الأربعاء، 13 أكتوبر 2010

انا لاهجرت ولا نسيت

أوعي تزعلي انا لاهجرتك ولانسيتك


وبندم علي كل يوم غبت عنك وماجيتك


لكن أعذريني وصدقيني انا حبيتك



وحبيت صحبه جميلة كانت معانا ود ومحبة


بكلمة حلوة في عز الشتا دفتني ودفيتك


صعبان عليه حالنا تخدنا تجيبنا لايوم تعبنا ولا زهقنا


مواضعها قصة حكاوى نعيشها كلمها بلسم مدقترش متحبوش


فشكووول هوسنا عمال يغظينا بكلام مفشكل متسلهوش



وعاشق صبابة علي الربابة بيغازل حبيبته بكلام


صادق من غير رتوش


وهو واحد من عمالنا عايش مبينا سلام مربع




وأضرب ياأبني كام خرطوش



برغم انه من غير عنوان رحت لحدة وشفت



حنان بيقطر حكمة من قلب إنسان يترفع لها



البرنيطة والطربوش




سؤالي الحصرى علي المحترم بيرم المصرى



السلام عليه ولاسلام مع الصهاينه ميستهلوش



وبن الملوح الله يعينه علي مشاكل في تداوينة



ويقدرة علي حل اللي غيره معرفوش



ومجداوية أرأها قوية كلامها جامد طلقة متخيبش



والغنية أم البنات نفسها هادى



طلتها تادية يسعد زمانها اطيب قلب واجمل وش


ويسمباوى يهدى سرة ويفرح بعوضه بس يترى ليه



عني مبيسألش



وصلح صلح غاب وتسرح فتره طويله عاد من تاني



بس لسه متكلمش



ونغم الجميله رقيقة كلمها سكر ومبالغش



ونور شاهين شقية خفة عمليه ومبتلعبش



وكلمات من نور بتشع حكمة كلمها كنوز

يارب عافيها ولا ترقدش



وأجمل إحساس رب يخليها لوالديها



ويرزقها بعريس محصلش




والصباغ ودكتور وائل أكل الفلافل ومن يومها مبنش



ومانو وشرم وغير معرف وحسونه كمان



وحسين لازومي وعم الجاريحي والمستنصر بالله


والنسر المصرى واللي بيسأل واللي مبيسألش


كله بسلم عليه وبقوله أتمني مني متزعلش



انا غصب عني عن التدوين بعدت لاكن أبدا ليكو منستش






هناك 5 تعليقات:

Unknown يقول...

ولا أحنا ممكن ننساكى ابدا يااستاذة وفاءوعارفين ان الظروف ساعات بتبقى اقوى مننا

Unknown يقول...

وشكرا جزيلاعلى
القصيدة الجميلة
اللى ما تتكتب
الأ من إنسانة
جميلة زيك
كــده

Beram ElMasry يقول...

الاخت العزيزة وفاء بركات
كل التقدير والاحترام لتعليقك الراقي الدافق بالحس المتميز والشعر الرقيق التلقائي الذكي
اسعدني تعليقك فلا تحرميني الزيارة والنقد لعل قلمي يستمر ومعذرة للتاخر في الرد حيث اني شبه كفيف


تحية وسلام ولاسلام مع بني اسرائيل

وفاء بركات يقول...

الله يخليكي بصحه وعافيه

ويبارك في عمرك ده بس من زوقك وكرم أخلاقك

دمت لي نعم الأخت والصديقه

وفاء بركات يقول...

أستاذى الفاضل بيرم المصرى


كم انا سعيده بتشريفكم وتعليق حضرتك تاج علي راسى

والف سلامه علي حضرتك

والسلام عليكم ولا سلام مع اليهود اللئام