الخميس، 14 مايو 2009

من أرشيف حياتي (حكمتك يارب)

يامراحب يامراحب نورتوني بجد وحشتوني



حكاية النهارده كانو سماعي واحده عن طريق الأذاعه والثانيه من زميل لي في العمل



فكرين زمان برنامج من الحياه علي البرنامج العام ।ماعلينا



سمعت قصه يرويها رجل كان يعمل بشركة قطاع عام تقريبا كده في قسم المشتريات



لاحظت زوجته إصرافه ببزخ فسألته । عرفت منه انه بيقبل عمولات وبيضرب فواتير



حاولت الزوجه إثناءه عن هذا الفعل الحرام فلم يرتدع الزوج وحرصا منها علي الأسره إتفقت



مع الزوج أن يعطيها راتيه والحوافز والمكافأت التي يستحقها من عمله أما مايكتسبه بطريقه غير مشروعه



لايلزمها وحتي عندما نقل لشقه جديده مساحتها اوسع أصرت علي الأحتفاظ بالعفش القديم ॥ ومرت الأيام وهي لم تيأس



علي تقديم النصح للزوج والدعاء الي الله بأن يهديه ॥



في يوم كانت الأسره خارج المنزل وعند عودتهم رأو شيئا رهيبا الجيران هرعو اليهم



ليواسوهم وعربات المطافئ تطفئ الحريق المندلع في الشقه وكان سبب الحريق ماس كهربائي



دخلت الزوجه والزوج الشقه ولفت انتباه الجميع ان الزوجه قالت الحمد الله بكل رضا ومالت علي الأرض تقبلها



عندما سألها الزوج عن سبب رد فعلها هذا قالت له الم تلاحظ أن النار أكلت كل ماهو حرام ولم يتبقي لنا الا العفش القديم



النار اكلت الحرام وابقت علي الحلال إنها رسالة السماء لك لعلك ترجع عما انت فيه ...



أحس الرجل بالذنب عما فعله ورجع الي شقته القديمه وعاش بما يرضي الله عابدا مستغفرا



القصه الثانيه قصها علي زميل بالعمل ॥ لرجل كان يملك ارضا زراعيه وكان ميسور الحال




وكان هذا الرجل لايدخل بيته مالا إلا وأخرج عنه زكاه ... في أحد أيام رمضان وكان الجو شتا



قامت إحدى الفلاحات بحمي الفرن لعمل كحك العيد وماهي إلا لحظات حتي تطاير الشرر مسك في البوص



وطال الطيور طارت الطيور وكانت تسقط مشتعله علي أسطح الجيران وأصبحت القريه قطعه من جهنم والعياذ بالله



وجاءت عربات الأطفاء وأنقذت مايمكن إنقاذه توقف رجال المطافئ أمام بيت الرجل ميسور الحال وتعجبو لأن النار



لم تلحق بهذا البيت اللهم إلا باب البيت من الخارج وسأل الظابط اهل القريه عن الرجل فقال له احد شيوخها أن



زكاة ماله كانت حارسا عليه وعلي آل بيته ॥



ألايستحق هذا أن نقول ( حكمتك يارب )


هناك 18 تعليقًا:

Unknown يقول...

السلام عليكم ورحمة
الله تعالى وبركاته
نعم حكمتك يارب
فى اكبر شىء
وفى اصغر شىء
كل شىء بيخلقه
ربنا سبحانه وتعالى
وكل حدث يحدث لازم له
حكمة قد تغيب عنا بفهمنا
القاصر ولكنها لازم موجودة.

Unknown يقول...

ولا أنسى تعليقاً او مثل
شعبى كان شيخنا الشعراوى
رحمة الله عليه دائما يتذكره
(ما جاء من مهاوش ضاع فى مهابر!)

من غير عنـــوان يقول...

الحياة كلها عبر
واللي يعيش ويشوف ويسمع يتعلم

بس المهم يعي ما يسمع وما يرى

عارفة يا استاذة

في هذا الزمن الخاص بالنت والستالايت

كثرت جدا العبر والمواعظ والحكايات من باب كثرة المعروض
ولكن

القليل هم من يصلوا إلى المضمون

أحييك

أمنياتي

Wael يقول...

(:

سبحان الله فعلا
بس المهم اللى يتعظ

دمت بخير وسعادة :)

MaNoO يقول...

منورانا بعد غياب طبعا
حكمتك يارب فعلا على كل كلمة سواء فىا لقصة الاولى أو التانية ليه ياأستاذة متعمليش كتاب فيه الأرشيف دا بجد هتبقى حاجة مميزة لأن كل حكاية بتمدنا بمبادىء زمان وبروح زمان وبمصر بتاع زمان واحنا فعلا محتاجين دا دلوقتى لأننا نسينا الماضى وعشان كدا مش هنعرف نحقق فى الحاضر
تقبلى تحياتى

فشكووول يقول...

السلام عليكم وفاء هانم
تحياتى
والله يا وفاء هانم ربنا بيبارك فى المال الحلال وياخذ الحرام كما تاخذ النار الهشيم

وربنا يبارك لينا فى الحلال ويبعد عنا الحرام

ما عندكيش بقى حد يشترى القمح اللى عندى بدل من اطحنه واعمله عيش واقعد بيه فى الشارع واقول العيش السخن للبيع والناس تقف على طوابير بقى وتتخانق وتموت بعضها عشان العيش الحلال بتاعى

تحياتى وفاء هانم

DoNyA يقول...

سبحان الله
اللهم اجعلنا من عبادك الحامدين لك والشاكرين نعمتك
والراضين بقضاءك

DoNyA يقول...

استاذتي العزيزه

اتمني ان يكون في تأخيرك علينا
مانعا خيرا

بنت أبيها يقول...

فعلا حكمتك يا رب

قال رسول الله صلى الله عليه وسلم "كل لحم نبت من حرام النار أولى به"

ربنايعفينا من كل ما هو حرام

والزكاة ليست فقط حامية لاصحابها وانما تكون عامل من عوامل زيادة البركة في المال والاولاد والحياة بصفة عامة

تسلم ايدك

محمود النجمي يقول...

سبحان الله
الناس دي فعلا ربنا بيحبها
لانه بعتلها رسايل عشان ييرجعوا عن الخطأ
ربنا يهدينا ويهدي جميع المسلمين

وفاء بركات يقول...

وعليكم السلام ورحمة
الله وبركاته
رحمة الله علي شيخنا الجليل الشعراوى
بمكن الناس دى ربنا بيحبها وبعت لها رساله الدور والباقي علي اللي بيهلبو والشيطان عاميهم عن الحلال.
نورتني ياحبيبة قلبي.

وفاء بركات يقول...

أهلا ياباشمهندس محمد
للأسف بالرغم إن التكنولوجيا الحديثه
ساعدت علي المعرفه إلا اننا لم نتعامل كما يجب مع التجارب الإنسانيه بإجابيه
في تغير سلوكيتنا فالكثير يقرأها علي إنها حكايه للتسليه وليست عبره كالموت مثلا
عند مراسم الدفن الجميع في رهبه من المكان ومن الحدث وبعض أن نذهب بعيدا يعود البعض الي ماكانو عليه من كذب وغش ..الخ
وكأن شئ لم يكن ولكن نحن أخذنا علي عاتقنا رساله أن نقدم ماعندنا من تجربه لعل وعسي ان ينتفع بها إخوان لنا في الله وأتمني إلا نكون كمن يأذن في مالطه

وفاء بركات يقول...

اهلا والف سهلا
دكتورنا وائل نفسي الناس تتعظ
ياترى بحلم ؟
دمت بصحه وسعاده

وفاء بركات يقول...

الأبن العزبز مانو
آيه زمان دى دى كلها خامسه وخمسين سنه
يعني حاجه كده قريبه قوي لطف معايا لبعتلك وزه تعضك .
أعمل كتاب مره واحده تصدق إنها فكره تحتاج لبحث وتمحيص .
علي فكره يامانو روح الماضي بكل مافيها من صدق وشهامه وموده موجوده مازلت بداخلنا لأن كلها في دينا بس إحنا وعلشان معممش البعض منا بعد عن ربنا في رحلة البحث عن الثروه والسلطه
وكتير غير جلده وداس علي اللي رفعه
من يوم مالباطل قال للحق انت مش عارف بتكلم مين . او انت مش عارف انا ابن مين .وضاع الحق كل واحد فكر ياخد حقه بطريقته او يسكت عن حقه خوفا من النتيجه فحصل كلكعه جواه ..دست يامانو علي سبب همي الأيام اللي فاتت
خايفه علي الجيل اللي جاى خايفه علي بلد الأمن والأمان .
ربنا يستر

وفاء بركات يقول...

السلام عليكم ورحمة الله وبركاته
أ.ستاذنا وفليسوفناومحللنا السياسي
فشكووووووووووول
ربنا يكفينا شر اللحرام.. ويسترها معانا..
ياعم سوس القمح وهو يتباع هوا..
ولا أٌولك إعمل منه بليله باللحمه صنف
جديد وعبيه في علب ووزع علي الحبايب
أصل الحر جامد قوى وحضرتك رجل كبير مقام مينفعش تقعد علي الرصيف .
وممكن توزعه علي المدارس علشان العيال تعد عليه كوسيله تعليميه مش كنا زمان بناخد معانا المدرسه حبوب الفول والدره علشان نعد عليها هههههههههههه
هاىىىىىىىىىهاى .
ريح نفسك زى مقلت لك وزرعها مكرونه
تحياتي لك وللعائله الكريمه

وفاء بركات يقول...

دنيا

ربنا يتقبل منك الدعاء ويصلح الحال للجميع
ربنا يخليكي لي ومايحرمني من سؤالك عليه
انا بخير بس مهمومه شويه ربنا يفرج همي وهم جميع المسلمين أجمعين.

وفاء بركات يقول...

أهلا بالغاليه ابنة ابيها
شكرا علي المتابعه وربنا يكفينا شر الحرام ومن يستحله كلامك إضافه للبوست
ربنا يكرمك.
تحياتي

وفاء بركات يقول...

محمد النجمي
نورتنا وشرفتنا ..
ربنا يهدينا جميعا نحن نحتاج لمدده في هذه الأيام الصعبه.
تحياتي