مدونة وفاء بركات

معقول ده الإحساس

كأني ماشي في ليل طويل

كأني في دنيا من غير ناس

بصرخ بصمت بعلو الصوت

قلبي بيعزف لحن الموت

ريقي جف في حلقي شوك

رغم إتساع الفضا مخنوق

معقول كده وانا في عز فرحتي

وانا بجهز بدلتي يوم كتابنا تبعتي

خلاص اللي بينا انتهي

من يومين كنا مع بعضنا

دوبت فيه ودوبت فيكي

شوفت الدنيا في عنيكي

كنت بتسمعي نبض قلبي

بيناديكي

تسيبي كل الناس وتمدى لي

إيديكي

معقول من غير لحظة ألم ودموع

ندم تودعيني

من غير نبض شوق تهجريني

من غير عتاب ولا جواب لحيرتي

بتقطعيني

معقول في عز فرحتي

وانا مجهز بدلتي

يوم كتابنا تبعتي

خلاص اللي بينا انتهي