أمي انا بحبك
أمي فين حضنك
أمي نفسي أضمك
أمي إشتقت لقلبك
أمي وحشني صوتك
أمي وحشني صوتك
أمي ورثت الصبر منك
أمي يرحمك ربي وربك
في يوم عيدك يا أمي
كل سنه وانت طيبه
يا ست الحبايب يا حنينه
بدعيلك في سجودى
وقلبي بيطرح شوق ليكي
ليكي مني الف بوسه وبوسه
وبقدم لك أحلي ورودى
يا حامله همي وحاسه
بيه في عز سكوتي
قلبك يجرى عليه
يضمني وأضمه
وتبكي عينيه تغسلي حزني
وبعد شويه تلاقي الضحكه
ماليه وشي والفرحه بيرقص حواليه
تملي في عينك لسه الصغار
حتي وولادنا مالين لك الدار
بيجرو ويمرحو وعيونك يفرحو
النور في وجودك والبركه
في لقمتك حتي لو كنا كتار
في يوم عيدك يا أمي
كل سنه وانت طيبه
=================
لما حظى مال رحت انا وبخته
مال عليه وقال ماكنش ده وقته
انا لا خسع ولا بحب الكسل وانتخته
دور كده يمكن السبب في المخ وزنخته
ولما عرفت السبب صلحت كل اللي لبخته
=======================
ان مال عليك الزمن ميل علي دراعك
اوعاك تحكي لحد اوجاعك
ولا تشترى خسيس في يوم باعك
ولا تآمن لقلب خانك وعمره مطاعك
=================
صباح الفل علي اللي خلي قلبي يتكسر
خنجرالغدروالخديعه طعني وقلبي إتحسر
ويرد عليه الدهر لما كنت منه بستفسر
ما تندم قدمت الخير لجل بالوداد تستأثر
بعزم ما فييه في الظهر ضربك واتنصل
بتدور الأيام ويخلص من الندل المتأصل
بعده عنك غنيمه صده لو حاول ليك يوصل
واحمد ربك واحذر ان ده تاني يحصل
بتسأليني ايه هي حروفي
انت كل كلاماتي ومعانيها
انت نبضي وكل حاله بعانيها
انت كل كلمة حب بعنيها
انا المشدود لقلبك
وانا المكسور لهجرك
انا المنصوب علي بابك
انا المرفوع وانا جنبك
وانا المسكون بشتقلك
انت لحني وغنايا
انت المزروعه جوايا
بعدك الدنيا وما فيها
استخلصت من حروفي احلي مافيها
اربع حروف مستني تقوليها
أحبك ومش عاوز كلمه بعديها
لأنك حبيبتي
لأنك حبيبتي ما حزعلش منك
لأنك بقلبي وما أستغني عنك
فرحك وجرحك هجرك وصالك
وحيرتي وجنوني وسهر جفوني
وحبي ليكي وشكوتي منك
بكل جوارحي قلبك ده صرحي
وفيها أيه لو ليه تصارحي
وأسمعها منك وليه تصالحي
أأأأأأأأه لو تنطقيها وتنسي وتسمحي
من غير ما تقوليها شايفها ف ملامحك
في نظرة عنيك في همسة شفايفك
ف رعشة ايديك بقلبي اللي شايفك
دقات قلبك بتنده عليه قلبي يناديك
بسرعه يلاقيك تقلانه عليه
لو عني شردتي أو حتي طيرتي
في بحورك سبحتي
انا مش حسيبك لأنك حبيبتي
ليست هناك تعليقات:
إرسال تعليق