الأحد، 21 ديسمبر، 2008

من أرشيف حياتي أسفه مش فكراكي

كنت في جوله تسويقيه أشترى فيها ملابس من شارع به محلات للبيع بالجمله والنصف جمله ।وعند تحدثي مع البائع
سمعت صوت فرمله سياره التفت لأجدها تنزل من السياره لتطمئن علي السيده وتعلن عن إستعدادها بتكفل بأى
مصاريف في حالة إصابتها ...في هذا الوقت مر بي شريط الذكريات وقلت في نفسي تهاني ياه زمن مشاء الله
واضح عليها العز حمدا لله عوضها خير أخذت تقترب ومع دنو الخطوه تتسع إبتسامتي ويتلاحق شريط الذكريات
علي صورة هذه الفتاه القابعه في ركن من سطح الجيران في عز شمس أغسطس تتألم جوعا وعطشا فقد ضمت لأبيها
بحكم محكمه ॥ولأن زوجة ابيها سليطة اللسان وأبوها ضعيف الشخصيه ॥ ترك الأب لزوجته مطلق الحريه في تربية
أقصد تعذيب البنت المسكينه كان يفصل سطح بيتنا وبيتهم صور خشبي سألتها مالك قالت لي بصوت أشبه بمواء قطه ضعيفه
جعانه وعطشانه ... نزلت درجات السلم مسرعه لأخبر أمي رحمة الله عليها فأعطتني الموجود وزجاجة ماء ...طلبت مني
الفتاه أن أقدم لها الطعام ساندوتش ليسهل عليها إخفائه في حال ظهور زوجة أبيها أو أحد أخواتها لأبيها ॥
أستمر هذا الحال فتره طويله حتي يوم طلبت مني الفتاه ابلاغ والدتها بما تلاقيه من عذاب وإستطاعت والدتي القيام بهذه المهمه وإتصلت
الأم بالشرطه وأثبتت حالة التعذيب علي الأبنه وأستلمتها جدتها لوالتها .....وعلمت زوجة الأب بدور أمي في هذا الموضوع
ونالنا منها طلقات من شتائم وإهانات إلي حد قامت بتسليط أحد أقربها مسجل سرقه بسرقة منزلنا لولا ذكاء كلبتنا فله وكلبنا إيدن
الذى سأحكي عن نوادرهم قريبا ॥
وقفت الفتاه بجوارى عدت من رحلة الذكريات قلت لها أزيك ياتهاني نظرت لي وقالت أسفه مش فكراكي قلت لها وفاء جارة زوجة أبيك
تجاهلتني ونظرت للبائع عندك ملابس داخليه ل وأشارت لأبنها جاء البائع بطلبها دفعت الحساب ومشت دون أن تلتفت لي وتركتني
وأنا أشعر بالخجل وقال لي البائع عادى ياأبله الدنيا بتغير ناس كتير
قصصت علي أمي رحمة الله عليها رتبت علي كتفي وقالت لا تغضبي منها هي معذوره تريد أن تنسي هذه الأيام العصيبه بحلوها ومرها
وإلي الأن أسمع صوتها أسفه مش فكراكي ...

هناك 11 تعليقًا:

من غير عنـــوان يقول...

هكذا حال الزمان
ورأي والدتك صحيح.. مش عايزة تفتكر الأيا الصعبه... يمكن عايزه كمان تنسحها خالص من الأرشيف
....


عموما إنت عملت اللي عليكي

تحياتي

المستنصر بالله يقول...

ياريت تعذريها يمكن تكون خايفه تحكى او تساليها عن حالها
ففضلت انها تتجاهل الرد على سؤالك

تحياتى لحضرتك

وفاء بركات يقول...

الأستاذ محمد أهلا بيك

سرني المرور والتعليق ....في حياة كل منا قصص ومواقف لايستطيع الزمن محوها
من الذاكرة..بين الحين والأخر أخرج ببعض منها لعلنا نكتسب منها درس أوحكمه أوحتي بسمه
تحياتي

وفاء بركات يقول...

المستنصر بالله
شرفتني ....انا لاأملك غيرأن أعذرها
لأني أقتنعت برأى أمي رحمة الله عليها
أتمني لها التوفيق من كل قلبي ويعوضها خير
علي ما لاقته من تعذيب وأهانه
تحياتي

وفاء بركات يقول...

السلام عليكم ورحمة
الله وبركاته
أعتذر لحضارتكم في تأخرى علي الرد علي تعليقاتكم التي هي روح مدونتي وأعتذر أيضاعن عدم دخول مدوناتكم التي اتنسم فيها جو الود والأخوه..
ذلك لإصابتي بنزلة برد شديده ...عفاكم الله وكفاكم شر المرض
شكرا

fashkool يقول...

ستنا وفاء بركات .. السلام عليكم
عادى يا ستنا بتحصل كتير ..وما علهش .. تلاقيها انكسفت منك ولا حاجه وعلى رأى والدتك .. عايزه تنسى .. وربنا يهديها .. لكن انت ووالدتك عملتم اللى عليكم ولوجه الله .. تحياتى يا ستنا.

DoNyA يقول...

اولا بالسلامه والعافيه لاجلك سيدتي ادعوا الله

ثانيا بالنسبه لهذا الموقف
كما قال البائع
النفوس يغيرها الزمن \
كما ان سماحتك تخلقي لها الاعذار
فجميع الاحتمالات موجوده
ولكن يبقي لك عملك الصالح معها زمان
عند الله محفوظ ومذكور

مودتي
ودعائي بالشفاء

وفاء بركات يقول...

الأستاذ فشكول
مرحبا بكم ...يمكن مقدرتش أفهم الموقف
ده إلا من قريب ..لما اتكرر مع ناس كانو في حال واصبحو في حال ولقيتهم بيهربو من كل ميربطهم بالماضي الأليم.
ربنا يصلح لهم الحال ...
وطبعا الحمد الله رب العالمين مقطنعه وعلي يقين بإن اللي عند ربنا باقي ..
لك تحياتي

وفاء بركات يقول...

donya
أشكرك والحمد الله أنا دلوقت احسن وربنا
يعافيك ويعطيك الصحه
من خبرة الأيام أصبحت مثل هذه الأشياء
حاجه عاديه زى أى حاجه كانت جميله في حياتنا لم يعد لها وجود لقد إفتقدنا التسامح والوفاء والشهامه والمروءه الود...لازم بعد فقد هذه المعاني الجميله تلتمسي عذر للمقصريين لالشئ إلا
لكي تستمر الحياة..
شكرا للمره الثانيه علي سؤالك عليه
وربنا يتقبل منك الدعاء ويشفيني ويشفي كل مريض..

fashkool يقول...

ازيك يا ستنا .. الشكل مش عاجبك .. طب انا اعمل ايه دالوقت البت سومه المجنونه سافرت خلاص وراحت بيتهم فى المعادى .. طب دى التجديدات دى كلفتنى غدوه وكمان حتة لحمه زياده للبت سومه المجنونه .. استحملينى بقى لما تيجى تانى عشان تغير الصوره دى .. تحياتى يا ستنا

وفاء بركات يقول...

ياأهلا ياأستاذنا
ربنا يجيبها بالسلامه .. وبعدين مش خساره فيها الغدوة وحته اللحمه عمله شغل حلو معدا الست النعكشه دى كله جميل ...
وبعدين مدونة حضرتك تدخل حتي لو فيها صورة عوووو
تحياتي