الأحد، 26 يوليو 2009

مشاعر متضاربه

حكتب من قلبي نثر شعر حكتب وخلاص ... حكتب عن أيه عن مشاعر جوايه

بتخبط في بعض مش عارفه انا بجد فرحانه ولا زعلانه حقيقي إحساس غريب ومحير

كل إحساس فيهم بيشدني بقوه إليه عيني بتبكي وفي نفس الوقت بسمه علي وجهي !!!!

قلت لنفسي شويه شويه فكرى وتعقلي الموقف وإرجعي كام سنه ورا شوفي كنت بتتمني

إيه كنتي لما بتجيبي مسدس لعبه ليه كنت بتقولي له ده علشان تضرب بيه إسرائيل وترجع

المسجد الأقصي ..... إفتكرت يوم مإشتريت ظرف ليلتحق بالكليه الحربيه كنت فرحانه قد إيه

ولما مقبلش زعلت طب ليه دلوقتي ببكي ,... مش علرفه حتي بعد م رحت انا ووالده وأخواته

علشان نزوره في معسكر التدريب وحسيت بالتغير في شخصيته وقد إيه الجيش عمل فيه اللي

مقدرتش أعمله طوال 22سنه محمد كان وقته مش منظم مهرجل كان غير منتظم في الصلاه

كان عصبي ومفيش حاجه عجباه لقيت عكس كل ده ...

أول م دخلت بصيت في الطابور أدور عليه كلهم لبسين زى بعض ومتحمصين من الشمس

جرى علينا إترميت في خضنه علشان انا قزعه وهو إسم الله عليه طويل بكيت بحرقه علشان الجمعه اللي فاتت

لظروف خارجه عن إرادتنا مقدرناش نزوره وفكرت ساعتها ياترى إيه كان إحساسه وهو وحيد

في غرفته وزملائه مع زويهم بالخارج حلف ياماما والله مزعلتش ولا حاجه زملاء كتير أهلهم

مجوش ...كنا وخدين أكل معنا علشان ناكل معاه محدش مد إيده علي الأكل بقينا نزق الأكل في بقه

وهو يضحك ويقول إيه ده مينفعش معدتي أخدت علي كميه أكل معينه مش قادر, نديله عصيرو شويه

هب أكل إلا أن قال أبوالعيال مش يالا بقي إنفجرت في العياط بس بس لسه بدرى انا أولي بخمس دقائق

أقعدها مع إبني والجدع يسكتني ومحمد وخدني في حضنه ويقول وبعدين بقه متخلنيش أضايق بكائك

بيتعبني مشيت وانا طول الطريق بدعيله هو وكل زملائه ربنا يحميهم ويحفظهم من كل شر .....

وبرضه ببكي أصله وحشني قوى وحشني منكفته فيه وخناقنا مع بعض علشان الجهاز انت قاعد من بدرى

معلش صحابي مستنيني علي الشات وانا أعند فيه لأ حفتح المدونه ونفضل نشاكس في بعض

صدقوني مفيش حاجه ليها طعم حتي المدونه بدخلها بالعافيه ॥

ربنا يرجعه بالسلامه॥

إتصلت بأولاد صديقتي المتوفاه رحمة الله عليها وسألت عليهم وكنت بصبرهم وبسألهم عن أحوالهم

وفي نفس الوقت بتحامل علي نفسي حتي لايختنق صوتي وأقلب المواجع مش بقول لكم مشاعر

متضاربه ॥

ربنا يطمنكم علي حبايبكم ويرد كل غائب لأهله ويبعد عنكم كل شر..

لاأنسي أن أوجه شكرى للقوات المسلحه المصريه صانعة الرجال علي توفير أوتوبيسات لنقل

الأهالي داخل معسكر الزياره وأماكن الإستقبال ... أما الأهالي ربنا يسامحهم علي عدم النظام

في ركوب الأوتوبيسات والتزاحم رغم وفرتها وأيضا سوء إستخدام دورات المياه وعند لفت نظر

أحداهن قالت قطعين المياة نعمل إيه يعني طبعا فهمتو قصدى إيه

تصبحو علي خير

هناك 8 تعليقات:

Unknown يقول...

ياحبيبتى يامدام وفاء
ياحبيبتى والله والله وصفت
ما احسته اخت كبرى لى حين
ما زارت ابنها البكر لاول
مرة فى الكلية الحربية بالضبط
ما قالته لا كلمة اكتر ولا اقل :)
ربنا يطمنك عليه ويفتح فى وشك ووشه
ووش المسلمين اجمعين ابواب الرزق ويطمنا على الغايبين كلهم يارب
يـــــــــــــــــــــــــارب
ربنا يطمنك عليه يارب يارب يارب

Unknown يقول...

ربنا يباركلك فيه وفي اخواته وحفيدك القمر ياابله وفاء

ويطمنك عليهم يارب

أنستونا يقول...

السلام عليكم ربنا يرجعو بالسلامه و يطمن حضرتك عليه
يارب احفظ اولادنا و اخواتنا من كل شر اللهم اميين

وفاء بركات يقول...

العزيزه الغاليه د. نورهاتي
ربنا يخليك ليه ولكل اللي بيحبوكي
ويجزيك خير علي هذه الدعوات .
ويطمنك علي إبن أختك ويوفقه إن شاء الله
وربنا يرد كل غائب ويطمن كل أم علي أولادها .. ويحافظ علي شبابناويثبتهم
ويقوى إيمانهم
دمت لي أخت وصديقه .. دمت بخير وبصحه وعافيه

وفاء بركات يقول...

حطم قيودك
شكرا ليكي إبنتي الغاليه .. ويطمني عليك انت كمان..
دمت بخير

وفاء بركات يقول...

وعليكم السلام
الله يأنسك يا أنستونا
واللهم أمين أمين
شكرا . ربنا يبارك في عمرك

كلمات من نور يقول...

يا الله ما أصعبها من مشاعر حسيت بيها قوي وحسيت بمشاعرك ...الله يعينك يا سيدتي ويوفق شبابنا وبناتنا لما يحب ويرضى

وفاء بركات يقول...

كلمات من نور
حفظك الله من كل شر . شكرا علي إحساسك
بي ومشاعرك الدافئه .
دمت بخير