أنت مين ؟
كنت فى مجلس باتحدث بطلاقة لسان
سألونى انت مين ؟
قلها لنا فى بيان
قلت لهم عن اسمى وسنى وقبل كل ده انا انسان
قالوا ومهنتك ..قلت
مهندس بصمم بيوت دكتور للوجدان
اديب أورسام جايز اكون فنان
قالوا فى حيرة وعنوانك
قلت ساكن فى بيت وسط بحور بلا شطأن
تمشى على بحورى ما تغرق
وقولى حكمة وحلو المعان
متزوق بقوافى وأوزان
فيه من الصور اشكال والوان
قالوا عرفناك انت شاعر فنان
قلت لهم فعلا شاعر بانى جعان
ليست هناك تعليقات:
إرسال تعليق