الاثنين، 28 يوليو 2008

وحشتني ياأيام سنيني


وحشتيني ياأيام سنيني

نفسي أضمك نفسي تحضنني

ياتري لو رجعتي راح يرجع

اللي سافرو وسافرتي وراهم

واللي غدرو واللي خانو واللي

حيروني معاهم

واللي أشتكو من بعدي عنهم

والشوق كواهم

ياتري راح يرجعو وتعودى ليه

ولا نستيني ياأيام سنيني

ياتري الضحكه راح تطل علي الوشوش

والتكشيره تروح ويرجع الوجه البشوش

ونشوف الناس زى زمان ملايكه

مش شياطين ووحوش

وترجع الطيبه ولمة الصحبجيه

ويلعب الولد ويا الصبيه في الحوش

ولب البطيخ والشمام في الطاسه يتقلي

والبطاطا تنشوي والحياه بسيطه

واللي في القلوب علي الوشوش ينقرى

والرضا والبركه اللي في القروش

ياترى راح تعودى ولانستيني ياأيام سنيني

كان في كل ساعه فرحه

وكل يوم عيد احنا اللي بنعمله

واللي عنده حاجه ناقصه تلقي الثاني يكمله

واللي ميعرفش نجرى عليه ونعلمه

م عمر حد قال انا مالي ولا راح ينوبني آيه

ولاحد افترى وملقاش اللي يقول له إتقي ربنا

الكل صحبه واللقمه واحده والوجيعه

نحسها كلنا والفرحه تملا قلبنا

ياترى يا أيام سنيني راح تعودي تاني

ولانستيني نفسي أضمك نفسي تحضنيني

وحشتينييييييييييييييييييييييييييي

ليست هناك تعليقات: