الاثنين، 5 ديسمبر، 2011

علي صفحتك

علي صفحتك

علي صفحتك الزارقه
كتبت كلام كله عذوبه ورقه
وحاكيت لك عن قلب صاقي
مليان وفا ومحبه
وضحكة صبايا الصادقه
وخطيت علي شطك بتحسس
خطايا مع إني بصير
طالت بيا الخطاوى وانا لسه بسير
ويوم نادني الهوا قلت في سرى خير
وسمعت لصوت النداوقلبي للندا لبي
بصيت فوق للسما وقلت يا الله
سبحانك يامالك الأرض والسما
ياللي عبادك المؤمنه ليك سجده

==

علي صفحتك الدافيه في عز ليلك
كتبت بحروف وافيه وقلت لسكونك
عاشق هوا النسمه عطشان لسلسبيك
ووشوش مبتسمه وزقزقة عصافيرك
وضلة صفصافه علي شطك راسيه
فردا غصونها علينا بالحنان راخيه
تحتها فرشنا وسمعت حكاوينا
لاباحت بسرنا ولاطريق خطاوينا
فينا اللي إفترق واللي كان له زفه
وانتي ياصفصافتي مازلت حنينه وساخيه

======

علي صفحتك رسمت خطوط
ورسمت قلب بين الضلوع محطوط
ورسمت دمعه سالت علي الخدود
ورسمت فرحة ضحكه عددت كل الحدود
ورسمت مركب بشراع ومجدافين
ورسمت كمان حبيبين
بصين علي شط الهواالموعود
شقو صفحتك بالأمل عارفين
عارفين إزاى يوصلو لشطك
ويعدوا دواماتك ويكسرو السدود

=====

علي صفحتك كتبت كل حكاياتي
فرحي وأنيني وذكرياتي
بحبك ياأسمروسمارى منك
ده شهدك رويني بيسرى في وريدى
بحبك بحب صمتك بحب سحرك
بقولها بلساني بدقة قلبي برمشة عيني
وبكتبها بأيدى بحبك يا أسمر بحبك
ياني-----------------------لي










هناك تعليقان (2):

norahaty يقول...

ومالىّ الأ أنت
ومالىّ الأ صفحتك
اكتب عليها ما اتمنى
فليس لىّ الأ أنت وحسبى أنت

وفاء بركات يقول...

حبيبتي انت تكتبي في آى مكان يعجبك
ياقلبي ...ده انت تنورى وتشرفي آى مكان تروحيه وتعطرى أى صفحة تكتبي عليها
يارب ماتحرم من طلتك ولا كتابتك أبدا
دمت بصحه وبخير