح قلبك .
أنا فهمه قصدك كويس قوى إحنا اللي عملنا في نفسنا كده نظرتنا للأمور سطحيه والتعليم الفني بقي مستواه منحدر .. انا تعليم متوسط لكن كنت بقرأوأطلع دلوقت التعليم المتوسط زفت طلب مني أحد الموظفين الجدد مفردات مرتبه فطلبت منه كتابه طلب يفيد ذلك رد قائلا معلش ممكن تكتبي الطلب وانا أمضي عليه إكتشفت عند الأمضاء رداءة
الخط وأنه ضعبف في الإملاء بعد 12سنه تعليم طبعا بالغش ..
تبرير الغش من أجل حفظ ماء الوجه هو نفسه تبرير السرقه لتحسين المستوى المعيشي هو نفسه تبرير التحرش الجنسى لعدم القدره الماليه علي الزواج
وهونفسه تبرير لبس المحزق والملزق لأن الحجاب حريه شخصيه وليس فرض ودى أيام البنت بتعشها لما وصل الأمر للعرى لا ملزق ولامحزق .
ردك فيه مرار انا حسه بيها أوضاع مقلوبه مش قادرين نعدلها وبنحاول نبرر
ونبرر ولكن الى متي؟؟؟؟؟؟؟؟؟؟؟؟؟؟؟؟
ربنا يستر ها علي شبابناوولاياناويجعل الأيام القادمه خير عليهم إن شاء الله
الأبنه ميرو منوراني
موضوع الغش له فروع متعدده عامل كده زى الأخطبوط وهوزى منتي شايفه قفش فينا ولافف علي رقبينا .
تفتكرى هي واقعة الغش دى بس اللي مزعلاني دى حاجات أكثر بكتير من اللي ذكرتيه ومن ناس المفروض فيهم انهم قدوه وذات ثقه ...
أأأأأأأأأأأأأأأأأه يامرارى
إرسال تعليق