كلام ع الماشي وانا ماشي

===========

ياماسك الشوك لازما تنجرح يدك

حتطيح في خلق الله تلقي اللي يهدك

رب الكون موجود يفنيك يا يذلك

كفايه إن طوب الأرض كارهك

عايز الكل طوعك ويسبح بحمدك

انا طايع للي خالقني وخالقك

لا لك حطاتي ولا ح بوس يوم يدك

بقلم/
وفاء بركات
===========

 يا إرهابي
ده الرسول قال المسلم اللي من إذاه الخلق سلم
=======
إفتخر بضلالك وليه إنتقم
إقتل بدم بارد وفكر نتن

أقف بقدم ثابت

وقلب كما الخروب ما ندم

ولريحة البارود شم

لاتهتز فيك شعره

وما يرمش لك جفن

ومتع عيونك بلون الدم

لروح تنتفض بين الضلوع واللحم

نلت الشهادة يا مغيب

ومشيت ورا اللي غيك

حتي لو المقتول جارك بن عمك أو خيك

ده والرسول قال المسلم اللي من إذاه الخلق سلم

بقلم ؟

وفاء بركات
===============



ضرب النسا خيبه يا عرة الرجاله
===========
أأأه من جماعه الرجوله عندها شنب

وهيئه بلا هيئه وفعل شوم عجب

لما هنتول بكف إيده للحرمه ضرب

ياترى دى قيلة حيله ولا قيلة أدب.

بقلم /
وفاء بركات

1. 20 نوفمبر

   إبن آدم
   
   إبن آدم اللي عايش دينته
   
   وكل حسبته انه فيها السيد
   
   فرض سطوته وإفترى وهدد
   
   اللي م يبوس جزمته ميت
   
   فاكر ياناس إنه فيها حيخلد
   
   عجبي عليك يا إبن آدم
   
   الدنيا لما تجيلك تكيد لك
   
   وإنت عايم في ذنوبك وكبرك
   
   إفتكر يوم ما يتحني ظهرك
   
   وتنفض الصحبه من حولك
   
   وتلقي عملك هو اللي فاضللك
   
   منين راح تهرب من ربك
   
   وانت كل حركه وحرف حاسبلك
   
   يوم صعود الروح وجسدك مدد
   
   عينيك مليانه خوف ولذنوبك تعدد
   
   إتقي ربك وبسرعه أرجع له لاتتردد
   بقلم /
   وفاء بركات
   
   ========================
   
   

   زمان قالو ف المثل عتاب الندل إجتنابه
   
   ساق الندل الهبل وعمل م بداله
   
   وبالدراع أخد إللي ماهو ماله
   
   صاحب الحق ثار ع الندل وسقاه م كاله
   
   خلع مركوبه وعلي راسه إداله
   
   يستاهل الندل م جرى له
   
   بقلم /
   وفاء بركات

    

   ---------------------------------------

    

    

   ضرب النسا خيبه يا عرة الرجاله
   ===========
   أأأه من جماعه الرجوله عندها شنب
   
   وهيئه بلا هيئه وفعل شوم عجب
   
   لما هنتول بكف إيده للحرمه ضرب
   
   ياترى دى قيلة حيله ولا قيلة أدب.
   
   بقلم /
   وفاء بركات

يا وطن

سن القلم من حبك عشق السطور

وغزل احلي كلام نغم مسطور

والقلب علت دقاته وفي سجداته

يدعيلك تعيش ياوطن منصور

تعيش ياوطن ويسلم حراسك

فاتح برجلك شاقق ترابك فاسك

محقق أحلامك وأحلي ما فيك ناسك

يكيدبك العدو تعلا في السما راسك

بقلم/
وفاء بركات

17/1/2014
منذ 16 دقائق

كلام جوايه
نحن بحاجه للصراحه والوضوح في هذه المرحله لن نقبل بأصحاب الملمس الناعم والسم الزعاف في ضحكاتهم فحيح وكلامهم يحمل الف معني ومعني الوجه يرسم السماحه والقلب كله غل وسواد من يجيد التمسكن حتي التمكن كفانا ما عنيناه ....لن نقبل أن يراهن علينا كائن من كان نقبل أن نكون طيببين حسني النيه ولا كن نرفض أن نكون أغبياء ينقصنا عدم التقدير وبعد النظر ...نعلم جيدا أن القادم صعب وآن الإرهاب سيخرج أسوء ما عنده .
سيدى الشيخ يونس مخيون نريد موقف واضح منك ومن أتباعك ولن نقول كما قالت الجماعه الإرهابيه من ضدنا يبقي عدونا فنحن في الأخر مصريين
والكلام موجه أيضا لكل السياسين كبار وشباب إن لم يكن لكم دور إيجابي فعال في النهوض بالوطن وتوعية الشعب دون تلميع أنفسكم فشكرا وعودو من حيث أتيتم .....

مش عاوزيين


مش عاوزيين نوايب

إحنا عاوزيين نواب

يحلو مشاكل الغلابة

ويسألو عن الأسباب
 اا
مش واحد يأزاز لب

وع المحمول يلعب العاب

ولا نايم ولا متاخد غياب

سيبك بقي من الرشه إيها

وبوقين الحنيه ياعم إنسها

معدش يحوق ده كله معانا

خلاص مش حنبص ورانا

إنت المسئول قدامنا

لوفهمت ياموقر حتما حتكسب رضا نا
==================

مش عايزيين وزير ع الكرسي مرحرح

عايزينه كده حرك وملحلح

عايزيين حكومة شباب مش عجوز مكحكح

عايزيين دراسه ميدانية لحياتنا العشوائيه

واللي مبني من غير  أساس لابد يتصلح

التعليم لافي راس ولا الكراس والطلبه بتنسنكح

والصحة عدمانه لاحقنه ولا أقراص عايزه تتشرح

والتموين مش راضي الناس ومن المشاكل بيترنح

وقيس علي كده باقي الوزارات واللي مش قادر يروح

لم أكن  اعلم أن هذا الوجه الطفولي البرئ وهذه البسمه البلهاء تخفي ورائها مأساة
طفل عانا من إهمال أمه الجاهله والتي عرضته بجهلها للنزلات معويه وامراض
معديه ..... فحنق علي كل الأمهات حتي عندما اصبح مديرا لمكتب وكيل الوزارة
بمحافظته  لم تغب هذه الصورة عن عنيه وظل ذهنه محتفظا بها ......
والآن وعندما أصبح مسئولا كبيرا وبعد هذه السنين الطوال مازالت يسيطر عليه
الحنق علي كل أمهاتنا الفلاحات في محافظته الذى لم يفكر أن يقدم لها حلولا
لمشاكلها من الصرف الصحي والبطاله والتعليم السئ  والأرض الزراعيه التي
ملحتها مياه الصرف اكثر من 920 فدان  شرق النيل كانت تأتي بالقمح والذره ومحاصيل أخرى
قضي عليها من مياه الصرف الصحي  تماما وإستغلها الأهالي في بناء البيوت...
وأفاض رئيس وزرائنا الهمام وأضاف عن تعرض الفلاحه للإغتصاب وهي رايحه الغيط
يعني انت عارف وساكت يافضيحتك وجرستك علي الفضائيات طب إيه اللي عملته ياحيله
يامغندر أقولك علي فكره واعتذر لإن أصدقائي الكرام لم يعتادو مني الخروج عن النص
ولكني مظطره لأن  أقول يجب تعديل أسماء الرجال  في محافظتنا وتوحيد ها  بإسم قرني
ده كلام يتقال يا هشام بيه ياقنديل ياسليل احد العائلات العريقه يا إبن الأصول  ,,منذ جئت لهذه المحافظه
وعمرى أربعون يوما وحتي الآن وأنا أقارب الستون عاما وانا ا تعامل مع الفلاحات ومن قبلي أمي
وهن سيدات مكافحات يساعدن أزواجهن بالحقول , ويحضرون الي البندر ليبيعو منتجاتهم وحصاد أرضهم في أسواقه
لايعيبهم الجهل الذى فرضته عليهم الظروف بل أضع علي رؤسهن تاجا من الزهور لكفاحهن من أجل تعليم أولادهن
وأنت تعلم أيها الوزير المبتسم أن هناك قريتين ببني سويف من أوائل القرى التي تهتم بالوصول بأبنائها الي أعلي
مراتب العلم وهما بني هارون وتزمت ..
فلاحات بني سويف المحترمات الفضليات الشريفات مثلهن مثل كل المصريات مكافحات يحببن أسرهن ويعملن
من أجلها ولا يبخلن عليها بالجهد والعرق ولا حتي بالمال لن تهرب من تفاهة قولك فأنت فاشل في كل شئ
في التحاور وفي إدارة البلاد وحتي في إخفاء خيبتك



===========================================


آآه يازمن فيه الإخلاص ذهب
وحل الصفيح مكان الدهب
وغلبت السفاله فيه الأدب
وكبير القوم وعد وكدب
والقوم إتمزعو في غضب
بعدما إتفككو كما حزمة حطب
يسهل كسرها والمكر غلب
وإذا عرف السبب بطل العجب

=================================


بيوت مصر الآن يا أما بها شهيد أو مصاب أو مفقود
او مكتئب مما يشاهده والكل بلا أمل وتوشحت القلوب
بالحزن وغطي السواد البدن

================================

شوفتو إنصاص القوالب لما قامت
والخسيس خلي دموع الأصيل سالت
شبع الخسيس من الحرام والسحت
من بعد عيشتة الجوع والقحط
طلع ياناس من تحت
حفر للأصيل فحت
وداس عليه لأجل يعلا
وحتي ما وراه في اللحد

===================================

صدقوني
صدقوني قلبي إتفتت بين ضلوعي
صدقوني الدمع إتحجر في عيوني
صدقوني حلمي بيصرخ امتي روجعي
أمتي تلاقي خطوتي سكة ربوعي
صدقوني

ياحماده يا صابر زى كل المصريين
سحلوك وضربوك بشهادة الملايين
خارج تطالب بحقوك خالي اليدين
حتي لما جوعت رفضت تاكل سحت
خوف من يوم الدين
قلبي معاك حماده وسحلك ده نياشين
ده حتي عار عليهم يستقوو ع الغلابه
ويهينو الإنسانيه بأفعال مجانين
علمتنا يا حماده كده الدين ببساطه
معني جميل إتحملت ألامك وإهانة ذاتك
ولا تقوم فرقه بين المصريين
لا بيحقق أجنده ولا قابض قرشين
ولا زى اللي فرقونا بإسم الدين
راجل يا حماده وطني علي قد فهمك
واللي إتخلي عنك وجرح قلب بنتك
م يتبكيش عليه إمسح بفخر دمعك
كلنا بنقولك معاك متعاطفين
اوع في يوم تخجل إنك إتسحلت
أرفع راسك لفوق حتي لو قلعوك ملط
العار كاسيهم من فوق لتحت
واللي إتعرى همه مش زى م فتكرت
عايزين يخوفوك عايزين يسكتونا
عايزين يدوسو تاني ع رقاب أبونا
لكن خلاص معادت تاني يكموننا
مش بس إنت اللي صابر كلنا صابريين
وأهي بينا فاضت وملينا الميادين

بقلم \
وفاء بركات

 

 =========================================

 

مصدر أمني : قوات الأمن المركزى لم تجرد المواطن المسحول حماده صابر من ملابسه.

سيدى المسؤل سادق سادق بسراحه .. الموضوع يرجع إننا في فصل الشتاء والعوامل الجويه لها تأثير علي المعادن وبما إن الناس معادن والمواطن المسحول واحد من الناس فهو يتمدد بالحراره وينكمش بالبروده ...وفي حالة إنكماشه من البروده وليس من الخجل أو الخوف إذ فجأتا تنسلت ملابسه بمحض إيرادتها ودون تدخل من الشرطه البرئية والشعب ده دذمه وعايز دنازه ويشبع فيها لطم ..
ومن كتر تعاطي التيرامادول والبانجو اللي بيتوزع مع الجبنه النستو في المياديين إتخيلو المشهد علي إنه سحل مع إنه كان فيلم كارتون ..
إفهمو بقي ياشعب متمرد شكاى ولا بيطمر فيكم زيت ولا سكر ولا قوافل يا مصر يا أم ولادك أهم .ز
آه يابلد هان فيك دم الولد وإتكشفت عورة البنات والدم في عروق حكامك بقي بارد والضمير فيهم مات
وفاء بركات

شعبك يا مصر
كنت فاكر إني فيك متستر
كرامتي محفوظه ما تتبعتر
أتاريني بحلم ولا بسكر

لما قلت ثوره يعني م حنكسر
يعني نفس آمنه م تنقهر
لقيتني بتسحل وبتهتر

طلقو عليه كلابهم يرهبوني
علشان يخرسوني
جردوني من هدومي
هتكو عرضي وضرب شبعوني

كتر عماهم وغباهم
بنت ست شاب صبي
إضرب بأمر الولي
يا مصر أهلك ربنا يتولاهم
بقلم\
وفاء بركات

 

===============================

 

 

 مصر أصبحت بالألوان بلاك بلوك وايت بلوك وقريبا ريد بلوك وجرين بلوك وهلم جرا ... أقصد يعني أن القانون يطبق علي كل البلوكات وسائر الألوان ..مش كده ولا إيه

 

==============

 

 أرجوك لاتكلف نفسك مشقة إتساع فمك لتوهمني أنك تبتسم بوجهي فانا في غني عن رؤيا بسمتك الصفراء
وفاء بركات

 =============

 

 كتبت الورده علي جدار الأشواق
ذهب رحيقي فقد أهملني الساق
وذبلت وجفت الأوراق
وتناثرت هنا وهناك
ولم يعد في غصني غير الأشواك

وفاء بركات

 

 

 

خلاص بقه العصفوره طارت
والعقول صلت لربنا وإستخارت
ودعت بالخلاص وبيه إستجارت
عرفت غصنها وم إحتارت
هي من نفسها شجرتها إختارت
++++++
قاعد ولا همك الدم مش مدمك
من علي تويتر بتحكم شعبك
بتغرد في قلب أوجاعه يا جبايرك
وبتهدد وبتتوعد حاطت ف عينه صبعك
=============
عايزين تلبسونا الطرح
وتنايمونا كما البلالينِ
عداني العيب وقزح
دحنا ديوك صاحيين

عذر أقبح من ذنب...أن نلقي علي القدر إهمالنا وتقصيرنا في حق الغير وما ينتج عنه من أثار سلبيه تؤدى للموت...
حوادث الطرق والقطارات أخطاء بشريه نعم أوافقكم الرأى حكومتنا المتعاقبه ومن يلتمسون لكم الأعذار ,, أليس هناك ما يسمي بتنميه العامل والعمل علي تحسين أدائه بعمل دورات تدريبيه أو أختيار العماله الجيده المدربه علي أعلي مستوى ,,ونحن نعلم جيدا أن الدورات التدربيه نتعامل معها كنوع من تغير المود وقضاء وقت هو أقرب للإستجمام من العمل أكثر من إنه إضافه لخبرتنا هذا غير إنه بيكلف المصلحه مبالغ طائله دون إستفاده .أيضا يجب عمل كشف طبي علي سائقي السكه الحديد وعمال التحويله وغيرهم وكذا علي سائقي السيارات للإطمئنان علي سلاماتهم وخلو دمائهم من المخدرات ..
وعمل كا ميرات مراقبه في الطرق والشوارع لكشف المخالف ..مد السكه الحديد ببوابات إلكترونيه ...توعية طلبة المدارس بالتعامل مع وسائل النقل العام وإشارات المرور وإحترامها ..فيه مثل قديم بيقووووووووووووووووووووووووووووووووووووووول
بيت المهمل بيخرب قبل بيت الظالم ..ويدلقو القهوه من عماهم ويقولو الخير جاهم..والمؤمن لايلدغ من جحر مرتين وإحنا بنروح للجحر ونقول تاني تاني لو قدر لي الموت حموت وكأن الله عز وجل لم يأمرنا في كتابه العزيز بالحفاظ علي أنفسنا
وَأَنفِقُواْ فِي سَبِيلِ اللّهِ وَلاَ تُلْقُواْ بِأَيْدِيكُمْ إِلَى التَّهْلُكَةِ وَأَحْسِنُوَاْ إِنَّ اللّهَ يُحِبُّ الْمُحْسِنِينَ {البقرة:195}،
ومتهيأ لي لو أنفقنا في صيانة الطرق والقطارات وتحسين مستوى الخدمات الصحيه والتعلميه وغيرها سيكون إنفاق واجب في سبيل الله مش في سبيل الجماعه ولا الإنتخابات قربت والزيت والسكر غلي وأضحك علي الشعب بإيه..

·

ليه تنتحر لما ممكن شهيد تموت

يلا يا مصرى إختار إزاى تموت
موته مريحه في قطر بيقول تووت
ولا تغرق في بحر ياكلك حوووت
و لاكل المسرطن من وانت صغنطوط
ولا تموت برصاصه في قلبك تفوت
وأنت واقف في مظاهره وسط حشود
ولا واقف تدافع عنا علي الحدود
ولا تحت أنقاض عماره مبنيه ببسكوت
ولا في طريق سريع مظلم كله سكوت
ولا تموت بجلطه أو مفروس بلا صوت
ليه تنتحر لما ممكن شهيد تموت
يلا يا مصرى إختار قبل ما تتمني الموت

مصر تعاتب رئيسها
ولادى لبسوني توب مهلهل
حتي وشي اللي كان منور مهلل
خيم عليه حزن وبكي وصويت مجلجل
ومؤيد ومعارض وفكر مغيب مضلل
وجيت انت علينا بدستورك تكمل
وشقيت قلبي نصين نص ثاير ونص يحرم ويحلل
نص سبته يصرخ ويهاتي مش حاسه منك
ونص حاطه جوه عينك أهلك وعشيرتك
فين ميزان الحق قولي وليه ما وفيت بوعدك
وانت اللي قايل إن مصر كلها أهلك وشعبك
قلت نهضه هتجيب خير للبلاد
قلت عداله بين كل العباد
قلت مال منهوب حيعود
والرأى يحترم والكل عندى سواء
بعد شويه الشعب صحي وفاق
علي غيوم ملبده وعقول ملفوفه بسواد
والنهضه طلعت حلم زائف
والعداله كلام قذائف
والمال تاهت سكته
وزرعت بينا الخلاف
وضميرك بانت لبته
ومش عايزني منك أخاف
أنا مصر كل ولادى حبة عنيه
من كل مله وكل الأطياف
بقلم \
وفاء بركات


 الفاتورة حسابها كام
مافيش غيرى بيدفع
عشان أعيش شبعان
لازم للكوته أطفح
وأقول يارب أمان
يكون لي ف الكرامة مطرح
ليه حسبتي كلها إطرح
ياللي عايم في البسين
وأنا في المجارى أسبح
انا أكل العيش برمله
وأنت تاكله فله مرحرح
عايش في برجك العالي
والأسعار في جيبي بتنزح
ولما ننزل في الميدان
تسيبنا كما الكلب ننمبح
والجديد جماعه ناهيه
تنكد عليه لو حتفسح
ليه خانقني ومكممني
وتقول لي أوع لحنكك تفتح
خلاص بقي كيلي فاض ماعدت امزح
وللفاتوره مش راح أدفع وراح أتلحح
بقلم\
وفاء بركات


 يهدف مشروع النهضه إلي خفض تعداد المصريين إلي 15مليون نسمه وذلك بعمل عروض للموت 30000جنيه علي الراس أما طريقة الموت فهي مفاجأة مدهشه الموت غرقا أثناء الفرار من ضيق العيش أو الموت حرقا طمسا لإختسلات أو الموت بعربات القطار أو علي الطريق السريع أو علي المحور أو تتجند أمن مركزى أو تموت تحت أنقاض عماره مخالفه أو تموت مفروس ...
ويعد هذا المشروع الوطني من أقوى المشاريع التنمويه حيث يعمل علي إفساح مكان للصهاينه للعيش بحرية وإستثمار أموالهم في مصر وعودة الفلسطنين إالي فلسطين,,وأيضا حيتمتع المصريون الباقين علي قيد الحياة وأغلبهم حيكون إخوان أو تيارات إسلاميه بباقي أهداف مشروع النهضه المتوقف العمل بها حتي يتم تنفيذ الهدف الأثمي السابق وهو التخلص من المصرييين..
وحسبنا الله ونعم الوكيل

إنت وردة في غصني
لانت ليكي أشواكي
وأنت بسمة ثغرى
طاقت لحسنك أشواقي
تطوف عيناى في من حولي
فلا ترى غير محياكي
أشم عطرك ف يثملني
وأسمع صوتك يطربني
وتهيم روحي للقياكي
نسيت حروف إسمي
ضللت عنواني
ولم أعد أذكر غير إسمك
وكل السبل تهدى لدربك
فأعيدى قلبي ولبي
وعودى لأفناني
سأحيطك بأوراق عمرى
حتي تسقط وتبقي
أنت عالقة بأغصاني
بقلم /
وفاء بركات

 

 ============================

 

بحبك لأخر نفس فيه

قلت أبعد يمكن أنساكي
بعدت وفضل قلب معاكي
عاشق جمالك مفتون بهواكي
ياساحرة الكل بحسنك حتي عداكي

قسيتي كتير عليه وأقول سليتيني
تكتب دموع عيني ع صفحات سنيني
هنا فرحه لنصرك وهنا دمعه لعسرك
ألقاكي ياحبي يتضميني وأضمك

ياللي حروفك محفوره بقلبي
مرسومه في ملامحي
حبك بيجرى بدمي ساكن جنبي
ياصبره وطيبه كتير بتسامحي

ياللي شعرك سنابل دهب مجدوله بحنيه
ياللي عينيك خضرها عجب نظره والنبي ليه
ياللي خطوتك تهز ألف بلد يا أم أحلي ولاد مصراويه

ياحلوه كتير قبلي وصفوكي
بأحلي كلام لكن ما وفوكي
كفايه تقل بقي وحياة أبوكي

يامصر من رب العباد محميه
ارضك ونيلك وجندك وشعبك
وسماكي عشت يامصر حره أبيه
وألف مليون تالت ورابع وخامس
بحبك لأخر نفس ليه
بقلم /
وفاء بركات