الأربعاء، 25 فبراير 2009

من أرشيف حياتي(إن لم تستحي إفعل ماشئت)

الأتي مجموعة سلوكيات لأناس رمو برقع الحياء علي طول زراعهم مروا في حياتي بالصدفه في قطار عند حد أعرفه ...ألخ


الأول واحد كان يتكلم بصوت عالي وبكل فخر علي أنه بيذهب للمحلات وقت الأوكازيون


ويقوم بمغافلة البائعه ويقوم بسرقتها بمساعدة زوجته المجبره علي هذه الفعله لأنها


علي خلاف مع أهلها وليس لها مأوى ولا عائل ,,الغريب إن هذا الشخص ليس بالفقير


أو المحتاج وإن كان هذا ليس بمبرر لإرتكاب جريمة سرقه ...


كنت أستمع له وانا مندهشه وهو يعطي لنفسه هذا الحق وبقوله مش حرام عليك سرقه وضرر


للبائعه ممكن يقطع عيشها أو يخصم منها ثمن البضاعه المسروقه ॥ يرد يقول ربنا بيسلط أبدان علي ابدان


مؤكد بتسرق صاحب المحل وصاحب المحل بيسرق الناس لما بيبيع لهم بسعر عالي لو إحنا غلط كنا


إتقفشنا !


قلت له مش يمكن ربنا بيديك فرصه للتوبه ।


رد ربنا بيسترها ودينا بنتسلي


لم أجد جدوى في ردعه ولم يعجبني كلامه ولكني كنت زعلانه علي زوجته وفي نفس الوقت متغاظه منها


انا لو منها آخد إبني واروح لأهلي أبوس رجليهم وأعيش معاهم ولو أكلها بملح ॥
صحيح إن لم تستحي إفعل ماشئت

الثاني أخت قامت بتربية أختها الصغيره بعد موت الوالدين ॥وتزوجت وكان أول ماطلبته من زوجها إقامة أختها



في منزل الزوجيه ,,وكبرت الأخت وأصبحت شابه جميله وعروس يتمنها زين الشباب ....


زاد من يتقدمون يخطبون ود الأخت وهي تتدلل وتتمنع وذات يوم خرجت الأخت كالعاده لعملها


ولكنها لم تعد في موعها المعتاد وأحست أختها الكبرى بالقلق ....وإنتظرت وصول الزوج الذى تأخر


وإتصلت الزوجه بالأقارب والمعارف الذىن قامو بدورهم بالبحث والسؤال ؟؟؟؟؟؟



وجاءت الإجابه


كالصاعقه!


ونزلت عليها كالطامه الكبرى!!!


فقدت الوعي لمدة ثلاثة أيام !


قالو لها زوجك أبو عيالك فر مع أختك خارج البلاد بعد أن طلقك وتزوجها


قدما إستقالتهما من العمل وفور الموافقه رتبا حالهما وحدث ماحدث


كانت تقول لنفسها ممكن الزوج يخون لكن أختي اللي لم أقصر معها رعيتها وسهرت عليها


وكان كل همي راحتها ومستقبلها ؟!


طب إزاى حصل ده انا مكنتش ملاحظه أى حاجه عليهم كتير سألت نفسها كل هذه الأسئله


ولم تجد غير هذه الإجابه إنهم لايستحقو لحظه أن تفكر فيهم لأن أمامها مسئوليه أكبر رعاية


أولادها ومستقبلهم وأن تفكر في حياتها القادمه ॥


وتكاتف أفراد العائله في مساعدتها علي ذلك...



إن كان بختك في حجر أختك إخطفيه وإجرى



الثالث أثناء عودتي من الأسكندريه في الثانيه المكيفه كان هناك رجل يرتدى بدله ورابطة عنق




يجلس علي المقعد بجواره شنطه قيمه باين عليه أنه إبن ناس


جاء الكمسرى يطلب التذاكر ... نظر له الراكب وقال له أنه لم يحجز من الشباك


سأله الكمسرى راكب من فين قاله من طنطا


قاله إحلف ॥ حلف الرجل بشرفه وبالله أنه راكب من طنطا


نظر إليه الكمسرى وقال بس انا مش مصدقك وأسر الرجل علي موقفه


فما كان من الكمسرى غير أنه حسب التذكره من طنطا قائلاللراكب انت وضميرك


إلتقط الراكب التذكره وهو يشعر بالإنتصاروالفخر بأنه قدر يقنع الكمسرى ويضحك عليه



ماذا لو سأل الكمسرى الركاب عن البلد التي ركب منها هذا الفهلوى ألم يشعر بالخجل وهو يعلم


إن من حوله يعلمون انه راكب من الأسكنريه وكيف جرء علي الحلف بالله كذب


من شاف الباب وتزويقه من جوه نشفان ريقه



الرابع أم لها إبنه في المرحله الثانويه عندما تقوم الأبنه بسلوك خاطئ تنهاها الأم عن ذلك خوفا علي مصلحتها


قامت الأم بتهديد الأبنه أمامي وقالت لها سوف أحكي لأبيكي لكي يكون له تصرف معك


وبدل من أن تخاف الأبنه وتطلب من أمها السماح قالت لها طب إعمليها كده وحيكون فيها طلاقك!


فغرت الفاه غير مستعوبه الرد॥


وجدت الأم تهدئ الأبنه بسكون وخوف هو ده جزاتي إني خايفه علي مصلحتك ؟


قلت لها انت مالك صوتك إنخفض وكأن البنت ماسكه عليكي زله ...


قالت عيله وطايشه ... عرفت إن الأم بتطلب فلوس من الزوج لشراء خزين للبيت


وبتشترى كميات أقل من المطلوب وبتخنصر الباقي ده غير إنها أحيانا بتقوم ببيع طيورها


للجيران بدون علم الزوج ....


قلت لها يعني تودى بنتك في داهيه نتيجة تصرفاتها الطايشه علشان متخبص عليك


علي رأى المثل "مدام رب البيت بالدف ضارب ما شيمة أهل البيت إلا الرقص"


انتو الأثنين عايزين قطم رقبتكم




هناك 14 تعليقًا:

جلال كمال الجربانى يقول...

السلام عليكم ورحمه الله وبركاته

الشخصيات دى لم ترمى برقع الحياء بل باعوه وباعوا أنفسهم والعينات دى موجوده بكثره ولا نلتفت لها للأسف لأن الكل مشغول بحاله وللعلم ممكن يكونوا مرضى نفسياًوفى حاجه للعلاج
وأشكرك على هذه التأملات الأجتماعيه المفيده

وحفظكم الله
ووفقنا وإياكم الى ما يحب ويرضى

Safwat Rabea يقول...

ابله وفاء انا سعيد جدا بمعرفتك
وبجد الصحافه السويفيه محتاجاكى ان شاء الله بالاراء تحياتى صفوت

وفاء بركات يقول...

عليكم السلام ورحمة
الله وبركاته
المشكله في كل واحد مشغول في حاله
لما أصبحو وباء يدمر الأخضر واليابس
وربنا يشفيهم ...
والشكر لحضرتك علي التعليق والمرور
ودمت

وفاء بركات يقول...

أهلا صفوت باشا
انا أسعد بيك وبمعرفتك
وأتمني لك مستقبل باهر وأشوفك صحفي ناجح ولامع ...
ولك مني كل تقدير وإحترام..

وفاء بركات يقول...

الأبن الغالي سيمباوى
الف حمدالله علي سلامتك ...
والحمد الله إطمنت عليك ربنا يكفيك شر طريقك ويحافظ عليك في غربتك ..
تقبل تحياتي

Unknown يقول...

لاحول ولا قوة الا
بالله العلى العظيم
صور وللاسف بنشوفها كتير
فى ارض الواقع وخاصة الهربان
من دفع التذكرة سواء اتوبيس
ولا قطر ولا أى حاجة ومنطقه ان
الحكومة(سارقاه بالضرائب )المختلفة
اللى قربت تأكلنا شوية شوية لكنومهما تحاولى معاه او مع
غيره مفيش من الامثلة
اللى ضربتيها
مفيش فايدة
(نسوا الله فأنساهم أنفسهم)

الحقيقة المصرية يقول...

بشرى ساره جدا لجميع المدونين المتضامنين مع الحقيقه المصريه في كفاحها ضد شركه او مصنع تراست للكيماويات مصنع الموت ببورسعيد اليوم الاثنين 2 مارس 2009
طلب احاطه علجل بمجلس الشعب مقدم من عضو مجلس الشعب الدكتور اكرم الشاعر ضد الشركه وسنحضر هذه الجلسه ان شاء الله وسنعرض تفصيلها لاحقا بمشيئه الله على مدونتنا الحقيقه المصريه تحياتي تامر مبروك لكل شريف ومحترم وقف معنا في هذه القضيه سواء كان بمصر او خارجها وهذه هي اولى الخطوات للتصدي لهذه الشركه التي تريد تدمير بورسعيد الباسله على حساب مكاسبها وارباحها التي تقدر بالمليارات لزيارتنا نرجو زياره مدونه الحقيقه المصريه
http://elhakika.blogspot.com/

من غير عنـــوان يقول...

... عجبا... وليس بعجب في هذا الزمان...

زمان التفاخر بالخطأ...
زمان عدم الحياء...

وضعتي أصبعك على جروح كثيرة في هذا المجتمع...

وللأسف .. وكما تعلمنا...
نقطه الأسود تقوم بتعكير الوعاءالأبيض

أمنياتي

وفاء بركات يقول...

السلام عليكم ورحمة
الله وبركاته
مرحبا د.نور
ربنا يعفو عنا ....المشكله تكمن
إن الشريحه دى من المجتمع أقنعت نفسها
بإنها علي صواب فيصعب إقناعهم بإن
يعدلو من سلوكهم..
وكما ذكرت" نسو الله فأنساهم أنفسهم"
تحياتي

وفاء بركات يقول...

الحقيقه المصريه
دعواتي لكم بأن يظهر الله الحق
وينصركم ...

وفاء بركات يقول...

أهلا بيك ياباشمهندس
زمان عدم الحياء للأسف
أصبح هذا الزمان كالثوب البالي
كلما رتقت فيه رقعه تظهر الأخرى
حتي أصبح لايحتمل مرور الخيط فيه
أملنا في ربنا كبير يصلح لنا الحال..
تحياتي

MaNoO يقول...

أولا السلام عليكم

هبدأ بالاخ اللى بيبرر السرقة أقول احنا ليه بقينا كدا افتقدنا للدين بصورة غريبة لا والمشكلة اننا بنعمل دين خاص بأساليب وحاجات احنا مش فاهمينها أصلا......

موضوع الأخت انا بجد مش متصور ان حد ممكن يعمل كدا لانى مش فاهم يعنى ايه الوحد ممكن يخون اخوه او اخته اذا كان اللى بيخون صاحبه بتقى عيبة فى الازمنة المحترمة

موضوع الكمسرى دى بيقولو عليها فهلوة وهيا والله بهدلة للواحد ولنفسه ماهوا لو مش معاه محدش هيقوله حاجة والناس كلها بتساعد انما معاه وعايز يبقى ناصح اعتقد ان دى قلة قيمة

الأم اللى هتضيع بنتها عشان اخطائها هيا مابنى على باطل فهوا باطل اما نوصل للزمن ان البنت تمسك على أمها زلة يبقى لازم نقف مع نفسنا فعلا

ولكن برده هقول كل مايحدث هوا جزء من حياتنا ومشاكلنا ولازم نشوف الجزء الحلو برده لانه أكيد هوا هيبقى سبب النهضة القادمة

تحيات استاذتنا الفاضلة واسف طولت عليكى واسف على التأخير

وفاء بركات يقول...

وعليكم السلام ورحمة
الله وبركاته
أهلا مانو نورتنا ياباشا المدونه تحت
أمرك انت بتقول درر كلام لايصيب القارئ بملل ...وجزئيه ان هناك من يفصل دين علي هواه حق وده شيئ خطير
والمفروض إن الإعلام والأزهر يكون لهم دور
في نشر الوعي الديني ..والرقابه علي
البرامج الدنيه بالفضائيات التي تسمح
لكل من هب ودب في الكلام في الدين دون
علم بإسم حريه الرأى والتعبير ..
تحياتي

بنت أبيها يقول...

فعلا ان لم تستحي افعل ما شئت

ربنا يهديه ويتوب لانه كده اصبح من المجاهرين بالمعصية

اما الثانية : ده نتيجة عدم اتباعنا لشرع ربنا سبحانه وتعالى

لانه معروف في الشرع انها انسانة تحل له .. فكيف تسمح بان تعيش معها .. كان لابد ما ان تبدأ في الكبر حتى ترى لها مكان اخر للعيش فيه .. بيت الجدة مثلا

وربنا يصبرها على ما ابتلاها

اما الثالثة : فعلا امهات اخر زمن