الجمعة، 26 أغسطس، 2011

قوم يا مصرى

قوم يا مصرى مصر دايما بتنديك والله ما يوريك لما المصرى يقوم مفيش صعب أو مستحيل يقف قدامه قمة الشجاعة واٌلإقدام



ولو الموضوع يمس مصر ياداهيه دقي علي دماغ العدو يومه يبقي غطيس ووقعته زحل
, بصراحة انا ضد



, بصراحة انا ضدالمليونات لإن في إعتقادى إنها تؤدى الي الفوضي وتعطيل المصالح , مع تحفظي علي تباطئ كل من المجلس



العسكرى ومجلس الوزراء في الإستجابة لبعض المطالب المشروعة للثوار وعدم تبرير التأخير في الإستجابة



وهذا الأمر يدعو الي إستفزاز جموع الشعب المؤيدين للثورة ويكون حجة للخروج للمليونات ,



وفي المليونات نسمع حورات وتشكيك التيارات السياسية والدينية بعضهم البعض وتيار ينسحب وآخر يرفض



الإشتراك في المليونيه وهذا يضعف موقفهم السياسي ويهز صورتهم اما الرآى العام ومن رؤيتي الشخصية



إن جميع التيارات لاتعمل من أجل الخروج بمصر من تلك المحنة العصيبه علي قدر ما يبذلوه من جهد لعمل شو



إعلامي يعمل علي تحقيق مصالحهم في الأيام القادمه ليدعمهم سواء في الإنتخابات القادمه لمجلس الشعب أو



إنتخابات الرياسة ولم يستوقفني موقف حزب يبين دوره وتآثيره في الأوضاع الحالية في مصر اوالمساعدة في



إيجاد حلول للمشكلات المستحدثة التي ظهرت علي السطح بفعل التغير السياسي أو حتي وجود حلول مناسبه للمطالب



التي لم تحقق حتي الآن سواء من المجلس العسكرى او الوزارى...............ز



نقطه ومن أول السطر علشان حوضح لماذا هذا السرد السابق بصراحه رد الفعل العفوى البطولي والشجاع من الشاب



المصرى البسيط الذى إستفزه إجتياز العدو الإسرائيلي لحدودنا وقتل وإصابة جنود من أبنائنا من قوات الأمن المركزى



والجيش وانتظر كما إنتظرنا موقف يعبر عن رد فعل عقلاني وليس مندفع ولكن يحافظ علي كرامتنا لم نبغي حرب



ولكن نبغي إحترام المواثيق والعهود والتي يضرب بها الصهاينه عرض الحائط ووصل بهم الجليطه لحد عدم الإعتذار



وأعلن النتن بأنه لم يعتذر لمصر ولكنه آسف علي قتل مصريين وجاء إعتذار الرئيس الصهيوني بارد وخالي من اللياقه



بإيطار من العجرفه المعهوده لديهم فدم العرب عندهم بلا ثمن وشعر الشاب احمد الشحات بقلب كل أم واب أوزوجة وابن او ابنه



او اخت فقدت غالي لديها شعر بثورة الغضب التي ملأت قلوب المصرين ومدى إحساسهم وهم يروا علم العدو يرفف



في سماء مصر وهو من قتل خير شبابنا ومازالت دماهم الزكية تندى رمال سيناء لم يعبأ بأدوار العماره ولم يفكر فيما كان



سيتعرض لإطلاق النار من الحرس أو ان يسقط من آى إرتفاع لم يفكر ان ينتظر حتي تبعث الخارجيه لسحب السفيرالمصرى



من إسرائيل ولاطرد السفير الأسرائيلي من مصر لم يعد الأدوار الواحد والعشرين حتي لا يعطي نفسه فرصة للتردد



أطلق صيحة الحرب بداخله الله اكبر كما فعل ابوه وأعمامه وأخواله في حرب اكتوبر وتوكل علي الله وبسرعة اخذ يصعد



يصاحبة هتاف المتظاهرين امام السفارة حتي بلغ النهاية واسقط علم إسرائيل ورفع علم مصر وكأنه سمع مقولتي لإبنتي


وانا أقول لها لن يهدئ قلبي إلا بنزول هذا العلم الحقير من سماء بلادى ...


وعندما ظهر علي شاشة الجزيرة مباشر مع الداعية الإسلامي دكتور صفوت حجازى بهرني بباسطته وتواضعه ورفضه


لأى تكريم له وقال بكل تواضع للمذيعة انا لم افعل ما فعلت للشو الأعلامي والإكتساب من وراءه ولكن فاعلت هذا بدافع من وطنيتي



وحبي لهذا البلد وتحقيق مطلب لكل مصرى حر لا يقبل المهانة أو الإستهانة ببلده ما أجملك يا أحمد سلمت يداك ياولدى سلمت



لأبويك ولمصر انت وكل حر يمشي علي ارض مصر أعدت لي صورة محمد أفندى أول من رفع علم مصر علي ارض سيناء



الحبيبة في حرب اكتوبر المجيدة في سنة 73 وليشهد التاريخ في كل لحظة علي صدق مقولة خير خلق الله سيدنا محمد عليه افضل



الصلاة والسلام بأن أهل مصر خير أجناد الأرض .....



وسواء كان هذا الفعل بغرض جس نبض إسرائيلي للمصريين أو حجة علي رد هجوم علي حافلة اسرائيليه أى كان الغرض بسأل سؤال



للصهاينة والأمريسكان ولكل من يقف بجانب الكيان الصهيوني عندكم دكر من دهر دكر راضع من لبن امه يعمل زى احمد الشحات



لدرع واقي ولاحبل مؤمن ولا جوانتي في الإيد ولاجندى مارينز مدرب علي احدث طرق التسلق يفعل ما فعله احمد الشحات الشاب



المكافح الكادح المصرى صاحب الأربع والعشرون عاما ده اليهود بيجرو من اطفال الحجارة وبيردوا عليهم برصاص مطاطي



ومساميرى ...


بلاش تستفزونا لكي لايقوم الثأئر فينا ويقلب الأرض علي من يعادينا وسألو عن من فقع عين موشيه ديان وأذهب رجولة شارون



أدراج الرياح أسألو عساف ياجورى يوم أسره بكتيبته واسلحته في حرب اكتوبر المجيد أسألو عن خط برليف الذى سوقتو



له بأنه لا يقهر ولكنه هوى وترنح امام إرادة جند مصر ابطال العبور عندما سمع نداء



قوم يامصرى مصر دايما بتنديك


قوم ده نصر مصر دين واجب عليك


اطلق جند مصر صيحة النصر


وكانو في الجو نسورا وفي البرأسودا


وحطمو أسطورة جيش صهيون الذى لايقهرطحطيما















هناك 11 تعليقًا:

norahaty يقول...

السلام عليكم ورحمة
الله تعالى وبركاته
وكل سنة وانتى
طيبة يامدام
وفـــــاء
وكل أحبابك
وكل المصريين
بألف خير أما بخصوص
أحمد الشحات فالبركة فى
المحللين والمعليقين على الحدث
وبعد ما كان الواحد فرحان ب
بعمله دا رجع زعل لـما
كركبوا الدنيا علينا
وقعدوا يقولـولك
الأعراف والعهود
الدولية والمعاهدة
ومش عارفة ايه !!خلونى
أشك فى نفسى منهم لله

وفاء بركات يقول...

وعليكم السلام ورحمة الله وبركاته
وكل عام وانت وكل احبابك بخير وطيبين
معلقين ايه وهباب ايه الجزيرة مباشر مصر كانت متابعة الحدث اول بأول ولاحس ولاخبر علي قنواتنا حاجه تكسف وهومكتوب علينا ناخد فوق دماغناومنردش عليهم علشان المواثيق والعهود دول صهاينه يعني ياخافو ميختشوش
ودى تلكيك علشان يحققوا غرضهم بالتغلغل جوه سينا الل يطلعه من عنيهم لكن ده بعيد عن شنبهم علي جثثنا مش كفايه بيدنسو ارضها تحت مسمي السياحة وجواسيسهم اللي طلقنهم علينا والخراب اللي كانو عايزين يوصلونا ليه وشرائهم للذمم الفاسده لأجل يدخلو الملبيدات المسرطنة لمصر والبذور التي لاتصلح لإعادة زراعتها مرة اخرى ومحاولة القضاء علي القطن المصرى طويل التيله المشهور به مصر عالميا واخذ بذور من مصر لزراعتها في إسرائيل وإطلاق الشائعات علي مصر في كل انحاء العالم بأن مصر غير آمنة وإن مرض
أوكلاى سببه منتجات زراعية مصرية لضرب إقتصاد مصر اين العهود والمواثيق في عرفهم ومامدى إحترامهم لها وبعد الشر عنك آن تشكي في نفسك إحنا فقدنه الثقه فيهم

وجع البنفسج يقول...

ان شاء الله يكون عيد الفطر عيد سعيد على مصر الحبيبة ويصلح الأحوال قريبا .. حبيت أمر واقولك كل عام وانت بخير ، ينعاد عليك وعلى الأسرة الكريمة بالخير واليمن والبركات .

وفاء بركات يقول...

بارك الله فيك يا أجمل وأرق بنفسجايه شكرا علي المعايده كلك ذوق مرور مشكوره عليه ويعود الأيام عليك وعلي الأمه العربيه والإسلاميه بخير وآمن وإستقرار تحت حكم قادة يتقو الله في شعوبهم
اتمني مداومة التواصل

Beram ElMasry يقول...

الاخت الكريمه وفاء بركات
كل عام وانت واهلبيتك والحفيد الجميل في صحه وسلامه وسرور

انقطاعك عني يقلقني فارجو ان اسع بحصوركم في مدونتي
تحية وسلام ولاسلام مع بني اسرائيل

وفاء بركات يقول...

كل عم وانت وجميع من تحب بألف خير
إن كان إنقطاعي عنكم يقلقكم فسألكم علي يسعدني أشكرك علي المعايده وعلي السؤال
وأدعو الله أن يديم بينا المعروف ياأنبل إنسان متعكم المولي عز وجل بالصحة والعافية ولك مني وجميع أفراد عائلتي الف تحية وسلام ولا سلام مع إسرائيل

محمود المصرى يقول...

السلام عليكم ورحمة الله كلامك دخل نفوخى وخلانى حسيت ان فى بنات جدعه فى مصر كتير
بتمنى تقبلينى صديق وبتمنى تزورى مدونتى وتسيبى تعلقك على مفهومى للحرية
اخوكى محمود المصرى

الاحلام يقول...

تحيه وتقدير على ما يخط قلمك هنا فالمدونه مميزه جدا ورائعه
تقبلى مرورى واحترامى
الاحــــــــــلام

وفاء بركات يقول...

الأحلام
شكرا لكم علي المرور وتلك الكلمات الرقيقة..
تمنياتي بدوام التواصل وأكررشكرى لكم وكل عام وانتم بخير.

فشكووووووول يقول...

السلام عليكم وفاء هانم
تحياتى .. وكل عام وانت بخير
انا حـ اعلق وتعليقى حيكون صدمه لكتير من الناس
يا ست وفاء انا مش موافق خالص على اللى بيحصل
لا موافق على اللى عمله احمد الشحات ولا موافق على اللى عملوه امبارح فىالسفاره الاسرائيليه
من حقنا نحتج ونعمل مظاهرات امام السفاره ونعمل اللى نعمله
لكن نقتحم السفاره .. دا كلام تهريج وهبل ولعب عيال ما يفهموش يعنى ايه اقتحام سفاره اى سفاره حتى لو كانت سفارة جهنم
احنا ادينا كلمه وكلمة الرجاله لازم تحترم وتتحط على الراس .. واظن مصر اكبر من كل الرجاله اللى فى العالم ومصر اعطت كلمه انك يا هباب الطين يا اسرائيل حنعمل معاك علاقات دبلوماسيه ونفتح لك سفاره .. يبقى لازم نبقى عند كلامنا ونحترم كلامنا .. حتقولوا مش احنا دا انور السادات .. اقول لك كان بيمثل مصر الرجاله سواء كنا موافقين عليه او غير موافقين كان واجهة مصر امام العالم والا كان المفروض نثور عليه ونخلعه زى المخلوع بتاع اليومين دول .. حتقولوا الشرطه والجيش وخلافه والاعتقالات .. اقول لك دا ما يشفعش لنا امام العالم
كلام الجزيره مش كلام فارغ ولا كلام الامم المتحده كلام فارغ .. فيه اتفاقيات دوليه لابد من احترامها واصبح من الحقوق احترام المواثيق الدوليه مهما كان رأينا فيها
فيه طرق كتيره للتعبير ولاسترجاع حق الشهداء ..
شكلنا ايه امام العالم الآن
الثوره المصريه السلميه المتحضره التى احترمها العالم .,. شكلها ايه الوقت
يعنى هوا احنا شوية همج او شوية رعاع اللى يطلع فى دماغه حاجه يعملها ولا ايه
يعنى كل السفارات فىالقاهره تسحب البعثه بتاعتها عشان خايفه على نفسها من الناس الهمج دول ولا ايييييييه
احنا لحد امتى حتمشينا ادمغتنا وفتحة الصدر وناخد كل حاجه بفتحة الصدر ..

ليه احنا بنضيع حقنا والذى كان كالشمس الساطعه

تفتكرى اسرائيل بآلتها الدعائيه واعلامها العالمى حتفوت الموضوع دا بالسهل

يا عالم يا هوه احنا ضيعنا حقنا بهمجيتنا وادمغتنا الناشفه اللى زى الحجر

يا عالم يا هوه لازم يكون فيه فرمله على افكارنا المتهوره

يا عالم ياهوه شوية مخ .. شوية عقل .. شوية تفكير .. هو ما حدش بيفكر خالص ولا ايه الحكايه ..

طبعا نا كتبت التعليق ده ورزقى على الله ودا رأيى وكل واحد حر فى رأيه ..

على فكره دى فشكوول الجديده بعد ما ضاعت فشكول القديمه

تحياتى وكل عام وانت بخير

وفاء بركات يقول...

أهلاأ فشكوووول
انا في غاية السعادة لهذه الزيارة العزيزه بعد غيبه طويله
موضوع احمد شحات الي حد ما مهضوم لكن الهجوم علي السفاره الإسرائيليه أرفضه وقد علقت علي صفحة قلم رصاص واميمه الشاذلي علي الفيس بوك وهو تقريبا نفس رأى حضرتك اللي حصل أمس كان بعيدا كل البعد عن العقل والمسئولية.
إختلاف الرأى والمجادلة أصبح سيمه من سمات العصر المهم الا يفسد للود قضية لأن هناك ناس تعتنق فكرة من ليس معي فهو عدوى ..
الفكره إن وخداهم حماس الشباب ومش بيسمعو غير صوتهم وصعب إقناعهم وعدم وجود قائد لهم كل مجموعة تعمل علي حسب فكرها وتوجهاتها والمركب اللي فيها ريسين بتغرق ومحدش رزقه علي حد كلنا رزقنا علي الله يا أستاذنا شرفتنا ومبروك علي فشكول الجديده.
سلامي لجميع افراد العائلة الكريمه وعلي رأسهم الحاجه ام اسامة